Hosea (Hoshea): Hosea (Hoshea) Chapter 14

Tanach (Hebrew): Hosea (Hoshea) Chapter 14

‎1 ‏תֶּאְשַׁם֙ שֹֽׁמְר֔וֹן כִּ֥י מָרְתָ֖ה בֵּֽאלֹהֶ֑יהָ בַּחֶ֣רֶב יִפֹּ֔לוּ עֹלְלֵיהֶ֣ם יְרֻטָּ֔שׁוּ וְהָרִיּוֹתָ֖יו יְבֻקָּֽעוּ׃ פ ‎2 ‏שׁ֚וּבָה יִשְׂרָאֵ֔ל עַ֖ד יְהוָ֣ה אֱלֹהֶ֑יךָ כִּ֥י כָשַׁ֖לְתָּ בַּעֲוֹנֶֽךָ׃ ‎3 ‏קְח֤וּ עִמָּכֶם֙ דְּבָרִ֔ים וְשׁ֖וּבוּ אֶל־יְהוָ֑ה אִמְר֣וּ אֵלָ֗יו כָּל־תִּשָּׂ֤א עָוֹן֙ וְקַח־ט֔וֹב וּֽנְשַׁלְּמָ֥ה פָרִ֖ים שְׂפָתֵֽינוּ׃ ‎4 ‏אַשּׁ֣וּר׀ לֹ֣א יוֹשִׁיעֵ֗נוּ עַל־סוּס֙ לֹ֣א נִרְכָּ֔ב וְלֹא־נֹ֥אמַר ע֛וֹד אֱלֹהֵ֖ינוּ לְמַעֲשֵׂ֣ה יָדֵ֑ינוּ אֲשֶׁר־בְּךָ֖ יְרֻחַ֥ם יָתֽוֹם׃ ‎5 ‏אֶרְפָּא֙ מְשׁ֣וּבָתָ֔ם אֹהֲבֵ֖ם נְדָבָ֑ה כִּ֛י שָׁ֥ב אַפִּ֖י מִמֶּֽנּוּ׃ ‎6 ‏אֶהְיֶ֤ה כַטַּל֙ לְיִשְׂרָאֵ֔ל יִפְרַ֖ח כַּשּֽׁוֹשַׁנָּ֑ה וְיַ֥ךְ שָׁרָשָׁ֖יו כַּלְּבָנֽוֹן׃ ‎7 ‏יֵֽלְכוּ֙ יֹֽנְקוֹתָ֔יו וִיהִ֥י כַזַּ֖יִת הוֹד֑וֹ וְרֵ֥יחַֽ ל֖וֹ כַּלְּבָנֽוֹן׃ ‎8 ‏יָשֻׁ֙בוּ֙ יֹשְׁבֵ֣י בְצִלּ֔וֹ יְחַיּ֥וּ דָגָ֖ן וְיִפְרְח֣וּ כַגָּ֑פֶן זִכְר֖וֹ כְּיֵ֥ין לְבָנֽוֹן׃ ס ‎9 ‏אֶפְרַ֕יִם מַה־לִּ֥י ע֖וֹד לָֽעֲצַבִּ֑ים אֲנִ֧י עָנִ֣יתִי וַאֲשׁוּרֶ֗נּוּ אֲנִי֙ כִּבְר֣וֹשׁ רַֽעֲנָ֔ן מִמֶּ֖נִּי פֶּרְיְךָ֥ נִמְצָֽא׃ ‎10 ‏מִ֤י חָכָם֙ וְיָ֣בֵֽן אֵ֔לֶּה נָב֖וֹן וְיֵֽדָעֵ֑ם כִּֽי־יְשָׁרִ֞ים דַּרְכֵ֣י יְהוָ֗ה וְצַדִּקִים֙ יֵ֣לְכוּ בָ֔ם וּפֹשְׁעִ֖ים יִכָּ֥שְׁלוּ בָֽם׃

1 te’əšam šōmərwōn kî mārəṯâ bē’lōheyhā baḥereḇ yipōlû ‘ōləlêhem yəruṭṭāšû wəhārîywōṯāyw yəḇuqqā‘û: f 2 šûḇâ yiśərā’ēl ‘aḏ yəhwâ ’ĕlōheyḵā kî ḵāšalətā ba‘ăwōneḵā: 3 qəḥû ‘immāḵem dəḇārîm wəšûḇû ’el-yəhwâ ’imərû ’ēlāyw kāl-tiśśā’ ‘āwōn wəqaḥ-ṭwōḇ ûnəšalləmâ fārîm śəfāṯênû: 4 ’aššûr| lō’ ywōšî‘ēnû ‘al-sûs lō’ nirəkāḇ wəlō’-nō’mar ‘wōḏ ’ĕlōhênû ləma‘ăśēh yāḏênû ’ăšer-bəḵā yəruḥam yāṯwōm: 5 ’erəpā’ məšûḇāṯām ’ōhăḇēm nəḏāḇâ kî šāḇ ’apî mimmennû: 6 ’ehəyeh ḵaṭṭal ləyiśərā’ēl yifəraḥ kaššwōšannâ wəyaḵə šārāšāyw kalləḇānwōn: 7 yēləḵû yōnəqwōṯāyw wîhî ḵazzayiṯ hwōḏwō wərêḥa lwō kalləḇānwōn: 8 yāšuḇû yōšəḇê ḇəṣillwō yəḥayyû ḏāḡān wəyifərəḥû ḵagāfen ziḵərwō kəyên ləḇānwōn: s 9 ’efərayim mah-llî ‘wōḏ lā‘ăṣabîm ’ănî ‘ānîṯî wa’ăšûrennû ’ănî kiḇərwōš ra‘ănān mimmennî perəyəḵā niməṣā’: 10 mî ḥāḵām wəyāḇēn ’ēlleh nāḇwōn wəyēḏā‘ēm kî-yəšārîm darəḵê yəhwâ wəṣadiqîm yēləḵû ḇām ûfōšə‘îm yikāšəlû ḇām: