Lamentations (Eichah): Lamentations (Eichah) Chapter 3
Tanach (Hebrew): Lamentations (Eichah) Chapter 3
1 אֲנִ֤י הַגֶּ֙בֶר֙ רָאָ֣ה עֳנִ֔י בְּשֵׁ֖בֶט עֶבְרָתֽוֹ׃ 2 אוֹתִ֥י נָהַ֛ג וַיֹּלַ֖ךְ חֹ֥שֶׁךְ וְלֹא־אֽוֹר׃ 3 אַ֣ךְ בִּ֥י יָשֻׁ֛ב יַהֲפֹ֥ךְ יָד֖וֹ כָּל־הַיּֽוֹם׃ ס 4 בִּלָּ֤ה בְשָׂרִי֙ וְעוֹרִ֔י שִׁבַּ֖ר עַצְמוֹתָֽי׃ 5 בָּנָ֥ה עָלַ֛י וַיַּקַּ֖ף רֹ֥אשׁ וּתְלָאָֽה׃ 6 בְּמַחֲשַׁכִּ֥ים הוֹשִׁיבַ֖נִי כְּמֵתֵ֥י עוֹלָֽם׃ ס 7 גָּדַ֧ר בַּעֲדִ֛י וְלֹ֥א אֵצֵ֖א הִכְבִּ֥יד נְחָשְׁתִּֽי׃ 8 גַּ֣ם כִּ֤י אֶזְעַק֙ וַאֲשַׁוֵּ֔עַ שָׂתַ֖ם תְּפִלָּתִֽי׃ 9 גָּדַ֤ר דְּרָכַי֙ בְּגָזִ֔ית נְתִיבֹתַ֖י עִוָּֽה׃ ס 10 דֹּ֣ב אֹרֵ֥ב הוּא֙ לִ֔י אריה אֲרִ֖י בְּמִסְתָּרִֽים׃ 11 דְּרָכַ֥י סוֹרֵ֛ר וַֽיְפַשְּׁחֵ֖נִי שָׂמַ֥נִי שֹׁמֵֽם׃ 12 דָּרַ֤ךְ קַשְׁתּוֹ֙ וַיַּצִּיבֵ֔נִי כַּמַּטָּרָ֖א לַחֵֽץ׃ ס 13 הֵבִיא֙ בְּכִלְיוֹתָ֔י בְּנֵ֖י אַשְׁפָּתֽוֹ׃ 14 הָיִ֤יתִי שְּׂחֹק֙3 לְכָל־עַמִּ֔י נְגִינָתָ֖ם כָּל־הַיּֽוֹם׃ 15 הִשְׂבִּיעַ֥נִי בַמְּרוֹרִ֖ים הִרְוַ֥נִי לַעֲנָֽה׃ ס 16 וַיַּגְרֵ֤ס בֶּֽחָצָץ֙ שִׁנָּ֔י הִכְפִּישַׁ֖נִי בָּאֵֽפֶר׃ 17 וַתִּזְנַ֧ח מִשָּׁל֛וֹם נַפְשִׁ֖י נָשִׁ֥יתִי טוֹבָֽה׃ 18 וָאֹמַר֙ אָבַ֣ד נִצְחִ֔י וְתוֹחַלְתִּ֖י מֵיְהוָֽה׃ ס 19 זְכָר־עָנְיִ֥י וּמְרוּדִ֖י לַעֲנָ֥ה וָרֹֽאשׁ׃ 20 זָכ֣וֹר תִּזְכּ֔וֹר ותשיח וְתָשׁ֥וֹחַ עָלַ֖י נַפְשִֽׁי׃ 21 זֹ֛את אָשִׁ֥יב אֶל־לִבִּ֖י עַל־כֵּ֥ן אוֹחִֽיל׃ ס 22 חַֽסְדֵ֤י יְהוָה֙ כִּ֣י לֹא־תָ֔מְנוּ כִּ֥י לֹא־כָל֖וּ רַחֲמָֽיו׃ 23 חֲדָשִׁים֙ לַבְּקָרִ֔ים רַבָּ֖ה אֱמוּנָתֶֽךָ׃ 24 חֶלְקִ֤י יְהוָה֙ אָמְרָ֣ה נַפְשִׁ֔י עַל־כֵּ֖ן אוֹחִ֥יל לֽוֹ׃ ס 25 ט֤וֹב יְהוָה֙ לְקוָ֔וֹq לְנֶ֖פֶשׁ תִּדְרְשֶֽׁנּוּ׃ 26 ט֤וֹב וְיָחִיל֙ וְדוּמָ֔ם לִתְשׁוּעַ֖ת יְהוָֽה׃ 27 ט֣וֹב לַגֶּ֔בֶר כִּֽי־יִשָּׂ֥א עֹ֖ל בִּנְעוּרָֽיו׃ ס 28 יֵשֵׁ֤ב בָּדָד֙ וְיִדֹּ֔ם כִּ֥י נָטַ֖ל עָלָֽיו׃ 29 יִתֵּ֤ן בֶּֽעָפָר֙ פִּ֔יהוּ אוּלַ֖י יֵ֥שׁ תִּקְוָֽה׃ 30 יִתֵּ֧ן לְמַכֵּ֛הוּ לֶ֖חִי יִשְׂבַּ֥ע בְּחֶרְפָּֽה׃ ס 31 כִּ֣י לֹ֥א יִזְנַ֛ח לְעוֹלָ֖ם אֲדֹנָֽי׃ 32 כִּ֣י אִם־הוֹגָ֔ה וְרִחַ֖ם כְּרֹ֥ב חסדו חֲסָדָֽיו׃ 33 כִּ֣י לֹ֤א עִנָּה֙ מִלִּבּ֔וֹ וַיַּגֶּ֖ה בְּנֵי־אִֽישׁ׃ ס 34 לְדַכֵּא֙ תַּ֣חַת רַגְלָ֔יו כֹּ֖ל אֲסִ֥ירֵי אָֽרֶץ׃ 35 לְהַטּוֹת֙ מִשְׁפַּט־גָּ֔בֶר נֶ֖גֶד פְּנֵ֥י עֶלְיֽוֹן׃ 36 לְעַוֵּ֤ת אָדָם֙ בְּרִיב֔וֹ אֲדֹנָ֖י לֹ֥א רָאָֽה׃ ס 37 מִ֣י זֶ֤ה אָמַר֙ וַתֶּ֔הִי אֲדֹנָ֖י לֹ֥א צִוָּֽה׃ 38 מִפִּ֤י עֶלְיוֹן֙ לֹ֣א תֵצֵ֔א הָרָע֖וֹת וְהַטּֽוֹב׃ 39 מַה־יִּתְאוֹנֵן֙ אָדָ֣ם חָ֔י גֶּ֖בֶר עַל־חטאו חֲטָאָֽיו׃ ס 40 נַחְפְּשָׂ֤ה דְרָכֵ֙ינוּ֙ וְֽנַחְקֹ֔רָה וְנָשׁ֖וּבָה עַד־יְהוָֽה׃ 41 נִשָּׂ֤א לְבָבֵ֙נוּ֙ אֶל־כַּפָּ֔יִם אֶל־אֵ֖ל בַּשָּׁמָֽיִם׃ 42 נַ֤חְנוּ פָשַׁ֙עְנוּ֙ וּמָרִ֔ינוּ אַתָּ֖ה לֹ֥א סָלָֽחְתָּ׃ ס 43 סַכֹּ֤תָה בָאַף֙ וַֽתִּרְדְּפֵ֔נוּ הָרַ֖גְתָּ לֹ֥א חָמָֽלְתָּ׃ 44 סַכּ֤וֹתָה בֶֽעָנָן֙ לָ֔ךְ מֵעֲב֖וֹר תְּפִלָּֽה׃ 45 סְחִ֧י וּמָא֛וֹס תְּשִׂימֵ֖נוּ בְּקֶ֥רֶב הָעַמִּֽים׃ ס 46 פָּצ֥וּ עָלֵ֛ינוּ פִּיהֶ֖ם כָּל־אֹיְבֵֽינוּ׃ 47 פַּ֧חַד וָפַ֛חַת הָ֥יָה לָ֖נוּ הַשֵּׁ֥את וְהַשָּֽׁבֶר׃ 48 פַּלְגֵי־מַ֙יִם֙ תֵּרַ֣ד עֵינִ֔י עַל־שֶׁ֖בֶר בַּת־עַמִּֽי׃ ס 49 עֵינִ֧י נִגְּרָ֛ה וְלֹ֥א תִדְמֶ֖ה מֵאֵ֥ין הֲפֻגֽוֹת׃ 50 עַד־יַשְׁקִ֣יף וְיֵ֔רֶא יְהוָ֖ה מִשָּׁמָֽיִם׃ 51 עֵינִי֙ עֽוֹלְלָ֣ה לְנַפְשִׁ֔י מִכֹּ֖ל בְּנ֥וֹת עִירִֽי׃ ס 52 צ֥וֹד צָד֛וּנִי כַּצִּפּ֖וֹר אֹיְבַ֥י חִנָּֽם׃ 53 צָֽמְת֤וּ בַבּוֹר֙ חַיָּ֔י וַיַּדּוּ־אֶ֖בֶן בִּֽי׃ 54 צָֽפוּ־מַ֥יִם עַל־רֹאשִׁ֖י אָמַ֥רְתִּי נִגְזָֽרְתִּי׃ ס 55 קָרָ֤אתִי שִׁמְךָ֙ יְהוָ֔ה מִבּ֖וֹר תַּחְתִּיּֽוֹת׃ 56 קוֹלִ֖י שָׁמָ֑עְתָּ אַל־תַּעְלֵ֧ם אָזְנְךָ֛ לְרַוְחָתִ֖י לְשַׁוְעָתִֽי׃ 57 קָרַ֙בְתָּ֙ בְּי֣וֹם אֶקְרָאֶ֔ךָּ אָמַ֖רְתָּ אַל־תִּירָֽא׃ ס 58 רַ֧בְתָּ אֲדֹנָ֛י רִיבֵ֥י נַפְשִׁ֖י גָּאַ֥לְתָּ חַיָּֽי׃ 59 רָאִ֤יתָה יְהוָה֙ עַוָּ֣תָתִ֔י שָׁפְטָ֖ה מִשְׁפָּטִֽי׃ 60 רָאִ֙יתָה֙ כָּל־נִקְמָתָ֔ם כָּל־מַחְשְׁבֹתָ֖ם לִֽי׃ ס 61 שָׁמַ֤עְתָּ חֶרְפָּתָם֙ יְהוָ֔ה כָּל־מַחְשְׁבֹתָ֖ם עָלָֽי׃ 62 שִׂפְתֵ֤י קָמַי֙ וְהֶגְיוֹנָ֔ם עָלַ֖י כָּל־הַיּֽוֹם׃ 63 שִׁבְתָּ֤ם וְקִֽימָתָם֙ הַבִּ֔יטָה אֲנִ֖י מַנְגִּינָתָֽם׃ ס 64 תָּשִׁ֨יב לָהֶ֥ם גְּמ֛וּל יְהוָ֖ה כְּמַעֲשֵׂ֥ה יְדֵיהֶֽם׃ 65 תִּתֵּ֤ן לָהֶם֙ מְגִנַּת־לֵ֔ב תַּאֲלָֽתְךָ֖ לָהֶֽם׃ 66 תִּרְדֹּ֤ף בְּאַף֙ וְתַשְׁמִידֵ֔ם מִתַּ֖חַת שְׁמֵ֥י יְהוָֽה׃ פ1 ’ănî hageḇer rā’â ‘ŏnî bəšēḇeṭ ‘eḇərāṯwō:
2 ’wōṯî nâaḡ wayyōlaḵə ḥōšeḵə wəlō’-’wōr:
3 ’aḵə bî yāšuḇ yahăfōḵə yāḏwō kāl-hayywōm: s
4 billâ ḇəśārî wə‘wōrî šibar ‘aṣəmwōṯāy:
5 bānâ ‘ālay wayyaqqaf rō’š ûṯəlā’â:
6 bəmaḥăšakîm hwōšîḇanî kəmēṯê ‘wōlām: s
7 gāḏar ba‘ăḏî wəlō’ ’ēṣē’ hiḵəbîḏ nəḥāšətî:
8 gam kî ’ezə‘aq wa’ăšaûē‘a śāṯam təfillāṯî:
9 gāḏar dərāḵay bəḡāzîṯ nəṯîḇōṯay ‘iûâ: s
10 dōḇ ’ōrēḇ hû’ lî ’arəyēh ’ărî bəmisətārîm:
11 dərāḵay swōrēr wayəfaššəḥēnî śāmanî šōmēm:
12 dāraḵə qašətwō wayyaṣṣîḇēnî kammaṭṭārā’ laḥēṣ: s
13 hēḇî’ bəḵiləywōṯāy bənê ’ašəpāṯwō:
14 hāyîṯî śśəḥōq3 ləḵāl-‘ammî nəḡînāṯām kāl-hayywōm:15 hiśəbî‘anî ḇammərwōrîm hirəwanî la‘ănâ: s
16 wayyaḡərēs beḥāṣāṣ šinnāy hiḵəpîšanî bā’ēfer:
17 watizənaḥ miššālwōm nafəšî nāšîṯî ṭwōḇâ:
18 wā’ōmar ’āḇaḏ niṣəḥî wəṯwōḥalətî mêəhwâ: s
19 zəḵār-‘ānəyî ûmərûḏî la‘ănâ wārō’š:
20 zāḵwōr tizəkwōr wəṯāšîḥa wəṯāšwōḥa ‘ālay nafəšî:
21 zō’ṯ ’āšîḇ ’el-libî ‘al-kēn ’wōḥîl: s
22 ḥasəḏê yəhwâ kî lō’-ṯāmənû kî lō’-ḵālû raḥămāyw:
23 ḥăḏāšîm labəqārîm rabâ ’ĕmûnāṯeḵā:
24 ḥeləqî yəhwâ ’āmərâ nafəšî ‘al-kēn ’wōḥîl lwō: s
25 ṭwōḇ yəhwâ ləqwāwōq lənefeš tiḏərəšennû:26 ṭwōḇ wəyāḥîl wəḏûmām liṯəšû‘aṯ yəhwâ:
27 ṭwōḇ lageḇer kî-yiśśā’ ‘ōl binə‘ûrāyw: s
28 yēšēḇ bāḏāḏ wəyidōm kî nāṭal ‘ālāyw:
29 yitēn be‘āfār pîhû ’ûlay yēš tiqəwâ:
30 yitēn ləmakēhû leḥî yiśəba‘ bəḥerəpâ: s
31 kî lō’ yizənaḥ lə‘wōlām ’ăḏōnāy:
32 kî ’im-hwōḡâ wəriḥam kərōḇ ḥasədwō ḥăsāḏāyw:
33 kî lō’ ‘innâ millibwō wayyageh bənê-’îš: s
34 ləḏakē’ taḥaṯ raḡəlāyw kōl ’ăsîrê ’āreṣ:
35 ləhaṭṭwōṯ mišəpaṭ-gāḇer neḡeḏ pənê ‘eləywōn:
36 lə‘aûēṯ ’āḏām bərîḇwō ’ăḏōnāy lō’ rā’â: s
37 mî zeh ’āmar watehî ’ăḏōnāy lō’ ṣiûâ:
38 mipî ‘eləywōn lō’ ṯēṣē’ hārā‘wōṯ wəhaṭṭwōḇ:
39 mah-yyiṯə’wōnēn ’āḏām ḥāy geḇer ‘al-ḥeṭə’wō ḥăṭā’āyw: s
40 naḥəpəśâ ḏərāḵênû wənaḥəqōrâ wənāšûḇâ ‘aḏ-yəhwâ:
41 niśśā’ ləḇāḇēnû ’el-kapāyim ’el-’ēl baššāmāyim:
42 naḥənû fāša‘ənû ûmārînû ’atâ lō’ sālāḥətā: s
43 sakōṯâ ḇā’af watirədəfēnû hāraḡətā lō’ ḥāmālətā:
44 sakwōṯâ ḇe‘ānān lāḵə mē‘ăḇwōr təfillâ:
45 səḥî ûmā’wōs təśîmēnû bəqereḇ hā‘ammîm: s
46 pāṣû ‘ālênû pîhem kāl-’ōyəḇênû:
47 paḥaḏ wāfaḥaṯ hāyâ lānû haššē’ṯ wəhaššāḇer:
48 paləḡê-mayim tēraḏ ‘ênî ‘al-šeḇer baṯ-‘ammî: s
49 ‘ênî nigərâ wəlō’ ṯiḏəmeh mē’ên hăfuḡwōṯ:
50 ‘aḏ-yašəqîf wəyēre’ yəhwâ miššāmāyim:
51 ‘ênî ‘wōləlâ lənafəšî mikōl bənwōṯ ‘îrî: s
52 ṣwōḏ ṣāḏûnî kaṣṣipwōr ’ōyəḇay ḥinnām:
53 ṣāməṯû ḇabwōr ḥayyāy wayyadû-’eḇen bî:
54 ṣāfû-mayim ‘al-rō’šî ’āmarətî niḡəzārətî: s
55 qārā’ṯî šiməḵā yəhwâ mibwōr taḥətîywōṯ:
56 qwōlî šāmā‘ətā ’al-ta‘əlēm ’āzənəḵā lərawəḥāṯî ləšawə‘āṯî:
57 qāraḇətā bəywōm ’eqərā’eḵḵā ’āmarətā ’al-tîrā’: s
58 raḇətā ’ăḏōnāy rîḇê nafəšî gā’alətā ḥayyāy:
59 rā’îṯâ yəhwâ ‘aûāṯāṯî šāfəṭâ mišəpāṭî:
60 rā’îṯâ kāl-niqəmāṯām kāl-maḥəšəḇōṯām lî: s
61 šāma‘ətā ḥerəpāṯām yəhwâ kāl-maḥəšəḇōṯām ‘ālāy:
62 śifəṯê qāmay wəheḡəywōnām ‘ālay kāl-hayywōm:
63 šiḇətām wəqîmāṯām habîṭâ ’ănî manəgînāṯām: s
64 tāšîḇ lâem gəmûl yəhwâ kəma‘ăśēh yəḏêhem:
65 titēn lâem məḡinnaṯ-lēḇ ta’ălāṯəḵā lâem:
66 tirədōf bə’af wəṯašəmîḏēm mitaḥaṯ šəmê yəhwâ: f