‎1 ‏וַתִּשְׁלַם֙ כָּל־הַמְּלָאכָ֔ה אֲשֶׁר־עָשָׂ֥ה שְׁלֹמֹ֖ה לְבֵ֣ית יְהוָ֑ה סוַיָּבֵ֨א שְׁלֹמֹ֜ה אֶת־קָדְשֵׁ֣י׀ דָּוִ֣יד אָבִ֗יו וְאֶת־הַכֶּ֤סֶף וְאֶת־הַזָּהָב֙ וְאֶת־כָּל־הַכֵּלִ֔ים נָתַ֕ן בְּאֹצְר֖וֹת בֵּ֥ית הָאֱלֹהִֽים׃ פ

‎2 ‏אָז֩ יַקְהֵ֨יל שְׁלֹמֹ֜ה אֶת־זִקְנֵ֣י יִשְׂרָאֵ֗ל וְאֶת־כָּל־רָאשֵׁ֨י הַמַּטּ֜וֹת נְשִׂיאֵ֧י הָאָב֛וֹת לִבְנֵ֥י יִשְׂרָאֵ֖ל אֶל־יְרוּשָׁלִָ֑ם לְֽהַעֲל֞וֹת אֶת־אֲר֧וֹן בְּרִית־יְהוָ֛ה מֵעִ֥יר דָּוִ֖יד הִ֥יא צִיּֽוֹן׃

‎3 ‏וַיִּקָּהֲל֧וּ אֶל־הַמֶּ֛לֶךְ כָּל־אִ֥ישׁ יִשְׂרָאֵ֖ל בֶּחָ֑ג ה֖וּא הַחֹ֥דֶשׁ הַשְּׁבִעִֽי׃

‎4 ‏וַיָּבֹ֕אוּ כֹּ֖ל זִקְנֵ֣י יִשְׂרָאֵ֑ל וַיִּשְׂא֥וּ הַלְוִיִּ֖ם אֶת־הָאָרֽוֹן׃

‎5 ‏וַיַּעֲל֤וּ אֶת־הָאָרוֹן֙ וְאֶת־אֹ֣הֶל מוֹעֵ֔ד וְאֶת־כָּל־כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל הֶעֱל֣וּ אֹתָ֔ם הַכֹּהֲנִ֖ים הַלְוִיִּֽם׃

‎6 ‏וְהַמֶּ֣לֶךְ שְׁלֹמֹ֗ה וְכָל־עֲדַ֧ת יִשְׂרָאֵ֛ל הַנּוֹעָדִ֥ים עָלָ֖יו לִפְנֵ֣י הָאָר֑וֹן מְזַבְּחִים֙ צֹ֣אן וּבָקָ֔ר אֲשֶׁ֧ר לֹֽא־יִסָּפְר֛וּ וְלֹ֥א יִמָּנ֖וּ מֵרֹֽב׃

‎7 ‏וַיָּבִ֣יאוּ הַ֠כֹּהֲנִים אֶת־אֲר֨וֹן בְּרִית־יְהוָ֧ה אֶל־מְקוֹמ֛וֹ אֶל־דְּבִ֥יר הַבַּ֖יִת אֶל־קֹ֣דֶשׁ הַקְּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃

‎8 ‏וַיִּהְי֤וּ הַכְּרוּבִים֙ פֹּרְשִׂ֣ים כְּנָפַ֔יִם עַל־מְק֖וֹם הָאָר֑וֹן וַיְכַסּ֧וּ הַכְּרוּבִ֛ים עַל־הָאָר֥וֹן וְעַל־בַּדָּ֖יו מִלְמָֽעְלָה׃

‎9 ‏וַֽיַּאֲרִיכוּ֮ הַבַּדִּים֒ וַיֵּרָאוּ֩ רָאשֵׁ֨י הַבַּדִּ֤ים מִן־הָאָרוֹן֙ עַל־פְּנֵ֣י הַדְּבִ֔יר וְלֹ֥א יֵרָא֖וּ הַח֑וּצָה וַֽיְהִי־שָׁ֔ם עַ֖ד הַיּ֥וֹם הַזֶּֽה׃

‎10 ‏אֵ֚ין בָּֽאָר֔וֹן רַ֚ק שְׁנֵ֣י הַלֻּח֔וֹת אֲשֶׁר־נָתַ֥ן מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖ם מִמִּצְרָֽיִם׃ פ

‎11 ‏וַיְהִ֕י בְּצֵ֥את הַכֹּהֲנִ֖ים מִן־הַקֹּ֑דֶשׁ כִּ֠י כָּל־הַכֹּהֲנִ֤ים הַֽנִּמְצְאִים֙ הִתְקַדָּ֔שׁוּ אֵ֖ין לִשְׁמ֥וֹר לְמַחְלְקֽוֹת׃

‎12 ‏וְהַלְוִיִּ֣ם הַמְשֹׁרֲרִ֣ים לְכֻלָּ֡ם לְאָסָ֡ף לְהֵימָ֣ן לִֽ֠ידֻתוּן וְלִבְנֵיהֶ֨ם וְלַאֲחֵיהֶ֜ם מְלֻבָּשִׁ֣ים בּ֗וּץ בִּמְצִלְתַּ֙יִם֙ וּבִנְבָלִ֣ים וְכִנֹּר֔וֹת עֹמְדִ֖ים מִזְרָ֣ח לַמִּזְבֵּ֑חַ וְעִמָּהֶ֤ם כֹּֽהֲנִים֙ לְמֵאָ֣ה וְעֶשְׂרִ֔ים מחצררים מַחְצְרִ֖ים בַּחֲצֹֽצְרֽוֹת׃

‎13 ‏וַיְהִ֣י כְ֠אֶחָד למחצצרים לַמְחַצְּרִ֨ים וְלַמְשֹֽׁרֲרִ֜ים לְהַשְׁמִ֣יעַ קוֹל־אֶחָ֗ד לְהַלֵּ֣ל וּלְהֹדוֹת֮ לַיהוָה֒ וּכְהָרִ֣ים ק֠וֹל בַּחֲצֹצְר֨וֹת וּבִמְצִלְתַּ֜יִם וּבִכְלֵ֣י הַשִּׁ֗יר וּבְהַלֵּ֤ל לַיהוָה֙ כִּ֣י ט֔וֹב כִּ֥י לְעוֹלָ֖ם חַסְדּ֑וֹ וְהַבַּ֛יִת מָלֵ֥א עָנָ֖ן בֵּ֥ית יְהוָֽה׃

‎14 ‏וְלֹא־יָֽכְל֧וּ הַכֹּהֲנִ֛ים לַעֲמ֥וֹד לְשָׁרֵ֖ת מִפְּנֵ֣י הֶעָנָ֑ן כִּֽי־מָלֵ֥א כְבוֹד־יְהוָ֖ה אֶת־בֵּ֥ית הָאֱלֹהִֽים׃ פ

1 watišəlam kāl-hamməlā’ḵâ ’ăšer-‘āśâ šəlōmōh ləḇêṯ yəhwâ swayyāḇē’ šəlōmōh ’eṯ-qāḏəšê| dāwîḏ ’āḇîw wə’eṯ-hakesef wə’eṯ-hazzâāḇ wə’eṯ-kāl-hakēlîm nāṯan bə’ōṣərwōṯ bêṯ hā’ĕlōhîm: f

2 ’āz yaqəhêl šəlōmōh ’eṯ-ziqənê yiśərā’ēl wə’eṯ-kāl-rā’šê hammaṭṭwōṯ nəśî’ê hā’āḇwōṯ liḇənê yiśərā’ēl ’el-yərûšālāim ləh^a‘ălwōṯ ’eṯ-’ărwōn bərîṯ-yəhwâ mē‘îr dāwîḏ hî’ ṣîywōn:

3 wayyiqqâălû ’el-hammeleḵə kāl-’îš yiśərā’ēl beḥāḡ hû’ h^aḥōḏeš haššəḇi‘î:

4 wayyāḇō’û kōl ziqənê yiśərā’ēl wayyiśə’û haləwîyim ’eṯ-hā’ārwōn:

5 wayy^a‘ălû ’eṯ-hā’ārwōn wə’eṯ-’ōhel mwō‘ēḏ wə’eṯ-kāl-kəlê haqqōḏeš ’ăšer bā’ōhel he‘ĕlû ’ōṯām hakōhănîm haləwîyim:

6 wəhammeleḵə šəlōmōh wəḵāl-‘ăḏaṯ yiśərā’ēl hannwō‘āḏîm ‘ālāyw lifənê hā’ārwōn məzabəḥîm ṣō’n ûḇāqār ’ăšer lō’-yissāfərû wəlō’ yimmānû mērōḇ:

7 wayyāḇî’û hakōhănîm ’eṯ-’ărwōn bərîṯ-yəhwâ ’el-məqwōmwō ’el-dəḇîr habayiṯ ’el-qōḏeš haqqəḏāšîm ’el-t^aḥaṯ kanəfê hakərûḇîm:

8 wayyihəyû hakərûḇîm pōrəśîm kənāfayim ‘al-məqwōm hā’ārwōn wayəḵassû hakərûḇîm ‘al-hā’ārwōn wə‘al-badāyw miləmā‘əlâ:

9 wayya’ărîḵû habadîm wayyērā’û rā’šê habadîm min-hā’ārwōn ‘al-pənê hadəḇîr wəlō’ yērā’û h^aḥûṣâ wayəhî-šām ‘aḏ hayywōm hazzeh:

10 ’ên bā’ārwōn raq šənê halluḥwōṯ ’ăšer-nāṯan mōšeh bəḥōrēḇ ’ăšer kāraṯ yəhwâ ‘im-bənê yiśərā’ēl bəṣē’ṯām mimmiṣərāyim: f

11 wayəhî bəṣē’ṯ hakōhănîm min-haqqōḏeš kî kāl-hakōhănîm hanniməṣə’îm hiṯəqadāšû ’ên lišəmwōr ləm^aḥələqwōṯ:

12 wəhaləwîyim haməšōrărîm ləḵullām lə’āsāf ləhêmān lîḏuṯûn wəliḇənêhem wəla’ăḥêhem məlubāšîm bûṣ biməṣilətayim ûḇinəḇālîm wəḵinnōrwōṯ ‘ōməḏîm mizərāḥ lammizəbēḥa wə‘immâem kōhănîm ləmē’â wə‘eśərîm m^aḥəṣərirîm m^aḥəṣərîm b^aḥăṣōṣərwōṯ:

13 wayəhî ḵə’eḥāḏ lamm^aḥăṣōṣərîm laməḥaṣṣərîm wəlaməšōrărîm ləhašəmî‘a qwōl-’eḥāḏ ləhallēl ûləhōḏwōṯ layhwâ ûḵəhārîm qwōl b^aḥăṣōṣərwōṯ ûḇiməṣilətayim ûḇiḵəlê haššîr ûḇəhallēl layhwâ kî ṭwōḇ kî lə‘wōlām ḥasədwō wəhabayiṯ mālē’ ‘ānān bêṯ yəhwâ:

14 wəlō’-yāḵəlû hakōhănîm l^a‘ămwōḏ ləšārēṯ mipənê he‘ānān kî-mālē’ ḵəḇwōḏ-yəhwâ ’eṯ-bêṯ hā’ĕlōhîm: f