Hosea (Hoshea): Hosea (Hoshea) Chapter 12

Tanach (Hebrew): Hosea (Hoshea) Chapter 12

‎1 ‏סְבָבֻ֤נִי בְכַ֙חַשׁ֙ אֶפְרַ֔יִם וּבְמִרְמָ֖ה בֵּ֣ית יִשְׂרָאֵ֑ל וִֽיהוּדָ֗ה עֹ֥ד רָד֙ עִם־אֵ֔ל וְעִם־קְדוֹשִׁ֖ים נֶאֱמָֽן׃ ‎2 ‏אֶפְרַ֜יִם רֹעֶ֥ה ר֙וּחַ֙ וְרֹדֵ֣ף קָדִ֔ים כָּל־הַיּ֕וֹם כָּזָ֥ב וָשֹׁ֖ד יַרְבֶּ֑ה וּבְרִית֙ עִם־אַשּׁ֣וּר יִכְרֹ֔תוּ וְשֶׁ֖מֶן לְמִצְרַ֥יִם יוּבָֽל׃ ‎3 ‏וְרִ֥יב לַֽיהוָ֖ה עִם־יְהוּדָ֑ה וְלִפְקֹ֤ד עַֽל־יַעֲקֹב֙ כִּדְרָכָ֔יו כְּמַעֲלָלָ֖יו יָשִׁ֥יב לֽוֹ׃ ‎4 ‏בַּבֶּ֖טֶן עָקַ֣ב אֶת־אָחִ֑יו וּבְאוֹנ֖וֹ שָׂרָ֥ה אֶת־אֱלֹהִֽים׃ ‎5 ‏וָיָּ֤שַׂר אֶל־מַלְאָךְ֙ וַיֻּכָ֔ל בָּכָ֖ה וַיִּתְחַנֶּן־ל֑וֹ בֵּֽית־אֵל֙ יִמְצָאֶ֔נּוּ וְשָׁ֖ם יְדַבֵּ֥ר עִמָּֽנוּ׃ ‎6 ‏וַֽיהוָ֖ה אֱלֹהֵ֣י הַצְּבָא֑וֹת יְהוָ֖ה זִכְרֽוֹ׃ ‎7 ‏וְאַתָּ֖ה בֵּאלֹהֶ֣יךָ תָשׁ֑וּב חֶ֤סֶד וּמִשְׁפָּט֙ שְׁמֹ֔ר וְקַוֵּ֥ה אֶל־אֱלֹהֶ֖יךָ תָּמִֽיד׃ ‎8 ‏כְּנַ֗עַן בְּיָד֛וֹ מֹאזְנֵ֥י מִרְמָ֖ה לַעֲשֹׁ֥ק אָהֵֽב׃ ‎9 ‏וַיֹּ֣אמֶר אֶפְרַ֔יִם אַ֣ךְ עָשַׁ֔רְתִּי מָצָ֥אתִי א֖וֹן לִ֑י כָּל־יְגִיעַ֕י לֹ֥א יִמְצְאוּ־לִ֖י עָוֹ֥ן אֲשֶׁר־חֵֽטְא׃ ‎10 ‏וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם עֹ֛ד אוֹשִֽׁיבְךָ֥ בָאֳהָלִ֖ים כִּימֵ֥י מוֹעֵֽד׃ ‎11 ‏וְדִבַּ֙רְתִּי֙ עַל־הַנְּבִיאִ֔ים וְאָנֹכִ֖י חָז֣וֹן הִרְבֵּ֑יתִי וּבְיַ֥ד הַנְּבִיאִ֖ים אֲדַמֶּֽה׃ ‎12 ‏אִם־גִּלְעָ֥ד אָ֙וֶן֙ אַךְ־שָׁ֣וְא הָי֔וּ בַּגִּלְגָּ֖ל שְׁוָרִ֣ים זִבֵּ֑חוּ גַּ֤ם מִזְבְּחוֹתָם֙ כְּגַלִּ֔ים עַ֖ל תַּלְמֵ֥י שָׂדָֽי׃ ‎13 ‏וַיִּבְרַ֥ח יַעֲקֹ֖ב שְׂדֵ֣ה אֲרָ֑ם וַיַּעֲבֹ֤ד יִשְׂרָאֵל֙ בְּאִשָּׁ֔ה וּבְאִשָּׁ֖ה שָׁמָֽר׃ ‎14 ‏וּבְנָבִ֕יא הֶעֱלָ֧ה יְהוָ֛ה אֶת־יִשְׂרָאֵ֖ל מִמִּצְרָ֑יִם וּבְנָבִ֖יא נִשְׁמָֽר׃ ‎15 ‏הִכְעִ֥יס אֶפְרַ֖יִם תַּמְרוּרִ֑ים וְדָמָיו֙ עָלָ֣יו יִטּ֔וֹשׁ וְחֶ֨רְפָּת֔וֹ יָשִׁ֥יב ל֖וֹ אֲדֹנָֽיו׃

1 səḇāḇunî ḇəḵaḥaš ’efərayim ûḇəmirəmâ bêṯ yiśərā’ēl wîhûḏâ ‘ōḏ rāḏ ‘im-’ēl wə‘im-qəḏwōšîm ne’ĕmān: 2 ’efərayim rō‘eh rûḥa wərōḏēf qāḏîm kāl-hayywōm kāzāḇ wāšōḏ yarəbeh ûḇərîṯ ‘im-’aššûr yiḵərōṯû wəšemen ləmiṣərayim yûḇāl: 3 wərîḇ layhwâ ‘im-yəhûḏâ wəlifəqōḏ ‘al-ya‘ăqōḇ kiḏərāḵāyw kəma‘ălālāyw yāšîḇ lwō: 4 babeṭen ‘āqaḇ ’eṯ-’āḥîw ûḇə’wōnwō śārâ ’eṯ-’ĕlōhîm: 5 wāyyāśar ’el-malə’āḵə wayyuḵāl bāḵâ wayyiṯəḥannen-lwō bêṯ-’ēl yiməṣā’ennû wəšām yəḏabēr ‘immānû: 6 wayhwâ ’ĕlōhê haṣṣəḇā’wōṯ yəhwâ ziḵərwō: 7 wə’atâ bē’lōheyḵā ṯāšûḇ ḥeseḏ ûmišəpāṭ šəmōr wəqaûēh ’el-’ĕlōheyḵā tāmîḏ: 8 kəna‘an bəyāḏwō mō’zənê mirəmâ la‘ăšōq ’âēḇ: 9 wayyō’mer ’efərayim ’aḵə ‘āšarətî māṣā’ṯî ’wōn lî kāl-yəḡî‘ay lō’ yiməṣə’û-lî ‘āwōn ’ăšer-ḥēṭə’: 10 wə’ānōḵî yəhwâ ’ĕlōheyḵā mē’ereṣ miṣərāyim ‘ōḏ ’wōšîḇəḵā ḇā’ŏhālîm kîmê mwō‘ēḏ: 11 wəḏibarətî ‘al-hannəḇî’îm wə’ānōḵî ḥāzwōn hirəbêṯî ûḇəyaḏ hannəḇî’îm ’ăḏammeh: 12 ’im-gilə‘āḏ ’āwen ’aḵə-šāwə’ hāyû bagiləgāl šəwārîm zibēḥû gam mizəbəḥwōṯām kəḡallîm ‘al taləmê śāḏāy: 13 wayyiḇəraḥ ya‘ăqōḇ śəḏēh ’ărām wayya‘ăḇōḏ yiśərā’ēl bə’iššâ ûḇə’iššâ šāmār: 14 ûḇənāḇî’ he‘ĕlâ yəhwâ ’eṯ-yiśərā’ēl mimmiṣərāyim ûḇənāḇî’ nišəmār: 15 hiḵə‘îs ’efərayim tamərûrîm wəḏāmāyw ‘ālāyw yiṭṭwōš wəḥerəpāṯwō yāšîḇ lwō ’ăḏōnāyw: