1 Chronicles (1 Divrey… – The Tanach | Internet Sacred Text Archive

Tanach (Hebrew): 1 Chronicles (1 Divrey Yamim) Chapter 14

‎1 ‏וַ֠יִּשְׁלַח חירם חוּרָ֨ם מֶֽלֶךְ־צֹ֥ר מַלְאָכִים֮ אֶל־דָּוִיד֒ וַעֲצֵ֣י אֲרָזִ֔ים וְחָרָשֵׁ֣י קִ֔יר וְחָרָשֵׁ֖י עֵצִ֑ים לִבְנ֥וֹת ל֖וֹ בָּֽיִת׃ ‎2 ‏וַיֵּ֣דַע דָּוִ֔יד כִּֽי־הֱכִינ֧וֹ יְהוָ֛ה לְמֶ֖לֶךְ עַל־יִשְׂרָאֵ֑ל כִּֽי־נִשֵּׂ֤את לְמַ֙עְלָה֙ מַלְכוּת֔וֹ בַּעֲב֖וּר עַמּ֥וֹ יִשְׂרָאֵֽל׃ פ ‎3 ‏וַיִּקַּ֨ח דָּוִ֥יד ע֛וֹד נָשִׁ֖ים בִּירוּשָׁלִָ֑ם וַיּ֧וֹלֶד דָּוִ֛יד ע֖וֹד בָּנִ֥ים וּבָנֽוֹת׃ ‎4 ‏וְאֵ֙לֶּה֙ שְׁמ֣וֹת הַיְלוּדִ֔ים אֲשֶׁ֥ר הָיוּ־ל֖וֹ בִּירוּשָׁלִָ֑ם שַׁמּ֣וּעַ וְשׁוֹבָ֔ב נָתָ֖ן וּשְׁלֹמֹֽה׃ ‎5 ‏וְיִבְחָ֥ר וֶאֱלִישׁ֖וּעַ וְאֶלְפָּֽלֶט׃ ‎6 ‏וְנֹ֥גַהּ וְנֶ֖פֶג וְיָפִֽיעַ׃ ‎7 ‏וֶאֱלִישָׁמָ֥ע וּבְעֶלְיָדָ֖ע וֶאֱלִיפָֽלֶט׃ ‎8 ‏וַיִּשְׁמְע֣וּ פְלִשְׁתִּ֗ים כִּי־נִמְשַׁ֨ח דָּוִ֤יד לְמֶ֙לֶךְ֙ עַל־כָּל־יִשְׂרָאֵ֔ל וַיַּעֲל֥וּ כָל־פְּלִשְׁתִּ֖ים לְבַקֵּ֣שׁ אֶת־דָּוִ֑יד וַיִּשְׁמַ֣ע דָּוִ֔יד וַיֵּצֵ֖א לִפְנֵיהֶֽם׃ ‎9 ‏וּפְלִשְׁתִּ֖ים בָּ֑אוּ וַֽיִּפְשְׁט֖וּ בְּעֵ֥מֶק רְפָאִֽים׃ ‎10 ‏וַיִּשְׁאַ֨ל דָּוִ֤יד בֵּאלֹהִים֙ לֵאמֹ֔ר הַאֶֽעֱלֶה֙ עַל־פלשתיים פְּלִשְׁתִּ֔ים וּנְתַתָּ֖ם בְּיָדִ֑י וַיֹּ֨אמֶר ל֤וֹ יְהוָה֙ עֲלֵ֔ה וּנְתַתִּ֖ים בְּיָדֶֽךָ׃ ‎11 ‏וַיַּעֲל֥וּ בְּבַֽעַל־פְּרָצִים֮ וַיַּכֵּ֣ם שָׁ֣ם דָּוִיד֒ וַיֹּ֣אמֶר דָּוִ֔יד פָּרַ֨ץ הָֽאֱלֹהִ֧ים אֶת־אוֹיְבַ֛י בְּיָדִ֖י כְּפֶ֣רֶץ מָ֑יִם עַל־כֵּ֗ן קָֽרְא֛וּ שֵֽׁם־הַמָּק֥וֹם הַה֖וּא בַּ֥עַל פְּרָצִֽים׃ ‎12 ‏וַיַּעַזְבוּ־שָׁ֖ם אֶת־אֱלֹֽהֵיהֶ֑ם וַיֹּ֣אמֶר דָּוִ֔יד וַיִּשָּׂרְפ֖וּ בָּאֵֽשׁ׃ פ ‎13 ‏וַיֹּסִ֤יפוּ עוֹד֙ פְּלִשְׁתִּ֔ים וַֽיִּפְשְׁט֖וּ בָּעֵֽמֶק׃ ‎14 ‏וַיִּשְׁאַ֨ל ע֤וֹד דָּוִיד֙ בֵּֽאלֹהִ֔ים וַיֹּ֤אמֶר לוֹ֙ הָֽאֱלֹהִ֔ים לֹ֥א תַֽעֲלֶ֖ה אַֽחֲרֵיהֶ֑ם הָסֵב֙ מֵֽעֲלֵיהֶ֔ם וּבָ֥אתָ לָהֶ֖ם מִמּ֥וּל הַבְּכָאִֽים׃ ‎15 ‏וִ֠יהִי כְּֽשָׁמְעֲךָ֞ אֶת־ק֤וֹל הַצְּעָדָה֙ בְּרָאשֵׁ֣י הַבְּכָאִ֔ים אָ֖ז תֵּצֵ֣א בַמִּלְחָמָ֑ה כִּֽי־יָצָ֤א הָֽאֱלֹהִים֙ לְפָנֶ֔יךָ לְהַכּ֖וֹת אֶת־מַחֲנֵ֥ה פְלִשְׁתִּֽים׃ ‎16 ‏וַיַּ֣עַשׂ דָּוִ֔יד כַּֽאֲשֶׁ֥ר צִוָּ֖הוּ הָֽאֱלֹהִ֑ים וַיַּכּוּ֙ אֶת־מַחֲנֵ֣ה פְלִשְׁתִּ֔ים מִגִּבְע֖וֹן וְעַד־גָּֽזְרָה׃ ‎17 ‏וַיֵּצֵ֥א שֵׁם־דָּוִ֖יד בְּכָל־הָֽאֲרָצ֑וֹת וַֽיהוָ֛ה נָתַ֥ן אֶת־פַּחְדּ֖וֹ עַל־כָּל־הַגּוֹיִֽם׃

1 wayyišəl^aḥ ḥîrām ḥûrām meleḵə-ṣōr malə’āḵîm ’el-dāwîḏ w^a‘ăṣê ’ărāzîm wəḥārāšê qîr wəḥārāšê ‘ēṣîm liḇənwōṯ lwō bāyiṯ:

2 wayyēḏ^a‘ dāwîḏ kî-hĕḵînwō yəhwâ ləmeleḵə ‘al-yiśərā’ēl kî-niśśē’ṯ ləm^a‘əlâ maləḵûṯwō b^a‘ăḇûr ‘ammwō yiśərā’ēl: f

3 wayyiqq^aḥ dāwîḏ ‘wōḏ nāšîm bîrûšālāim wayywōleḏ dāwîḏ ‘wōḏ bānîm ûḇānwōṯ:

4 wə’ēlleh šəmwōṯ hayəlûḏîm ’ăšer hāyû-lwō bîrûšālāim šammû‘a wəšwōḇāḇ nāṯān ûšəlōmōh:

5 wəyiḇəḥār we’ĕlîšû‘a wə’eləpāleṭ:

6 wənōḡ^ah wənefeḡ wəyāfî‘a:

7 we’ĕlîšāmā‘ ûḇə‘eləyāḏā‘ we’ĕlîfāleṭ:

8 wayyišəmə‘û fəlišətîm kî-niməš^aḥ dāwîḏ ləmeleḵə ‘al-kāl-yiśərā’ēl wayy^a‘ălû ḵāl-pəlišətîm ləḇaqqēš ’eṯ-dāwîḏ wayyišəm^a‘ dāwîḏ wayyēṣē’ lifənêhem:

9 ûfəlišətîm bā’û wayyifəšəṭû bə‘ēmeq rəfā’îm:

10 wayyišə’al dāwîḏ bē’lōhîm lē’mōr ha’e‘ĕleh ‘al-pəlišətîyîm pəlišətîm ûnəṯatām bəyāḏî wayyō’mer lwō yəhwâ ‘ălēh ûnəṯatîm bəyāḏeḵā:

11 wayy^a‘ălû bəḇ^a‘al-pərāṣîm wayyakēm šām dāwîḏ wayyō’mer dāwîḏ pāraṣ hā’ĕlōhîm ’eṯ-’wōyəḇay bəyāḏî kəfereṣ māyim ‘al-kēn qārə’û šēm-hammāqwōm hahû’ b^a‘al pərāṣîm:

12 wayy^a‘azəḇû-šām ’eṯ-’ĕlōhêhem wayyō’mer dāwîḏ wayyiśśārəfû bā’ēš: f

13 wayyōsîfû ‘wōḏ pəlišətîm wayyifəšəṭû bā‘ēmeq:

14 wayyišə’al ‘wōḏ dāwîḏ bē’lōhîm wayyō’mer lwō hā’ĕlōhîm lō’ ṯ^a‘ăleh ’^aḥărêhem hāsēḇ mē‘ălêhem ûḇā’ṯā lâem mimmûl habəḵā’îm:

15 wîhî kəšāmə‘ăḵā ’eṯ-qwōl haṣṣə‘āḏâ bərā’šê habəḵā’îm ’āz tēṣē’ ḇammiləḥāmâ kî-yāṣā’ hā’ĕlōhîm ləfāneyḵā ləhakwōṯ ’eṯ-m^aḥănēh fəlišətîm:

16 wayy^a‘aś dāwîḏ ka’ăšer ṣiûâû hā’ĕlōhîm wayyakû ’eṯ-m^aḥănēh fəlišətîm migiḇə‘wōn wə‘aḏ-gāzərâ:

17 wayyēṣē’ šēm-dāwîḏ bəḵāl-hā’ărāṣwōṯ wayhwâ nāṯan ’eṯ-p^aḥədwō ‘al-kāl-hagwōyim:

1 Chronicles (1 Divrey Yamim): 1 Chronicles (1 Divrey Yamim) Chapter 14

Tanach (Hebrew): 1 Chronicles (1 Divrey Yamim) Chapter 14

Comments and social are coming soon