Sacred Texts  Bible  Index 
Polyglot  KJV  Sep  Vul 

Ezekiel (Yechezqel) Index
  Previous  Next 

Tanach (Hebrew): Ezekiel (Yechezqel) Chapter 23

1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

2 ‏בֶּן־אָדָ֑ם שְׁתַּ֣יִם נָשִׁ֔ים בְּנ֥וֹת אֵם־אַחַ֖ת הָיֽוּ׃

3 ‏וַתִּזְנֶ֣ינָה בְמִצְרַ֔יִם בִּנְעוּרֵיהֶ֖ן זָנ֑וּ שָׁ֚מָּה מֹעֲכ֣וּ שְׁדֵיהֶ֔ן וְשָׁ֣ם עִשּׂ֔וּ דַּדֵּ֖י בְּתוּלֵיהֶֽן׃

4 ‏וּשְׁמוֹתָ֗ן אָהֳלָ֤ה הַגְּדוֹלָה֙ וְאָהֳלִיבָ֣ה אֲחוֹתָ֔הּ וַתִּֽהְיֶ֣ינָה לִ֔י וַתֵּלַ֖דְנָה בָּנִ֣ים וּבָנ֑וֹת וּשְׁמוֹתָ֕ן שֹׁמְר֣וֹן אָהֳלָ֔ה וִירוּשָׁלִַ֖ם אָהֳלִיבָֽה׃

5 ‏וַתִּ֥זֶן אָהֳלָ֖ה תַּחְתָּ֑י וַתַּעְגַּב֙ עַֽל־מְאַהֲבֶ֔יהָ אֶל־אַשּׁ֖וּר קְרוֹבִֽים׃

6 ‏לְבֻשֵׁ֤י תְכֵ֙לֶת֙ פַּח֣וֹת וּסְגָנִ֔ים בַּח֥וּרֵי חֶ֖מֶד כֻּלָּ֑ם פָּרָשִׁ֕ים רֹכְבֵ֖י סוּסִֽים׃

7 ‏וַתִּתֵּ֤ן תַּזְנוּתֶ֙יהָ֙ עֲלֵיהֶ֔ם מִבְחַ֥ר בְּנֵֽי־אַשּׁ֖וּר כֻּלָּ֑ם וּבְכֹ֧ל אֲשֶׁר־עָֽגְבָ֛ה בְּכָל־גִּלּוּלֵיהֶ֖ם נִטְמָֽאָה׃

8 ‏וְאֶת־תַּזְנוּתֶ֤יהָ מִמִּצְרַ֙יִם֙ לֹ֣א עָזָ֔בָה כִּ֤י אוֹתָהּ֙ שָׁכְב֣וּ בִנְעוּרֶ֔יהָ וְהֵ֥מָּה עִשּׂ֖וּ דַּדֵּ֣י בְתוּלֶ֑יהָ וַיִּשְׁפְּכ֥וּ תַזְנוּתָ֖ם עָלֶֽיהָ׃

9 ‏לָכֵ֥ן נְתַתִּ֖יהָ בְּיַד־מְאַֽהֲבֶ֑יהָ בְּיַד֙ בְּנֵ֣י אַשּׁ֔וּר אֲשֶׁ֥ר עָגְבָ֖ה עֲלֵיהֶֽם׃

10 ‏הֵמָּה֮ גִּלּ֣וּ עֶרְוָתָהּ֒ בָּנֶ֤יהָ וּבְנוֹתֶ֙יהָ֙ לָקָ֔חוּ וְאוֹתָ֖הּ בַּחֶ֣רֶב הָרָ֑גוּ וַתְּהִי־שֵׁם֙ לַנָּשִׁ֔ים וּשְׁפוּטִ֖ים עָ֥שׂוּ בָֽהּ׃ ס

11 ‏וַתֵּ֙רֶא֙ אֲחוֹתָ֣הּ אָהֳלִיבָ֔ה וַתַּשְׁחֵ֥ת עַגְבָתָ֖הּ מִמֶּ֑נָּה וְאֶת־תַּ֨זְנוּתֶ֔יהָ מִזְּנוּנֵ֖י אֲחוֹתָֽהּ׃

12 ‏אֶל־בְּנֵי֩ אַשּׁ֨וּר עָגָ֜בָה פַּח֨וֹת וּסְגָנִ֤ים קְרֹבִים֙ לְבֻשֵׁ֣י מִכְל֔וֹל פָּרָשִׁ֖ים רֹכְבֵ֣י סוּסִ֑ים בַּח֥וּרֵי חֶ֖מֶד כֻּלָּֽם׃

13 ‏וָאֵ֖רֶא כִּ֣י נִטְמָ֑אָה דֶּ֥רֶךְ אֶחָ֖ד לִשְׁתֵּיהֶֽן׃

14 ‏וַתּ֖וֹסֶף אֶל־תַּזְנוּתֶ֑יהָ וַתֵּ֗רֶא אַנְשֵׁי֙ מְחֻקֶּ֣ה עַל־הַקִּ֔יר צַלְמֵ֣י כשדיים כַשְׂדִּ֔ים חֲקֻקִ֖ים בַּשָּׁשַֽׁר׃

15 ‏חֲגוֹרֵ֨י אֵז֜וֹר בְּמָתְנֵיהֶ֗ם סְרוּחֵ֤י טְבוּלִים֙ בְּרָ֣אשֵׁיהֶ֔ם מַרְאֵ֥ה שָׁלִשִׁ֖ים כֻּלָּ֑ם דְּמ֤וּת בְּנֵֽי־בָבֶל֙ כַּשְׂדִּ֔ים אֶ֖רֶץ מוֹלַדְתָּֽם׃

16 ‏ותעגב וַתַּעְגְּבָ֥ה עֲלֵיהֶ֖ם לְמַרְאֵ֣ה עֵינֶ֑יהָ וַתִּשְׁלַ֧ח מַלְאָכִ֛ים אֲלֵיהֶ֖ם כַּשְׂדִּֽימָה׃

17 ‏וַיָּבֹ֨אוּ אֵלֶ֤יהָ בְנֵֽי־בָבֶל֙ לְמִשְׁכַּ֣ב דֹּדִ֔ים וַיְטַמְּא֥וּ אוֹתָ֖הּ בְּתַזְנוּתָ֑ם וַתִּ֨טְמָא־בָ֔ם וַתֵּ֥קַע נַפְשָׁ֖הּ מֵהֶֽם׃

18 ‏וַתְּגַל֙ תַּזְנוּתֶ֔יהָ וַתְּגַ֖ל אֶת־עֶרְוָתָ֑הּ וַתֵּ֤קַע נַפְשִׁי֙ מֵֽעָלֶ֔יהָ כַּאֲשֶׁ֛ר נָקְעָ֥ה נַפְשִׁ֖י מֵעַ֥ל אֲחוֹתָֽהּ׃

19 ‏וַתַּרְבֶּ֖ה אֶת־תַּזְנוּתֶ֑יהָ לִזְכֹּר֙ אֶת־יְמֵ֣י נְעוּרֶ֔יהָ אֲשֶׁ֥ר זָנְתָ֖ה בְּאֶ֥רֶץ מִצְרָֽיִם׃

20 ‏וַֽתַּעְגְּבָ֔ה עַ֖ל פִּֽלַגְשֵׁיהֶ֑ם אֲשֶׁ֤ר בְּשַׂר־חֲמוֹרִים֙ בְּשָׂרָ֔ם וְזִרְמַ֥ת סוּסִ֖ים זִרְמָתָֽם׃

21 ‏וַֽתִּפְקְדִ֔י אֵ֖ת זִמַּ֣ת נְעוּרָ֑יִךְ בַּעְשׂ֤וֹת מִמִּצְרַ֙יִם֙ דַּדַּ֔יִךְ לְמַ֖עַן שְׁדֵ֥י נְעוּרָֽיִךְ׃ ס

22 ‏לָכֵ֣ן אָהֳלִיבָ֗ה כֹּֽה־אָמַר֮ אֲדֹנָ֣י יְהוִה֒ הִנְנִ֨י מֵעִ֤יר אֶת־מְאַהֲבַ֙יִךְ֙ עָלַ֔יִךְ אֵ֛ת אֲשֶׁר־נָקְעָ֥ה נַפְשֵׁ֖ךְ מֵהֶ֑ם וַהֲבֵאתִ֥ים עָלַ֖יִךְ מִסָּבִֽיב׃

23 ‏בְּנֵ֧י בָבֶ֣ל וְכָל־כַּשְׂדִּ֗ים פְּק֤וֹד וְשׁ֙וֹעַ֙ וְק֔וֹעַ כָּל־בְּנֵ֥י אַשּׁ֖וּר אוֹתָ֑ם בַּח֨וּרֵי חֶ֜מֶד פַּח֤וֹת וּסְגָנִים֙ כֻּלָּ֔ם שָֽׁלִשִׁים֙ וּקְרוּאִ֔ים רֹכְבֵ֥י סוּסִ֖ים כֻּלָּֽם׃

24 ‏וּבָ֣אוּ עָלַ֡יִךְ הֹ֠צֶן רֶ֤כֶב וְגַלְגַּל֙ וּבִקְהַ֣ל עַמִּ֔ים צִנָּ֤ה וּמָגֵן֙ וְקוֹבַ֔ע יָשִׂ֥ימוּ עָלַ֖יִךְ סָבִ֑יב וְנָתַתִּ֤י לִפְנֵיהֶם֙ מִשְׁפָּ֔ט וּשְׁפָט֖וּךְ בְּמִשְׁפְּטֵיהֶֽם׃

25 ‏וְנָתַתִּ֨י קִנְאָתִ֜י בָּ֗ךְ וְעָשׂ֤וּ אוֹתָךְ֙ בְּחֵמָ֔ה אַפֵּ֤ךְ וְאָזְנַ֙יִךְ֙ יָסִ֔ירוּ וְאַחֲרִיתֵ֖ךְ בַּחֶ֣רֶב תִּפּ֑וֹל הֵ֗מָּה בָּנַ֤יִךְ וּבְנוֹתַ֙יִךְ֙ יִקָּ֔חוּ וְאַחֲרִיתֵ֖ךְ תֵּאָכֵ֥ל בָּאֵֽשׁ׃

26 ‏וְהִפְשִׁיט֖וּךְ אֶת־בְּגָדָ֑יִךְ וְלָקְח֖וּ כְּלֵ֥י תִפְאַרְתֵּֽךְ׃

27 ‏וְהִשְׁבַּתִּ֤י זִמָּתֵךְ֙ מִמֵּ֔ךְ וְאֶת־זְנוּתֵ֖ךְ מֵאֶ֣רֶץ מִצְרָ֑יִם וְלֹֽא־תִשְׂאִ֤י עֵינַ֙יִךְ֙ אֲלֵיהֶ֔ם וּמִצְרַ֖יִם לֹ֥א תִזְכְּרִי־עֽוֹד׃ ס

28 ‏כִּ֣י כֹ֤ה אָמַר֙ אֲדֹנָ֣י יְהוִ֔ה הִנְנִי֙ נֹֽתְנָ֔ךְ בְּיַ֖ד אֲשֶׁ֣ר שָׂנֵ֑את בְּיַ֛ד אֲשֶׁר־נָקְעָ֥ה נַפְשֵׁ֖ךְ מֵהֶֽם׃

29 ‏וְעָשׂ֨וּ אוֹתָ֜ךְ בְּשִׂנְאָ֗ה וְלָקְחוּ֙ כָּל־יְגִיעֵ֔ךְ וַעֲזָב֖וּךְ עֵירֹ֣ם וְעֶרְיָ֑ה וְנִגְלָה֙ עֶרְוַ֣ת זְנוּנַ֔יִךְ וְזִמָּתֵ֖ךְ וְתַזְנוּתָֽיִךְ׃

30 ‏עָשֹׂ֥ה אֵ֖לֶּה לָ֑ךְ בִּזְנוֹתֵךְ֙ אַחֲרֵ֣י גוֹיִ֔ם עַ֥ל אֲשֶׁר־נִטְמֵ֖את בְּגִלּוּלֵיהֶֽם׃

31 ‏בְּדֶ֥רֶךְ אֲחוֹתֵ֖ךְ הָלָ֑כְתְּ וְנָתַתִּ֥י כוֹסָ֖הּ בְּיָדֵֽךְ׃ ס

32 ‏כֹּ֤ה אָמַר֙ אֲדֹנָ֣י יְהוִֹ֔ה כּ֤וֹס אֲחוֹתֵךְ֙ תִּשְׁתִּ֔י הָעֲמֻקָּ֖ה וְהָרְחָבָ֑ה תִּהְיֶ֥ה לִצְחֹ֛ק וּלְלַ֖עַג מִרְבָּ֥ה לְהָכִֽיל׃

33 ‏שִׁכָּר֥וֹן וְיָג֖וֹן תִּמָּלֵ֑אִי כּ֚וֹס שַׁמָּ֣ה וּשְׁמָמָ֔ה כּ֖וֹס אֲחוֹתֵ֥ךְ שֹׁמְרֽוֹן׃

34 ‏וְשָׁתִ֨ית אוֹתָ֜הּ וּמָצִ֗ית וְאֶת־חֲרָשֶׂ֛יהָ תְּגָרֵ֖מִי וְשָׁדַ֣יִךְ תְּנַתֵּ֑קִי כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ס

35 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֚עַן שָׁכַ֣חַתְּ אוֹתִ֔י וַתַּשְׁלִ֥יכִי אוֹתִ֖י אַחֲרֵ֣י גַוֵּ֑ךְ וְגַם־אַ֛תְּ שְׂאִ֥י זִמָּתֵ֖ךְ וְאֶת־תַּזְנוּתָֽיִךְ׃ ס

36 ‏וַיֹּ֤אמֶר יְהוָה֙ אֵלַ֔י בֶּן־אָדָ֕ם הֲתִשְׁפּ֥וֹט אֶֽת־אָהֳלָ֖ה וְאֶת־אָהֳלִיבָ֑ה וְהַגֵּ֣ד לָהֶ֔ן אֵ֖ת תוֹעֲבוֹתֵיהֶֽן׃

37 ‏כִּ֣י נִאֵ֗פוּ וְדָם֙ בִּֽידֵיהֶ֔ן וְאֶת־גִּלּֽוּלֵיהֶ֖ן נִאֵ֑פוּ וְגַ֤ם אֶת־בְּנֵיהֶן֙ אֲשֶׁ֣ר יָֽלְדוּ־לִ֔י הֶעֱבִ֥ירוּ לָהֶ֖ם לְאָכְלָֽה׃

38 ‏ע֥וֹד זֹ֖את עָ֣שׂוּ לִ֑י טִמְּא֤וּ אֶת־מִקְדָּשִׁי֙ בַּיּ֣וֹם הַה֔וּא וְאֶת־שַׁבְּתוֹתַ֖י חִלֵּֽלוּ׃

39 ‏וּֽבְשַׁחֲטָ֤ם אֶת־בְּנֵיהֶם֙ לְגִלּ֣וּלֵיהֶ֔ם וַיָּבֹ֧אוּ אֶל־מִקְדָּשִׁ֛י בַּיּ֥וֹם הַה֖וּא לְחַלְּל֑וֹ וְהִנֵּה־כֹ֥ה עָשׂ֖וּ בְּת֥וֹךְ בֵּיתִֽי׃

40 ‏וְאַ֗ף כִּ֤י תִשְׁלַ֙חְנָה֙ לַֽאֲנָשִׁ֔ים בָּאִ֖ים מִמֶּרְחָ֑ק אֲשֶׁ֨ר מַלְאָ֜ךְ שָׁל֤וּחַ אֲלֵיהֶם֙ וְהִנֵּה־בָ֔אוּ לַאֲשֶׁ֥ר רָחַ֛צְתְּ כָּחַ֥לְתְּ עֵינַ֖יִךְ וְעָ֥דִית עֶֽדִי׃

41 ‏וְיָשַׁבְתְּ֙ עַל־מִטָּ֣ה כְבוּדָּ֔ה וְשֻׁלְחָ֥ן עָר֖וּךְ לְפָנֶ֑יהָ וּקְטָרְתִּ֥י וְשַׁמְנִ֖י שַׂ֥מְתְּ עָלֶֽיהָ׃

42 ‏וְק֣וֹל הָמוֹן֮ שָׁלֵ֣ו בָהּ֒ וְאֶל־אֲנָשִׁים֙ מֵרֹ֣ב אָדָ֔ם מוּבָאִ֥ים סובאים סָבָאִ֖ים מִמִּדְבָּ֑ר וַֽיִּתְּנ֤וּ צְמִידִים֙ אֶל־יְדֵיהֶ֔ן וַעֲטֶ֥רֶת תִּפְאֶ֖רֶת עַל־רָאשֵׁיהֶֽן׃

43 ‏וָאֹמַ֕ר לַבָּלָ֖ה נִֽאוּפִ֑ים עת עַתָּ֛ה יזנה יִזְנ֥וּ תַזְנוּתֶ֖הָ וָהִֽיא׃

44 ‏וַיָּב֣וֹא אֵלֶ֔יהָ כְּב֖וֹא אֶל־אִשָּׁ֣ה זוֹנָ֑ה כֵּ֣ן בָּ֗אוּ אֶֽל־אָֽהֳלָה֙ וְאֶל־אָ֣הֳלִיבָ֔ה אִשֹּׁ֖ת הַזִּמָּֽה׃

45 ‏וַאֲנָשִׁ֣ים צַדִּיקִ֗ם הֵ֚מָּה יִשְׁפְּט֣וּ אֽוֹתְהֶ֔ם מִשְׁפַּט֙ נֹֽאֲפ֔וֹת וּמִשְׁפַּ֖ט שֹׁפְכ֣וֹת דָּ֑ם כִּ֤י נֹֽאֲפֹת֙ הֵ֔נָּה וְדָ֖ם בִּֽידֵיהֶֽן׃ ס

46 ‏כִּ֛י כֹּ֥ה אָמַ֖ר אֲדֹנָ֣י יְהוִ֑ה הַעֲלֵ֤ה עֲלֵיהֶם֙ קָהָ֔ל וְנָתֹ֥ן אֶתְהֶ֖ן לְזַעֲוָ֥ה וְלָבַֽז׃

47 ‏וְרָגְמ֨וּ עֲלֵיהֶ֥ן אֶ֙בֶן֙ קָהָ֔ל וּבָרֵ֥א אוֹתְהֶ֖ן בְּחַרְבוֹתָ֑ם בְּנֵיהֶ֤ם וּבְנֽוֹתֵיהֶם֙ יַהֲרֹ֔גוּ וּבָתֵּיהֶ֖ן בָּאֵ֥שׁ יִשְׂרֹֽפוּ׃

48 ‏וְהִשְׁבַּתִּ֥י זִמָּ֖ה מִן־הָאָ֑רֶץ וְנִֽוַּסְּרוּ֙ כָּל־הַנָּשִׁ֔ים וְלֹ֥א תַעֲשֶׂ֖ינָה כְּזִמַּתְכֶֽנָה׃

49 ‏וְנָתְנ֤וּ זִמַּתְכֶ֙נָה֙ עֲלֵיכֶ֔ן וַחֲטָאֵ֥י גִלּוּלֵיכֶ֖ן תִּשֶּׂ֑אינָה וִידַעְתֶּ֕ם כִּ֥י אֲנִ֖י אֲדֹנָ֥י יְהוִֽה׃ פ

1 wayəhî ḏəḇar-yəhwâ ’ēlay lē’mōr:

