1 Chronicles (1 Divrey Yamim): 1 Chronicles (1 Divrey Yamim) Chapter 13

Tanach (Hebrew): 1 Chronicles (1 Divrey Yamim) Chapter 13

‎1 ‏וַיִּוָּעַ֣ץ דָּוִ֗יד עִם־שָׂרֵ֧י הָאֲלָפִ֛ים וְהַמֵּא֖וֹת לְכָל־נָגִֽיד׃ ‎2 ‏וַיֹּ֨אמֶר דָּוִ֜יד לְכֹ֣ל׀ קְהַ֣ל יִשְׂרָאֵ֗ל אִם־עֲלֵיכֶ֨ם ט֜וֹב וּמִן־יְהוָ֣ה אֱלֹהֵ֗ינוּ נִפְרְצָה֙ נִשְׁלְחָ֞ה עַל־אַחֵ֣ינוּ הַנִּשְׁאָרִ֗ים בְּכֹל֙ אַרְצ֣וֹת יִשְׂרָאֵ֔ל וְעִמָּהֶ֛ם הַכֹּהֲנִ֥ים וְהַלְוִיִּ֖ם בְּעָרֵ֣י מִגְרְשֵׁיהֶ֑ם וְיִקָּבְצ֖וּ אֵלֵֽינוּ׃ ‎3 ‏וְנָסֵ֛בָּה אֶת־אֲר֥וֹן אֱלֹהֵ֖ינוּ אֵלֵ֑ינוּ כִּי־לֹ֥א דְרַשְׁנֻ֖הוּ בִּימֵ֥י שָׁאֽוּל׃ ‎4 ‏וַיֹּאמְר֥וּ כָֽל־הַקָּהָ֖ל לַעֲשׂ֣וֹת כֵּ֑ן כִּֽי־יָשַׁ֥ר הַדָּבָ֖ר בְּעֵינֵ֥י כָל־הָעָֽם׃ ‎5 ‏וַיַּקְהֵ֤ל דָּוִיד֙ אֶת־כָּל־יִשְׂרָאֵ֔ל מִן־שִׁיח֥וֹר מִצְרַ֖יִם וְעַד־לְב֣וֹא חֲמָ֑ת לְהָבִיא֙ אֶת־אֲר֣וֹן הָאֱלֹהִ֔ים מִקִּרְיַ֖ת יְעָרִֽים׃ ‎6 ‏וַיַּ֨עַל דָּוִ֤יד וְכָל־יִשְׂרָאֵל֙ בַּעֲלָ֔תָה אֶל־קִרְיַ֥ת יְעָרִ֖ים אֲשֶׁ֣ר לִיהוּדָ֑ה לְהַעֲל֣וֹת מִשָּׁ֗ם אֵת֩ אֲר֨וֹן הָאֱלֹהִ֧ים׀ יְהוָ֛ה יוֹשֵׁ֥ב הַכְּרוּבִ֖ים אֲשֶׁר־נִקְרָ֥א שֵֽׁם׃ ‎7 ‏וַיַּרְכִּ֜יבוּ אֶת־אֲר֤וֹן הָאֱלֹהִים֙ עַל־עֲגָלָ֣ה חֲדָשָׁ֔ה מִבֵּ֖ית אֲבִינָדָ֑ב וְעֻזָּ֣א וְאַחְי֔וֹ נֹהֲגִ֖ים בָּעֲגָלָֽה׃ ‎8 ‏וְדָוִ֣יד וְכָל־יִשְׂרָאֵ֗ל מְשַׂחֲקִ֛ים לִפְנֵ֥י הָאֱלֹהִ֖ים בְּכָל־עֹ֑ז וּבְשִׁירִ֤ים וּבְכִנֹּרוֹת֙ וּבִנְבָלִ֣ים וּבְתֻפִּ֔ים וּבִמְצִלְתַּ֖יִם וּבַחֲצֹצְרֽוֹת׃ ‎9 ‏וַיָּבֹ֖אוּ עַד־גֹּ֣רֶן כִּידֹ֑ן וַיִּשְׁלַ֨ח עֻזָּ֜א אֶת־יָד֗וֹ לֶאֱחֹז֙ אֶת־הָ֣אָר֔וֹן כִּ֥י שָֽׁמְט֖וּ הַבָּקָֽר׃ ‎10 ‏וַיִּֽחַר־אַ֤ף יְהוָה֙ בְּעֻזָּ֔א וַיַּכֵּ֕הוּ עַ֛ל אֲשֶׁר־שָׁלַ֥ח יָד֖וֹ עַל־הָאָר֑וֹן וַיָּ֥מָת שָׁ֖ם לִפְנֵ֥י אֱלֹהִֽים׃ ‎11 ‏וַיִּ֣חַר לְדָוִ֔יד כִּֽי־פָרַ֧ץ יְהוָ֛ה פֶּ֖רֶץ בְּעֻזָּ֑א וַיִּקְרָ֞א לַמָּק֤וֹם הַהוּא֙ פֶּ֣רֶץ עֻזָּ֔א עַ֖ד הַיּ֥וֹם הַזֶּֽה׃ ‎12 ‏וַיִּירָ֤א דָוִיד֙ אֶת־הָ֣אֱלֹהִ֔ים בַּיּ֥וֹם הַה֖וּא לֵאמֹ֑ר הֵ֚יךְ אָבִ֣יא אֵלַ֔י אֵ֖ת אֲר֥וֹן הָאֱלֹהִֽים׃ ‎13 ‏וְלֹֽא־הֵסִ֨יר דָּוִ֧יד אֶת־הָאָר֛וֹן אֵלָ֖יו אֶל־עִ֣יר דָּוִ֑יד וַיַּטֵּ֕הוּ אֶל־בֵּ֥ית עֹבֵֽד־אֱדֹ֖ם הַגִּתִּֽי׃ ‎14 ‏וַיֵּשֶׁב֩ אֲר֨וֹן הָאֱלֹהִ֜ים עִם־בֵּ֨ית עֹבֵ֥ד אֱדֹ֛ם בְּבֵית֖וֹ שְׁלֹשָׁ֣ה חֳדָשִׁ֑ים וַיְבָ֧רֶךְ יְהוָ֛ה אֶת־בֵּ֥ית עֹבֵֽד־אֱדֹ֖ם וְאֶת־כָּל־אֲשֶׁר־לֽוֹ׃ פ

1 wayyiûā‘aṣ dāwîḏ ‘im-śārê hā’ălāfîm wəhammē’wōṯ ləḵāl-nāḡîḏ: 2 wayyō’mer dāwîḏ ləḵōl| qəhal yiśərā’ēl ’im-‘ălêḵem ṭwōḇ ûmin-yəhwâ ’ĕlōhênû nifərəṣâ nišələḥâ ‘al-’aḥênû hannišə’ārîm bəḵōl ’arəṣwōṯ yiśərā’ēl wə‘immâem hakōhănîm wəhaləwîyim bə‘ārê miḡərəšêhem wəyiqqāḇəṣû ’ēlênû: 3 wənāsēbâ ’eṯ-’ărwōn ’ĕlōhênû ’ēlênû kî-lō’ ḏərašənuhû bîmê šā’ûl: 4 wayyō’mərû ḵāl-haqqâāl la‘ăśwōṯ kēn kî-yāšar hadāḇār bə‘ênê ḵāl-hā‘ām: 5 wayyaqəhēl dāwîḏ ’eṯ-kāl-yiśərā’ēl min-šîḥwōr miṣərayim wə‘aḏ-ləḇwō’ ḥămāṯ ləhāḇî’ ’eṯ-’ărwōn hā’ĕlōhîm miqqirəyaṯ yə‘ārîm: 6 wayya‘al dāwîḏ wəḵāl-yiśərā’ēl ba‘ălāṯâ ’el-qirəyaṯ yə‘ārîm ’ăšer lîhûḏâ ləha‘ălwōṯ miššām ’ēṯ ’ărwōn hā’ĕlōhîm| yəhwâ ywōšēḇ hakərûḇîm ’ăšer-niqərā’ šēm: 7 wayyarəkîḇû ’eṯ-’ărwōn hā’ĕlōhîm ‘al-‘ăḡālâ ḥăḏāšâ mibêṯ ’ăḇînāḏāḇ wə‘uzzā’ wə’aḥəywō nōhăḡîm bā‘ăḡālâ: 8 wəḏāwîḏ wəḵāl-yiśərā’ēl məśaḥăqîm lifənê hā’ĕlōhîm bəḵāl-‘ōz ûḇəšîrîm ûḇəḵinnōrwōṯ ûḇinəḇālîm ûḇəṯupîm ûḇiməṣilətayim ûḇaḥăṣōṣərwōṯ: 9 wayyāḇō’û ‘aḏ-gōren kîḏōn wayyišəlaḥ ‘uzzā’ ’eṯ-yāḏwō le’ĕḥōz ’eṯ-hā’ārwōn kî šāməṭû habāqār: 10 wayyiḥar-’af yəhwâ bə‘uzzā’ wayyakēhû ‘al ’ăšer-šālaḥ yāḏwō ‘al-hā’ārwōn wayyāmāṯ šām lifənê ’ĕlōhîm: 11 wayyiḥar ləḏāwîḏ kî-fāraṣ yəhwâ pereṣ bə‘uzzā’ wayyiqərā’ lammāqwōm hahû’ pereṣ ‘uzzā’ ‘aḏ hayywōm hazzeh: 12 wayyîrā’ ḏāwîḏ ’eṯ-hā’ĕlōhîm bayywōm hahû’ lē’mōr hêḵə ’āḇî’ ’ēlay ’ēṯ ’ărwōn hā’ĕlōhîm: 13 wəlō’-hēsîr dāwîḏ ’eṯ-hā’ārwōn ’ēlāyw ’el-‘îr dāwîḏ wayyaṭṭēhû ’el-bêṯ ‘ōḇēḏ-’ĕḏōm hagitî: 14 wayyēšeḇ ’ărwōn hā’ĕlōhîm ‘im-bêṯ ‘ōḇēḏ ’ĕḏōm bəḇêṯwō šəlōšâ ḥŏḏāšîm wayəḇāreḵə yəhwâ ’eṯ-bêṯ ‘ōḇēḏ-’ĕḏōm wə’eṯ-kāl-’ăšer-lwō: f