Sacred Texts  Hinduism  Index 
English 
Rig Veda Book 9 Index  Previous  Next 

Rig Veda Book 9 Hymn 43

यो अत्य इव मर्ज्यते गोभिर्मदाय हर्यतः |
तं गीर्भिर्वासयामसि ||
तं नो विश्वा अवस्युवो गिरः शुम्भन्ति पूर्वथा |
इन्दुमिन्द्राय पीतये ||
पुनानो याति हर्यतः सोमो गीर्भिः परिष्क्र्तः |
विप्रस्य मेध्यातिथेः ||
पवमान विदा रयिमस्मभ्यं सोम सुश्रियम |
इन्दो सहस्रवर्चसम ||
इन्दुरत्यो न वाजस्र्त कनिक्रन्ति पवित्र आ |
यदक्षारति देवयुः ||
पवस्व वाजसातये विप्रस्य गर्णतो वर्धे |
सोम रास्व सुवीर्यम ||

yo atya iva mṛjyate ghobhirmadāya haryataḥ |
taṃ ghīrbhirvāsayāmasi ||
taṃ no viśvā avasyuvo ghiraḥ śumbhanti pūrvathā |
indumindrāya pītaye ||
punāno yāti haryataḥ somo ghīrbhiḥ pariṣkṛtaḥ |
viprasya medhyātitheḥ ||
pavamāna vidā rayimasmabhyaṃ soma suśriyam |
indo sahasravarcasam ||
induratyo na vājasṛt kanikranti pavitra ā |
yadakṣārati devayuḥ ||
pavasva vājasātaye viprasya ghṛṇato vṛdhe |
soma rāsva suvīryam ||

Next: Hymn 44