2 Chronicles (2 Divrey… – The Tanach | Internet Sacred Text Archive

Tanach (Hebrew): 2 Chronicles (2 Divrey Yamim) Chapter 4

‎1 ‏וַיַּ֙עַשׂ֙ מִזְבַּ֣ח נְחֹ֔שֶׁת עֶשְׂרִ֤ים אַמָּה֙ אָרְכּ֔וֹ וְעֶשְׂרִ֥ים אַמָּ֖ה רָחְבּ֑וֹ וְעֶ֥שֶׂר אַמּ֖וֹת קוֹמָתֽוֹ׃ ס ‎2 ‏וַיַּ֥עַשׂ אֶת־הַיָּ֖ם מוּצָ֑ק עֶ֣שֶׂר בָּֽ֠אַמָּה מִשְּׂפָת֨וֹ אֶל־שְׂפָת֜וֹ עָג֣וֹל׀ סָבִ֗יב וְחָמֵ֤שׁ בָּֽאַמָּה֙ קֽוֹמָת֔וֹ וְקָו֙ שְׁלֹשִׁ֣ים בָּֽאַמָּ֔ה יָסֹ֥ב אֹת֖וֹ סָבִֽיב׃ ‎3 ‏וּדְמ֣וּת בְּקָרִים֩ תַּ֨חַת ל֜וֹ סָבִ֤יב׀ סָבִיב֙ סוֹבְבִ֣ים אֹת֔וֹ עֶ֚שֶׂר בָּֽאַמָּ֔ה מַקִּיפִ֥ים אֶת־הַיָּ֖ם סָבִ֑יב שְׁנַ֤יִם טוּרִים֙ הַבָּקָ֔ר יְצוּקִ֖ים בְּמֻֽצַקְתּֽוֹ׃ ‎4 ‏עוֹמֵ֞ד עַל־שְׁנֵ֧ים עָשָׂ֣ר בָּקָ֗ר שְׁלֹשָׁ֣ה פֹנִ֣ים׀ צָפ֡וֹנָה וּשְׁלוֹשָׁה֩ פֹנִ֨ים׀ יָ֜מָּה וּשְׁלֹשָׁ֣ה׀ פֹּנִ֣ים נֶ֗גְבָּה וּשְׁלֹשָׁה֙ פֹּנִ֣ים מִזְרָ֔חָה וְהַיָּ֥ם עֲלֵיהֶ֖ם מִלְמָ֑עְלָה וְכָל־אֲחֹרֵיהֶ֖ם בָּֽיְתָה׃ ‎5 ‏וְעָבְי֣וֹ טֶ֔פַח וּשְׂפָתוֹ֙ כְּמַעֲשֵׂ֣ה שְׂפַת־כּ֔וֹס פֶּ֖רַח שֽׁוֹשַׁנָּ֑ה מַחֲזִ֣יק בַּתִּ֔ים שְׁלֹ֥שֶׁת אֲלָפִ֖ים יָכִֽיל׃ ס ‎6 ‏וַיַּ֣עַשׂ כִּיּוֹרִים֮ עֲשָׂרָה֒ וַ֠יִּתֵּן חֲמִשָּׁ֨ה מִיָּמִ֜ין וַחֲמִשָּׁ֤ה מִשְּׂמֹאול֙ לְרָחְצָ֣ה בָהֶ֔ם אֶת־מַעֲשֵׂ֥ה הָעוֹלָ֖ה יָדִ֣יחוּ בָ֑ם וְהַיָּ֕ם לְרָחְצָ֥ה לַכֹּהֲנִ֖ים בּֽוֹ׃ ס ‎7 ‏וַ֠יַּעַשׂ אֶת־מְנֹר֧וֹת הַזָּהָ֛ב עֶ֖שֶׂר כְּמִשְׁפָּטָ֑ם וַיִּתֵּן֙ בַּֽהֵיכָ֔ל חָמֵ֥שׁ מִיָּמִ֖ין וְחָמֵ֥שׁ מִשְּׂמֹֽאול׃ ס ‎8 ‏וַיַּ֣עַשׂ שֻׁלְחָנוֹת֮ עֲשָׂרָה֒ וַיַּנַּח֙ בַּֽהֵיכָ֔ל חֲמִשָּׁ֥ה מִיָּמִ֖ין וַחֲמִשָּׁ֣ה מִשְּׂמֹ֑אול וַיַּ֛עַשׂ מִזְרְקֵ֥י זָהָ֖ב מֵאָֽה׃ ‎9 ‏וַיַּ֙עַשׂ֙ חֲצַ֣ר הַכֹּהֲנִ֔ים וְהָעֲזָרָ֖ה הַגְּדוֹלָ֑ה וּדְלָת֧וֹת לָעֲזָרָ֛ה וְדַלְתוֹתֵיהֶ֖ם צִפָּ֥ה נְחֹֽשֶׁת׃ ‎10 ‏וְאֶת־הַיָּ֗ם נָתַ֞ן מִכֶּ֧תֶף הַיְמָנִ֛ית קֵ֖דְמָה מִמּ֥וּל נֶֽגְבָּה׃ ‎11 ‏וַיַּ֣עַשׂ חוּרָ֔ם אֶת־הַ֨סִּיר֔וֹת וְאֶת־הַיָּעִ֖ים וְאֶת־הַמִּזְרָק֑וֹת סוַיְכַ֣ל חירם חוּרָ֗ם לַעֲשׂוֹת֙ אֶת־הַמְּלָאכָ֔ה אֲשֶׁ֥ר עָשָׂ֛ה לַמֶּ֥לֶךְ שְׁלֹמֹ֖ה בְּבֵ֥ית הָאֱלֹהִֽים׃ ‎12 ‏עַמּוּדִ֣ים שְׁנַ֔יִם וְהַגֻּלּ֧וֹת וְהַכֹּתָר֛וֹת עַל־רֹ֥אשׁ הָעַמּוּדִ֖ים שְׁתָּ֑יִם וְהַשְּׂבָכ֣וֹת שְׁתַּ֔יִם לְכַסּ֗וֹת אֶת־שְׁתֵּי֙ גֻּלּ֣וֹת הַכֹּֽתָר֔וֹת אֲשֶׁ֖ר עַל־רֹ֥אשׁ הָֽעַמּוּדִֽים׃ ‎13 ‏וְאֶת־הָֽרִמּוֹנִ֛ים אַרְבַּ֥ע מֵא֖וֹת לִשְׁתֵּ֣י הַשְּׂבָכ֑וֹת שְׁנַ֨יִם טוּרִ֤ים רִמּוֹנִים֙ לַשְּׂבָכָ֣ה הָאֶחָ֔ת לְכַסּ֗וֹת אֶת־שְׁתֵּי֙ גֻּלּ֣וֹת הַכֹּֽתָר֔וֹת אֲשֶׁ֖ר עַל־פְּנֵ֥י הָעַמּוּדִֽים׃ ‎14 ‏וְאֶת־הַמְּכֹנ֖וֹת עָשָׂ֑ה וְאֶת־הַכִּיֹּר֥וֹת עָשָׂ֖ה עַל־הַמְּכֹנֽוֹת׃ ‎15 ‏אֶת־הַיָּ֖ם אֶחָ֑ד וְאֶת־הַבָּקָ֥ר שְׁנֵים־עָשָׂ֖ר תַּחְתָּֽיו׃ ‎16 ‏וְאֶת־הַ֠סִּירוֹת וְאֶת־הַיָּעִ֤ים וְאֶת־הַמִּזְלָגוֹת֙ וְאֶת־כָּל־כְּלֵיהֶ֔ם עָשָׂ֞ה חוּרָ֥ם אָבִ֛יו לַמֶּ֥לֶךְ שְׁלֹמֹ֖ה לְבֵ֣ית יְהוָ֑ה נְחֹ֖שֶׁת מָרֽוּק׃ ‎17 ‏בְּכִכַּ֤ר הַיַּרְדֵּן֙ יְצָקָ֣ם הַמֶּ֔לֶךְ בַּעֲבִ֖י הָאֲדָמָ֑ה בֵּ֥ין סֻכּ֖וֹת וּבֵ֥ין צְרֵדָֽתָה׃ ‎18 ‏וַיַּ֧עַשׂ שְׁלֹמֹ֛ה כָּל־הַכֵּלִ֥ים הָאֵ֖לֶּה לָרֹ֣ב מְאֹ֑ד כִּ֛י לֹ֥א נֶחְקַ֖ר מִשְׁקַ֥ל הַנְּחֹֽשֶׁת׃ פ ‎19 ‏וַיַּ֣עַשׂ שְׁלֹמֹ֔ה אֵ֚ת כָּל־הַכֵּלִ֔ים אֲשֶׁ֖ר בֵּ֣ית הָאֱלֹהִ֑ים וְאֵת֙ מִזְבַּ֣ח הַזָּהָ֔ב וְאֶת־הַשֻּׁלְחָנ֔וֹת וַעֲלֵיהֶ֖ם לֶ֥חֶם הַפָּנִֽים׃ ‎20 ‏וְאֶת־הַמְּנֹר֞וֹת וְנֵרֹתֵיהֶ֗ם לְבַעֲרָ֧ם כַּמִּשְׁפָּ֛ט לִפְנֵ֥י הַדְּבִ֖יר זָהָ֥ב סָגֽוּר׃ ‎21 ‏וְהַפֶּ֧רַח וְהַנֵּר֛וֹת וְהַמֶּלְקַחַ֖יִם זָהָ֑ב ה֖וּא מִכְל֥וֹת זָהָֽב׃ ‎22 ‏וְהַֽמְזַמְּר֧וֹת וְהַמִּזְרָק֛וֹת וְהַכַּפּ֥וֹת וְהַמַּחְתּ֖וֹת זָהָ֣ב סָג֑וּר וּפֶ֣תַח הַ֠בַּיִת דַּלְתוֹתָ֨יו הַפְּנִימִיּ֜וֹת לְקֹ֣דֶשׁ הַקֳּדָשִׁ֗ים וְדַלְתֵ֥י הַבַּ֛יִת לַהֵיכָ֖ל זָהָֽב׃

1 wayy^a‘aś mizəb^aḥ nəḥōšeṯ ‘eśərîm ’ammâ ’ārəkwō wə‘eśərîm ’ammâ rāḥəbwō wə‘eśer ’ammwōṯ qwōmāṯwō: s

2 wayy^a‘aś ’eṯ-hayyām mûṣāq ‘eśer bā’ammâ miśśəfāṯwō ’el-śəfāṯwō ‘āḡwōl| sāḇîḇ wəḥāmēš bā’ammâ qwōmāṯwō wəqāw šəlōšîm bā’ammâ yāsōḇ ’ōṯwō sāḇîḇ:

3 ûḏəmûṯ bəqārîm t^aḥaṯ lwō sāḇîḇ| sāḇîḇ swōḇəḇîm ’ōṯwō ‘eśer bā’ammâ maqqîfîm ’eṯ-hayyām sāḇîḇ šənayim ṭûrîm habāqār yəṣûqîm bəmuṣaqətwō:

4 ‘wōmēḏ ‘al-šənêm ‘āśār bāqār šəlōšâ fōnîm| ṣāfwōnâ ûšəlwōšâ fōnîm| yāmmâ ûšəlōšâ| pōnîm neḡəbâ ûšəlōšâ pōnîm mizərāḥâ wəhayyām ‘ălêhem miləmā‘əlâ wəḵāl-’ăḥōrêhem bāyəṯâ:

5 wə‘āḇəywō ṭef^aḥ ûśəfāṯwō kəm^a‘ăśēh śəfaṯ-kwōs per^aḥ šwōšannâ m^aḥăzîq batîm šəlōšeṯ ’ălāfîm yāḵîl: s

6 wayy^a‘aś kîywōrîm ‘ăśārâ wayyitēn ḥămiššâ mîyāmîn w^aḥămiššâ miśśəmō’wl lərāḥəṣâ ḇâem ’eṯ-m^a‘ăśēh hā‘wōlâ yāḏîḥû ḇām wəhayyām lərāḥəṣâ lakōhănîm bwō: s

7 wayy^a‘aś ’eṯ-mənōrwōṯ hazzâāḇ ‘eśer kəmišəpāṭām wayyitēn bahêḵāl ḥāmēš mîyāmîn wəḥāmēš miśśəmō’wl: s

8 wayy^a‘aś šuləḥānwōṯ ‘ăśārâ wayyann^aḥ bahêḵāl ḥămiššâ mîyāmîn w^aḥămiššâ miśśəmō’wl wayy^a‘aś mizərəqê zâāḇ mē’â:

9 wayy^a‘aś ḥăṣar hakōhănîm wəhā‘ăzārâ hagəḏwōlâ ûḏəlāṯwōṯ lā‘ăzārâ wəḏaləṯwōṯêhem ṣipâ nəḥōšeṯ:

10 wə’eṯ-hayyām nāṯan mikeṯef hayəmānîṯ qēḏəmâ mimmûl neḡəbâ:

11 wayy^a‘aś ḥûrām ’eṯ-hassîrwōṯ wə’eṯ-hayyā‘îm wə’eṯ-hammizərāqwōṯ swayəḵal ḥîrām ḥûrām l^a‘ăśwōṯ ’eṯ-hamməlā’ḵâ ’ăšer ‘āśâ lammeleḵə šəlōmōh bəḇêṯ hā’ĕlōhîm:

12 ‘ammûḏîm šənayim wəhagullwōṯ wəhakōṯārwōṯ ‘al-rō’š hā‘ammûḏîm šətāyim wəhaśśəḇāḵwōṯ šətayim ləḵasswōṯ ’eṯ-šətê gullwōṯ hakōṯārwōṯ ’ăšer ‘al-rō’š hā‘ammûḏîm:

13 wə’eṯ-hārimmwōnîm ’arəb^a‘ mē’wōṯ lišətê haśśəḇāḵwōṯ šənayim ṭûrîm rimmwōnîm laśśəḇāḵâ hā’eḥāṯ ləḵasswōṯ ’eṯ-šətê gullwōṯ hakōṯārwōṯ ’ăšer ‘al-pənê hā‘ammûḏîm:

14 wə’eṯ-hamməḵōnwōṯ ‘āśâ wə’eṯ-hakîyōrwōṯ ‘āśâ ‘al-hamməḵōnwōṯ:

15 ’eṯ-hayyām ’eḥāḏ wə’eṯ-habāqār šənêm-‘āśār t^aḥətāyw:

16 wə’eṯ-hassîrwōṯ wə’eṯ-hayyā‘îm wə’eṯ-hammizəlāḡwōṯ wə’eṯ-kāl-kəlêhem ‘āśâ ḥûrām ’āḇîw lammeleḵə šəlōmōh ləḇêṯ yəhwâ nəḥōšeṯ mārûq:

17 bəḵikar hayyarədēn yəṣāqām hammeleḵə b^a‘ăḇî hā’ăḏāmâ bên sukwōṯ ûḇên ṣərēḏāṯâ:

18 wayy^a‘aś šəlōmōh kāl-hakēlîm hā’ēlleh lārōḇ mə’ōḏ kî lō’ neḥəqar mišəqal hannəḥōšeṯ: f

19 wayy^a‘aś šəlōmōh ’ēṯ kāl-hakēlîm ’ăšer bêṯ hā’ĕlōhîm wə’ēṯ mizəb^aḥ hazzâāḇ wə’eṯ-haššuləḥānwōṯ w^a‘ălêhem leḥem hapānîm:

20 wə’eṯ-hammənōrwōṯ wənērōṯêhem ləḇ^a‘ărām kammišəpāṭ lifənê hadəḇîr zâāḇ sāḡûr:

21 wəhaper^aḥ wəhannērwōṯ wəhammeləq^aḥayim zâāḇ hû’ miḵəlwōṯ zâāḇ:

22 wəhaməzammərwōṯ wəhammizərāqwōṯ wəhakapwōṯ wəhamm^aḥətwōṯ zâāḇ sāḡûr ûfeṯ^aḥ habayiṯ daləṯwōṯāyw hapənîmîywōṯ ləqōḏeš haqqŏḏāšîm wəḏaləṯê habayiṯ lahêḵāl zâāḇ:

2 Chronicles (2 Divrey Yamim): 2 Chronicles (2 Divrey Yamim) Chapter 4

Tanach (Hebrew): 2 Chronicles (2 Divrey Yamim) Chapter 4

Comments and social are coming soon