Nahum (Nahum): Nahum (Nahum) Chapter 2

Tanach (Hebrew): Nahum (Nahum) Chapter 2

‎1 ‏הִנֵּ֨ה עַל־הֶהָרִ֜ים רַגְלֵ֤י מְבַשֵּׂר֙ מַשְׁמִ֣יעַ שָׁל֔וֹם חָגִּ֧י יְהוּדָ֛ה חַגַּ֖יִךְ שַׁלְּמִ֣י נְדָרָ֑יִךְ כִּי֩ לֹ֨א יוֹסִ֥יף ע֛וֹד לעבור־ לַֽעֲבָר־ בָּ֥ךְ בְּלִיַּ֖עַל כֻּלֹּ֥ה נִכְרָֽת׃ ‎2 ‏עָלָ֥ה מֵפִ֛יץ עַל־פָּנַ֖יִךְ נָצ֣וֹר מְצֻרָ֑ה צַפֵּה־דֶ֙רֶךְ֙ חַזֵּ֣ק מָתְנַ֔יִם אַמֵּ֥ץ כֹּ֖חַ מְאֹֽד׃ ‎3 ‏כִּ֣י שָׁ֤ב יְהוָה֙ אֶת־גְּא֣וֹן יַעֲקֹ֔ב כִּגְא֖וֹן יִשְׂרָאֵ֑ל כִּ֤י בְקָקוּם֙ בֹּֽקְקִ֔ים וּזְמֹרֵיהֶ֖ם שִׁחֵֽתוּ׃ ‎4 ‏מָגֵ֨ן גִּבֹּרֵ֜יהוּ מְאָדָּ֗ם אַנְשֵׁי־חַ֙יִל֙ מְתֻלָּעִ֔ים בְּאֵשׁ־פְּלָד֥וֹת הָרֶ֖כֶב בְּי֣וֹם הֲכִינ֑וֹ וְהַבְּרֹשִׁ֖ים הָרְעָֽלוּ׃ ‎5 ‏בַּֽחוּצוֹת֙ יִתְהוֹלְל֣וּ הָרֶ֔כֶב יִֽשְׁתַּקְשְׁק֖וּן בָּרְחֹב֑וֹת מַרְאֵיהֶן֙ כַּלַּפִּידִ֔ם כַּבְּרָקִ֖ים יְרוֹצֵֽצוּ׃ ‎6 ‏יִזְכֹּר֙ אַדִּירָ֔יו יִכָּשְׁל֖וּ בהלכותם בַּהֲלִֽיכָתָ֑ם יְמַֽהֲרוּ֙ חֽוֹמָתָ֔הּ וְהֻכַ֖ן הַסֹּכֵֽךְ׃ ‎7 ‏שַׁעֲרֵ֥י הַנְּהָר֖וֹת נִפְתָּ֑חוּ וְהַֽהֵיכָ֖ל נָמֽוֹג׃ ‎8 ‏וְהֻצַּ֖ב גֻּלְּתָ֣ה הֹֽעֲלָ֑תָה וְאַמְהֹתֶ֗יהָ מְנַֽהֲגוֹת֙ כְּק֣וֹל יוֹנִ֔ים מְתֹפְפֹ֖ת עַל־לִבְבֵהֶֽן׃ ‎9 ‏וְנִינְוֵ֥ה כִבְרֵֽכַת־מַ֖יִם מִ֣ימֵי הִ֑יא וְהֵ֣מָּה נָסִ֔ים עִמְד֥וּ עֲמֹ֖דוּ וְאֵ֥ין מַפְנֶֽה׃ ‎10 ‏בֹּ֥זּוּ כֶ֖סֶף בֹּ֣זּוּ זָהָ֑ב וְאֵ֥ין קֵ֙צֶה֙ לַתְּכוּנָ֔ה כָּבֹ֕ד מִכֹּ֖ל כְּלִ֥י חֶמְדָּֽה׃ ‎11 ‏בּוּקָ֥ה וּמְבוּקָ֖ה וּמְבֻלָּקָ֑ה וְלֵ֨ב נָמֵ֜ס וּפִ֣ק בִּרְכַּ֗יִם וְחַלְחָלָה֙ בְּכָל־מָתְנַ֔יִם וּפְנֵ֥י כֻלָּ֖ם קִבְּצ֥וּ פָארֽוּר׃ ‎12 ‏אַיֵּה֙ מְע֣וֹן אֲרָי֔וֹת וּמִרְעֶ֥ה ה֖וּא לַכְּפִרִ֑ים אֲשֶׁ֣ר הָלַךְ֩ אַרְיֵ֨ה לָבִ֥יא שָׁ֛ם גּ֥וּר אַרְיֵ֖ה וְאֵ֥ין מַחֲרִֽיד׃ ‎13 ‏אַרְיֵ֤ה טֹרֵף֙ בְּדֵ֣י גֹֽרוֹתָ֔יו וּמְחַנֵּ֖ק לְלִבְאֹתָ֑יו וַיְמַלֵּא־טֶ֣רֶף חֹרָ֔יו וּמְעֹֽנֹתָ֖יו טְרֵפָֽה׃ ‎14 ‏הִנְנִ֣י אֵלַ֗יִךְ נְאֻם֙ יְהוָ֣ה צְבָא֔וֹת וְהִבְעַרְתִּ֤י בֶֽעָשָׁן֙ רִכְבָּ֔הּ וּכְפִירַ֖יִךְ תֹּ֣אכַל חָ֑רֶב וְהִכְרַתִּ֤י מֵאֶ֙רֶץ֙ טַרְפֵּ֔ךְ וְלֹֽא־יִשָּׁמַ֥ע ע֖וֹד ק֥וֹל מַלְאָכֵֽכֵה׃ ס

1 hinnēh ‘al-hehārîm raḡəlê məḇaśśēr mašəmî‘a šālwōm ḥāgî yəhûḏâ ḥagayiḵə šalləmî nəḏārāyiḵə kî lō’ ywōsîf ‘wōḏ la‘ăḇwōr- la‘ăḇār- bāḵə bəlîya‘al kullōh niḵərāṯ: 2 ‘ālâ mēfîṣ ‘al-pānayiḵə nāṣwōr məṣurâ ṣapēh-ḏereḵə ḥazzēq māṯənayim ’ammēṣ kōḥa mə’ōḏ: 3 kî šāḇ yəhwâ ’eṯ-gə’wōn ya‘ăqōḇ kiḡə’wōn yiśərā’ēl kî ḇəqāqûm bōqəqîm ûzəmōrêhem šiḥēṯû: 4 māḡēn gibōrêhû mə’ādām ’anəšê-ḥayil məṯullā‘îm bə’ēš-pəlāḏwōṯ hāreḵeḇ bəywōm hăḵînwō wəhabərōšîm hārə‘ālû: 5 baḥûṣwōṯ yiṯəhwōləlû hāreḵeḇ yišətaqəšəqûn bārəḥōḇwōṯ marə’êhen kallapîḏim kabərāqîm yərwōṣēṣû: 6 yizəkōr ’adîrāyw yikāšəlû ḇahăliḵwōṯām bahălîḵāṯām yəmahărû ḥwōmāṯāh wəhuḵan hassōḵēḵə: 7 ša‘ărê hannəhārwōṯ nifətāḥû wəhahêḵāl nāmwōḡ: 8 wəhuṣṣaḇ gulləṯâ hō‘ălāṯâ wə’aməhōṯeyhā mənahăḡwōṯ kəqwōl ywōnîm məṯōfəfōṯ ‘al-liḇəḇēhen: 9 wənînəwēh ḵiḇərēḵaṯ-mayim mîmê hî’ wəhēmmâ nāsîm ‘iməḏû ‘ămōḏû wə’ên mafəneh: 10 bōzzû ḵesef bōzzû zâāḇ wə’ên qēṣeh latəḵûnâ kāḇōḏ mikōl kəlî ḥemədâ: 11 bûqâ ûməḇûqâ ûməḇullāqâ wəlēḇ nāmēs ûfiq birəkayim wəḥaləḥālâ bəḵāl-māṯənayim ûfənê ḵullām qibəṣû fā’rûr: 12 ’ayyēh mə‘wōn ’ărāywōṯ ûmirə‘eh hû’ lakəfirîm ’ăšer hālaḵə ’arəyēh lāḇî’ šām gûr ’arəyēh wə’ên maḥărîḏ: 13 ’arəyēh ṭōrēf bəḏê ḡōrwōṯāyw ûməḥannēq ləliḇə’ōṯāyw wayəmallē’-ṭeref ḥōrāyw ûmə‘ōnōṯāyw ṭərēfâ: 14 hinənî ’ēlayiḵə nə’um yəhwâ ṣəḇā’wōṯ wəhiḇə‘arətî ḇe‘āšān riḵəbāh ûḵəfîrayiḵə tō’ḵal ḥāreḇ wəhiḵəratî mē’ereṣ ṭarəpēḵə wəlō’-yiššāma‘ ‘wōḏ qwōl malə’āḵēḵēh: s