2 ben-’āḏām šətayim nāšîm bənwōṯ ’ēm-’aḥaṯ hāyû:

3 watizəneynâ ḇəmiṣərayim binə‘ûrêhen zānû šāmmâ mō‘ăḵû šəḏêhen wəšām ‘iśśû dadê bəṯûlêhen:

4 ûšəmwōṯān ’âŏlâ hagəḏwōlâ wə’âŏlîḇâ ’ăḥwōṯāh watihəyeynâ lî watēlaḏənâ bānîm ûḇānwōṯ ûšəmwōṯān šōmərwōn ’âŏlâ wîrûšālaim ’âŏlîḇâ:

5 watizen ’âŏlâ taḥətāy wata‘əgaḇ ‘al-mə’ahăḇeyhā ’el-’aššûr qərwōḇîm:

6 ləḇušê ṯəḵēleṯ paḥwōṯ ûsəḡānîm baḥûrê ḥemeḏ kullām pārāšîm rōḵəḇê sûsîm:

7 watitēn tazənûṯeyhā ‘ălêhem miḇəḥar bənê-’aššûr kullām ûḇəḵōl ’ăšer-‘āḡəḇâ bəḵāl-gillûlêhem niṭəmā’â:

8 wə’eṯ-tazənûṯeyhā mimmiṣərayim lō’ ‘āzāḇâ kî ’wōṯāh šāḵəḇû ḇinə‘ûreyhā wəhēmmâ ‘iśśû dadê ḇəṯûleyhā wayyišəpəḵû ṯazənûṯām ‘āleyhā:

9 lāḵēn nəṯatîhā bəyaḏ-mə’ahăḇeyhā bəyaḏ bənê ’aššûr ’ăšer ‘āḡəḇâ ‘ălêhem:

10 hēmmâ gillû ‘erəwāṯāh bāneyhā ûḇənwōṯeyhā lāqāḥû wə’wōṯāh baḥereḇ hārāḡû watəhî-šēm lannāšîm ûšəfûṭîm ‘āśû ḇāh: s

11 watēre’ ’ăḥwōṯāh ’âŏlîḇâ watašəḥēṯ ‘aḡəḇāṯāh mimmennâ wə’eṯ-tazənûṯeyhā mizzənûnê ’ăḥwōṯāh:

12 ’el-bənê ’aššûr ‘āḡāḇâ paḥwōṯ ûsəḡānîm qərōḇîm ləḇušê miḵəlwōl pārāšîm rōḵəḇê sûsîm baḥûrê ḥemeḏ kullām:

13 wā’ēre’ kî niṭəmā’â dereḵə ’eḥāḏ lišətêhen:

14 watwōsef ’el-tazənûṯeyhā watēre’ ’anəšê məḥuqqeh ‘al-haqqîr ṣaləmê ḵaśədîyîm ḵaśədîm ḥăquqîm baššāšar:

15 ḥăḡwōrê ’ēzwōr bəmāṯənêhem sərûḥê ṭəḇûlîm bərā’šêhem marə’ēh šālišîm kullām dəmûṯ bənê-ḇāḇel kaśədîm ’ereṣ mwōlaḏətām:

16 wata‘əgaḇ wata‘əgəḇâ ‘ălêhem ləmarə’ēh ‘êneyhā watišəlaḥ malə’āḵîm ’ălêhem kaśədîmâ:

17 wayyāḇō’û ’ēleyhā ḇənê-ḇāḇel ləmišəkaḇ dōḏîm wayəṭammə’û ’wōṯāh bəṯazənûṯām watiṭəmā’-ḇām watēqa‘ nafəšāh mēhem:

18 watəḡal tazənûṯeyhā watəḡal ’eṯ-‘erəwāṯāh watēqa‘ nafəšî mē‘āleyhā ka’ăšer nāqə‘â nafəšî mē‘al ’ăḥwōṯāh:

19 watarəbeh ’eṯ-tazənûṯeyhā lizəkōr ’eṯ-yəmê nə‘ûreyhā ’ăšer zānəṯâ bə’ereṣ miṣərāyim:

