Ecclesiastes (Qohelet): Ecclesiastes (Qohelet) Chapter 10

Tanach (Hebrew): Ecclesiastes (Qohelet) Chapter 10

‎1 ‏זְב֣וּבֵי מָ֔וֶת יַבְאִ֥ישׁ יַבִּ֖יעַ שֶׁ֣מֶן רוֹקֵ֑חַ יָקָ֛ר מֵחָכְמָ֥ה מִכָּב֖וֹד סִכְל֥וּת מְעָֽט׃ ‎2 ‏לֵ֤ב חָכָם֙ לִֽימִינ֔וֹ וְלֵ֥ב כְּסִ֖יל לִשְׂמֹאלֽוֹ׃ ‎3 ‏וְגַם־בַּדֶּ֛רֶךְ כשהסכל כְּשֶׁסָּכָ֥ל^y הֹלֵ֖ךְ לִבּ֣וֹ חָסֵ֑ר וְאָמַ֥ר לַכֹּ֖ל סָכָ֥ל הֽוּא׃ ‎4 ‏אִם־ר֤וּחַ הַמּוֹשֵׁל֙ תַּעֲלֶ֣ה עָלֶ֔יךָ מְקוֹמְךָ֖ אַל־תַּנַּ֑ח כִּ֣י מַרְפֵּ֔א יַנִּ֖יחַ חֲטָאִ֥ים גְּדוֹלִֽים׃ ‎5 ‏יֵ֣שׁ רָעָ֔ה רָאִ֖יתִי תַּ֣חַת הַשָּׁ֑מֶשׁ כִּשְׁגָגָ֕ה שֶׁיֹּצָ֖א מִלִּפְנֵ֥י הַשַּׁלִּֽיט׃ ‎6 ‏נִתַּ֣ן הַסֶּ֔כֶל בַּמְּרוֹמִ֖ים רַבִּ֑ים וַעֲשִׁירִ֖ים בַּשֵּׁ֥פֶל יֵשֵֽׁבוּ׃ ‎7 ‏רָאִ֥יתִי עֲבָדִ֖ים עַל־סוּסִ֑ים וְשָׂרִ֛ים הֹלְכִ֥ים כַּעֲבָדִ֖ים עַל־הָאָֽרֶץ׃ ‎8 ‏חֹפֵ֥ר גּוּמָּ֖ץ בּ֣וֹ יִפּ֑וֹל וּפֹרֵ֥ץ גָּדֵ֖ר יִשְּׁכֶ֥נּוּ נָחָֽשׁ׃ ‎9 ‏מַסִּ֣יעַ אֲבָנִ֔ים יֵעָצֵ֖ב בָּהֶ֑ם בּוֹקֵ֥עַ עֵצִ֖ים יִסָּ֥כֶן בָּֽם׃ ‎10 ‏אִם־קֵהָ֣ה הַבַּרְזֶ֗ל וְהוּא֙ לֹא־פָנִ֣ים קִלְקַ֔ל וַחֲיָלִ֖ים יְגַבֵּ֑ר וְיִתְר֥וֹן הַכְשֵׁ֖יר^q חָכְמָֽה׃ ‎11 ‏אִם־יִשֹּׁ֥ךְ הַנָּחָ֖שׁ בְּלוֹא־לָ֑חַשׁ וְאֵ֣ין יִתְר֔וֹן לְבַ֖עַל הַלָּשֽׁוֹן׃ ‎12 ‏דִּבְרֵ֥י פִי־חָכָ֖ם חֵ֑ן וְשִׂפְת֥וֹת כְּסִ֖יל תְּבַלְּעֶֽנּוּ׃ ‎13 ‏תְּחִלַּ֥ת דִּבְרֵי־פִ֖יהוּ סִכְל֑וּת וְאַחֲרִ֣ית פִּ֔יהוּ הוֹלֵל֖וּת רָעָֽה׃ ‎14 ‏וְהַסָּכָ֖ל יַרְבֶּ֣ה דְבָרִ֑ים לֹא־יֵדַ֤ע הָאָדָם֙ מַה־שֶׁיִּֽהְיֶ֔ה וַאֲשֶׁ֤ר יִֽהְיֶה֙ מֵֽאַחֲרָ֔יו מִ֖י יַגִּ֥יד לֽוֹ׃ ‎15 ‏עֲמַ֥ל הַכְּסִילִ֖ים תְּיַגְּעֶ֑נּוּ אֲשֶׁ֥ר לֹֽא־יָדַ֖ע לָלֶ֥כֶת אֶל־עִֽיר׃ ‎16 ‏אִֽי־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּ׃ ‎17 ‏אַשְׁרֵ֣יךְ אֶ֔רֶץ שֶׁמַּלְכֵּ֖ךְ בֶּן־חוֹרִ֑ים וְשָׂרַ֙יִךְ֙ בָּעֵ֣ת יֹאכֵ֔לוּ בִּגְבוּרָ֖ה וְלֹ֥א בַשְּׁתִֽי׃ ‎18 ‏בַּעֲצַלְתַּ֖יִם יִמַּ֣ךְ הַמְּקָרֶ֑ה וּבְשִׁפְל֥וּת יָדַ֖יִם יִדְלֹ֥ף הַבָּֽיִת׃ ‎19 ‏לִשְׂחוֹק֙ עֹשִׂ֣ים לֶ֔חֶם וְיַ֖יִן יְשַׂמַּ֣ח חַיִּ֑ים וְהַכֶּ֖סֶף יַעֲנֶ֥ה אֶת־הַכֹּֽל׃ ‎20 ‏גַּ֣ם בְּמַדָּֽעֲךָ֗ מֶ֚לֶךְ אַל־תְּקַלֵּ֔ל וּבְחַדְרֵי֙ מִשְׁכָּ֣בְךָ֔ אַל־תְּקַלֵּ֖ל עָשִׁ֑יר כִּ֣י ע֤וֹף הַשָּׁמַ֙יִם֙ יוֹלִ֣יךְ אֶת־הַקּ֔וֹל וּבַ֥עַל הכנפים כְּנָפַ֖יִם יַגֵּ֥יד דָּבָֽר׃

1 zəḇûḇê māweṯ yaḇə’îš yabî‘a šemen rwōqēḥa yāqār mēḥāḵəmâ mikāḇwōḏ siḵəlûṯ mə‘āṭ:

2 lēḇ ḥāḵām lîmînwō wəlēḇ kəsîl liśəmō’lwō:

3 wəḡam-badereḵə kəšehassāḵāl kəšessāḵāl^y hōlēḵə libwō ḥāsēr wə’āmar lakōl sāḵāl hû’:

4 ’im-rûḥa hammwōšēl t^a‘ăleh ‘āleyḵā məqwōməḵā ’al-tann^aḥ kî marəpē’ yannîḥa ḥăṭā’îm gəḏwōlîm:

5 yēš rā‘â rā’îṯî t^aḥaṯ haššāmeš kišəḡāḡâ šeyyōṣā’ millifənê haššallîṭ:

6 nitan hasseḵel bammərwōmîm rabîm w^a‘ăšîrîm baššēfel yēšēḇû:

7 rā’îṯî ‘ăḇāḏîm ‘al-sûsîm wəśārîm hōləḵîm k^a‘ăḇāḏîm ‘al-hā’āreṣ:

8 ḥōfēr gûmmāṣ bwō yipwōl ûfōrēṣ gāḏēr yiššəḵennû nāḥāš:

9 massî‘a ’ăḇānîm yē‘āṣēḇ bâem bwōqē‘a ‘ēṣîm yissāḵen bām:

10 ’im-qēhâ habarəzel wəhû’ lō’-fānîm qiləqal w^aḥăyālîm yəḡabēr wəyiṯərwōn haḵəšêr^q ḥāḵəmâ:

11 ’im-yiššōḵə hannāḥāš bəlwō’-lāḥaš wə’ên yiṯərwōn ləḇ^a‘al hallāšwōn:

12 diḇərê fî-ḥāḵām ḥēn wəśifəṯwōṯ kəsîl təḇallə‘ennû:

13 təḥillaṯ diḇərê-fîhû siḵəlûṯ wə’^aḥărîṯ pîhû hwōlēlûṯ rā‘â:

14 wəhassāḵāl yarəbeh ḏəḇārîm lō’-yēḏ^a‘ hā’āḏām mah-šeyyihəyeh wa’ăšer yihəyeh mē’^aḥărāyw mî yagîḏ lwō:

15 ‘ămal hakəsîlîm təyagə‘ennû ’ăšer lō’-yāḏ^a‘ lāleḵeṯ ’el-‘îr:

16 ’î-lāḵə ’ereṣ šemmaləkēḵə nā‘ar wəśārayiḵə babōqer yō’ḵēlû:

17 ’ašərêḵə ’ereṣ šemmaləkēḵə ben-ḥwōrîm wəśārayiḵə bā‘ēṯ yō’ḵēlû biḡəḇûrâ wəlō’ ḇaššəṯî:

18 b^a‘ăṣalətayim yimmaḵə hamməqāreh ûḇəšifəlûṯ yāḏayim yiḏəlōf habāyiṯ:

19 liśəḥwōq ‘ōśîm leḥem wəyayin yəśamm^aḥ ḥayyîm wəhakesef y^a‘ăneh ’eṯ-hakōl:

20 gam bəmadā‘ăḵā meleḵə ’al-təqallēl ûḇəḥaḏərê mišəkāḇəḵā ’al-təqallēl ‘āšîr kî ‘wōf haššāmayim ywōlîḵə ’eṯ-haqqwōl ûḇ^a‘al hakənāfayim kənāfayim yagêḏ dāḇār: