Song of Solomon: Song of Solomon Chapter 8
Vulgate (Latin): Song of Solomon Chapter 8
1 [Quis mihi det te fratrem meum,
sugentem ubera matris meæ,
ut inveniam te foris, et deosculer te,
et jam me nemo despiciat?
2 Apprehendam te, et ducam in domum matris meæ:
ibi me docebis,
et dabo tibi poculum ex vino condito,
et mustum malorum granatorum meorum.
3 Læva ejus sub capite meo,
et dextera illius amplexabitur me.
ne suscitetis, neque evigilare faciatis dilectam,
donec ipsa velit.
5 Quæ est ista quæ ascendit de deserto, deliciis affluens,
innixa super dilectum suum?
Sub arbore malo suscitavi te;
ibi corrupta est mater tua,
ibi violata est genitrix tua.
6 Pone me ut signaculum super cor tuum,
ut signaculum super brachium tuum,
quia fortis est ut mors dilectio,
dura sicut infernus æmulatio:
lampades ejus lampades ignis atque flammarum.
7 Aquæ multæ non potuerunt extinguere caritatem,
nec flumina obruent illam.
Si dederit homo omnem substantiam domus suæ pro dilectione,
quasi nihil despiciet eam.
et ubera non habet;
quid faciemus sorori nostræ
in die quando alloquenda est?
9 Si murus est,
ædificemus super eum propugnacula argentea;
si ostium est, compingamus illud tabulis cedrinis.
ex quo facta sum coram eo, quasi pacem reperiens.
11 Vinea fuit pacifico in ea quæ habet populos:
tradidit eam custodibus;
vir affert pro fructu ejus mille argenteos.
12 Vinea mea coram me est.
Mille tui pacifici,
et ducenti his qui custodiunt fructus ejus.
13 Quæ habitas in hortis, amici auscultant;
fac me audire vocem tuam.
14 Fuge, dilecte mi, et assimilare capreæ,
hinnuloque cervorum super montes aromatum.]