20 wata‘əgəḇâ ‘al pilaḡəšêhem ’ăšer bəśar-ḥămwōrîm bəśārām wəzirəmaṯ sûsîm zirəmāṯām:

21 watifəqəḏî ’ēṯ zimmaṯ nə‘ûrāyiḵə ba‘əśwōṯ mimmiṣərayim dadayiḵə ləma‘an šəḏê nə‘ûrāyiḵə: s

22 lāḵēn ’âŏlîḇâ kōh-’āmar ’ăḏōnāy yəhwih hinənî mē‘îr ’eṯ-mə’ahăḇayiḵə ‘ālayiḵə ’ēṯ ’ăšer-nāqə‘â nafəšēḵə mēhem wahăḇē’ṯîm ‘ālayiḵə missāḇîḇ:

23 bənê ḇāḇel wəḵāl-kaśədîm pəqwōḏ wəšwō‘a wəqwō‘a kāl-bənê ’aššûr ’wōṯām baḥûrê ḥemeḏ paḥwōṯ ûsəḡānîm kullām šālišîm ûqərû’îm rōḵəḇê sûsîm kullām:

24 ûḇā’û ‘ālayiḵə hōṣen reḵeḇ wəḡaləgal ûḇiqəhal ‘ammîm ṣinnâ ûmāḡēn wəqwōḇa‘ yāśîmû ‘ālayiḵə sāḇîḇ wənāṯatî lifənêhem mišəpāṭ ûšəfāṭûḵə bəmišəpəṭêhem:

25 wənāṯatî qinə’āṯî bāḵə wə‘āśû ’wōṯāḵə bəḥēmâ ’apēḵə wə’āzənayiḵə yāsîrû wə’aḥărîṯēḵə baḥereḇ tipwōl hēmmâ bānayiḵə ûḇənwōṯayiḵə yiqqāḥû wə’aḥărîṯēḵə tē’āḵēl bā’ēš:

26 wəhifəšîṭûḵə ’eṯ-bəḡāḏāyiḵə wəlāqəḥû kəlê ṯifə’arətēḵə:

27 wəhišəbatî zimmāṯēḵə mimmēḵə wə’eṯ-zənûṯēḵə mē’ereṣ miṣərāyim wəlō’-ṯiśə’î ‘ênayiḵə ’ălêhem ûmiṣərayim lō’ ṯizəkərî-‘wōḏ: s

28 kî ḵōh ’āmar ’ăḏōnāy yəhwih hinənî nōṯənāḵə bəyaḏ ’ăšer śānē’ṯ bəyaḏ ’ăšer-nāqə‘â nafəšēḵə mēhem:

29 wə‘āśû ’wōṯāḵə bəśinə’â wəlāqəḥû kāl-yəḡî‘ēḵə wa‘ăzāḇûḵə ‘êrōm wə‘erəyâ wəniḡəlâ ‘erəwaṯ zənûnayiḵə wəzimmāṯēḵə wəṯazənûṯāyiḵə:

30 ‘āśōh ’ēlleh lāḵə bizənwōṯēḵə ’aḥărê ḡwōyim ‘al ’ăšer-niṭəmē’ṯ bəḡillûlêhem:

31 bəḏereḵə ’ăḥwōṯēḵə hālāḵətə wənāṯatî ḵwōsāh bəyāḏēḵə: s

32 kōh ’āmar ’ăḏōnāy yəhwōih kwōs ’ăḥwōṯēḵə tišətî hā‘ămuqqâ wəhārəḥāḇâ tihəyeh liṣəḥōq ûləla‘aḡ mirəbâ ləhāḵîl:

33 šikārwōn wəyāḡwōn timmālē’î kwōs šammâ ûšəmāmâ kwōs ’ăḥwōṯēḵə šōmərwōn:

34 wəšāṯîṯ ’wōṯāh ûmāṣîṯ wə’eṯ-ḥărāśeyhā təḡārēmî wəšāḏayiḵə tənatēqî kî ’ănî ḏibarətî nə’um ’ăḏōnāy yəhwih: s

35 lāḵēn kōh ’āmar ’ăḏōnāy yəhwih ya‘an šāḵaḥatə ’wōṯî watašəlîḵî ’wōṯî ’aḥărê ḡaûēḵə wəḡam-’atə śə’î zimmāṯēḵə wə’eṯ-tazənûṯāyiḵə: s

36 wayyō’mer yəhwâ ’ēlay ben-’āḏām hăṯišəpwōṭ ’eṯ-’âŏlâ wə’eṯ-’âŏlîḇâ wəhagēḏ lâen ’ēṯ ṯwō‘ăḇwōṯêhen:

37 kî ni’ēfû wəḏām bîḏêhen wə’eṯ-gillûlêhen ni’ēfû wəḡam ’eṯ-bənêhen ’ăšer yāləḏû-lî he‘ĕḇîrû lâem lə’āḵəlâ:

38 ‘wōḏ zō’ṯ ‘āśû lî ṭimmə’û ’eṯ-miqədāšî bayywōm hahû’ wə’eṯ-šabəṯwōṯay ḥillēlû:

39 ûḇəšaḥăṭām ’eṯ-bənêhem ləḡillûlêhem wayyāḇō’û ’el-miqədāšî bayywōm hahû’ ləḥalləlwō wəhinnēh-ḵōh ‘āśû bəṯwōḵə bêṯî:

40 wə’af kî ṯišəlaḥənâ la’ănāšîm bā’îm mimmerəḥāq ’ăšer malə’āḵə šālûḥa ’ălêhem wəhinnēh-ḇā’û la’ăšer rāḥaṣətə kāḥalətə ‘ênayiḵə wə‘āḏîṯ ‘eḏî:

41 wəyāšaḇətə ‘al-miṭṭâ ḵəḇûdâ wəšuləḥān ‘ārûḵə ləfāneyhā ûqəṭārətî wəšamənî śamətə ‘āleyhā:

42 wəqwōl hāmwōn šālēw ḇāh wə’el-’ănāšîm mērōḇ ’āḏām mûḇā’îm swōḇā’îm sāḇā’îm mimmiḏəbār wayyitənû ṣəmîḏîm ’el-yəḏêhen wa‘ăṭereṯ tifə’ereṯ ‘al-rā’šêhen:

43 wā’ōmar labālâ ni’ûfîm ‘atā ‘atâ yizənuh yizənû ṯazənûṯehā wâî’:

44 wayyāḇwō’ ’ēleyhā kəḇwō’ ’el-’iššâ zwōnâ kēn bā’û ’el-’âŏlâ wə’el-’âŏlîḇâ ’iššōṯ hazzimmâ:

45 wa’ănāšîm ṣadîqim hēmmâ yišəpəṭû ’wōṯəhem mišəpaṭ nō’ăfwōṯ ûmišəpaṭ šōfəḵwōṯ dām kî nō’ăfōṯ hēnnâ wəḏām bîḏêhen: s

46 kî kōh ’āmar ’ăḏōnāy yəhwih ha‘ălēh ‘ălêhem qâāl wənāṯōn ’eṯəhen ləza‘ăwâ wəlāḇaz:

47 wərāḡəmû ‘ălêhen ’eḇen qâāl ûḇārē’ ’wōṯəhen bəḥarəḇwōṯām bənêhem ûḇənwōṯêhem yahărōḡû ûḇātêhen bā’ēš yiśərōfû:

48 wəhišəbatî zimmâ min-hā’āreṣ wəniûassərû kāl-hannāšîm wəlō’ ṯa‘ăśeynâ kəzimmaṯəḵenâ:

49 wənāṯənû zimmaṯəḵenâ ‘ălêḵen waḥăṭā’ê ḡillûlêḵen tiśśe’ynâ wîḏa‘ətem kî ’ănî ’ăḏōnāy yəhwih: f


Next: Ezekiel (Yechezqel) Chapter 24