1 Chronicles (1 Divrey Yamim): 1 Chronicles (1 Divrey Yamim) Chapter 15

Tanach (Hebrew): 1 Chronicles (1 Divrey Yamim) Chapter 15

‎1 ‏וַיַּֽעַשׂ־ל֥וֹ בָתִּ֖ים בְּעִ֣יר דָּוִ֑יד וַיָּ֤כֶן מָקוֹם֙ לַֽאֲר֣וֹן הָֽאֱלֹהִ֔ים וַיֶּט־ל֖וֹ אֹֽהֶל׃ ‎2 ‏אָ֚ז אָמַ֣ר דָּוִ֔יד לֹ֤א לָשֵׂאת֙ אֶת־אֲר֣וֹן הָֽאֱלֹהִ֔ים כִּ֖י אִם־הַלְוִיִּ֑ם כִּי־בָ֣ם׀ בָּחַ֣ר יְהוָ֗ה לָשֵׂ֞את אֶת־אֲר֧וֹן יְהוָ֛ה וּֽלְשָׁרְת֖וֹ עַד־עוֹלָֽם׃ ס ‎3 ‏וַיַּקְהֵ֥ל דָּוִ֛יד אֶת־כָּל־יִשְׂרָאֵ֖ל אֶל־יְרֽוּשָׁלִָ֑ם לְהַעֲלוֹת֙ אֶת־אֲר֣וֹן יְהוָ֔ה אֶל־מְקוֹמ֖וֹ אֲשֶׁר־הֵכִ֥ין לֽוֹ׃ ‎4 ‏וַיֶּאֱסֹ֥ף דָּוִ֛יד אֶת־בְּנֵ֥י אַֽהֲרֹ֖ן וְאֶת־הַלְוִיִּֽם׃ ‎5 ‏לִבְנֵ֖י קְהָ֑ת אוּרִיאֵ֣ל הַשָּׂ֔ר וְאֶחָ֖יו מֵאָ֥ה וְעֶשְׂרִֽים׃ ס ‎6 ‏לִבְנֵ֖י מְרָרִ֑י עֲשָׂיָ֣ה הַשָּׂ֔ר וְאֶחָ֖יו מָאתַ֥יִם וְעֶשְׂרִֽים׃ ס ‎7 ‏לִבְנֵ֖י גֵּרְשׁ֑וֹם יוֹאֵ֣ל הַשָּׂ֔ר וְאֶחָ֖יו מֵאָ֥ה וּשְׁלֹשִֽׁים׃ ס ‎8 ‏לִבְנֵ֖י אֱלִֽיצָפָ֑ן שְׁמַֽעְיָ֥ה הַשָּׂ֖ר וְאֶחָ֥יו מָאתָֽיִם׃ ס ‎9 ‏לִבְנֵ֖י חֶבְר֑וֹן אֱלִיאֵ֥ל הַשָּׂ֖ר וְאֶחָ֥יו שְׁמוֹנִֽים׃ ס ‎10 ‏לִבְנֵ֖י עֻזִּיאֵ֑ל עַמִּינָדָ֣ב הַשָּׂ֔ר וְאֶחָ֕יו מֵאָ֖ה וּשְׁנֵ֥ים עָשָֽׂר׃ ס ‎11 ‏וַיִּקְרָ֣א דָוִ֔יד לְצָד֥וֹק וּלְאֶבְיָתָ֖ר הַכֹּֽהֲנִ֑ים וְלַלְוִיִּ֗ם לְאֽוּרִיאֵ֤ל עֲשָׂיָה֙ וְיוֹאֵ֣ל שְׁמַֽעְיָ֔ה וֶאֱלִיאֵ֖ל וְעַמִּינָדָֽב׃ ‎12 ‏וַיֹּ֣אמֶר לָהֶ֔ם אַתֶּ֛ם רָאשֵׁ֥י הָאָב֖וֹת לַלְוִיִּ֑ם הִֽתְקַדְּשׁוּ֙ אַתֶּ֣ם וַאֲחֵיכֶ֔ם וְהַֽעֲלִיתֶ֗ם אֵ֣ת אֲר֤וֹן יְהוָה֙ אֱלֹהֵ֣י יִשְׂרָאֵ֔ל אֶל־הֲכִינ֖וֹתִי לֽוֹ׃ ‎13 ‏כִּ֛י לְמַבָּרִ֥אשׁוֹנָ֖ה לֹ֣א אַתֶּ֑ם פָּרַ֨ץ יְהוָ֤ה אֱלֹהֵ֙ינוּ֙ בָּ֔נוּ כִּי־לֹ֥א דְרַשְׁנֻ֖הוּ כַּמִּשְׁפָּֽט׃ ‎14 ‏וַיִּֽתְקַדְּשׁ֔וּ הַכֹּהֲנִ֖ים וְהַלְוִיִּ֑ם לְהַעֲל֕וֹת אֶת־אֲר֥וֹן יְהוָ֖ה אֱלֹהֵ֥י יִשְׂרָאֵֽל׃ ‎15 ‏וַיִּשְׂא֣וּ בְנֵֽי־הַלְוִיִּ֗ם אֵ֚ת אֲר֣וֹן הָֽאֱלֹהִ֔ים כַּאֲשֶׁ֛ר צִוָּ֥ה מֹשֶׁ֖ה כִּדְבַ֣ר יְהוָ֑ה בִּכְתֵפָ֥ם בַּמֹּט֖וֹת עֲלֵיהֶֽם׃ פ ‎16 ‏וַיֹּ֣אמֶר דָּוִיד֮ לְשָׂרֵ֣י הַלְוִיִּם֒ לְהַֽעֲמִ֗יד אֶת־אֲחֵיהֶם֙ הַמְשֹׁ֣רְרִ֔ים בִּכְלֵי־שִׁ֛יר נְבָלִ֥ים וְכִנֹּר֖וֹת וּמְצִלְתָּ֑יִם מַשְׁמִיעִ֥ים לְהָרִֽים־בְּק֖וֹל לְשִׂמְחָֽה׃ פ ‎17 ‏וַיַּעֲמִ֣ידוּ הַלְוִיִּ֗ם אֵ֚ת הֵימָ֣ן בֶּן־יוֹאֵ֔ל וּמִ֨ן־אֶחָ֔יו אָסָ֖ף בֶּן־בֶּֽרֶכְיָ֑הוּ סוּמִן־בְּנֵ֤י מְרָרִי֙ אֲחֵיהֶ֔ם אֵיתָ֖ן בֶּן־קֽוּשָׁיָֽהוּ׃ ‎18 ‏וְעִמָּהֶ֖ם אֲחֵיהֶ֣ם הַמִּשְׁנִ֑ים זְכַרְיָ֡הוּ בֵּ֡ן וְיַֽעֲזִיאֵ֡ל וּשְׁמִֽירָמ֡וֹת וִיחִיאֵ֣ל׀ וְעֻנִּ֡י אֱלִיאָ֡ב וּבְנָיָ֡הוּ וּמַֽעֲשֵׂיָ֡הוּ וּמַתִּתְיָהוּ֩ וֶאֱלִ֨יפְלֵ֜הוּ וּמִקְנֵיָ֨הוּ וְעֹבֵ֥ד אֱדֹ֛ם וִֽיעִיאֵ֖ל הַשֹּׁעֲרִֽים׃ ‎19 ‏וְהַמְשֹׁ֣רְרִ֔ים הֵימָ֥ן אָסָ֖ף וְאֵיתָ֑ן בִּמְצִלְתַּ֥יִם נְחֹ֖שֶׁת לְהַשְׁמִֽיעַ׃ ‎20 ‏וּזְכַרְיָ֨ה וַעֲזִיאֵ֜ל וּשְׁמִֽירָמ֤וֹת וִֽיחִיאֵל֙ וְעֻנִּ֣י וֶֽאֱלִיאָ֔ב וּמַעֲשֵׂיָ֖הוּ וּבְנָיָ֑הוּ בִּנְבָלִ֖ים עַל־עֲלָמֽוֹת׃ ‎21 ‏וּמַתִּתְיָ֣הוּ וֶאֱלִֽיפְלֵ֗הוּ וּמִקְנֵיָ֙הוּ֙ וְעֹבֵ֣ד אֱדֹ֔ם וִֽיעִיאֵ֖ל וַעֲזַזְיָ֑הוּ בְּכִנֹּר֥וֹת עַל־הַשְּׁמִינִ֖ית לְנַצֵּֽחַ׃ ‎22 ‏וּכְנַנְיָ֥הוּ שַֽׂר־הַלְוִיִּ֖ם בְּמַשָּׂ֑א יָסֹר֙ בַּמַּשָּׂ֔א כִּ֥י מֵבִ֖ין הֽוּא׃ ‎23 ‏וּבֶֽרֶכְיָה֙ וְאֶלְקָנָ֔ה שֹׁעֲרִ֖ים לָאָרֽוֹן׃ ‎24 ‏וּשְׁבַנְיָ֡הוּ וְיֽוֹשָׁפָ֡ט וּנְתַנְאֵ֡ל וַעֲמָשַׂ֡י וּ֠זְכַרְיָהוּ וּבְנָיָ֤הוּ וֶֽאֱלִיעֶ֙זֶר֙ הַכֹּ֣הֲנִ֔ים מחצצרים מַחְצְרִים֙ בַּחֲצֹ֣צְר֔וֹת לִפְנֵ֖י אֲר֣וֹן הָֽאֱלֹהִ֑ים וְעֹבֵ֤ד אֱדֹם֙ וִֽיחִיָּ֔ה שֹׁעֲרִ֖ים לָאָרֽוֹן׃ ‎25 ‏וַיְהִ֥י דָוִ֛יד וְזִקְנֵ֥י יִשְׂרָאֵ֖ל וְשָׂרֵ֣י הָאֲלָפִ֑ים הַהֹֽלְכִ֗ים לְֽהַעֲל֞וֹת אֶת־אֲר֧וֹן בְּרִית־יְהוָ֛ה מִן־בֵּ֥ית עֹבֵֽד־אֱדֹ֖ם בְּשִׂמְחָֽה׃ ס ‎26 ‏וַֽיְהִי֙ בֶּעְזֹ֣ר הָֽאֱלֹהִ֔ים אֶ֨ת־הַלְוִיִּ֔ם נֹשְׂאֵ֖י אֲר֣וֹן בְּרִית־יְהוָ֑ה וַיִּזְבְּח֥וּ שִׁבְעָֽה־פָרִ֖ים וְשִׁבְעָ֥ה אֵילִֽים׃ ‎27 ‏וְדָוִ֞יד מְכֻרְבָּ֣ל׀ בִּמְעִ֣יל בּ֗וּץ וְכָל־הַלְוִיִּם֙ הַנֹּשְׂאִ֣ים אֶת־הָאָר֔וֹן וְהַמְשֹׁ֣רְרִ֔ים וּכְנַנְיָ֛ה הַשַּׂ֥ר הַמַּשָּׂ֖א הַמְשֹֽׁרְרִ֑ים וְעַל־דָּוִ֖יד אֵפ֥וֹד בָּֽד׃ ‎28 ‏וְכָל־יִשְׂרָאֵ֗ל מַעֲלִים֙ אֶת־אֲר֣וֹן בְּרִית־יְהוָ֔ה בִּתְרוּעָה֙ וּבְק֣וֹל שׁוֹפָ֔ר וּבַחֲצֹצְר֖וֹת וּבִמְצִלְתָּ֑יִם מַשְׁמִעִ֕ים בִּנְבָלִ֖ים וְכִנֹּרֽוֹת׃ ‎29 ‏וַיְהִ֗י אֲרוֹן֙ בְּרִ֣ית יְהוָ֔ה בָּ֖א עַד־עִ֣יר דָּוִ֑יד וּמִיכַ֨ל בַּת־שָׁא֜וּל נִשְׁקְפָ֣ה׀ בְּעַ֣ד הַחַלּ֗וֹן וַתֵּ֨רֶא אֶת־הַמֶּ֤לֶךְ דָּוִיד֙ מְרַקֵּ֣ד וּמְשַׂחֵ֔ק וַתִּ֥בֶז ל֖וֹ בְּלִבָּֽהּ׃ פ

1 wayya‘aś-lwō ḇātîm bə‘îr dāwîḏ wayyāḵen māqwōm la’ărwōn hā’ĕlōhîm wayyeṭ-lwō ’ōhel: 2 ’āz ’āmar dāwîḏ lō’ lāśē’ṯ ’eṯ-’ărwōn hā’ĕlōhîm kî ’im-haləwîyim kî-ḇām| bāḥar yəhwâ lāśē’ṯ ’eṯ-’ărwōn yəhwâ ûləšārəṯwō ‘aḏ-‘wōlām: s 3 wayyaqəhēl dāwîḏ ’eṯ-kāl-yiśərā’ēl ’el-yərûšālāim ləha‘ălwōṯ ’eṯ-’ărwōn yəhwâ ’el-məqwōmwō ’ăšer-hēḵîn lwō: 4 wayye’ĕsōf dāwîḏ ’eṯ-bənê ’ahărōn wə’eṯ-haləwîyim: 5 liḇənê qəhāṯ ’ûrî’ēl haśśār wə’eḥāyw mē’â wə‘eśərîm: s 6 liḇənê mərārî ‘ăśāyâ haśśār wə’eḥāyw mā’ṯayim wə‘eśərîm: s 7 liḇənê gērəšwōm ywō’ēl haśśār wə’eḥāyw mē’â ûšəlōšîm: s 8 liḇənê ’ĕlîṣāfān šəma‘əyâ haśśār wə’eḥāyw mā’ṯāyim: s 9 liḇənê ḥeḇərwōn ’ĕlî’ēl haśśār wə’eḥāyw šəmwōnîm: s 10 liḇənê ‘uzzî’ēl ‘ammînāḏāḇ haśśār wə’eḥāyw mē’â ûšənêm ‘āśār: s 11 wayyiqərā’ ḏāwîḏ ləṣāḏwōq ûlə’eḇəyāṯār hakōhănîm wəlaləwîyim lə’ûrî’ēl ‘ăśāyâ wəywō’ēl šəma‘əyâ we’ĕlî’ēl wə‘ammînāḏāḇ: 12 wayyō’mer lâem ’atem rā’šê hā’āḇwōṯ laləwîyim hiṯəqadəšû ’atem wa’ăḥêḵem wəha‘ălîṯem ’ēṯ ’ărwōn yəhwâ ’ĕlōhê yiśərā’ēl ’el-hăḵînwōṯî lwō: 13 kî ləmabāri’šwōnâ lō’ ’atem pāraṣ yəhwâ ’ĕlōhênû bānû kî-lō’ ḏərašənuhû kammišəpāṭ: 14 wayyiṯəqadəšû hakōhănîm wəhaləwîyim ləha‘ălwōṯ ’eṯ-’ărwōn yəhwâ ’ĕlōhê yiśərā’ēl: 15 wayyiśə’û ḇənê-haləwîyim ’ēṯ ’ărwōn hā’ĕlōhîm ka’ăšer ṣiûâ mōšeh kiḏəḇar yəhwâ biḵəṯēfām bammōṭwōṯ ‘ălêhem: f 16 wayyō’mer dāwîḏ ləśārê haləwîyim ləha‘ămîḏ ’eṯ-’ăḥêhem haməšōrərîm biḵəlê-šîr nəḇālîm wəḵinnōrwōṯ ûməṣilətāyim mašəmî‘îm ləhārîm-bəqwōl ləśiməḥâ: f 17 wayya‘ămîḏû haləwîyim ’ēṯ hêmān ben-ywō’ēl ûmin-’eḥāyw ’āsāf ben-bereḵəyâû sûmin-bənê mərārî ’ăḥêhem ’êṯān ben-qûšāyâû: 18 wə‘immâem ’ăḥêhem hammišənîm zəḵarəyâû bēn wəya‘ăzî’ēl ûšəmîrāmwōṯ wîḥî’ēl| wə‘unnî ’ĕlî’āḇ ûḇənāyâû ûma‘ăśêâû ûmatiṯəyâû we’ĕlîfəlēhû ûmiqənêâû wə‘ōḇēḏ ’ĕḏōm wî‘î’ēl haššō‘ărîm: 19 wəhaməšōrərîm hêmān ’āsāf wə’êṯān biməṣilətayim nəḥōšeṯ ləhašəmî‘a: 20 ûzəḵarəyâ wa‘ăzî’ēl ûšəmîrāmwōṯ wîḥî’ēl wə‘unnî we’ĕlî’āḇ ûma‘ăśêâû ûḇənāyâû binəḇālîm ‘al-‘ălāmwōṯ: 21 ûmatiṯəyâû we’ĕlîfəlēhû ûmiqənêâû wə‘ōḇēḏ ’ĕḏōm wî‘î’ēl wa‘ăzazəyâû bəḵinnōrwōṯ ‘al-haššəmînîṯ lənaṣṣēḥa: 22 ûḵənanəyâû śar-haləwîyim bəmaśśā’ yāsōr bammaśśā’ kî mēḇîn hû’: 23 ûḇereḵəyâ wə’eləqānâ šō‘ărîm lā’ārwōn: 24 ûšəḇanəyâû wəywōšāfāṭ ûnəṯanə’ēl wa‘ămāśay ûzəḵarəyâû ûḇənāyâû we’ĕlî‘ezer hakōhănîm maḥăṣōṣərîm maḥəṣərîm baḥăṣōṣərwōṯ lifənê ’ărwōn hā’ĕlōhîm wə‘ōḇēḏ ’ĕḏōm wîḥîyâ šō‘ărîm lā’ārwōn: 25 wayəhî ḏāwîḏ wəziqənê yiśərā’ēl wəśārê hā’ălāfîm hahōləḵîm ləha‘ălwōṯ ’eṯ-’ărwōn bərîṯ-yəhwâ min-bêṯ ‘ōḇēḏ-’ĕḏōm bəśiməḥâ: s 26 wayəhî be‘əzōr hā’ĕlōhîm ’eṯ-haləwîyim nōśə’ê ’ărwōn bərîṯ-yəhwâ wayyizəbəḥû šiḇə‘â-fārîm wəšiḇə‘â ’êlîm: 27 wəḏāwîḏ məḵurəbāl| bimə‘îl bûṣ wəḵāl-haləwîyim hannōśə’îm ’eṯ-hā’ārwōn wəhaməšōrərîm ûḵənanəyâ haśśar hammaśśā’ haməšōrərîm wə‘al-dāwîḏ ’ēfwōḏ bāḏ: 28 wəḵāl-yiśərā’ēl ma‘ălîm ’eṯ-’ărwōn bərîṯ-yəhwâ biṯərû‘â ûḇəqwōl šwōfār ûḇaḥăṣōṣərwōṯ ûḇiməṣilətāyim mašəmi‘îm binəḇālîm wəḵinnōrwōṯ: 29 wayəhî ’ărwōn bərîṯ yəhwâ bā’ ‘aḏ-‘îr dāwîḏ ûmîḵal baṯ-šā’ûl nišəqəfâ| bə‘aḏ haḥallwōn watēre’ ’eṯ-hammeleḵə dāwîḏ məraqqēḏ ûməśaḥēq watiḇez lwō bəlibāh: f