Job (Iyov): Job (Iyov) Chapter 41

Tanach (Hebrew): Job (Iyov) Chapter 41

‎1 ‏הֵן־תֹּחַלְתּ֥וֹ נִכְזָ֑בָה הֲגַ֖ם אֶל־מַרְאָ֣יו יֻטָֽל׃ ‎2 ‏לֹֽא־אַ֭כְזָר כִּ֣י יְעוּרֶ֑נּוּ וּמִ֥י ה֝֗וּא לְפָנַ֥י יִתְיַצָּֽב׃ ‎3 ‏מִ֣י הִ֭קְדִּימַנִי וַאֲשַׁלֵּ֑ם תַּ֖חַת כָּל־הַשָּׁמַ֣יִם לִי־הֽוּא׃ ‎4 ‏לא־ לֽוֹ־ אַחֲרִ֥ישׁ בַּדָּ֑יו וּדְבַר־גְּ֝בוּר֗וֹת וְחִ֣ין עֶרְכּֽוֹ׃ ‎5 ‏מִֽי־גִ֭לָּה פְּנֵ֣י לְבוּשׁ֑וֹ בְּכֶ֥פֶל רִ֝סְנ֗וֹ מִ֣י יָבֽוֹא׃ ‎6 ‏דַּלְתֵ֣י פָ֭נָיו מִ֣י פִתֵּ֑חַ סְבִיב֖וֹת שִׁנָּ֣יו אֵימָֽה׃ ‎7 ‏גַּ֭אֲוָה אֲפִיקֵ֣י מָֽגִנִּ֑ים סָ֝ג֗וּר חוֹתָ֥ם צָֽר׃ ‎8 ‏אֶחָ֣ד בְּאֶחָ֣ד יִגַּ֑שׁוּ וְ֝ר֗וּחַ לֹא־יָב֥וֹא בֵֽינֵיהֶֽם׃ ‎9 ‏אִישׁ־בְּאָחִ֥יהוּ יְדֻבָּ֑קוּ יִ֝תְלַכְּד֗וּ וְלֹ֣א יִתְפָּרָֽדוּ׃ ‎10 ‏עֲ‍ֽ֭טִישֹׁתָיו תָּ֣הֶל א֑וֹר וְ֝עֵינָ֗יו כְּעַפְעַפֵּי־שָֽׁחַר׃ ‎11 ‏מִ֭פִּיו לַפִּידִ֣ים יַהֲלֹ֑כוּ כִּיד֥וֹדֵי אֵ֝֗שׁ יִתְמַלָּֽטוּ׃ ‎12 ‏מִ֭נְּחִירָיו יֵצֵ֣א עָשָׁ֑ן כְּד֖וּד נָפ֣וּחַ וְאַגְמֹֽן׃ ‎13 ‏נַ֭פְשׁוֹ גֶּחָלִ֣ים תְּלַהֵ֑ט וְ֝לַ֗הַב מִפִּ֥יו יֵצֵֽא׃ ‎14 ‏בְּֽ֭צַוָּארוֹ יָלִ֣ין עֹ֑ז וּ֝לְפָנָ֗יו תָּד֥וּץ דְּאָבָֽה׃ ‎15 ‏מַפְּלֵ֣י בְשָׂר֣וֹ דָבֵ֑קוּ יָצ֥וּק עָ֝לָ֗יו בַּל־יִמּֽוֹט׃ ‎16 ‏לִ֭בּוֹ יָצ֣וּק כְּמוֹ־אָ֑בֶן וְ֝יָצ֗וּק כְּפֶ֣לַח תַּחְתִּֽית׃ ‎17 ‏מִ֭שֵּׂתוֹ יָג֣וּרוּ אֵלִ֑ים מִ֝שְּׁבָרִ֗ים יִתְחַטָּֽאוּ׃ ‎18 ‏מַשִּׂיגֵ֣הוּ חֶ֭רֶב בְּלִ֣י תָק֑וּם חֲנִ֖ית מַסָּ֣ע וְשִׁרְיָֽה׃ ‎19 ‏יַחְשֹׁ֣ב לְתֶ֣בֶן בַּרְזֶ֑ל לְעֵ֖ץ רִקָּב֣וֹן נְחוּשָֽׁה׃ ‎20 ‏לֹֽא־יַבְרִיחֶ֥נּוּ בֶן־קָ֑שֶׁת לְ֝קַ֗שׁ נֶהְפְּכוּ־ל֥וֹ אַבְנֵי־קָֽלַע׃ ‎21 ‏כְּ֭קַשׁ נֶחְשְׁב֣וּ תוֹתָ֑ח וְ֝יִשְׂחַ֗ק לְרַ֣עַשׁ כִּידֽוֹן׃ ‎22 ‏תַּ֭חְתָּיו חַדּ֣וּדֵי חָ֑רֶשׂ יִרְפַּ֖ד חָר֣וּץ עֲלֵי־טִֽיט׃ ‎23 ‏יַרְתִּ֣יחַ כַּסִּ֣יר מְצוּלָ֑ה יָ֝֗ם יָשִׂ֥ים כַּמֶּרְקָחָֽה׃ ‎24 ‏אַ֭חֲרָיו יָאִ֣יר נָתִ֑יב יַחְשֹׁ֖ב תְּה֣וֹם לְשֵׂיבָֽה׃ ‎25 ‏אֵֽין־עַל־עָפָ֥ר מָשְׁל֑וֹ הֶ֝עָשׂ֗וּ לִבְלִי־חָֽת׃ ‎26 ‏אֵֽת־כָּל־גָּבֹ֥הַּ יִרְאֶ֑ה ה֝֗וּא מֶ֣לֶךְ עַל־כָּל־בְּנֵי־שָֽׁחַץ׃ ס

1 hēn-tōḥalətwō niḵəzāḇâ hăḡam ’el-marə’āyw yuṭāl: 2 lō’-’aḵəzār kî yə‘ûrennû ûmî hû’ ləfānay yiṯəyaṣṣāḇ: 3 mî hiqədîmanî wa’ăšallēm taḥaṯ kāl-haššāmayim lî-hû’: 4 lō’- lwō- ’aḥărîš badāyw ûḏəḇar-gəḇûrwōṯ wəḥîn ‘erəkwō: 5 mî-ḡillâ pənê ləḇûšwō bəḵefel risənwō mî yāḇwō’: 6 daləṯê fānāyw mî fitēḥa səḇîḇwōṯ šinnāyw ’êmâ: 7 ga’ăwâ ’ăfîqê māḡinnîm sāḡûr ḥwōṯām ṣār: 8 ’eḥāḏ bə’eḥāḏ yigašû wərûḥa lō’-yāḇwō’ ḇênêhem: 9 ’îš-bə’āḥîhû yəḏubāqû yiṯəlakəḏû wəlō’ yiṯəpārāḏû: 10 ‘ă‍ṭîšōṯāyw tâel ’wōr wə‘ênāyw kə‘afə‘apê-šāḥar: 11 mipîw lapîḏîm yahălōḵû kîḏwōḏê ’ēš yiṯəmallāṭû: 12 minnəḥîrāyw yēṣē’ ‘āšān kəḏûḏ nāfûḥa wə’aḡəmōn: 13 nafəšwō geḥālîm təlahēṭ wəlahaḇ mipîw yēṣē’: 14 bəṣaûā’rwō yālîn ‘ōz ûləfānāyw tāḏûṣ də’āḇâ: 15 mapəlê ḇəśārwō ḏāḇēqû yāṣûq ‘ālāyw bal-yimmwōṭ: 16 libwō yāṣûq kəmwō-’āḇen wəyāṣûq kəfelaḥ taḥətîṯ: 17 miśśēṯwō yāḡûrû ’ēlîm miššəḇārîm yiṯəḥaṭṭā’û: 18 maśśîḡēhû ḥereḇ bəlî ṯāqûm ḥănîṯ massā‘ wəširəyâ: 19 yaḥəšōḇ ləṯeḇen barəzel lə‘ēṣ riqqāḇwōn nəḥûšâ: 20 lō’-yaḇərîḥennû ḇen-qāšeṯ ləqaš nehəpəḵû-lwō ’aḇənê-qāla‘: 21 kəqaš neḥəšəḇû ṯwōṯāḥ wəyiśəḥaq ləra‘aš kîḏwōn: 22 taḥətāyw ḥadûḏê ḥāreś yirəpaḏ ḥārûṣ ‘ălê-ṭîṭ: 23 yarətîḥa kassîr məṣûlâ yām yāśîm kammerəqāḥâ: 24 ’aḥărāyw yā’îr nāṯîḇ yaḥəšōḇ təhwōm ləśêḇâ: 25 ’ên-‘al-‘āfār māšəlwō he‘āśû liḇəlî-ḥāṯ: 26 ’ēṯ-kāl-gāḇōhha yirə’eh hû’ meleḵə ‘al-kāl-bənê-šāḥaṣ: s