Hosea (Hoshea): Hosea (Hoshea) Chapter 13

Tanach (Hebrew): Hosea (Hoshea) Chapter 13

‎1 ‏כְּדַבֵּ֤ר אֶפְרַ֙יִם֙ רְתֵ֔ת נָשָׂ֥א ה֖וּא בְּיִשְׂרָאֵ֑ל וַיֶּאְשַׁ֥ם בַּבַּ֖עַל וַיָּמֹֽת׃ ‎2 ‏וְעַתָּ֣ה׀ יוֹסִ֣פוּ לַחֲטֹ֗א וַיַּעְשׂ֣וּ לָהֶם֩ מַסֵּכָ֨ה מִכַּסְפָּ֤ם כִּתְבוּנָם֙ עֲצַבִּ֔ים מַעֲשֵׂ֥ה חָרָשִׁ֖ים כֻּלֹּ֑ה לָהֶם֙ הֵ֣ם אֹמְרִ֔ים זֹבְחֵ֣י אָדָ֔ם עֲגָלִ֖ים יִשָּׁקֽוּן׃ ‎3 ‏לָכֵ֗ן יִֽהְיוּ֙ כַּעֲנַן־בֹּ֔קֶר וְכַטַּ֖ל מַשְׁכִּ֣ים הֹלֵ֑ךְ כְּמֹץ֙ יְסֹעֵ֣ר מִגֹּ֔רֶן וּכְעָשָׁ֖ן מֵאֲרֻבָּֽה׃ ‎4 ‏וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙ לֹ֣א תֵדָ֔ע וּמוֹשִׁ֥יעַ אַ֖יִן בִּלְתִּֽי׃ ‎5 ‏אֲנִ֥י יְדַעְתִּ֖יךָ בַּמִּדְבָּ֑ר בְּאֶ֖רֶץ תַּלְאֻבֽוֹת׃ ‎6 ‏כְּמַרְעִיתָם֙ וַיִּשְׂבָּ֔עוּ שָׂבְע֖וּ וַיָּ֣רָם לִבָּ֑ם עַל־כֵּ֖ן שְׁכֵחֽוּנִי׃ ‎7 ‏וָאֱהִ֥י לָהֶ֖ם כְּמוֹ־שָׁ֑חַל כְּנָמֵ֖ר עַל־דֶּ֥רֶךְ אָשֽׁוּר׃ ‎8 ‏אֶפְגְּשֵׁם֙ כְּדֹ֣ב שַׁכּ֔וּל וְאֶקְרַ֖ע סְג֣וֹר לִבָּ֑ם וְאֹכְלֵ֥ם שָׁם֙ כְּלָבִ֔יא חַיַּ֥ת הַשָּׂדֶ֖ה תְּבַקְּעֵֽם׃ ‎9 ‏שִֽׁחֶתְךָ֥ יִשְׂרָאֵ֖ל כִּֽי־בִ֥י בְעֶזְרֶֽךָ׃ ‎10 ‏אֱהִ֤י מַלְכְּךָ֙ אֵפ֔וֹא וְיוֹשִֽׁיעֲךָ֖ בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּ תְּנָה־לִּ֖י מֶ֥לֶךְ וְשָׂרִֽים׃ ‎11 ‏אֶֽתֶּן־לְךָ֥ מֶ֙לֶךְ֙ בְּאַפִּ֔י וְאֶקַּ֖ח בְּעֶבְרָתִֽי׃ ס ‎12 ‏צָרוּר֙ עֲוֹ֣ן אֶפְרָ֔יִם צְפוּנָ֖ה חַטָּאתֽוֹ׃ ‎13 ‏חֶבְלֵ֥י יֽוֹלֵדָ֖ה יָבֹ֣אוּ ל֑וֹ הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖ד בְּמִשְׁבַּ֥ר בָּנִֽים׃ ‎14 ‏מִיַּ֤ד שְׁאוֹל֙ אֶפְדֵּ֔ם מִמָּ֖וֶת אֶגְאָלֵ֑ם אֱהִ֨י דְבָרֶיךָ֜ מָ֗וֶת אֱהִ֤י קָֽטָבְךָ֙ שְׁא֔וֹל נֹ֖חַם יִסָּתֵ֥ר מֵעֵינָֽי׃ ‎15 ‏כִּ֣י ה֔וּא בֵּ֥ן אַחִ֖ים יַפְרִ֑יא יָב֣וֹא קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗ה וְיֵב֤וֹשׁ מְקוֹרוֹ֙ וְיֶחֱרַ֣ב מַעְיָנ֔וֹ ה֣וּא יִשְׁסֶ֔ה אוֹצַ֖ר כָּל־כְּלִ֥י חֶמְדָּֽה׃

