Sacred Texts  Bible  Index 
Polyglot  KJV  Vul 

Nehemiah (Nechemiyah) Index
  Previous  Next 

Tanach (Hebrew): Nehemiah (Nechemiyah) Chapter 9

1 ‏וּבְיוֹם֩ עֶשְׂרִ֨ים וְאַרְבָּעָ֜ה לַחֹ֣דֶשׁ הַזֶּ֗ה נֶאֶסְפ֤וּ בְנֵֽי־יִשְׂרָאֵל֙ בְּצ֣וֹם וּבְשַׂקִּ֔ים וַאֲדָמָ֖ה עֲלֵיהֶֽם׃

2 ‏וַיִּבָּֽדְלוּ֙ זֶ֣רַע יִשְׂרָאֵ֔ל מִכֹּ֖ל בְּנֵ֣י נֵכָ֑ר וַיַּעַמְד֗וּ וַיִּתְוַדּוּ֙ עַל־חַטֹּ֣אתֵיהֶ֔ם וַעֲוֹנ֖וֹת אֲבֹתֵיהֶֽם׃

3 ‏וַיָּק֙וּמוּ֙ עַל־עָמְדָ֔ם וַֽיִּקְרְא֗וּ בְּסֵ֨פֶר תּוֹרַ֧ת יְהוָ֛ה אֱלֹהֵיהֶ֖ם רְבִעִ֣ית הַיּ֑וֹם וּרְבִעִית֙ מִתְוַדִּ֣ים וּמִֽשְׁתַּחֲוִ֔ים לַיהוָ֖ה אֱלֹהֵיהֶֽם׃ פ

4 ‏וַיָּ֜קָם עַֽל־מַֽעֲלֵ֣ה הַלְוִיִּ֗ם יֵשׁ֨וּעַ וּבָנִ֜י קַדְמִיאֵ֧ל שְׁבַנְיָ֛ה בֻּנִּ֥י שֵׁרֵבְיָ֖ה בָּנִ֣י כְנָ֑נִי וַֽיִּזְעֲקוּ֙ בְּק֣וֹל גָּד֔וֹל אֶל־יְהוָ֖ה אֱלֹהֵיהֶֽם׃

5 ‏וַיֹּאמְר֣וּ הַלְוִיִּ֡ם יֵשׁ֣וּעַ וְ֠קַדְמִיאֵל בָּנִ֨י חֲשַׁבְנְיָ֜ה שֵׁרֵֽבְיָ֤ה הֽוֹדִיָּה֙ שְׁבַנְיָ֣ה פְתַֽחְיָ֔ה ק֗וּמוּ בָּרֲכוּ֙ אֶת־יְהוָ֣ה אֱלֹֽהֵיכֶ֔ם מִן־הָעוֹלָ֖ם עַד־הָעוֹלָ֑ם וִיבָֽרְכוּ֙ שֵׁ֣ם כְּבוֹדֶ֔ךָ וּמְרוֹמַ֥ם עַל־כָּל־בְּרָכָ֖ה וּתְהִלָּֽה׃

6 ‏אַתָּה־ה֣וּא יְהוָה֮ לְבַדֶּךָ֒ את אַתָּ֣ה עָשִׂ֡יתָ אֶֽת־הַשָּׁמַיִם֩ שְׁמֵ֨י הַשָּׁמַ֜יִם וְכָל־צְבָאָ֗ם הָאָ֜רֶץ וְכָל־אֲשֶׁ֤ר עָלֶ֙יהָ֙ הַיַּמִּים֙ וְכָל־אֲשֶׁ֣ר בָּהֶ֔ם וְאַתָּ֖ה מְחַיֶּ֣ה אֶת־כֻּלָּ֑ם וּצְבָ֥א הַשָּׁמַ֖יִם לְךָ֥ מִשְׁתַּחֲוִֽים׃

7 ‏אַתָּה־הוּא֙ יְהוָ֣ה הָאֱלֹהִ֔ים אֲשֶׁ֤ר בָּחַ֙רְתָּ֙ בְּאַבְרָ֔ם וְהוֹצֵאת֖וֹ מֵא֣וּר כַּשְׂדִּ֑ים וְשַׂ֥מְתָּ שְּׁמ֖וֹ אַבְרָהָֽם׃

8 ‏וּמָצָ֣אתָ אֶת־לְבָבוֹ֮ נֶאֱמָ֣ן לְפָנֶיךָ֒ וְכָר֨וֹת עִמּ֜וֹ הַבְּרִ֗ית לָתֵ֡ת אֶת־אֶרֶץ֩ הַכְּנַעֲנִ֨י הַחִתִּ֜י הָאֱמֹרִ֧י וְהַפְּרִזִּ֛י וְהַיְבוּסִ֥י וְהַגִּרְגָּשִׁ֖י לָתֵ֣ת לְזַרְע֑וֹ וַתָּ֙קֶם֙ אֶת־דְּבָרֶ֔יךָ כִּ֥י צַדִּ֖יק אָֽתָּה׃

9 ‏וַתֵּ֛רֶא אֶת־עֳנִ֥י אֲבֹתֵ֖ינוּ בְּמִצְרָ֑יִם וְאֶת־זַעֲקָתָ֥ם שָׁמַ֖עְתָּ עַל־יַם־סֽוּף׃

10 ‏וַ֠תִּתֵּן אֹתֹ֨ת וּמֹֽפְתִ֜ים בְּפַרְעֹ֤ה וּבְכָל־עֲבָדָיו֙ וּבְכָל־עַ֣ם אַרְצ֔וֹ כִּ֣י יָדַ֔עְתָּ כִּ֥י הֵזִ֖ידוּ עֲלֵיהֶ֑ם וַתַּֽעַשׂ־לְךָ֥ שֵׁ֖ם כְּהַיּ֥וֹם הַזֶּֽה׃

11 ‏וְהַיָּם֙ בָּקַ֣עְתָּ לִפְנֵיהֶ֔ם וַיַּֽעַבְר֥וּ בְתוֹךְ־הַיָּ֖ם בַּיַּבָּשָׁ֑ה וְֽאֶת־רֹ֨דְפֵיהֶ֜ם הִשְׁלַ֧כְתָּ בִמְצוֹלֹ֛ת כְּמוֹ־אֶ֖בֶן בְּמַ֥יִם עַזִּֽים׃

12 ‏וּבְעַמּ֣וּד עָנָ֔ן הִנְחִיתָ֖ם יוֹמָ֑ם וּבְעַמּ֥וּד אֵשׁ֙ לַ֔יְלָה לְהָאִ֣יר לָהֶ֔ם אֶת־הַדֶּ֖רֶךְ אֲשֶׁ֥ר יֵֽלְכוּ־בָֽהּ׃

13 ‏וְעַ֤ל הַר־סִינַי֙ יָרַ֔דְתָּ וְדַבֵּ֥ר עִמָּהֶ֖ם מִשָּׁמָ֑יִם וַתִּתֵּ֨ן לָהֶ֜ם מִשְׁפָּטִ֤ים יְשָׁרִים֙ וְתוֹר֣וֹת אֱמֶ֔ת חֻקִּ֥ים וּמִצְוֹ֖ת טוֹבִֽים׃

14 ‏וְאֶת־שַׁבַּ֥ת קָדְשְׁךָ֖ הוֹדַ֣עַתָ1 לָהֶ֑ם וּמִצְו֤וֹת וְחֻקִּים֙ וְתוֹרָ֔ה צִוִּ֣יתָ לָהֶ֔ם בְּיַ֖ד מֹשֶׁ֥ה עַבְדֶּֽךָ׃

15 ‏וְ֠לֶחֶם מִשָּׁמַ֜יִם נָתַ֤תָּה לָהֶם֙ לִרְעָבָ֔ם וּמַ֗יִם מִסֶּ֛לַע הוֹצֵ֥אתָ לָהֶ֖ם לִצְמָאָ֑ם וַתֹּ֣אמֶר לָהֶ֗ם לָבוֹא֙ לָרֶ֣שֶׁת אֶת־הָאָ֔רֶץ אֲשֶׁר־נָשָׂ֥אתָ אֶת־יָדְךָ֖ לָתֵ֥ת לָהֶֽם׃

16 ‏וְהֵ֥ם וַאֲבֹתֵ֖ינוּ הֵזִ֑ידוּ וַיַּקְשׁוּ֙ אֶת־עָרְפָּ֔ם וְלֹ֥א שָׁמְע֖וּ אֶל־מִצְוֹתֶֽיךָ׃

17 ‏וַיְמָאֲנ֣וּ לִשְׁמֹ֗עַ וְלֹא־זָכְר֤וּ נִפְלְאֹתֶ֙יךָ֙ אֲשֶׁ֣ר עָשִׂ֣יתָ עִמָּהֶ֔ם וַיַּקְשׁוּ֙ אֶת־עָרְפָּ֔ם וַיִּתְּנוּ־רֹ֛אשׁ לָשׁ֥וּב לְעַבְדֻתָ֖ם בְּמִרְיָ֑ם וְאַתָּה֩ אֱל֨וֹהַּ סְלִיח֜וֹת חַנּ֧וּן וְרַח֛וּם אֶֽרֶךְ־אַפַּ֥יִם וְרַב־וחסד חֶ֖סֶדy וְלֹ֥א עֲזַבְתָּֽם׃

18 ‏אַ֗ף כִּֽי־עָשׂ֤וּ לָהֶם֙ עֵ֣גֶל מַסֵּכָ֔ה וַיֹּ֣אמְר֔וּ זֶ֣ה אֱלֹהֶ֔יךָ אֲשֶׁ֥ר הֶעֶלְךָ֖ מִמִּצְרָ֑יִם וַֽיַּעֲשׂ֔וּ נֶאָצ֖וֹת גְּדֹלֽוֹת׃

19 ‏וְאַתָּה֙ בְּרַחֲמֶ֣יךָ הָֽרַבִּ֔ים לֹ֥א עֲזַבְתָּ֖ם בַּמִּדְבָּ֑ר אֶת־עַמּ֣וּד הֶ֠עָנָן לֹא־סָ֨ר מֵעֲלֵיהֶ֤ם בְּיוֹמָם֙ לְהַנְחֹתָ֣ם בְּהַדֶּ֔רֶךְ וְאֶת־עַמּ֨וּד הָאֵ֤שׁ בְּלַ֙יְלָה֙ לְהָאִ֣יר לָהֶ֔ם וְאֶת־הַדֶּ֖רֶךְ אֲשֶׁ֥ר יֵֽלְכוּ־בָֽהּ׃

20 ‏וְרוּחֲךָ֨ הַטּוֹבָ֔ה נָתַ֖תָּ לְהַשְׂכִּילָ֑ם וּמַנְךָ֙ לֹא־מָנַ֣עְתָּ מִפִּיהֶ֔ם וּמַ֛יִם נָתַ֥תָּה לָהֶ֖ם לִצְמָאָֽם׃

21 ‏וְאַרְבָּעִ֥ים שָׁנָ֛ה כִּלְכַּלְתָּ֥ם בַּמִּדְבָּ֖ר לֹ֣א חָסֵ֑רוּ שַׂלְמֹֽתֵיהֶם֙ לֹ֣א בָל֔וּ וְרַגְלֵיהֶ֖ם לֹ֥א בָצֵֽקוּ׃

22 ‏וַתִּתֵּ֨ן לָהֶ֤ם מַמְלָכוֹת֙ וַעֲמָמִ֔ים וַֽתַּחְלְקֵ֖ם לְפֵאָ֑ה וַיִּֽירְשׁ֞וּ אֶת־אֶ֣רֶץ סִיח֗וֹן וְאֶת־אֶ֙רֶץ֙ מֶ֣לֶךְ חֶשְׁבּ֔וֹן וְאֶת־אֶ֖רֶץ ע֥וֹג מֶֽלֶךְ־הַבָּשָֽׁן׃

23 ‏וּבְנֵיהֶ֣ם הִרְבִּ֔יתָ כְּכֹכְבֵ֖י הַשָּׁמָ֑יִם וַתְּבִיאֵם֙ אֶל־הָאָ֔רֶץ אֲשֶׁר־אָמַ֥רְתָּ לַאֲבֹתֵיהֶ֖ם לָב֥וֹא לָרָֽשֶׁת׃

24 ‏וַיָּבֹ֤אוּ הַבָּנִים֙ וַיִּֽירְשׁ֣וּ אֶת־הָאָ֔רֶץ וַתַּכְנַ֨ע לִפְנֵיהֶ֜ם אֶת־יֹשְׁבֵ֤י הָאָ֙רֶץ֙ הַכְּנַ֣עֲנִ֔ים וַֽתִּתְּנֵ֖ם בְּיָדָ֑ם וְאֶת־מַלְכֵיהֶם֙ וְאֶת־עַֽמְמֵ֣י הָאָ֔רֶץ לַעֲשׂ֥וֹת בָּהֶ֖ם כִּרְצוֹנָֽם׃

25 ‏וַֽיִּלְכְּד֞וּ עָרִ֣ים בְּצֻרוֹת֮ וַאֲדָמָ֣ה שְׁמֵנָה֒ וַיִּֽירְשׁ֡וּ בָּתִּ֣ים מְלֵֽאִים־כָּל־ט֠וּב בֹּר֨וֹת חֲצוּבִ֜ים כְּרָמִ֧ים וְזֵיתִ֛ים וְעֵ֥ץ מַאֲכָ֖ל לָרֹ֑ב וַיֹּאכְל֤וּ וַֽיִּשְׂבְּעוּ֙ וַיַּשְׁמִ֔ינוּ וַיִּֽתְעַדְּנ֖וּ בְּטוּבְךָ֥ הַגָּדֽוֹל׃

26 ‏וַיַּמְר֨וּ וַֽיִּמְרְד֜וּ בָּ֗ךְ וַיַּשְׁלִ֤כוּ אֶת־תּוֹרָֽתְךָ֙ אַחֲרֵ֣י גַוָּ֔ם וְאֶת־נְבִיאֶ֣יךָ הָרָ֔גוּ אֲשֶׁר־הֵעִ֥ידוּ בָ֖ם לַהֲשִׁיבָ֣ם אֵלֶ֑יךָ וַֽיַּעֲשׂ֔וּ נֶאָצ֖וֹת גְּדוֹלֹֽת׃

27 ‏וַֽתִּתְּנֵם֙ בְּיַ֣ד צָֽרֵיהֶ֔ם וַיָּצֵ֖רוּ לָהֶ֑ם וּבְעֵ֤ת צָֽרָתָם֙ יִצְעֲק֣וּ אֵלֶ֔יךָ וְאַתָּה֙ מִשָּׁמַ֣יִם תִּשְׁמָ֔ע וּֽכְרַחֲמֶ֣יךָ הָֽרַבִּ֗ים תִּתֵּ֤ן לָהֶם֙ מֽוֹשִׁיעִ֔ים וְיוֹשִׁיע֖וּם מִיַּ֥ד צָרֵיהֶֽם׃

28 ‏וּכְנ֣וֹחַ לָהֶ֔ם יָשׁ֕וּבוּ לַעֲשׂ֥וֹת רַ֖ע לְפָנֶ֑יךָ וַתַּֽעַזְבֵ֞ם בְּיַ֤ד אֹֽיְבֵיהֶם֙ וַיִּרְדּ֣וּ בָהֶ֔ם וַיָּשׁ֙וּבוּ֙ וַיִּזְעָק֔וּךָ וְאַתָּ֞ה מִשָּׁמַ֧יִם תִּשְׁמַ֛ע וְתַצִּילֵ֥ם כְּֽרַחֲמֶ֖יךָ רַבּ֥וֹת עִתִּֽים׃

29 ‏וַתָּ֨עַד בָּהֶ֜ם לַהֲשִׁיבָ֣ם אֶל־תּוֹרָתֶ֗ךָ וְהֵ֨מָּה הֵזִ֜ידוּ וְלֹא־שָׁמְע֤וּ לְמִצְוֹתֶ֙יךָ֙ וּבְמִשְׁפָּטֶ֣יךָ חָֽטְאוּ־בָ֔ם אֲשֶׁר־יַעֲשֶׂ֥ה אָדָ֖ם וְחָיָ֣ה בָהֶ֑ם וַיִּתְּנ֤וּ כָתֵף֙ סוֹרֶ֔רֶת וְעָרְפָּ֥ם הִקְשׁ֖וּ וְלֹ֥א שָׁמֵֽעוּ׃

30 ‏וַתִּמְשֹׁ֤ךְ עֲלֵיהֶם֙ שָׁנִ֣ים רַבּ֔וֹת וַתָּ֨עַד בָּ֧ם בְּרוּחֲךָ֛ בְּיַד־נְבִיאֶ֖יךָ וְלֹ֣א הֶאֱזִ֑ינוּ וַֽתִּתְּנֵ֔ם בְּיַ֖ד עַמֵּ֥י הָאֲרָצֹֽת׃

31 ‏וּֽבְרַחֲמֶ֧יךָ הָרַבִּ֛ים לֹֽא־עֲשִׂיתָ֥ם כָּלָ֖ה וְלֹ֣א עֲזַבְתָּ֑ם כִּ֛י אֵֽל־חַנּ֥וּן וְרַח֖וּם אָֽתָּה׃

32 ‏וְעַתָּ֣ה אֱ֠לֹהֵינוּ הָאֵ֨ל הַגָּד֜וֹל הַגִּבּ֣וֹר וְהַנּוֹרָא֮ שׁוֹמֵ֣ר הַבְּרִ֣ית וְהַחֶסֶד֒ אַל־יִמְעַ֣ט לְפָנֶ֡יךָ אֵ֣ת כָּל־הַתְּלָאָ֣ה אֲֽשֶׁר־מְ֠צָאַתְנוּ לִמְלָכֵ֨ינוּ לְשָׂרֵ֧ינוּ וּלְכֹהֲנֵ֛ינוּ וְלִנְבִיאֵ֥נוּ וְלַאֲבֹתֵ֖ינוּ וּלְכָל־עַמֶּ֑ךָ מִימֵי֙ מַלְכֵ֣י אַשּׁ֔וּר עַ֖ד הַיּ֥וֹם הַזֶּֽה׃

33 ‏וְאַתָּ֣ה צַדִּ֔יק עַ֖ל כָּל־הַבָּ֣א עָלֵ֑ינוּ כִּֽי־אֱמֶ֥ת עָשִׂ֖יתָ וַאֲנַ֥חְנוּ הִרְשָֽׁעְנוּ׃

34 ‏וְאֶת־מְלָכֵ֤ינוּ שָׂרֵ֙ינוּ֙ כֹּהֲנֵ֣ינוּ וַאֲבֹתֵ֔ינוּ לֹ֥א עָשׂ֖וּ תּוֹרָתֶ֑ךָ וְלֹ֤א הִקְשִׁ֙יבוּ֙ אֶל־מִצְוֹתֶ֔יךָ וּלְעֵ֣דְוֹתֶ֔יךָ אֲשֶׁ֥ר הַעִידֹ֖תָ בָּהֶֽם׃

35 ‏וְהֵ֣ם בְּמַלְכוּתָם֩ וּבְטוּבְךָ֨ הָרָ֜ב אֲשֶׁר־נָתַ֣תָּ לָהֶ֗ם וּבְאֶ֨רֶץ הָרְחָבָ֧ה וְהַשְּׁמֵנָ֛ה אֲשֶׁר־נָתַ֥תָּ לִפְנֵיהֶ֖ם לֹ֣א עֲבָד֑וּךָ וְֽלֹא־שָׁ֔בוּ מִמַּֽעַלְלֵיהֶ֖ם הָרָעִֽים׃

36 ‏הִנֵּ֛ה אֲנַ֥חְנוּ הַיּ֖וֹם עֲבָדִ֑ים וְהָאָ֜רֶץ אֲשֶׁר־נָתַ֣תָּה לַאֲבֹתֵ֗ינוּ לֶאֱכֹ֤ל אֶת־פִּרְיָהּ֙ וְאֶת־טוּבָ֔הּ הִנֵּ֛ה אֲנַ֥חְנוּ עֲבָדִ֖ים עָלֶֽיהָ׃

37 ‏וּתְבוּאָתָ֣הּ מַרְבָּ֗ה לַמְּלָכִ֛ים אֲשֶׁר־נָתַ֥תָּה עָלֵ֖ינוּ בְּחַטֹּאותֵ֑ינוּ וְעַ֣ל גְּ֠וִיֹּתֵינוּ מֹשְׁלִ֤ים וּבִבְהֶמְתֵּ֙נוּ֙ כִּרְצוֹנָ֔ם וּבְצָרָ֥ה גְדוֹלָ֖ה אֲנָֽחְנוּ׃ פ

1 ûḇəywōm ‘eśərîm wə’arəbā‘â laḥōḏeš hazzeh ne’esəfû ḇənê-yiśərā’ēl bəṣwōm ûḇəśaqqîm wa’ăḏāmâ ‘ălêhem:

2 wayyibāḏəlû zera‘ yiśərā’ēl mikōl bənê nēḵār wayya‘aməḏû wayyiṯəwadû ‘al-ḥaṭṭō’ṯêhem wa‘ăwōnwōṯ ’ăḇōṯêhem:

3 wayyāqûmû ‘al-‘āməḏām wayyiqərə’û bəsēfer twōraṯ yəhwâ ’ĕlōhêhem rəḇi‘îṯ hayywōm ûrəḇi‘îṯ miṯəwadîm ûmišətaḥăwîm layhwâ ’ĕlōhêhem: f

4 wayyāqām ‘al-ma‘ălēh haləwîyim yēšû‘a ûḇānî qaḏəmî’ēl šəḇanəyâ bunnî šērēḇəyâ bānî ḵənānî wayyizə‘ăqû bəqwōl gāḏwōl ’el-yəhwâ ’ĕlōhêhem:

5 wayyō’mərû haləwîyim yēšû‘a wəqaḏəmî’ēl bānî ḥăšaḇənəyâ šērēḇəyâ hwōḏîyâ šəḇanəyâ fəṯaḥəyâ qûmû bārăḵû ’eṯ-yəhwâ ’ĕlōhêḵem min-hā‘wōlām ‘aḏ-hā‘wōlām wîḇārəḵû šēm kəḇwōḏeḵā ûmərwōmam ‘al-kāl-bərāḵâ ûṯəhillâ:

6 ’atâ-hû’ yəhwâ ləḇadeḵā ’atə ’atâ ‘āśîṯā ’eṯ-haššāmayim šəmê haššāmayim wəḵāl-ṣəḇā’ām hā’āreṣ wəḵāl-’ăšer ‘āleyhā hayyammîm wəḵāl-’ăšer bâem wə’atâ məḥayyeh ’eṯ-kullām ûṣəḇā’ haššāmayim ləḵā mišətaḥăwîm:

7 ’atâ-hû’ yəhwâ hā’ĕlōhîm ’ăšer bāḥarətā bə’aḇərām wəhwōṣē’ṯwō mē’ûr kaśədîm wəśamətā ššəmwō ’aḇərâām:

8 ûmāṣā’ṯā ’eṯ-ləḇāḇwō ne’ĕmān ləfāneyḵā wəḵārwōṯ ‘immwō habərîṯ lāṯēṯ ’eṯ-’ereṣ hakəna‘ănî haḥitî hā’ĕmōrî wəhapərizzî wəhayəḇûsî wəhagirəgāšî lāṯēṯ ləzarə‘wō watāqem ’eṯ-dəḇāreyḵā kî ṣadîq ’ātâ:

9 watēre’ ’eṯ-‘ŏnî ’ăḇōṯênû bəmiṣərāyim wə’eṯ-za‘ăqāṯām šāma‘ətā ‘al-yam-sûf:

10 watitēn ’ōṯōṯ ûmōfəṯîm bəfarə‘ōh ûḇəḵāl-‘ăḇāḏāyw ûḇəḵāl-‘am ’arəṣwō kî yāḏa‘ətā kî hēzîḏû ‘ălêhem wata‘aś-ləḵā šēm kəhayywōm hazzeh:

11 wəhayyām bāqa‘ətā lifənêhem wayya‘aḇərû ḇəṯwōḵə-hayyām bayyabāšâ wə’eṯ-rōḏəfêhem hišəlaḵətā ḇiməṣwōlōṯ kəmwō-’eḇen bəmayim ‘azzîm:

12 ûḇə‘ammûḏ ‘ānān hinəḥîṯām ywōmām ûḇə‘ammûḏ ’ēš layəlâ ləhā’îr lâem ’eṯ-hadereḵə ’ăšer yēləḵû-ḇāh:

13 wə‘al har-sînay yāraḏətā wəḏabēr ‘immâem miššāmāyim watitēn lâem mišəpāṭîm yəšārîm wəṯwōrwōṯ ’ĕmeṯ ḥuqqîm ûmiṣəwōṯ ṭwōḇîm:

14 wə’eṯ-šabaṯ qāḏəšəḵā hwōḏa‘aṯā1 lâem ûmiṣəwwōṯ wəḥuqqîm wəṯwōrâ ṣiûîṯā lâem bəyaḏ mōšeh ‘aḇədeḵā:

15 wəleḥem miššāmayim nāṯatâ lâem lirə‘āḇām ûmayim missela‘ hwōṣē’ṯā lâem liṣəmā’ām watō’mer lâem lāḇwō’ lārešeṯ ’eṯ-hā’āreṣ ’ăšer-nāśā’ṯā ’eṯ-yāḏəḵā lāṯēṯ lâem:

16 wəhēm wa’ăḇōṯênû hēzîḏû wayyaqəšû ’eṯ-‘ārəpām wəlō’ šāmə‘û ’el-miṣəwōṯeyḵā:

17 wayəmā’ănû lišəmō‘a wəlō’-zāḵərû nifələ’ōṯeyḵā ’ăšer ‘āśîṯā ‘immâem wayyaqəšû ’eṯ-‘ārəpām wayyitənû-rō’š lāšûḇ lə‘aḇəḏuṯām bəmirəyām wə’atâ ’ĕlwōhha səlîḥwōṯ ḥannûn wəraḥûm ’ereḵə-’apayim wəraḇ-wəḥeseḏ ḥeseḏy wəlō’ ‘ăzaḇətām:

18 ’af kî-‘āśû lâem ‘ēḡel massēḵâ wayyō’mərû zeh ’ĕlōheyḵā ’ăšer he‘eləḵā mimmiṣərāyim wayya‘ăśû ne’āṣwōṯ gəḏōlwōṯ:

19 wə’atâ bəraḥămeyḵā hārabîm lō’ ‘ăzaḇətām bammiḏəbār ’eṯ-‘ammûḏ he‘ānān lō’-sār mē‘ălêhem bəywōmām ləhanəḥōṯām bəhadereḵə wə’eṯ-‘ammûḏ hā’ēš bəlayəlâ ləhā’îr lâem wə’eṯ-hadereḵə ’ăšer yēləḵû-ḇāh:

20 wərûḥăḵā haṭṭwōḇâ nāṯatā ləhaśəkîlām ûmanəḵā lō’-māna‘ətā mipîhem ûmayim nāṯatâ lâem liṣəmā’ām:

21 wə’arəbā‘îm šānâ kiləkalətām bammiḏəbār lō’ ḥāsērû śaləmōṯêhem lō’ ḇālû wəraḡəlêhem lō’ ḇāṣēqû:

22 watitēn lâem maməlāḵwōṯ wa‘ămāmîm wataḥələqēm ləfē’â wayyîrəšû ’eṯ-’ereṣ sîḥwōn wə’eṯ-’ereṣ meleḵə ḥešəbwōn wə’eṯ-’ereṣ ‘wōḡ meleḵə-habāšān:

23 ûḇənêhem hirəbîṯā kəḵōḵəḇê haššāmāyim watəḇî’ēm ’el-hā’āreṣ ’ăšer-’āmarətā la’ăḇōṯêhem lāḇwō’ lārāšeṯ:

24 wayyāḇō’û habānîm wayyîrəšû ’eṯ-hā’āreṣ wataḵəna‘ lifənêhem ’eṯ-yōšəḇê hā’āreṣ hakəna‘ănîm watitənēm bəyāḏām wə’eṯ-maləḵêhem wə’eṯ-‘aməmê hā’āreṣ la‘ăśwōṯ bâem kirəṣwōnām:

25 wayyiləkəḏû ‘ārîm bəṣurwōṯ wa’ăḏāmâ šəmēnâ wayyîrəšû bātîm məlē’îm-kāl-ṭûḇ bōrwōṯ ḥăṣûḇîm kərāmîm wəzêṯîm wə‘ēṣ ma’ăḵāl lārōḇ wayyō’ḵəlû wayyiśəbə‘û wayyašəmînû wayyiṯə‘adənû bəṭûḇəḵā hagāḏwōl:

26 wayyamərû wayyimərəḏû bāḵə wayyašəliḵû ’eṯ-twōrāṯəḵā ’aḥărê ḡaûām wə’eṯ-nəḇî’eyḵā hārāḡû ’ăšer-hē‘îḏû ḇām lahăšîḇām ’ēleyḵā wayya‘ăśû ne’āṣwōṯ gəḏwōlōṯ:

27 watitənēm bəyaḏ ṣārêhem wayyāṣērû lâem ûḇə‘ēṯ ṣārāṯām yiṣə‘ăqû ’ēleyḵā wə’atâ miššāmayim tišəmā‘ ûḵəraḥămeyḵā hārabîm titēn lâem mwōšî‘îm wəywōšî‘ûm mîyaḏ ṣārêhem:

28 ûḵənwōḥa lâem yāšûḇû la‘ăśwōṯ ra‘ ləfāneyḵā wata‘azəḇēm bəyaḏ ’ōyəḇêhem wayyirədû ḇâem wayyāšûḇû wayyizə‘āqûḵā wə’atâ miššāmayim tišəma‘ wəṯaṣṣîlēm kəraḥămeyḵā rabwōṯ ‘itîm:

29 watā‘aḏ bâem lahăšîḇām ’el-twōrāṯeḵā wəhēmmâ hēzîḏû wəlō’-šāmə‘û ləmiṣəwōṯeyḵā ûḇəmišəpāṭeyḵā ḥāṭə’û-ḇām ’ăšer-ya‘ăśeh ’āḏām wəḥāyâ ḇâem wayyitənû ḵāṯēf swōrereṯ wə‘ārəpām hiqəšû wəlō’ šāmē‘û:

30 watiməšōḵə ‘ălêhem šānîm rabwōṯ watā‘aḏ bām bərûḥăḵā bəyaḏ-nəḇî’eyḵā wəlō’ he’ĕzînû watitənēm bəyaḏ ‘ammê hā’ărāṣōṯ:

31 ûḇəraḥămeyḵā hārabîm lō’-‘ăśîṯām kālâ wəlō’ ‘ăzaḇətām kî ’ēl-ḥannûn wəraḥûm ’ātâ:

32 wə‘atâ ’ĕlōhênû hā’ēl hagāḏwōl hagibwōr wəhannwōrā’ šwōmēr habərîṯ wəhaḥeseḏ ’al-yimə‘aṭ ləfāneyḵā ’ēṯ kāl-hatəlā’â ’ăšer-məṣā’aṯənû liməlāḵênû ləśārênû ûləḵōhănênû wəlinəḇî’ēnû wəla’ăḇōṯênû ûləḵāl-‘ammeḵā mîmê maləḵê ’aššûr ‘aḏ hayywōm hazzeh:

33 wə’atâ ṣadîq ‘al kāl-habā’ ‘ālênû kî-’ĕmeṯ ‘āśîṯā wa’ănaḥənû hirəšā‘ənû:

34 wə’eṯ-məlāḵênû śārênû kōhănênû wa’ăḇōṯênû lō’ ‘āśû twōrāṯeḵā wəlō’ hiqəšîḇû ’el-miṣəwōṯeyḵā ûlə‘ēḏəwōṯeyḵā ’ăšer ha‘îḏōṯā bâem:

35 wəhēm bəmaləḵûṯām ûḇəṭûḇəḵā hārāḇ ’ăšer-nāṯatā lâem ûḇə’ereṣ hārəḥāḇâ wəhaššəmēnâ ’ăšer-nāṯatā lifənêhem lō’ ‘ăḇāḏûḵā wəlō’-šāḇû mimma‘aləlêhem hārā‘îm:

36 hinnēh ’ănaḥənû hayywōm ‘ăḇāḏîm wəhā’āreṣ ’ăšer-nāṯatâ la’ăḇōṯênû le’ĕḵōl ’eṯ-pirəyāh wə’eṯ-ṭûḇāh hinnēh ’ănaḥənû ‘ăḇāḏîm ‘āleyhā:

37 ûṯəḇû’āṯāh marəbâ lamməlāḵîm ’ăšer-nāṯatâ ‘ālênû bəḥaṭṭō’wṯênû wə‘al gəwîyōṯênû mōšəlîm ûḇiḇəhemətēnû kirəṣwōnām ûḇəṣārâ ḡəḏwōlâ ’ănāḥənû: f


Next: Nehemiah (Nechemiyah) Chapter 10