Proverbs (Mishlei): Proverbs (Mishlei) Chapter 9

Tanach (Hebrew): Proverbs (Mishlei) Chapter 9

‎1 ‏חָ֭כְמוֹת בָּנְתָ֣ה בֵיתָ֑הּ חָצְבָ֖ה עַמּוּדֶ֣יהָ שִׁבְעָֽה׃ ‎2 ‏טָבְחָ֣ה טִ֭בְחָהּ מָסְכָ֣ה יֵינָ֑הּ אַ֝֗ף עָֽרְכָ֥ה שֻׁלְחָנָֽהּ׃ ‎3 ‏שָֽׁלְחָ֣ה נַעֲרֹתֶ֣יהָ תִקְרָ֑א עַל־גַּ֝פֵּ֗י מְרֹ֣מֵי קָֽרֶת׃ ‎4 ‏מִי־פֶ֭תִי יָסֻ֣ר הֵ֑נָּה חֲסַר־לֵ֝֗ב אָ֣מְרָה לּֽוֹ׃ ‎5 ‏לְ֭כוּ לַחֲמ֣וּ בְֽלַחֲמִ֑י וּ֝שְׁת֗וּ בְּיַ֣יִן מָסָֽכְתִּי׃ ‎6 ‏עִזְב֣וּ פְתָאיִ֣ם וִֽחְי֑וּ וְ֝אִשְׁר֗וּ בְּדֶ֣רֶךְ בִּינָֽה׃ ‎7 ‏יֹ֤סֵ֨ר׀ לֵ֗ץ לֹקֵ֣חַֽ ל֣וֹ קָל֑וֹן וּמוֹכִ֖יחַ לְרָשָׁ֣ע מוּמֽוֹ׃ ‎8 ‏אַל־תּ֣וֹכַח לֵ֭ץ פֶּן־יִשְׂנָאֶ֑ךָּ הוֹכַ֥ח לְ֝חָכָ֗ם וְיֶאֱהָבֶֽךָּ׃ ‎9 ‏תֵּ֣ן לְ֭חָכָם וְיֶחְכַּם־ע֑וֹד הוֹדַ֥ע לְ֝צַדִּ֗יק וְי֣וֹסֶף לֶֽקַח׃ פ ‎10 ‏תְּחִלַּ֣ת חָ֭כְמָה יִרְאַ֣ת יְהוָ֑ה וְדַ֖עַת קְדֹשִׁ֣ים בִּינָֽה׃ ‎11 ‏כִּי־בִ֭י יִרְבּ֣וּ יָמֶ֑יךָ וְיוֹסִ֥יפוּ לְּ֝ךָ֗ שְׁנ֣וֹת חַיִּֽים׃ ‎12 ‏אִם־חָ֭כַמְתָּ חָכַ֣מְתָּ לָּ֑ךְ וְ֝לַ֗צְתָּ לְֽבַדְּךָ֥ תִשָּֽׂא׃ ‎13 ‏אֵ֣שֶׁת כְּ֭סִילוּת הֹֽמִיָּ֑ה פְּ֝תַיּ֗וּת וּבַל־יָ֥דְעָה מָּֽה׃ ‎14 ‏וְֽ֭יָשְׁבָה לְפֶ֣תַח בֵּיתָ֑הּ עַל־כִּ֝סֵּ֗א מְרֹ֣מֵי קָֽרֶת׃ ‎15 ‏לִקְרֹ֥א לְעֹֽבְרֵי־דָ֑רֶךְ הַֽ֝מְיַשְּׁרִ֗ים אֹֽרְחוֹתָֽם׃ ‎16 ‏מִי־פֶ֭תִי יָסֻ֣ר הֵ֑נָּה וַחֲסַר־לֵ֝֗ב וְאָ֣מְרָה לּֽוֹ׃ ‎17 ‏מַֽיִם־גְּנוּבִ֥ים יִמְתָּ֑קוּ וְלֶ֖חֶם סְתָרִ֣ים יִנְעָֽם׃ ‎18 ‏וְֽלֹא־יָ֭דַע כִּֽי־רְפָאִ֣ים שָׁ֑ם בְּעִמְקֵ֖י שְׁא֣וֹל קְרֻאֶֽיהָ׃ פ

1 ḥāḵəmwōṯ bānəṯâ ḇêṯāh ḥāṣəḇâ ‘ammûḏeyhā šiḇə‘â: 2 ṭāḇəḥâ ṭiḇəḥāh māsəḵâ yênāh ’af ‘ārəḵâ šuləḥānāh: 3 šāləḥâ na‘ărōṯeyhā ṯiqərā’ ‘al-gapê mərōmê qāreṯ: 4 mî-feṯî yāsur hēnnâ ḥăsar-lēḇ ’āmərâ llwō: 5 ləḵû laḥămû ḇəlaḥămî ûšəṯû bəyayin māsāḵətî: 6 ‘izəḇû fəṯā’yim wiḥəyû wə’išərû bəḏereḵə bînâ: 7 yōsēr| lēṣ lōqēḥa lwō qālwōn ûmwōḵîḥa lərāšā‘ mûmwō: 8 ’al-twōḵaḥ lēṣ pen-yiśənā’eḵḵā hwōḵaḥ ləḥāḵām wəye’ĕhāḇeḵḵā: 9 tēn ləḥāḵām wəyeḥəkam-‘wōḏ hwōḏa‘ ləṣadîq wəywōsef leqaḥ: f 10 təḥillaṯ ḥāḵəmâ yirə’aṯ yəhwâ wəḏa‘aṯ qəḏōšîm bînâ: 11 kî-ḇî yirəbû yāmeyḵā wəywōsîfû lləḵā šənwōṯ ḥayyîm: 12 ’im-ḥāḵamətā ḥāḵamətā llāḵə wəlaṣətā ləḇadəḵā ṯiśśā’: 13 ’ēšeṯ kəsîlûṯ hōmîyâ pəṯayyûṯ ûḇal-yāḏə‘â mmâ: 14 wəyāšəḇâ ləfeṯaḥ bêṯāh ‘al-kissē’ mərōmê qāreṯ: 15 liqərō’ lə‘ōḇərê-ḏāreḵə haməyaššərîm ’ōrəḥwōṯām: 16 mî-feṯî yāsur hēnnâ waḥăsar-lēḇ wə’āmərâ llwō: 17 mayim-gənûḇîm yimətāqû wəleḥem səṯārîm yinə‘ām: 18 wəlō’-yāḏa‘ kî-rəfā’îm šām bə‘iməqê šə’wōl qəru’eyhā: f