Hosea (Hoshea): Hosea (Hoshea) Chapter 6

Tanach (Hebrew): Hosea (Hoshea) Chapter 6

‎1 ‏לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃ ‎2 ‏יְחַיֵּ֖נוּ מִיֹּמָ֑יִם בַּיּוֹם֙ הַשְּׁלִישִׁ֔י יְקִמֵ֖נוּ וְנִחְיֶ֥ה לְפָנָֽיו׃ ‎3 ‏וְנֵדְעָ֣ה נִרְדְּפָ֗ה לָדַ֙עַת֙ אֶת־יְהוָ֔ה כְּשַׁ֖חַר נָכ֣וֹן מֽוֹצָא֑וֹ וְיָב֤וֹא כַגֶּ֙שֶׁם֙ לָ֔נוּ כְּמַלְק֖וֹשׁ י֥וֹרֶה אָֽרֶץ׃ ‎4 ‏מָ֤ה אֶֽעֱשֶׂה־לְּךָ֙ אֶפְרַ֔יִם מָ֥ה אֶעֱשֶׂה־לְּךָ֖ יְהוּדָ֑ה וְחַסְדְּכֶם֙ כַּֽעֲנַן־בֹּ֔קֶר וְכַטַּ֖ל מַשְׁכִּ֥ים הֹלֵֽךְ׃ ‎5 ‏עַל־כֵּ֗ן חָצַ֙בְתִּי֙ בַּנְּבִיאִ֔ים הֲרַגְתִּ֖ים בְּאִמְרֵי־פִ֑י וּמִשְׁפָּטֶ֖יךָ א֥וֹר יֵצֵֽא׃ ‎6 ‏כִּ֛י חֶ֥סֶד חָפַ֖צְתִּי וְלֹא־זָ֑בַח וְדַ֥עַת אֱלֹהִ֖ים מֵעֹלֽוֹת׃ ‎7 ‏וְהֵ֕מָּה כְּאָדָ֖ם עָבְר֣וּ בְרִ֑ית שָׁ֖ם בָּ֥גְדוּ בִֽי׃ ‎8 ‏גִּלְעָ֕ד קִרְיַ֖ת פֹּ֣עֲלֵי אָ֑וֶן עֲקֻבָּ֖ה מִדָּֽם׃ ‎9 ‏וּכְחַכֵּ֨י אִ֜ישׁ גְּדוּדִ֗ים חֶ֚בֶר כֹּֽהֲנִ֔ים דֶּ֖רֶךְ יְרַצְּחוּ־שֶׁ֑כְמָה כִּ֥י זִמָּ֖ה עָשֽׂוּ׃ ‎10 ‏בְּבֵית֙ יִשְׂרָאֵ֔ל רָאִ֖יתִי שעריריה שַׁעֲרֽוּרִיָּ֑ה שָׁ֚ם זְנ֣וּת לְאֶפְרַ֔יִם נִטְמָ֖א יִשְׂרָאֵֽל׃ ‎11 ‏גַּם־יְהוּדָ֕ה שָׁ֥ת קָצִ֖יר לָ֑ךְ בְּשׁוּבִ֖י שְׁב֥וּת עַמִּֽי׃ פ

1 ləḵû wənāšûḇâ ’el-yəhwâ kî hû’ ṭārāf wəyirəpā’ēnû yaḵə wəyaḥəbəšēnû: 2 yəḥayyēnû mîyōmāyim bayywōm haššəlîšî yəqimēnû wəniḥəyeh ləfānāyw: 3 wənēḏə‘â nirədəfâ lāḏa‘aṯ ’eṯ-yəhwâ kəšaḥar nāḵwōn mwōṣā’wō wəyāḇwō’ ḵagešem lānû kəmaləqwōš ywōreh ’āreṣ: 4 mâ ’e‘ĕśeh-lləḵā ’efərayim mâ ’e‘ĕśeh-lləḵā yəhûḏâ wəḥasədəḵem ka‘ănan-bōqer wəḵaṭṭal mašəkîm hōlēḵə: 5 ‘al-kēn ḥāṣaḇətî bannəḇî’îm hăraḡətîm bə’imərê-fî ûmišəpāṭeyḵā ’wōr yēṣē’: 6 kî ḥeseḏ ḥāfaṣətî wəlō’-zāḇaḥ wəḏa‘aṯ ’ĕlōhîm mē‘ōlwōṯ: 7 wəhēmmâ kə’āḏām ‘āḇərû ḇərîṯ šām bāḡəḏû ḇî: 8 gilə‘āḏ qirəyaṯ pō‘ălê ’āwen ‘ăqubâ midām: 9 ûḵəḥakê ’îš gəḏûḏîm ḥeḇer kōhănîm dereḵə yəraṣṣəḥû-šeḵəmâ kî zimmâ ‘āśû: 10 bəḇêṯ yiśərā’ēl rā’îṯî ša‘ărîrîyâ ša‘ărûrîyâ šām zənûṯ lə’efərayim niṭəmā’ yiśərā’ēl: 11 gam-yəhûḏâ šāṯ qāṣîr lāḵə bəšûḇî šəḇûṯ ‘ammî: f