Joshua (Yehoshua): Joshua (Yehoshua) Chapter 16

Tanach (Hebrew): Joshua (Yehoshua) Chapter 16

‎1 ‏וַיֵּצֵ֨א הַגּוֹרָ֜ל לִבְנֵ֤י יוֹסֵף֙ מִיַּרְדֵּ֣ן יְרִיח֔וֹ לְמֵ֥י יְרִיח֖וֹ מִזְרָ֑חָה הַמִּדְבָּ֗ר עֹלֶ֧ה מִירִיח֛וֹ בָּהָ֖ר בֵּֽית־אֵֽל׃ ‎2 ‏וְיָצָ֥א מִבֵּֽית־אֵ֖ל ל֑וּזָה וְעָבַ֛ר אֶל־גְּב֥וּל הָאַרְכִּ֖י עֲטָרֽוֹת׃ ‎3 ‏וְיָֽרַד־יָ֜מָּה אֶל־גְּב֣וּל הַיַּפְלֵטִ֗י עַ֣ד גְּב֧וּל בֵּית־חוֹרֹ֛ן תַּחְתּ֖וֹן וְעַד־גָּ֑זֶר וְהָי֥וּ תצאתו תֹצְאֹתָ֖יו יָֽמָּה׃ ‎4 ‏וַיִּנְחֲל֥וּ בְנֵי־יוֹסֵ֖ף מְנַשֶּׁ֥ה וְאֶפְרָֽיִם׃ ‎5 ‏וַיְהִ֛י גְּב֥וּל בְּנֵֽי־אֶפְרַ֖יִם לְמִשְׁפְּחֹתָ֑ם וַיְהִ֞י גְּב֤וּל נַחֲלָתָם֙ מִזְרָ֔חָה עַטְר֣וֹת אַדָּ֔ר עַד־בֵּ֥ית חוֹרֹ֖ן עֶלְיֽוֹן׃ ‎6 ‏וְיָצָ֨א הַגְּב֜וּל הַיָּ֗מָּה הַֽמִּכְמְתָת֙ מִצָּפ֔וֹן וְנָסַ֧ב הַגְּב֛וּל מִזְרָ֖חָה תַּאֲנַ֣ת שִׁלֹ֑ה וְעָבַ֣ר אוֹת֔וֹ מִמִּזְרַ֖ח יָנֽוֹחָה׃ ‎7 ‏וְיָרַ֥ד מִיָּנ֖וֹחָה עֲטָר֣וֹת וְנַעֲרָ֑תָה וּפָגַע֙ בִּֽירִיח֔וֹ וְיָצָ֖א הַיַּרְדֵּֽן׃ ‎8 ‏מִתַּפּ֜וּחַ יֵלֵ֨ךְ הַגְּב֥וּל יָ֙מָּה֙ נַ֣חַל קָנָ֔ה וְהָי֥וּ תֹצְאֹתָ֖יו הַיָּ֑מָּה זֹ֗את נַחֲלַ֛ת מַטֵּ֥ה בְנֵי־אֶפְרַ֖יִם לְמִשְׁפְּחֹתָֽם׃ ‎9 ‏וְהֶעָרִ֗ים הַמִּבְדָּלוֹת֙ לִבְנֵ֣י אֶפְרַ֔יִם בְּת֖וֹךְ נַחֲלַ֣ת בְּנֵֽי־מְנַשֶּׁ֑ה כָּֽל־הֶעָרִ֖ים וְחַצְרֵיהֶֽן׃ ‎10 ‏וְלֹ֣א הוֹרִ֔ישׁוּ אֶת־הַֽכְּנַעֲנִ֖י הַיּוֹשֵׁ֣ב בְּגָ֑זֶר וַיֵּ֨שֶׁב הַֽכְּנַעֲנִ֜י בְּקֶ֤רֶב אֶפְרַ֙יִם֙ עַד־הַיּ֣וֹם הַזֶּ֔ה וַיְהִ֖י לְמַס־עֹבֵֽד׃ פ

1 wayyēṣē’ hagwōrāl liḇənê ywōsēf mîyarədēn yərîḥwō ləmê yərîḥwō mizərāḥâ hammiḏəbār ‘ōleh mîrîḥwō bâār bêṯ-’ēl: 2 wəyāṣā’ mibêṯ-’ēl lûzâ wə‘āḇar ’el-gəḇûl hā’arəkî ‘ăṭārwōṯ: 3 wəyāraḏ-yāmmâ ’el-gəḇûl hayyafəlēṭî ‘aḏ gəḇûl bêṯ-ḥwōrōn taḥətwōn wə‘aḏ-gāzer wəhāyû ṯōṣə’ōṯāw ṯōṣə’ōṯāyw yāmmâ: 4 wayyinəḥălû ḇənê-ywōsēf mənaššeh wə’efərāyim: 5 wayəhî gəḇûl bənê-’efərayim ləmišəpəḥōṯām wayəhî gəḇûl naḥălāṯām mizərāḥâ ‘aṭərwōṯ ’adār ‘aḏ-bêṯ ḥwōrōn ‘eləywōn: 6 wəyāṣā’ hagəḇûl hayyāmmâ hammiḵəməṯāṯ miṣṣāfwōn wənāsaḇ hagəḇûl mizərāḥâ ta’ănaṯ šilōh wə‘āḇar ’wōṯwō mimmizəraḥ yānwōḥâ: 7 wəyāraḏ mîyānwōḥâ ‘ăṭārwōṯ wəna‘ărāṯâ ûfāḡa‘ bîrîḥwō wəyāṣā’ hayyarədēn: 8 mitapûḥa yēlēḵə hagəḇûl yāmmâ naḥal qānâ wəhāyû ṯōṣə’ōṯāyw hayyāmmâ zō’ṯ naḥălaṯ maṭṭēh ḇənê-’efərayim ləmišəpəḥōṯām: 9 wəhe‘ārîm hammiḇədālwōṯ liḇənê ’efərayim bəṯwōḵə naḥălaṯ bənê-mənaššeh kāl-he‘ārîm wəḥaṣərêhen: 10 wəlō’ hwōrîšû ’eṯ-hakəna‘ănî hayywōšēḇ bəḡāzer wayyēšeḇ hakəna‘ănî bəqereḇ ’efərayim ‘aḏ-hayywōm hazzeh wayəhî ləmas-‘ōḇēḏ: f