Nahum (Nahum): Nahum (Nahum) Chapter 3

Tanach (Hebrew): Nahum (Nahum) Chapter 3

‎1 ‏ה֖וֹי עִ֣יר דָּמִ֑ים כֻּלָּ֗הּ כַּ֤חַשׁ פֶּ֙רֶק֙ מְלֵאָ֔ה לֹ֥א יָמִ֖ישׁ טָֽרֶף׃ ‎2 ‏ק֣וֹל שׁ֔וֹט וְק֖וֹל רַ֣עַשׁ אוֹפָ֑ן וְס֣וּס דֹּהֵ֔ר וּמֶרְכָּבָ֖ה מְרַקֵּדָֽה׃ ‎3 ‏פָּרָ֣שׁ מַעֲלֶ֗ה וְלַ֤הַב חֶ֙רֶב֙ וּבְרַ֣ק חֲנִ֔ית וְרֹ֥ב חָלָ֖ל וְכֹ֣בֶד פָּ֑גֶר וְאֵ֥ין קֵ֙צֶה֙ לַגְּוִיָּ֔ה יכשלו וְכָשְׁל֖וּ בִּגְוִיָּתָֽם׃ ‎4 ‏מֵרֹב֙ זְנוּנֵ֣י זוֹנָ֔ה ט֥וֹבַת חֵ֖ן בַּעֲלַ֣ת כְּשָׁפִ֑ים הַמֹּכֶ֤רֶת גּוֹיִם֙ בִּזְנוּנֶ֔יהָ וּמִשְׁפָּח֖וֹת בִּכְשָׁפֶֽיהָ׃ ‎5 ‏הִנְנִ֣י אֵלַ֗יִךְ נְאֻם֙ יְהוָ֣ה צְבָא֔וֹת וְגִלֵּיתִ֥י שׁוּלַ֖יִךְ עַל־פָּנָ֑יִךְ וְהַרְאֵיתִ֤י גוֹיִם֙ מַעְרֵ֔ךְ וּמַמְלָכ֖וֹת קְלוֹנֵֽךְ׃ ‎6 ‏וְהִשְׁלַכְתִּ֥י עָלַ֛יִךְ שִׁקֻּצִ֖ים וְנִבַּלְתִּ֑יךְ וְשַׂמְתִּ֖יךְ כְּרֹֽאִי׃ ‎7 ‏וְהָיָ֤ה כָל־רֹאַ֙יִךְ֙ יִדּ֣וֹד מִמֵּ֔ךְ וְאָמַר֙ שָׁדְּדָ֣ה נִֽינְוֵ֔ה מִ֖י יָנ֣וּד לָ֑הּ מֵאַ֛יִן אֲבַקֵּ֥שׁ מְנַחֲמִ֖ים לָֽךְ׃ ‎8 ‏הֲתֵֽיטְבִי֙ מִנֹּ֣א אָמ֔וֹן הַיֹּֽשְׁבָה֙ בַּיְאֹרִ֔ים מַ֖יִם סָבִ֣יב לָ֑הּ אֲשֶׁר־חֵ֣יל יָ֔ם מִיָּ֖ם חוֹמָתָֽהּ׃ ‎9 ‏כּ֥וּשׁ עָצְמָ֛ה וּמִצְרַ֖יִם וְאֵ֣ין קֵ֑צֶה פּ֣וּט וְלוּבִ֔ים הָי֖וּ בְּעֶזְרָתֵֽךְ׃ ‎10 ‏גַּם־הִ֗יא לַגֹּלָה֙ הָלְכָ֣ה בַשֶּׁ֔בִי גַּ֧ם עֹלָלֶ֛יהָ יְרֻטְּשׁ֖וּ בְּרֹ֣אשׁ כָּל־חוּצ֑וֹת וְעַל־נִכְבַּדֶּ֙יהָ֙ יַדּ֣וּ גוֹרָ֔ל וְכָל־גְּדוֹלֶ֖יהָ רֻתְּק֥וּ בַזִּקִּֽים׃ ‎11 ‏גַּם־אַ֣תְּ תִּשְׁכְּרִ֔י תְּהִ֖י נַֽעֲלָמָ֑ה גַּם־אַ֛תְּ תְּבַקְשִׁ֥י מָע֖וֹז מֵאוֹיֵֽב׃ ‎12 ‏כָּ֨ל־מִבְצָרַ֔יִךְ תְּאֵנִ֖ים עִם־בִּכּוּרִ֑ים אִם־יִנּ֕וֹעוּ וְנָפְל֖וּ עַל־פִּ֥י אוֹכֵֽל׃ ‎13 ‏הִנֵּ֨ה עַמֵּ֤ךְ נָשִׁים֙ בְּקִרְבֵּ֔ךְ לְאֹ֣יְבַ֔יִךְ פָּת֥וֹחַ נִפְתְּח֖וּ שַׁעֲרֵ֣י אַרְצֵ֑ךְ אָכְלָ֥ה אֵ֖שׁ בְּרִיחָֽיִך׃ ‎14 ‏מֵ֤י מָצוֹר֙ שַֽׁאֲבִי־לָ֔ךְ חַזְּקִ֖י מִבְצָרָ֑יִךְ בֹּ֧אִי בַטִּ֛יט וְרִמְסִ֥י בַחֹ֖מֶר הַחֲזִ֥יקִי מַלְבֵּֽן׃ ‎15 ‏שָׁ֚ם תֹּאכְלֵ֣ךְ אֵ֔שׁ תַּכְרִיתֵ֣ךְ חֶ֔רֶב תֹּאכְלֵ֖ךְ כַּיָּ֑לֶק הִתְכַּבֵּ֣ד כַּיֶּ֔לֶק הִֽתְכַּבְּדִ֖י כָּאַרְבֶּֽה׃ ‎16 ‏הִרְבֵּית֙ רֹֽכְלַ֔יִךְ מִכּוֹכְבֵ֖י הַשָּׁמָ֑יִם יֶ֥לֶק פָּשַׁ֖ט וַיָּעֹֽף׃ ‎17 ‏מִנְּזָרַ֙יִךְ֙ כָּֽאַרְבֶּ֔ה וְטַפְסְרַ֖יִךְ כְּג֣וֹב גֹּבָ֑י הַֽחוֹנִ֤ים בַּגְּדֵרוֹת֙ בְּי֣וֹם קָרָ֔ה שֶׁ֤מֶשׁ זָֽרְחָה֙ וְנוֹדַ֔ד וְלֹֽא־נוֹדַ֥ע מְקוֹמ֖וֹ אַיָּֽם׃ ‎18 ‏נָמ֤וּ רֹעֶ֙יךָ֙ מֶ֣לֶךְ אַשּׁ֔וּר יִשְׁכְּנ֖וּ אַדִּירֶ֑יךָ נָפֹ֧שׁוּ עַמְּךָ֛ עַל־הֶהָרִ֖ים וְאֵ֥ין מְקַבֵּֽץ׃ ‎19 ‏אֵין־כֵּהָ֣ה לְשִׁבְרֶ֔ךָ נַחְלָ֖ה מַכָּתֶ֑ךָ כֹּ֣ל׀ שֹׁמְעֵ֣י שִׁמְעֲךָ֗ תָּ֤קְעוּ כַף֙ עָלֶ֔יךָ כִּ֗י עַל־מִ֛י לֹֽא־עָבְרָ֥ה רָעָתְךָ֖ תָּמִֽיד׃

1 hwōy ‘îr dāmîm kullāh kaḥaš pereq məlē’â lō’ yāmîš ṭāref: 2 qwōl šwōṭ wəqwōl ra‘aš ’wōfān wəsûs dōhēr ûmerəkāḇâ məraqqēḏâ: 3 pārāš ma‘ăleh wəlahaḇ ḥereḇ ûḇəraq ḥănîṯ wərōḇ ḥālāl wəḵōḇeḏ pāḡer wə’ên qēṣeh lagəwîyâ yiḵəšəlû wəḵāšəlû biḡəwîyāṯām: 4 mērōḇ zənûnê zwōnâ ṭwōḇaṯ ḥēn ba‘ălaṯ kəšāfîm hammōḵereṯ gwōyim bizənûneyhā ûmišəpāḥwōṯ biḵəšāfeyhā: 5 hinənî ’ēlayiḵə nə’um yəhwâ ṣəḇā’wōṯ wəḡillêṯî šûlayiḵə ‘al-pānāyiḵə wəharə’êṯî ḡwōyim ma‘ərēḵə ûmaməlāḵwōṯ qəlwōnēḵə: 6 wəhišəlaḵətî ‘ālayiḵə šiqquṣîm wənibalətîḵə wəśamətîḵə kərō’î: 7 wəhāyâ ḵāl-rō’ayiḵə yidwōḏ mimmēḵə wə’āmar šādəḏâ nînəwēh mî yānûḏ lāh mē’ayin ’ăḇaqqēš mənaḥămîm lāḵə: 8 hăṯêṭəḇî minnō’ ’āmwōn hayyōšəḇâ bayə’ōrîm mayim sāḇîḇ lāh ’ăšer-ḥêl yām mîyām ḥwōmāṯāh: 9 kûš ‘āṣəmâ ûmiṣərayim wə’ên qēṣeh pûṭ wəlûḇîm hāyû bə‘ezərāṯēḵə: 10 gam-hî’ lagōlâ hāləḵâ ḇaššeḇî gam ‘ōlāleyhā yəruṭṭəšû bərō’š kāl-ḥûṣwōṯ wə‘al-niḵəbadeyhā yadû ḡwōrāl wəḵāl-gəḏwōleyhā rutəqû ḇazziqqîm: 11 gam-’atə tišəkərî təhî na‘ălāmâ gam-’atə təḇaqəšî mā‘wōz mē’wōyēḇ: 12 kāl-miḇəṣārayiḵə tə’ēnîm ‘im-bikûrîm ’im-yinnwō‘û wənāfəlû ‘al-pî ’wōḵēl: 13 hinnēh ‘ammēḵə nāšîm bəqirəbēḵə lə’ōyəḇayiḵə pāṯwōḥa nifətəḥû ša‘ărê ’arəṣēḵə ’āḵəlâ ’ēš bərîḥāyiḵ: 14 mê māṣwōr ša’ăḇî-lāḵə ḥazzəqî miḇəṣārāyiḵə bō’î ḇaṭṭîṭ wəriməsî ḇaḥōmer haḥăzîqî maləbēn: 15 šām tō’ḵəlēḵə ’ēš taḵərîṯēḵə ḥereḇ tō’ḵəlēḵə kayyāleq hiṯəkabēḏ kayyeleq hiṯəkabəḏî kā’arəbeh: 16 hirəbêṯ rōḵəlayiḵə mikwōḵəḇê haššāmāyim yeleq pāšaṭ wayyā‘ōf: 17 minnəzārayiḵə kā’arəbeh wəṭafəsərayiḵə kəḡwōḇ gōḇāy haḥwōnîm bagəḏērwōṯ bəywōm qārâ šemeš zārəḥâ wənwōḏaḏ wəlō’-nwōḏa‘ məqwōmwō ’ayyām: 18 nāmû rō‘eyḵā meleḵə ’aššûr yišəkənû ’adîreyḵā nāfōšû ‘amməḵā ‘al-hehārîm wə’ên məqabēṣ: 19 ’ên-kēhâ ləšiḇəreḵā naḥəlâ makāṯeḵā kōl| šōmə‘ê šimə‘ăḵā tāqə‘û ḵaf ‘āleyḵā kî ‘al-mî lō’-‘āḇərâ rā‘āṯəḵā tāmîḏ: