2 Chronicles (2 Divrey Yamim): 2 Chronicles (2 Divrey Yamim) Chapter 3

Tanach (Hebrew): 2 Chronicles (2 Divrey Yamim) Chapter 3

‎1 ‏וַיָּ֣חֶל שְׁלֹמֹ֗ה לִבְנ֤וֹת אֶת־בֵּית־יְהוָה֙ בִּיר֣וּשָׁלִַ֔ם בְּהַר֙ הַמּ֣וֹרִיָּ֔ה אֲשֶׁ֥ר נִרְאָ֖ה לְדָוִ֣יד אָבִ֑יהוּ אֲשֶׁ֤ר הֵכִין֙ בִּמְק֣וֹם דָּוִ֔יד בְּגֹ֖רֶן אָרְנָ֥ן הַיְבוּסִֽי׃ ‎2 ‏וַ֠יָּחֶל לִבְנ֞וֹת בַּחֹ֤דֶשׁ הַשֵּׁנִי֙ בַּשֵּׁנִ֔י בִּשְׁנַ֥ת אַרְבַּ֖ע לְמַלְכוּתֽוֹ׃ ‎3 ‏וְאֵ֙לֶּה֙ הוּסַ֣ד שְׁלֹמֹ֔ה לִבְנ֖וֹת אֶת־בֵּ֣ית הָאֱלֹהִ֑ים הָאֹ֡רֶךְ אַמּ֞וֹת בַּמִּדָּ֤ה הָרִֽאשׁוֹנָה֙ אַמּ֣וֹת שִׁשִּׁ֔ים וְרֹ֖חַב אַמּ֥וֹת עֶשְׂרִֽים׃ ‎4 ‏וְהָאוּלָ֡ם אֲשֶׁר֩ עַל־פְּנֵ֨י הָאֹ֜רֶךְ עַל־פְּנֵ֤י רֹֽחַב־הַבַּ֙יִת֙ אַמּ֣וֹת עֶשְׂרִ֔ים וְהַגֹּ֖בַהּ מֵאָ֣ה וְעֶשְׂרִ֑ים וַיְצַפֵּ֥הוּ מִפְּנִ֖ימָה זָהָ֥ב טָהֽוֹר׃ ‎5 ‏וְאֵ֣ת׀ הַבַּ֣יִת הַגָּד֗וֹל חִפָּה֙ עֵ֣ץ בְּרוֹשִׁ֔ים וַיְחַפֵּ֖הוּ זָהָ֣ב ט֑וֹב וַיַּ֧עַל עָלָ֛יו תִּמֹרִ֖ים וְשַׁרְשְׁרֽוֹת׃ ‎6 ‏וַיְצַ֧ף אֶת־הַבַּ֛יִת אֶ֥בֶן יְקָרָ֖ה לְתִפְאָ֑רֶת וְהַזָּהָ֖ב זְהַ֥ב פַּרְוָֽיִם׃ ‎7 ‏וַיְחַ֨ף אֶת־הַבַּ֜יִת הַקֹּר֧וֹת הַסִּפִּ֛ים וְקִֽירוֹתָ֥יו וְדַלְתוֹתָ֖יו זָהָ֑ב וּפִתַּ֥ח כְּרוּבִ֖ים עַל־הַקִּירֽוֹת׃ ס ‎8 ‏וַיַּ֙עַשׂ֙ אֶת־בֵּֽית־קֹ֣דֶשׁ הַקֳּדָשִׁ֔ים אָרְכּ֞וֹ עַל־פְּנֵ֤י רֹֽחַב־הַבַּ֙יִת֙ אַמּ֣וֹת עֶשְׂרִ֔ים וְרָחְבּ֖וֹ אַמּ֣וֹת עֶשְׂרִ֑ים וַיְחַפֵּ֙הוּ֙ זָהָ֣ב ט֔וֹב לְכִכָּרִ֖ים שֵׁ֥שׁ מֵאֽוֹת׃ ‎9 ‏וּמִשְׁקָ֛ל לְמִסְמְר֥וֹת לִשְׁקָלִ֖ים חֲמִשִּׁ֣ים זָהָ֑ב וְהָעֲלִיּ֖וֹת חִפָּ֥ה זָהָֽב׃ ‎10 ‏וַיַּ֜עַשׂ בְּבֵֽית־קֹ֤דֶשׁ הַקֳּדָשִׁים֙ כְּרוּבִ֣ים שְׁנַ֔יִם מַעֲשֵׂ֖ה צַעֲצֻעִ֑ים וַיְצַפּ֥וּ אֹתָ֖ם זָהָֽב׃ ‎11 ‏וְכַנְפֵי֙ הַכְּרוּבִ֔ים אָרְכָּ֖ם אַמּ֣וֹת עֶשְׂרִ֑ים כְּנַ֨ף הָאֶחָ֜ד לְאַמּ֣וֹת חָמֵ֗שׁ מַגַּ֙עַת֙ לְקִ֣יר הַבַּ֔יִת וְהַכָּנָ֤ף הָאַחֶ֙רֶת֙ אַמּ֣וֹת חָמֵ֔שׁ מַגִּ֕יעַ לִכְנַ֖ף הַכְּר֥וּב הָאַחֵֽר׃ ‎12 ‏וּכְנַ֨ף הַכְּר֤וּב הָאֶחָד֙ אַמּ֣וֹת חָמֵ֔שׁ מַגִּ֖יעַ לְקִ֣יר הַבָּ֑יִת וְהַכָּנָ֤ף הָאַחֶ֙רֶת֙ אַמּ֣וֹת חָמֵ֔שׁ דְּבֵקָ֕ה לִכְנַ֖ף הַכְּר֥וּב הָאַחֵֽר׃ ‎13 ‏כַּנְפֵי֙ הַכְּרוּבִ֣ים הָאֵ֔לֶּה פֹּֽרְשִׂ֖ים אַמּ֣וֹת עֶשְׂרִ֑ים וְהֵ֛ם עֹמְדִ֥ים עַל־רַגְלֵיהֶ֖ם וּפְנֵיהֶ֥ם לַבָּֽיִת׃ ס ‎14 ‏וַיַּ֙עַשׂ֙ אֶת־הַפָּרֹ֔כֶת תְּכֵ֥לֶת וְאַרְגָּמָ֖ן וְכַרְמִ֣יל וּב֑וּץ וַיַּ֥עַל עָלָ֖יו כְּרוּבִֽים׃ ס ‎15 ‏וַיַּ֜עַשׂ לִפְנֵ֤י הַבַּ֙יִת֙ עַמּוּדִ֣ים שְׁנַ֔יִם אַמּ֕וֹת שְׁלֹשִׁ֥ים וְחָמֵ֖שׁ אֹ֑רֶךְ וְהַצֶּ֥פֶת אֲשֶׁר־עַל־רֹאשׁ֖וֹ אַמּ֥וֹת חָמֵֽשׁ׃ ס ‎16 ‏וַיַּ֤עַשׂ שַׁרְשְׁרוֹת֙ בַּדְּבִ֔יר וַיִּתֵּ֖ן עַל־רֹ֣אשׁ הָעַמֻּדִ֑ים וַיַּ֤עַשׂ רִמּוֹנִים֙ מֵאָ֔ה וַיִּתֵּ֖ן בַּֽשַּׁרְשְׁרֽוֹת׃ ‎17 ‏וַיָּ֤קֶם אֶת־הָֽעַמּוּדִים֙ עַל־פְּנֵ֣י הַהֵיכָ֔ל אֶחָ֥ד מִיָּמִ֖ין וְאֶחָ֣ד מֵֽהַשְּׂמֹ֑אול וַיִּקְרָ֤א שֵׁם־הימיני הַיְמָנִי֙ יָכִ֔ין וְשֵׁ֥ם הַשְּׂמָאלִ֖י בֹּֽעַז׃ ס

1 wayyāḥel šəlōmōh liḇənwōṯ ’eṯ-bêṯ-yəhwâ bîrûšālaim bəhar hammwōrîyâ ’ăšer nirə’â ləḏāwîḏ ’āḇîhû ’ăšer hēḵîn biməqwōm dāwîḏ bəḡōren ’ārənān hayəḇûsî: 2 wayyāḥel liḇənwōṯ baḥōḏeš haššēnî baššēnî bišənaṯ ’arəba‘ ləmaləḵûṯwō: 3 wə’ēlleh hûsaḏ šəlōmōh liḇənwōṯ ’eṯ-bêṯ hā’ĕlōhîm hā’ōreḵə ’ammwōṯ bammidâ hāri’šwōnâ ’ammwōṯ šiššîm wərōḥaḇ ’ammwōṯ ‘eśərîm: 4 wəhā’ûlām ’ăšer ‘al-pənê hā’ōreḵə ‘al-pənê rōḥaḇ-habayiṯ ’ammwōṯ ‘eśərîm wəhagōḇah mē’â wə‘eśərîm wayəṣapēhû mipənîmâ zâāḇ ṭâwōr: 5 wə’ēṯ| habayiṯ hagāḏwōl ḥipâ ‘ēṣ bərwōšîm wayəḥapēhû zâāḇ ṭwōḇ wayya‘al ‘ālāyw timōrîm wəšarəšərwōṯ: 6 wayəṣaf ’eṯ-habayiṯ ’eḇen yəqārâ ləṯifə’āreṯ wəhazzâāḇ zəhaḇ parəwāyim: 7 wayəḥaf ’eṯ-habayiṯ haqqōrwōṯ hassipîm wəqîrwōṯāyw wəḏaləṯwōṯāyw zâāḇ ûfitaḥ kərûḇîm ‘al-haqqîrwōṯ: s 8 wayya‘aś ’eṯ-bêṯ-qōḏeš haqqŏḏāšîm ’ārəkwō ‘al-pənê rōḥaḇ-habayiṯ ’ammwōṯ ‘eśərîm wərāḥəbwō ’ammwōṯ ‘eśərîm wayəḥapēhû zâāḇ ṭwōḇ ləḵikārîm šēš mē’wōṯ: 9 ûmišəqāl ləmisəmərwōṯ lišəqālîm ḥămiššîm zâāḇ wəhā‘ălîywōṯ ḥipâ zâāḇ: 10 wayya‘aś bəḇêṯ-qōḏeš haqqŏḏāšîm kərûḇîm šənayim ma‘ăśēh ṣa‘ăṣu‘îm wayəṣapû ’ōṯām zâāḇ: 11 wəḵanəfê hakərûḇîm ’ārəkām ’ammwōṯ ‘eśərîm kənaf hā’eḥāḏ lə’ammwōṯ ḥāmēš maga‘aṯ ləqîr habayiṯ wəhakānāf hā’aḥereṯ ’ammwōṯ ḥāmēš magî‘a liḵənaf hakərûḇ hā’aḥēr: 12 ûḵənaf hakərûḇ hā’eḥāḏ ’ammwōṯ ḥāmēš magî‘a ləqîr habāyiṯ wəhakānāf hā’aḥereṯ ’ammwōṯ ḥāmēš dəḇēqâ liḵənaf hakərûḇ hā’aḥēr: 13 kanəfê hakərûḇîm hā’ēlleh pōrəśîm ’ammwōṯ ‘eśərîm wəhēm ‘ōməḏîm ‘al-raḡəlêhem ûfənêhem labāyiṯ: s 14 wayya‘aś ’eṯ-hapārōḵeṯ təḵēleṯ wə’arəgāmān wəḵarəmîl ûḇûṣ wayya‘al ‘ālāyw kərûḇîm: s 15 wayya‘aś lifənê habayiṯ ‘ammûḏîm šənayim ’ammwōṯ šəlōšîm wəḥāmēš ’ōreḵə wəhaṣṣefeṯ ’ăšer-‘al-rō’šwō ’ammwōṯ ḥāmēš: s 16 wayya‘aś šarəšərwōṯ badəḇîr wayyitēn ‘al-rō’š hā‘ammuḏîm wayya‘aś rimmwōnîm mē’â wayyitēn baššarəšərwōṯ: 17 wayyāqem ’eṯ-hā‘ammûḏîm ‘al-pənê hahêḵāl ’eḥāḏ mîyāmîn wə’eḥāḏ mēhaśśəmō’wl wayyiqərā’ šēm-hayəmînî hayəmānî yāḵîn wəšēm haśśəmā’lî bō‘az: s