Psalms (Tehilim): Psalms (Tehilim) Chapter 137

Tanach (Hebrew): Psalms (Tehilim) Chapter 137

‎1 ‏עַ֥ל נַהֲר֨וֹת׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ בְּ֝זָכְרֵ֗נוּ אֶת־צִיּֽוֹן׃ ‎2 ‏עַֽל־עֲרָבִ֥ים בְּתוֹכָ֑הּ תָּ֝לִ֗ינוּ כִּנֹּרוֹתֵֽינוּ׃ ‎3 ‏כִּ֤י שָׁ֨ם שְֽׁאֵל֪וּנוּ שׁוֹבֵ֡ינוּ דִּבְרֵי־שִׁ֭יר וְתוֹלָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיּֽוֹן׃ ‎4 ‏אֵ֗יךְ נָשִׁ֥יר אֶת־שִׁיר־יְהוָ֑ה עַ֝֗ל אַדְמַ֥ת נֵכָֽר׃ ‎5 ‏אִֽם־אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינִֽי׃ ‎6 ‏תִּדְבַּ֥ק־לְשׁוֹנִ֨י׀ לְחִכִּי֮ אִם־לֹ֪א אֶ֫זְכְּרֵ֥כִי אִם־לֹ֣א אַ֭עֲלֶה אֶת־יְרוּשָׁלִַ֑ם עַ֝֗ל רֹ֣אשׁ שִׂמְחָתִֽי׃ ‎7 ‏זְכֹ֤ר יְהוָ֨ה׀ לִבְנֵ֬י אֱד֗וֹם אֵת֮ י֤וֹם יְֽרוּשָׁ֫לִָ֥ם הָ֭אֹ֣מְרִים עָ֤רוּ׀ עָ֑רוּ עַ֝֗ד הַיְס֥וֹד בָּֽהּ׃ ‎8 ‏בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃ ‎9 ‏אַשְׁרֵ֤י׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃

1 ‘al nahărwōṯ| bāḇel šām yāšaḇənû gam-bāḵînû bəzāḵərēnû ’eṯ-ṣîywōn: 2 ‘al-‘ărāḇîm bəṯwōḵāh tālînû kinnōrwōṯênû: 3 kî šām šə’ēlûnû šwōḇênû diḇərê-šîr wəṯwōlālênû śiməḥâ šîrû lānû miššîr ṣîywōn: 4 ’êḵə nāšîr ’eṯ-šîr-yəhwâ ‘al ’aḏəmaṯ nēḵār: 5 ’im-’ešəkāḥēḵə yərûšālāim tišəkaḥ yəmînî: 6 tiḏəbaq-ləšwōnî| ləḥikî ’im-lō’ ’ezəkərēḵî ’im-lō’ ’a‘ăleh ’eṯ-yərûšālaim ‘al rō’š śiməḥāṯî: 7 zəḵōr yəhwâ| liḇənê ’ĕḏwōm ’ēṯ ywōm yərûšālāim hā’ōmərîm ‘ārû| ‘ārû ‘aḏ hayəswōḏ bāh: 8 baṯ-bāḇel haššəḏûḏâ ’ašərê šeyəšallem-lāḵə ’eṯ-gəmûlēḵə šegāmalətə lānû: 9 ’ašərê| šeyyō’ḥēz wənipēṣ ’eṯ-‘ōlālayiḵə ’el-hassāla‘: