Micah (Mikhah): Micah (Mikhah) Chapter 2

Tanach (Hebrew): Micah (Mikhah) Chapter 2

‎1 ‏ה֧וֹי חֹֽשְׁבֵי־אָ֛וֶן וּפֹ֥עֲלֵי רָ֖ע עַל־מִשְׁכְּבוֹתָ֑ם בְּא֤וֹר הַבֹּ֙קֶר֙ יַעֲשׂ֔וּהָ כִּ֥י יֶשׁ־לְאֵ֖ל יָדָֽם׃ ‎2 ‏וְחָמְד֤וּ שָׂדוֹת֙ וְגָזָ֔לוּ וּבָתִּ֖ים וְנָשָׂ֑אוּ וְעָֽשְׁקוּ֙ גֶּ֣בֶר וּבֵית֔וֹ וְאִ֖ישׁ וְנַחֲלָתֽוֹ׃ פ ‎3 ‏לָכֵ֗ן כֹּ֚ה אָמַ֣ר יְהוָ֔ה הִנְנִ֥י חֹשֵׁ֛ב עַל־הַמִּשְׁפָּחָ֥ה הַזֹּ֖את רָעָ֑ה אֲ֠שֶׁר לֹֽא־תָמִ֨ישׁוּ מִשָּׁ֜ם צַוְּארֹֽתֵיכֶ֗ם וְלֹ֤א תֵֽלְכוּ֙ רוֹמָ֔ה כִּ֛י עֵ֥ת רָעָ֖ה הִֽיא׃ ‎4 ‏בַּיּ֨וֹם הַה֜וּא יִשָּׂ֧א עֲלֵיכֶ֣ם מָשָׁ֗ל וְנָהָ֨ה נְהִ֤י נִֽהְיָה֙ אָמַר֙ שָׁד֣וֹד נְשַׁדֻּ֔נוּ חֵ֥לֶק עַמִּ֖י יָמִ֑יר אֵ֚יךְ יָמִ֣ישׁ לִ֔י לְשׁוֹבֵ֥ב שָׂדֵ֖ינוּ יְחַלֵּֽק׃ ‎5 ‏לָכֵן֙ לֹֽא־יִֽהְיֶ֣ה לְךָ֔ מַשְׁלִ֥יךְ חֶ֖בֶל בְּגוֹרָ֑ל בִּקְהַ֖ל יְהוָֽה׃ ‎6 ‏אַל־תַּטִּ֖פוּ יַטִּיפ֑וּן לֹֽא־יַטִּ֣פוּ לָאֵ֔לֶּה לֹ֥א יִסַּ֖ג כְּלִמּֽוֹת׃ ‎7 ‏הֶאָמ֣וּר בֵּֽית־יַעֲקֹ֗ב הֲקָצַר֙ ר֣וּחַ יְהוָ֔ה אִם־אֵ֖לֶּה מַעֲלָלָ֑יו הֲל֤וֹא דְבָרַ֨י יֵיטִ֔יבוּ עִ֖ם הַיָּשָׁ֥ר הוֹלֵֽךְ׃ ‎8 ‏וְאֶתְמ֗וּל עַמִּי֙ לְאוֹיֵ֣ב יְקוֹמֵ֔ם מִמּ֣וּל שַׂלְמָ֔ה אֶ֖דֶר תַּפְשִׁט֑וּן מֵעֹבְרִ֣ים בֶּ֔טַח שׁוּבֵ֖י מִלְחָמָֽה׃ ‎9 ‏נְשֵׁ֤י עַמִּי֙ תְּגָ֣רְשׁ֔וּן מִבֵּ֖ית תַּֽעֲנֻגֶ֑יהָ מֵעַל֙ עֹֽלָלֶ֔יהָ תִּקְח֥וּ הֲדָרִ֖י לְעוֹלָֽם׃ ‎10 ‏ק֣וּמוּ וּלְכ֔וּ כִּ֥י לֹא־זֹ֖את הַמְּנוּחָ֑ה בַּעֲב֥וּר טָמְאָ֛ה תְּחַבֵּ֖ל וְחֶ֥בֶל נִמְרָֽץ׃ ‎11 ‏לוּ־אִ֞ישׁ הֹלֵ֥ךְ ר֙וּחַ֙ וָשֶׁ֣קֶר כִּזֵּ֔ב אַטִּ֣ף לְךָ֔ לַיַּ֖יִן וְלַשֵּׁכָ֑ר וְהָיָ֥ה מַטִּ֖יף הָעָ֥ם הַזֶּֽה׃ ‎12 ‏אָסֹ֨ף אֶאֱסֹ֜ף יַעֲקֹ֣ב כֻּלָּ֗ךְ קַבֵּ֤ץ אֲקַבֵּץ֙ שְׁאֵרִ֣ית יִשְׂרָאֵ֔ל יַ֥חַד אֲשִׂימֶ֖נּוּ כְּצֹ֣אן בָּצְרָ֑ה כְּעֵ֙דֶר֙ בְּת֣וֹךְ הַדָּֽבְר֔וֹ תְּהִימֶ֖נָה מֵאָדָֽם׃ ‎13 ‏עָלָ֤ה הַפֹּרֵץ֙ לִפְנֵיהֶ֔ם פָּֽרְצוּ֙ וַֽיַּעֲבֹ֔רוּ שַׁ֖עַר וַיֵּ֣צְאוּ ב֑וֹ וַיַּעֲבֹ֤ר מַלְכָּם֙ לִפְנֵיהֶ֔ם וַיהוָ֖ה בְּרֹאשָֽׁם׃ פ

1 hwōy ḥōšəḇê-’āwen ûfō‘ălê rā‘ ‘al-mišəkəḇwōṯām bə’wōr habōqer ya‘ăśûhā kî yeš-lə’ēl yāḏām: 2 wəḥāməḏû śāḏwōṯ wəḡāzālû ûḇātîm wənāśā’û wə‘āšəqû geḇer ûḇêṯwō wə’îš wənaḥălāṯwō: f 3 lāḵēn kōh ’āmar yəhwâ hinənî ḥōšēḇ ‘al-hammišəpāḥâ hazzō’ṯ rā‘â ’ăšer lō’-ṯāmîšû miššām ṣaûə’rōṯêḵem wəlō’ ṯēləḵû rwōmâ kî ‘ēṯ rā‘â hî’: 4 bayywōm hahû’ yiśśā’ ‘ălêḵem māšāl wənââ nəhî nihəyâ ’āmar šāḏwōḏ nəšadunû ḥēleq ‘ammî yāmîr ’êḵə yāmîš lî ləšwōḇēḇ śāḏênû yəḥallēq: 5 lāḵēn lō’-yihəyeh ləḵā mašəlîḵə ḥeḇel bəḡwōrāl biqəhal yəhwâ: 6 ’al-taṭṭifû yaṭṭîfûn lō’-yaṭṭifû lā’ēlleh lō’ yissaḡ kəlimmwōṯ: 7 he’āmûr bêṯ-ya‘ăqōḇ hăqāṣar rûḥa yəhwâ ’im-’ēlleh ma‘ălālāyw hălwō’ ḏəḇāray yêṭîḇû ‘im hayyāšār hwōlēḵə: 8 wə’eṯəmûl ‘ammî lə’wōyēḇ yəqwōmēm mimmûl śaləmâ ’eḏer tafəšiṭûn mē‘ōḇərîm beṭaḥ šûḇê miləḥāmâ: 9 nəšê ‘ammî təḡārəšûn mibêṯ ta‘ănuḡeyhā mē‘al ‘ōlāleyhā tiqəḥû hăḏārî lə‘wōlām: 10 qûmû ûləḵû kî lō’-zō’ṯ hammənûḥâ ba‘ăḇûr ṭāmə’â təḥabēl wəḥeḇel nimərāṣ: 11 lû-’îš hōlēḵə rûḥa wāšeqer kizzēḇ ’aṭṭif ləḵā layyayin wəlaššēḵār wəhāyâ maṭṭîf hā‘ām hazzeh: 12 ’āsōf ’e’ĕsōf ya‘ăqōḇ kullāḵə qabēṣ ’ăqabēṣ šə’ērîṯ yiśərā’ēl yaḥaḏ ’ăśîmennû kəṣō’n bāṣərâ kə‘ēḏer bəṯwōḵə hadāḇərwō təhîmenâ mē’āḏām: 13 ‘ālâ hapōrēṣ lifənêhem pārəṣû wayya‘ăḇōrû ša‘ar wayyēṣə’û ḇwō wayya‘ăḇōr maləkām lifənêhem wayhwâ bərō’šām: f