1 kəḏabēr ’efərayim rəṯēṯ nāśā’ hû’ bəyiśərā’ēl wayye’əšam baba‘al wayyāmōṯ: 2 wə‘atâ| ywōsifû laḥăṭō’ wayya‘əśû lâem massēḵâ mikasəpām kiṯəḇûnām ‘ăṣabîm ma‘ăśēh ḥārāšîm kullōh lâem hēm ’ōmərîm zōḇəḥê ’āḏām ‘ăḡālîm yiššāqûn: 3 lāḵēn yihəyû ka‘ănan-bōqer wəḵaṭṭal mašəkîm hōlēḵə kəmōṣ yəsō‘ēr migōren ûḵə‘āšān mē’ărubâ: 4 wə’ānōḵî yəhwâ ’ĕlōheyḵā mē’ereṣ miṣərāyim wē’lōhîm zûlāṯî lō’ ṯēḏā‘ ûmwōšî‘a ’ayin bilətî: 5 ’ănî yəḏa‘ətîḵā bammiḏəbār bə’ereṣ talə’uḇwōṯ: 6 kəmarə‘îṯām wayyiśəbā‘û śāḇə‘û wayyārām libām ‘al-kēn šəḵēḥûnî: 7 wā’ĕhî lâem kəmwō-šāḥal kənāmēr ‘al-dereḵə ’āšûr: 8 ’efəgəšēm kəḏōḇ šakûl wə’eqəra‘ səḡwōr libām wə’ōḵəlēm šām kəlāḇî’ ḥayyaṯ haśśāḏeh təḇaqqə‘ēm: 9 šiḥeṯəḵā yiśərā’ēl kî-ḇî ḇə‘ezəreḵā: 10 ’ĕhî maləkəḵā ’ēfwō’ wəywōšî‘ăḵā bəḵāl-‘āreyḵā wəšōfəṭeyḵā ’ăšer ’āmarətā tənâ-llî meleḵə wəśārîm: 11 ’eten-ləḵā meleḵə bə’apî wə’eqqaḥ bə‘eḇərāṯî: s 12 ṣārûr ‘ăwōn ’efərāyim ṣəfûnâ ḥaṭṭā’ṯwō: 13 ḥeḇəlê ywōlēḏâ yāḇō’û lwō hû’-ḇēn lō’ ḥāḵām kî-‘ēṯ lō’-ya‘ămōḏ bəmišəbar bānîm: 14 mîyaḏ šə’wōl ’efədēm mimmāweṯ ’eḡə’ālēm ’ĕhî ḏəḇāreyḵā māweṯ ’ĕhî qāṭāḇəḵā šə’wōl nōḥam yissāṯēr mē‘ênāy: 15 kî hû’ bēn ’aḥîm yafərî’ yāḇwō’ qāḏîm rûḥa yəhwâ mimmiḏəbār ‘ōleh wəyēḇwōš məqwōrwō wəyeḥĕraḇ ma‘əyānwō hû’ yišəseh ’wōṣar kāl-kəlî ḥemədâ: