Nehemiah (Nechemiyah): Nehemiah (Nechemiyah) Chapter 10

Tanach (Hebrew): Nehemiah (Nechemiyah) Chapter 10

‎1 ‏וּבְכָל־זֹ֕את אֲנַ֛חְנוּ כֹּרְתִ֥ים אֲמָנָ֖ה וְכֹתְבִ֑ים וְעַל֙ הֶֽחָת֔וּם שָׂרֵ֥ינוּ לְוִיֵּ֖נוּ כֹּהֲנֵֽינוּ׃ ‎2 ‏וְעַ֖ל הַחֲתוּמִ֑ים נְחֶמְיָ֧ה הַתִּרְשָׁ֛תָא בֶּן־חֲכַלְיָ֖ה וְצִדְקִיָּֽה׃ ‎3 ‏שְׂרָיָ֥ה עֲזַרְיָ֖ה יִרְמְיָֽה׃ ‎4 ‏פַּשְׁח֥וּר אֲמַרְיָ֖ה מַלְכִּיָּֽה׃ ‎5 ‏חַטּ֥וּשׁ שְׁבַנְיָ֖ה מַלּֽוּךְ׃ ‎6 ‏חָרִ֥ם מְרֵמ֖וֹת עֹֽבַדְיָֽה׃ ‎7 ‏דָּנִיֵּ֥אל גִּנְּת֖וֹן בָּרֽוּךְ׃ ‎8 ‏מְשֻׁלָּ֥ם אֲבִיָּ֖ה מִיָּמִֽן׃ ‎9 ‏מַֽעַזְיָ֥ה בִלְגַּ֖י שְׁמַֽעְיָ֑ה אֵ֖לֶּה הַכֹּהֲנִֽים׃ ס ‎10 ‏וְֽהַלְוִיִּ֑ם וְיֵשׁ֙וּעַ֙ בֶּן־אֲזַנְיָ֔ה בִּנּ֕וּי מִבְּנֵ֥י חֵנָדָ֖ד קַדְמִיאֵֽל׃ ‎11 ‏וַאֲחֵיהֶ֑ם שְׁבַנְיָ֧ה הֽוֹדִיָּ֛ה קְלִיטָ֖א פְּלָאיָ֥ה חָנָֽן׃ ‎12 ‏מִיכָ֥א רְח֖וֹב חֲשַׁבְיָֽה׃ ‎13 ‏זַכּ֥וּר שֵׁרֵֽבְיָ֖ה שְׁבַנְיָֽה׃ ‎14 ‏הוֹדִיָּ֥ה בָנִ֖י בְּנִֽינוּ׃ ס ‎15 ‏רָאשֵׁ֖י הָעָ֑ם פַּרְעֹשׁ֙ פַּחַ֣ת מוֹאָ֔ב עֵילָ֥ם זַתּ֖וּא בָּנִֽי׃ ‎16 ‏בֻּנִּ֥י עַזְגָּ֖ד בֵּבָֽי׃ ‎17 ‏אֲדֹנִיָּ֥ה בִגְוַ֖י עָדִֽין׃ ‎18 ‏אָטֵ֥ר חִזְקִיָּ֖ה עַזּֽוּר׃ ‎19 ‏הוֹדִיָּ֥ה חָשֻׁ֖ם בֵּצָֽי׃ ‎20 ‏חָרִ֥יף עֲנָת֖וֹת נובי נֵיבָֽי׃ ‎21 ‏מַגְפִּיעָ֥שׁ מְשֻׁלָּ֖ם חֵזִֽיר׃ ‎22 ‏מְשֵׁיזַבְאֵ֥ל צָד֖וֹק יַדּֽוּעַ׃ ‎23 ‏פְּלַטְיָ֥ה חָנָ֖ן עֲנָיָֽה׃ ‎24 ‏הוֹשֵׁ֥עַ חֲנַנְיָ֖ה חַשּֽׁוּב׃ ‎25 ‏הַלּוֹחֵ֥שׁ פִּלְחָ֖א שׁוֹבֵֽק׃ ‎26 ‏רְח֥וּם חֲשַׁבְנָ֖ה מַעֲשֵׂיָֽה׃ ‎27 ‏וַאֲחִיָּ֥ה חָנָ֖ן עָנָֽן׃ ‎28 ‏מַלּ֥וּךְ חָרִ֖ם בַּעֲנָֽה׃ ‎29 ‏וּשְׁאָ֣ר הָעָ֡ם הַכֹּהֲנִ֣ים הַ֠לְוִיִּם הַשּׁוֹעֲרִ֨ים הַמְשֹׁרְרִ֜ים הַנְּתִינִ֗ים וְֽכָל־הַנִּבְדָּ֞ל מֵעַמֵּ֤י הָאֲרָצוֹת֙ אֶל־תּוֹרַ֣ת הָאֱלֹהִ֔ים נְשֵׁיהֶ֖ם בְּנֵיהֶ֣ם וּבְנֹתֵיהֶ֑ם כֹּ֖ל יוֹדֵ֥עַ מֵבִֽין׃ ‎30 ‏מַחֲזִיקִ֣ים עַל־אֲחֵיהֶם֮ אַדִּירֵיהֶם֒ וּבָאִ֞ים בְּאָלָ֣ה וּבִשְׁבוּעָ֗ה לָלֶ֙כֶת֙ בְּתוֹרַ֣ת הָאֱלֹהִ֔ים אֲשֶׁ֣ר נִתְּנָ֔ה בְּיַ֖ד מֹשֶׁ֣ה עֶֽבֶד־הָֽאֱלֹהִ֑ים וְלִשְׁמ֣וֹר וְלַעֲשׂ֗וֹת אֶת־כָּל־מִצְוֹת֙ יְהוָ֣ה אֲדֹנֵ֔ינוּ וּמִשְׁפָּטָ֖יו וְחֻקָּֽיו׃ ‎31 ‏וַאֲשֶׁ֛ר לֹא־נִתֵּ֥ן בְּנֹתֵ֖ינוּ לְעַמֵּ֣י הָאָ֑רֶץ וְאֶת־בְּנֹ֣תֵיהֶ֔ם לֹ֥א נִקַּ֖ח לְבָנֵֽינוּ׃ ‎32 ‏וְעַמֵּ֣י הָאָ֡רֶץ הַֽמְבִיאִים֩ אֶת־הַמַּקָּח֨וֹת וְכָל־שֶׁ֜בֶר בְּי֤וֹם הַשַּׁבָּת֙ לִמְכּ֔וֹר לֹא־נִקַּ֥ח מֵהֶ֛ם בַּשַּׁבָּ֖ת וּבְי֣וֹם קֹ֑דֶשׁ וְנִטֹּ֛שׁ אֶת־הַשָּׁנָ֥ה הַשְּׁבִיעִ֖ית וּמַשָּׁ֥א כָל־יָֽד׃ ‎33 ‏וְהֶעֱמַ֤דְנוּ עָלֵ֙ינוּ֙ מִצְוֹ֔ת לָתֵ֥ת עָלֵ֛ינוּ שְׁלִשִׁ֥ית הַשֶּׁ֖קֶל בַּשָּׁנָ֑ה לַעֲבֹדַ֖ת בֵּ֥ית אֱלֹהֵֽינוּ׃ ‎34 ‏לְלֶ֣חֶם הַֽמַּעֲרֶ֡כֶת וּמִנְחַ֣ת הַתָּמִ֣יד וּלְעוֹלַ֣ת הַ֠תָּמִיד הַשַּׁבָּת֨וֹת הֶחֳדָשִׁ֜ים לַמּוֹעֲדִ֗ים וְלַקֳּדָשִׁים֙ וְלַ֣חַטָּא֔וֹת לְכַפֵּ֖ר עַל־יִשְׂרָאֵ֑ל וְכֹ֖ל מְלֶ֥אכֶת בֵּית־אֱלֹהֵֽינוּ׃ ס ‎35 ‏וְהַגּוֹרָל֨וֹת הִפַּ֜לְנוּ עַל־קֻרְבַּ֣ן הָעֵצִ֗ים הַכֹּהֲנִ֣ים הַלְוִיִּם֮ וְהָעָם֒ לְ֠הָבִיא לְבֵ֨ית אֱלֹהֵ֧ינוּ לְבֵית־אֲבֹתֵ֛ינוּ לְעִתִּ֥ים מְזֻמָּנִ֖ים שָׁנָ֣ה בְשָׁנָ֑ה לְבַעֵ֗ר עַל־מִזְבַּח֙ יְהוָ֣ה אֱלֹהֵ֔ינוּ כַּכָּת֖וּב בַּתּוֹרָֽה׃ ‎36 ‏וּלְהָבִ֞יא אֶת־בִּכּוּרֵ֣י אַדְמָתֵ֗נוּ וּבִכּוּרֵ֛י כָּל־פְּרִ֥י כָל־עֵ֖ץ שָׁנָ֣ה בְשָׁנָ֑ה לְבֵ֖ית יְהוָֽה׃ ‎37 ‏וְאֶת־בְּכֹר֤וֹת בָּנֵ֙ינוּ֙ וּבְהֶמְתֵּ֔ינוּ כַּכָּת֖וּב בַּתּוֹרָ֑ה וְאֶת־בְּכוֹרֵ֨י בְקָרֵ֜ינוּ וְצֹאנֵ֗ינוּ לְהָבִיא֙ לְבֵ֣ית אֱלֹהֵ֔ינוּ לַכֹּ֣הֲנִ֔ים הַמְשָׁרְתִ֖ים בְּבֵ֥ית אֱלֹהֵֽינוּ׃ ‎38 ‏וְאֶת־רֵאשִׁ֣ית עֲרִיסֹתֵ֣ינוּ וּ֠תְרוּמֹתֵינוּ וּפְרִ֨י כָל־עֵ֜ץ תִּיר֣וֹשׁ וְיִצְהָ֗ר נָבִ֤יא לַכֹּהֲנִים֙ אֶל־לִשְׁכ֣וֹת בֵּית־אֱלֹהֵ֔ינוּ וּמַעְשַׂ֥ר אַדְמָתֵ֖נוּ לַלְוִיִּ֑ם וְהֵם֙ הַלְוִיִּ֔ם הַֽמְעַשְּׂרִ֔ים בְּכֹ֖ל עָרֵ֥י עֲבֹדָתֵֽנוּ׃ ‎39 ‏וְהָיָ֨ה הַכֹּהֵ֧ן בֶּֽן־אַהֲרֹ֛ן עִם־הַלְוִיִּ֖ם בַּעְשֵׂ֣ר הַלְוִיִּ֑ם וְהַלְוִיִּ֞ם יַעֲל֨וּ אֶת־מַעֲשַׂ֤ר הַֽמַּעֲשֵׂר֙ לְבֵ֣ית אֱלֹהֵ֔ינוּ אֶל־הַלְּשָׁכ֖וֹת לְבֵ֥ית הָאוֹצָֽר׃ ‎40 ‏כִּ֣י אֶל־הַ֠לְּשָׁכוֹת יָבִ֨יאוּ בְנֵי־יִשְׂרָאֵ֜ל וּבְנֵ֣י הַלֵּוִ֗י אֶת־תְּרוּמַ֣ת הַדָּגָן֮ הַתִּיר֣וֹשׁ וְהַיִּצְהָר֒ וְשָׁם֙ כְּלֵ֣י הַמִּקְדָּ֔שׁ וְהַכֹּהֲנִים֙ הַמְשָׁ֣רְתִ֔ים וְהַשּׁוֹעֲרִ֖ים וְהַמְשֹׁרְרִ֑ים וְלֹ֥א נַעֲזֹ֖ב אֶת־בֵּ֥ית אֱלֹהֵֽינוּ׃

1 ûḇəḵāl-zō’ṯ ’ănaḥənû kōrəṯîm ’ămānâ wəḵōṯəḇîm wə‘al heḥāṯûm śārênû ləwîyēnû kōhănênû: 2 wə‘al haḥăṯûmîm nəḥeməyâ hatirəšāṯā’ ben-ḥăḵaləyâ wəṣiḏəqîyâ: 3 śərāyâ ‘ăzarəyâ yirəməyâ: 4 pašəḥûr ’ămarəyâ maləkîyâ: 5 ḥaṭṭûš šəḇanəyâ mallûḵə: 6 ḥārim mərēmwōṯ ‘ōḇaḏəyâ: 7 dānîyē’l ginnəṯwōn bārûḵə: 8 məšullām ’ăḇîyâ mîyāmin: 9 ma‘azəyâ ḇiləgay šəma‘əyâ ’ēlleh hakōhănîm: s 10 wəhaləwîyim wəyēšû‘a ben-’ăzanəyâ binnûy mibənê ḥēnāḏāḏ qaḏəmî’ēl: 11 wa’ăḥêhem šəḇanəyâ hwōḏîyâ qəlîṭā’ pəlā’yâ ḥānān: 12 mîḵā’ rəḥwōḇ ḥăšaḇəyâ: 13 zakûr šērēḇəyâ šəḇanəyâ: 14 hwōḏîyâ ḇānî bənînû: s 15 rā’šê hā‘ām parə‘ōš paḥaṯ mwō’āḇ ‘êlām zatû’ bānî: 16 bunnî ‘azəgāḏ bēḇāy: 17 ’ăḏōnîyâ ḇiḡəway ‘āḏîn: 18 ’āṭēr ḥizəqîyâ ‘azzûr: 19 hwōḏîyâ ḥāšum bēṣāy: 20 ḥārîf ‘ănāṯwōṯ nwōḇāy nêḇāy: 21 maḡəpî‘āš məšullām ḥēzîr: 22 məšêzaḇə’ēl ṣāḏwōq yadû‘a: 23 pəlaṭəyâ ḥānān ‘ănāyâ: 24 hwōšē‘a ḥănanəyâ ḥaššûḇ: 25 hallwōḥēš piləḥā’ šwōḇēq: 26 rəḥûm ḥăšaḇənâ ma‘ăśêâ: 27 wa’ăḥîyâ ḥānān ‘ānān: 28 mallûḵə ḥārim ba‘ănâ: 29 ûšə’ār hā‘ām hakōhănîm haləwîyim haššwō‘ărîm haməšōrərîm hannəṯînîm wəḵāl-hanniḇədāl mē‘ammê hā’ărāṣwōṯ ’el-twōraṯ hā’ĕlōhîm nəšêhem bənêhem ûḇənōṯêhem kōl ywōḏē‘a mēḇîn: 30 maḥăzîqîm ‘al-’ăḥêhem ’adîrêhem ûḇā’îm bə’ālâ ûḇišəḇû‘â lāleḵeṯ bəṯwōraṯ hā’ĕlōhîm ’ăšer nitənâ bəyaḏ mōšeh ‘eḇeḏ-hā’ĕlōhîm wəlišəmwōr wəla‘ăśwōṯ ’eṯ-kāl-miṣəwōṯ yəhwâ ’ăḏōnênû ûmišəpāṭāyw wəḥuqqāyw: 31 wa’ăšer lō’-nitēn bənōṯênû lə‘ammê hā’āreṣ wə’eṯ-bənōṯêhem lō’ niqqaḥ ləḇānênû: 32 wə‘ammê hā’āreṣ haməḇî’îm ’eṯ-hammaqqāḥwōṯ wəḵāl-šeḇer bəywōm haššabāṯ liməkwōr lō’-niqqaḥ mēhem baššabāṯ ûḇəywōm qōḏeš wəniṭṭōš ’eṯ-haššānâ haššəḇî‘îṯ ûmaššā’ ḵāl-yāḏ: 33 wəhe‘ĕmaḏənû ‘ālênû miṣəwōṯ lāṯēṯ ‘ālênû šəlišîṯ haššeqel baššānâ la‘ăḇōḏaṯ bêṯ ’ĕlōhênû: 34 ləleḥem hamma‘ăreḵeṯ ûminəḥaṯ hatāmîḏ ûlə‘wōlaṯ hatāmîḏ haššabāṯwōṯ heḥŏḏāšîm lammwō‘ăḏîm wəlaqqŏḏāšîm wəlaḥaṭṭā’wōṯ ləḵapēr ‘al-yiśərā’ēl wəḵōl məle’ḵeṯ bêṯ-’ĕlōhênû: s 35 wəhagwōrālwōṯ hipalənû ‘al-qurəban hā‘ēṣîm hakōhănîm haləwîyim wəhā‘ām ləhāḇî’ ləḇêṯ ’ĕlōhênû ləḇêṯ-’ăḇōṯênû lə‘itîm məzummānîm šānâ ḇəšānâ ləḇa‘ēr ‘al-mizəbaḥ yəhwâ ’ĕlōhênû kakāṯûḇ batwōrâ: 36 ûləhāḇî’ ’eṯ-bikûrê ’aḏəmāṯēnû ûḇikûrê kāl-pərî ḵāl-‘ēṣ šānâ ḇəšānâ ləḇêṯ yəhwâ: 37 wə’eṯ-bəḵōrwōṯ bānênû ûḇəhemətênû kakāṯûḇ batwōrâ wə’eṯ-bəḵwōrê ḇəqārênû wəṣō’nênû ləhāḇî’ ləḇêṯ ’ĕlōhênû lakōhănîm haməšārəṯîm bəḇêṯ ’ĕlōhênû: 38 wə’eṯ-rē’šîṯ ‘ărîsōṯênû ûṯərûmōṯênû ûfərî ḵāl-‘ēṣ tîrwōš wəyiṣəhār nāḇî’ lakōhănîm ’el-lišəḵwōṯ bêṯ-’ĕlōhênû ûma‘əśar ’aḏəmāṯēnû laləwîyim wəhēm haləwîyim hamə‘aśśərîm bəḵōl ‘ārê ‘ăḇōḏāṯēnû: 39 wəhāyâ hakōhēn ben-’ahărōn ‘im-haləwîyim ba‘əśēr haləwîyim wəhaləwîyim ya‘ălû ’eṯ-ma‘ăśar hamma‘ăśēr ləḇêṯ ’ĕlōhênû ’el-halləšāḵwōṯ ləḇêṯ hā’wōṣār: 40 kî ’el-halləšāḵwōṯ yāḇî’û ḇənê-yiśərā’ēl ûḇənê hallēwî ’eṯ-tərûmaṯ hadāḡān hatîrwōš wəhayyiṣəhār wəšām kəlê hammiqədāš wəhakōhănîm haməšārəṯîm wəhaššwō‘ărîm wəhaməšōrərîm wəlō’ na‘ăzōḇ ’eṯ-bêṯ ’ĕlōhênû: