Lamentations (Eichah): Lamentations (Eichah) Chapter 5

Tanach (Hebrew): Lamentations (Eichah) Chapter 5

‎1 ‏זְכֹ֤ר יְהוָה֙ מֶֽה־הָ֣יָה לָ֔נוּ הביט הַבִּ֖יטָה וּרְאֵ֥ה אֶת־חֶרְפָּתֵֽנוּ׃ ‎2 ‏נַחֲלָתֵ֙נוּ֙ נֶֽהֶפְכָ֣ה לְזָרִ֔ים בָּתֵּ֖ינוּ לְנָכְרִֽים׃ ‎3 ‏יְתוֹמִ֤ים הָיִ֙ינוּ֙ אין וְאֵ֣ין אָ֔ב אִמֹּתֵ֖ינוּ כְּאַלְמָנֽוֹת׃ ‎4 ‏מֵימֵ֙ינוּ֙ בְּכֶ֣סֶף שָׁתִ֔ינוּ עֵצֵ֖ינוּ בִּמְחִ֥יר יָבֹֽאוּ׃ ‎5 ‏עַ֤ל צַוָּארֵ֙נוּ֙ נִרְדָּ֔פְנוּ יָגַ֖עְנוּ לא וְלֹ֥א הֽוּנַֽח־לָֽנוּ׃ ‎6 ‏מִצְרַ֙יִם֙ נָתַ֣נּוּ יָ֔ד אַשּׁ֖וּר לִשְׂבֹּ֥עַֽ לָֽחֶם׃ ‎7 ‏אֲבֹתֵ֤ינוּ חָֽטְאוּ֙ אינם וְאֵינָ֔ם אנחנו וַאֲנַ֖חְנוּ עֲוֹנֹתֵיהֶ֥ם סָבָֽלְנוּ׃ ‎8 ‏עֲבָדִים֙ מָ֣שְׁלוּ בָ֔נוּ פֹּרֵ֖ק אֵ֥ין מִיָּדָֽם׃ ‎9 ‏בְּנַפְשֵׁ֙נוּ֙ נָבִ֣יא לַחְמֵ֔נוּ מִפְּנֵ֖י חֶ֥רֶב הַמִּדְבָּֽר׃ ‎10 ‏עוֹרֵ֙נוּ֙ כְּתַנּ֣וּר נִכְמָ֔רוּ מִפְּנֵ֖י זַלְעֲפ֥וֹת רָעָֽב׃ ‎11 ‏נָשִׁים֙ בְּצִיּ֣וֹן עִנּ֔וּ בְּתֻלֹ֖ת בְּעָרֵ֥י יְהוּדָֽה׃ ‎12 ‏שָׂרִים֙ בְּיָדָ֣ם נִתְל֔וּ פְּנֵ֥י זְקֵנִ֖ים לֹ֥א נֶהְדָּֽרוּ׃ ‎13 ‏בַּחוּרִים֙ טְח֣וֹן נָשָׂ֔אוּ וּנְעָרִ֖ים בָּעֵ֥ץ כָּשָֽׁלוּ׃ ‎14 ‏זְקֵנִים֙ מִשַּׁ֣עַר שָׁבָ֔תוּ בַּחוּרִ֖ים מִנְּגִינָתָֽם׃ ‎15 ‏שָׁבַת֙ מְשׂ֣וֹשׂ לִבֵּ֔נוּ נֶהְפַּ֥ךְ לְאֵ֖בֶל מְחֹלֵֽנוּ׃ ‎16 ‏נָֽפְלָה֙ עֲטֶ֣רֶת רֹאשֵׁ֔נוּ אֽוֹי־נָ֥א לָ֖נוּ כִּ֥י חָטָֽאנוּ׃ ‎17 ‏עַל־זֶ֗ה הָיָ֤ה דָוֶה֙ לִבֵּ֔נוּ עַל־אֵ֖לֶּה חָשְׁכ֥וּ עֵינֵֽינוּ׃ ‎18 ‏עַ֤ל הַר־צִיּוֹן֙ שֶׁשָּׁמֵ֔ם שׁוּעָלִ֖ים הִלְּכוּ־בֽוֹ׃ פ ‎19 ‏אַתָּ֤ה יְהוָה֙ לְעוֹלָ֣ם תֵּשֵׁ֔ב כִּסְאֲךָ֖ לְדֹ֥ר וָדֽוֹר׃ ‎20 ‏לָ֤מָּה לָנֶ֙צַח֙ תִּשְׁכָּחֵ֔נוּ תַּֽעַזְבֵ֖נוּ לְאֹ֥רֶךְ יָמִֽים׃ ‎21 ‏הֲשִׁיבֵ֨נוּ יְהוָ֤ה׀ אֵלֶ֙יךָ֙ ונשוב וְֽנָשׁ֔וּבָה חַדֵּ֥שׁ יָמֵ֖ינוּ כְּקֶֽדֶם׃ ‎22 ‏כִּ֚י אִם־מָאֹ֣ס מְאַסְתָּ֔נוּ קָצַ֥פְתָּ עָלֵ֖ינוּ עַד־מְאֹֽד׃

1 zəḵōr yəhwâ meh-hāyâ lānû habêṭ habîṭâ ûrə’ēh ’eṯ-ḥerəpāṯēnû: 2 naḥălāṯēnû nehefəḵâ ləzārîm bātênû lənāḵərîm: 3 yəṯwōmîm hāyînû ’ên wə’ên ’āḇ ’immōṯênû kə’aləmānwōṯ: 4 mêmênû bəḵesef šāṯînû ‘ēṣênû biməḥîr yāḇō’û: 5 ‘al ṣaûā’rēnû nirədāfənû yāḡa‘ənû lō’ wəlō’ hûnaḥ-lānû: 6 miṣərayim nāṯannû yāḏ ’aššûr liśəbō‘a lāḥem: 7 ’ăḇōṯênû ḥāṭə’û ’ênām wə’ênām ’ănaḥənû wa’ănaḥənû ‘ăwōnōṯêhem sāḇālənû: 8 ‘ăḇāḏîm māšəlû ḇānû pōrēq ’ên mîyāḏām: 9 bənafəšēnû nāḇî’ laḥəmēnû mipənê ḥereḇ hammiḏəbār: 10 ‘wōrēnû kəṯannûr niḵəmārû mipənê zalə‘ăfwōṯ rā‘āḇ: 11 nāšîm bəṣîywōn ‘innû bəṯulōṯ bə‘ārê yəhûḏâ: 12 śārîm bəyāḏām niṯəlû pənê zəqēnîm lō’ nehədārû: 13 baḥûrîm ṭəḥwōn nāśā’û ûnə‘ārîm bā‘ēṣ kāšālû: 14 zəqēnîm mišša‘ar šāḇāṯû baḥûrîm minnəḡînāṯām: 15 šāḇaṯ məśwōś libēnû nehəpaḵə lə’ēḇel məḥōlēnû: 16 nāfəlâ ‘ăṭereṯ rō’šēnû ’wōy-nā’ lānû kî ḥāṭā’nû: 17 ‘al-zeh hāyâ ḏāweh libēnû ‘al-’ēlleh ḥāšəḵû ‘ênênû: 18 ‘al har-ṣîywōn šeššāmēm šû‘ālîm hilləḵû-ḇwō: f 19 ’atâ yəhwâ lə‘wōlām tēšēḇ kisə’ăḵā ləḏōr wāḏwōr: 20 lāmmâ lāneṣaḥ tišəkāḥēnû ta‘azəḇēnû lə’ōreḵə yāmîm: 21 hăšîḇēnû yəhwâ| ’ēleyḵā wənāšûḇ wənāšûḇâ ḥadēš yāmênû kəqeḏem: 22 kî ’im-mā’ōs mə’asətānû qāṣafətā ‘ālênû ‘aḏ-mə’ōḏ: