Psalms (Tehilim): Psalms (Tehilim) Chapter 61

Tanach (Hebrew): Psalms (Tehilim) Chapter 61

‎1 ‏לַמְנַצֵּ֬חַ׀ עַֽל־נְגִינַ֬ת לְדָוִֽד׃ ‎2 ‏שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תְּפִלָּתִֽי׃ ‎3 ‏מִקְצֵ֤ה הָאָ֨רֶץ׀ אֵלֶ֣יךָ אֶ֭קְרָא בַּעֲטֹ֣ף לִבִּ֑י בְּצוּר־יָר֖וּם מִמֶּ֣נִּי תַנְחֵֽנִי׃ ‎4 ‏כִּֽי־הָיִ֣יתָ מַחְסֶ֣ה לִ֑י מִגְדַּל־עֹ֝֗ז מִפְּנֵ֥י אוֹיֵֽב׃ ‎5 ‏אָג֣וּרָה בְ֭אָהָלְךָ עוֹלָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה׃ ‎6 ‏כִּֽי־אַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יְ֝רֻשַּׁ֗ת יִרְאֵ֥י שְׁמֶֽךָ׃ ‎7 ‏יָמִ֣ים עַל־יְמֵי־מֶ֣לֶךְ תּוֹסִ֑יף שְׁ֝נוֹתָ֗יו כְּמוֹ־דֹ֥ר וָדֹֽר׃ ‎8 ‏יֵשֵׁ֣ב ע֭וֹלָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצְרֻֽהוּ׃ ‎9 ‏כֵּ֤ן אֲזַמְּרָ֣ה שִׁמְךָ֣ לָעַ֑ד לְֽשַׁלְּמִ֥י נְדָרַ֗י י֣וֹם׀ יֽוֹם׃

1 lamənaṣṣēḥa| ‘al-nəḡînaṯ ləḏāwiḏ: 2 šimə‘â ’ĕlōhîm rinnāṯî haqəšîḇâ təfillāṯî: 3 miqəṣēh hā’āreṣ| ’ēleyḵā ’eqərā’ ba‘ăṭōf libî bəṣûr-yārûm mimmennî ṯanəḥēnî: 4 kî-hāyîṯā maḥəseh lî miḡədal-‘ōz mipənê ’wōyēḇ: 5 ’āḡûrâ ḇə’âāləḵā ‘wōlāmîm ’eḥĕseh ḇəsēṯer kənāfeyḵā sselâ: 6 kî-’atâ ’ĕlōhîm šāma‘ətā linəḏārāy nāṯatā yəruššaṯ yirə’ê šəmeḵā: 7 yāmîm ‘al-yəmê-meleḵə twōsîf šənwōṯāyw kəmwō-ḏōr wāḏōr: 8 yēšēḇ ‘wōlām lifənê ’ĕlōhîm ḥeseḏ we’ĕmeṯ man yinəṣəruhû: 9 kēn ’ăzammərâ šiməḵā lā‘aḏ ləšalləmî nəḏāray ywōm| ywōm: