Ic on þinge gefrægn þeodcyninges
wrætlice wiht, wordgaldra
...... snytt... hio symle deð
fira gehw...
5
wisdome. Wundor me þæt
nænne muð hafað
fet ne
welan oft sacað,
cwiþeð cy... wearð
10
leoda lareow. Forþon nu longe mæg
...... ealdre ece lifgan
missenlice, þenden menn bugað
eorþan sceatas. Ic þæt oft geseah
golde gegierwed, þær guman druncon,
15
since ond seolfre. Secge se þe cunne,
wisfæstra hwylc, hwæt seo wiht sy.