Psalms (Tehilim): Psalms (Tehilim) Chapter 113

Tanach (Hebrew): Psalms (Tehilim) Chapter 113

‎1 ‏הַ֥לְלוּ יָ֨הּ׀ הַ֭לְלוּ עַבְדֵ֣י יְהוָ֑ה הַֽ֝לְלוּ אֶת־שֵׁ֥ם יְהוָֽה׃ ‎2 ‏יְהִ֤י שֵׁ֣ם יְהוָ֣ה מְבֹרָ֑ךְ מֵֽ֝עַתָּ֗ה וְעַד־עוֹלָֽם׃ ‎3 ‏מִמִּזְרַח־שֶׁ֥מֶשׁ עַד־מְבוֹא֑וֹ מְ֝הֻלָּ֗ל שֵׁ֣ם יְהוָֽה׃ ‎4 ‏רָ֖ם עַל־כָּל־גּוֹיִ֥ם׀ יְהוָ֑ה עַ֖ל הַשָּׁמַ֣יִם כְּבוֹדֽוֹ׃ ‎5 ‏מִ֭י כַּיהוָ֣ה אֱלֹהֵ֑ינוּ הַֽמַּגְבִּיהִ֥י לָשָֽׁבֶת׃ ‎6 ‏הַֽמַּשְׁפִּילִ֥י לִרְא֑וֹת בַּשָּׁמַ֥יִם וּבָאָֽרֶץ׃ ‎7 ‏מְקִֽימִ֣י מֵעָפָ֣ר דָּ֑ל מֵֽ֝אַשְׁפֹּ֗ת יָרִ֥ים אֶבְיֽוֹן׃ ‎8 ‏לְהוֹשִׁיבִ֥י עִם־נְדִיבִ֑ים עִ֝֗ם נְדִיבֵ֥י עַמּֽוֹ׃ ‎9 ‏מֽוֹשִׁיבִ֨י׀ עֲקֶ֬רֶת הַבַּ֗יִת אֵֽם־הַבָּנִ֥ים שְׂמֵחָ֗ה הַֽלְלוּ־יָֽהּ׃

1 haləlû yāh| haləlû ‘aḇəḏê yəhwâ haləlû ’eṯ-šēm yəhwâ: 2 yəhî šēm yəhwâ məḇōrāḵə mē‘atâ wə‘aḏ-‘wōlām: 3 mimmizəraḥ-šemeš ‘aḏ-məḇwō’wō məhullāl šēm yəhwâ: 4 rām ‘al-kāl-gwōyim| yəhwâ ‘al haššāmayim kəḇwōḏwō: 5 mî kayhwâ ’ĕlōhênû hammaḡəbîhî lāšāḇeṯ: 6 hammašəpîlî lirə’wōṯ baššāmayim ûḇā’āreṣ: 7 məqîmî mē‘āfār dāl mē’ašəpōṯ yārîm ’eḇəywōn: 8 ləhwōšîḇî ‘im-nəḏîḇîm ‘im nəḏîḇê ‘ammwō: 9 mwōšîḇî| ‘ăqereṯ habayiṯ ’ēm-habānîm śəmēḥâ haləlû-yāh: