Joel (Yoel): Joel (Yoel) Chapter 3

Tanach (Hebrew): Joel (Yoel) Chapter 3

‎1 ‏וְהָיָ֣ה אַֽחֲרֵי־כֵ֗ן אֶשְׁפּ֤וֹךְ אֶת־רוּחִי֙ עַל־כָּל־בָּשָׂ֔ר וְנִבְּא֖וּ בְּנֵיכֶ֣ם וּבְנֽוֹתֵיכֶ֑ם זִקְנֵיכֶם֙ חֲלֹמ֣וֹת יַחֲלֹמ֔וּן בַּח֣וּרֵיכֶ֔ם חֶזְיֹנ֖וֹת יִרְאֽוּ׃ ‎2 ‏וְגַ֥ם עַל־הָֽעֲבָדִ֖ים וְעַל־הַשְּׁפָח֑וֹת בַּיָּמִ֣ים הָהֵ֔מָּה אֶשְׁפּ֖וֹךְ אֶת־רוּחִֽי׃ ‎3 ‏וְנָֽתַתִּי֙ מֽוֹפְתִ֔ים בַּשָּׁמַ֖יִם וּבָאָ֑רֶץ דָּ֣ם וָאֵ֔שׁ וְתִֽימֲר֖וֹת עָשָֽׁן׃ ‎4 ‏הַשֶּׁ֙מֶשׁ֙ יֵהָפֵ֣ךְ לְחֹ֔שֶׁךְ וְהַיָּרֵ֖חַ לְדָ֑ם לִפְנֵ֗י בּ֚וֹא י֣וֹם יְהוָ֔ה הַגָּד֖וֹל וְהַנּוֹרָֽא׃ ‎5 ‏וְהָיָ֗ה כֹּ֧ל אֲשֶׁר־יִקְרָ֛א בְּשֵׁ֥ם יְהוָ֖ה יִמָּלֵ֑ט כִּ֠י בְּהַר־צִיּ֨וֹן וּבִירוּשָׁלִַ֜ם תִּֽהְיֶ֣ה פְלֵיטָ֗ה כַּֽאֲשֶׁר֙ אָמַ֣ר יְהוָ֔ה וּבַ֨שְּׂרִידִ֔ים אֲשֶׁ֥ר יְהוָ֖ה קֹרֵֽא׃

1 wəhāyâ ’aḥărê-ḵēn ’ešəpwōḵə ’eṯ-rûḥî ‘al-kāl-bāśār wənibə’û bənêḵem ûḇənwōṯêḵem ziqənêḵem ḥălōmwōṯ yaḥălōmûn baḥûrêḵem ḥezəyōnwōṯ yirə’û: 2 wəḡam ‘al-hā‘ăḇāḏîm wə‘al-haššəfāḥwōṯ bayyāmîm hâēmmâ ’ešəpwōḵə ’eṯ-rûḥî: 3 wənāṯatî mwōfəṯîm baššāmayim ûḇā’āreṣ dām wā’ēš wəṯîmărwōṯ ‘āšān: 4 haššemeš yēhāfēḵə ləḥōšeḵə wəhayyārēḥa ləḏām lifənê bwō’ ywōm yəhwâ hagāḏwōl wəhannwōrā’: 5 wəhāyâ kōl ’ăšer-yiqərā’ bəšēm yəhwâ yimmālēṭ kî bəhar-ṣîywōn ûḇîrûšālaim tihəyeh fəlêṭâ ka’ăšer ’āmar yəhwâ ûḇaśśərîḏîm ’ăšer yəhwâ qōrē’: