Proverbs (Mishlei): Proverbs (Mishlei) Chapter 5

Tanach (Hebrew): Proverbs (Mishlei) Chapter 5

‎1 ‏בְּ֭נִי לְחָכְמָתִ֣י הַקְשִׁ֑יבָה לִ֝תְבוּנָתִ֗י הַט־אָזְנֶֽךָ׃ ‎2 ‏לִשְׁמֹ֥ר מְזִמּ֑וֹת וְ֝דַ֗עַת שְׂפָתֶ֥יךָ יִנְצֹֽרוּ׃ ‎3 ‏כִּ֤י נֹ֣פֶת תִּ֭טֹּפְנָה שִׂפְתֵ֣י זָרָ֑ה וְחָלָ֖ק מִשֶּׁ֣מֶן חִכָּֽהּ׃ ‎4 ‏וְֽ֭אַחֲרִיתָהּ מָרָ֣ה כַֽלַּעֲנָ֑ה חַ֝דָּ֗ה כְּחֶ֣רֶב פִּיּֽוֹת׃ ‎5 ‏רַ֭גְלֶיהָ יֹרְד֣וֹת מָ֑וֶת שְׁ֝א֗וֹל צְעָדֶ֥יהָ יִתְמֹֽכוּ׃ ‎6 ‏אֹ֣רַח חַ֭יִּים פֶּן־תְּפַלֵּ֑ס נָע֥וּ מַ֝עְגְּלֹתֶ֗יהָ לֹ֣א תֵדָֽע׃ פ ‎7 ‏וְעַתָּ֣ה בָ֭נִים שִׁמְעוּ־לִ֑י וְאַל־תָּ֝ס֗וּרוּ מֵאִמְרֵי־פִֽי׃ ‎8 ‏הַרְחֵ֣ק מֵעָלֶ֣יהָ דַרְכֶּ֑ךָ וְאַל־תִּ֝קְרַ֗ב אֶל־פֶּ֥תַח בֵּיתָֽהּ׃ ‎9 ‏פֶּן־תִּתֵּ֣ן לַאֲחֵרִ֣ים הוֹדֶ֑ךָ וּ֝שְׁנֹתֶ֗יךָ לְאַכְזָרִֽי׃ ‎10 ‏פֶּֽן־יִשְׂבְּע֣וּ זָרִ֣ים כֹּחֶ֑ךָ וַ֝עֲצָבֶ֗יךָ בְּבֵ֣ית נָכְרִֽי׃ ‎11 ‏וְנָהַמְתָּ֥ בְאַחֲרִיתֶ֑ךָ בִּכְל֥וֹת בְּ֝שָׂרְךָ֗ וּשְׁאֵרֶֽךָ׃ ‎12 ‏וְֽאָמַרְתָּ֗ אֵ֭יךְ שָׂנֵ֣אתִי מוּסָ֑ר וְ֝תוֹכַ֗חַת נָאַ֥ץ לִבִּֽי׃ ‎13 ‏וְֽלֹא־שָׁ֭מַעְתִּי בְּק֣וֹל מוֹרָ֑י וְ֝לִֽמְלַמְּדַ֗י לֹא־הִטִּ֥יתִי אָזְנִֽי׃ ‎14 ‏כִּ֭מְעַט הָיִ֣יתִי בְכָל־רָ֑ע בְּת֖וֹךְ קָהָ֣ל וְעֵדָֽה׃ ‎15 ‏שְׁתֵה־מַ֥יִם מִבּוֹרֶ֑ךָ וְ֝נֹזְלִ֗ים מִתּ֥וֹךְ בְּאֵרֶֽךָ׃ ‎16 ‏יָפ֣וּצוּ מַעְיְנֹתֶ֣יךָ ח֑וּצָה בָּ֝רְחֹב֗וֹת פַּלְגֵי־מָֽיִם׃ ‎17 ‏יִֽהְיוּ־לְךָ֥ לְבַדֶּ֑ךָ וְאֵ֖ין לְזָרִ֣ים אִתָּֽךְ׃ ‎18 ‏יְהִֽי־מְקוֹרְךָ֥ בָר֑וּךְ וּ֝שְׂמַ֗ח מֵאֵ֥שֶׁת נְעוּרֶֽךָ׃ ‎19 ‏אַיֶּ֥לֶת אֲהָבִ֗ים וְֽיַעֲלַ֫ת־חֵ֥ן דַּ֭דֶּיהָ יְרַוֻּ֣ךָ בְכָל־עֵ֑ת בְּ֝אַהֲבָתָ֗הּ תִּשְׁגֶּ֥ה תָמִֽיד׃ ‎20 ‏וְלָ֤מָּה תִשְׁגֶּ֣ה בְנִ֣י בְזָרָ֑ה וּ֝תְחַבֵּ֗ק חֵ֣ק נָכְרִיָּֽה׃ ‎21 ‏כִּ֤י נֹ֨כַח׀ עֵינֵ֣י יְ֭הוָה דַּרְכֵי־אִ֑ישׁ וְֽכָל־מַעְגְּלֹתָ֥יו מְפַלֵּֽס׃ ‎22 ‏עַֽווֹנוֹתָ֗יו יִלְכְּדֻנ֥וֹ אֶת־הָרָשָׁ֑ע וּבְחַבְלֵ֥י חַ֝טָּאת֗וֹ יִתָּמֵֽךְ׃ ‎23 ‏ה֗וּא יָ֭מוּת בְּאֵ֣ין מוּסָ֑ר וּבְרֹ֖ב אִוַּלְתּ֣וֹ יִשְׁגֶּֽה׃ פ

1 bənî ləḥāḵəmāṯî haqəšîḇâ liṯəḇûnāṯî haṭ-’āzəneḵā: 2 lišəmōr məzimmwōṯ wəḏa‘aṯ śəfāṯeyḵā yinəṣōrû: 3 kî nōfeṯ tiṭṭōfənâ śifəṯê zārâ wəḥālāq miššemen ḥikāh: 4 wə’aḥărîṯāh mārâ ḵalla‘ănâ ḥadâ kəḥereḇ pîywōṯ: 5 raḡəleyhā yōrəḏwōṯ māweṯ šə’wōl ṣə‘āḏeyhā yiṯəmōḵû: 6 ’ōraḥ ḥayyîm pen-təfallēs nā‘û ma‘əgəlōṯeyhā lō’ ṯēḏā‘: f 7 wə‘atâ ḇānîm šimə‘û-lî wə’al-tāsûrû mē’imərê-fî: 8 harəḥēq mē‘āleyhā ḏarəkeḵā wə’al-tiqəraḇ ’el-peṯaḥ bêṯāh: 9 pen-titēn la’ăḥērîm hwōḏeḵā ûšənōṯeyḵā lə’aḵəzārî: 10 pen-yiśəbə‘û zārîm kōḥeḵā wa‘ăṣāḇeyḵā bəḇêṯ nāḵərî: 11 wənâamətā ḇə’aḥărîṯeḵā biḵəlwōṯ bəśārəḵā ûšə’ēreḵā: 12 wə’āmarətā ’êḵə śānē’ṯî mûsār wəṯwōḵaḥaṯ nā’aṣ libî: 13 wəlō’-šāma‘ətî bəqwōl mwōrāy wəliməlamməḏay lō’-hiṭṭîṯî ’āzənî: 14 kimə‘aṭ hāyîṯî ḇəḵāl-rā‘ bəṯwōḵə qâāl wə‘ēḏâ: 15 šəṯēh-mayim mibwōreḵā wənōzəlîm mitwōḵə bə’ēreḵā: 16 yāfûṣû ma‘əyənōṯeyḵā ḥûṣâ bārəḥōḇwōṯ paləḡê-māyim: 17 yihəyû-ləḵā ləḇadeḵā wə’ên ləzārîm ’itāḵə: 18 yəhî-məqwōrəḵā ḇārûḵə ûśəmaḥ mē’ēšeṯ nə‘ûreḵā: 19 ’ayyeleṯ ’ăhāḇîm wəya‘ălaṯ-ḥēn dadeyhā yəraûuḵā ḇəḵāl-‘ēṯ bə’ahăḇāṯāh tišəgeh ṯāmîḏ: 20 wəlāmmâ ṯišəgeh ḇənî ḇəzārâ ûṯəḥabēq ḥēq nāḵərîyâ: 21 kî nōḵaḥ| ‘ênê yəhwâ darəḵê-’îš wəḵāl-ma‘əgəlōṯāyw məfallēs: 22 ‘awwōnwōṯāyw yiləkəḏunwō ’eṯ-hārāšā‘ ûḇəḥaḇəlê ḥaṭṭā’ṯwō yitāmēḵə: 23 hû’ yāmûṯ bə’ên mûsār ûḇərōḇ ’iûalətwō yišəgeh: f