Job (Iyov): Job (Iyov) Chapter 33

Tanach (Hebrew): Job (Iyov) Chapter 33

‎1 ‏וְֽאוּלָ֗ם שְׁמַֽע־נָ֣א אִיּ֣וֹב מִלָּ֑י וְֽכָל־דְּבָרַ֥י הַאֲזִֽינָה׃ ‎2 ‏הִנֵּה־נָ֭א פָּתַ֣חְתִּי פִ֑י דִּבְּרָ֖ה לְשׁוֹנִ֣י בְחִכִּֽי׃ ‎3 ‏יֹֽשֶׁר־לִבִּ֥י אֲמָרָ֑י וְדַ֥עַת שְׂ֝פָתַ֗י בָּר֥וּר מִלֵּֽלוּ׃ ‎4 ‏רֽוּחַ־אֵ֥ל עָשָׂ֑תְנִי וְנִשְׁמַ֖ת שַׁדַּ֣י תְּחַיֵּֽנִי׃ ‎5 ‏אִם־תּוּכַ֥ל הֲשִׁיבֵ֑נִי עֶרְכָ֥ה לְ֝פָנַ֗י הִתְיַצָּֽבָה׃ ‎6 ‏הֵן־אֲנִ֣י כְפִ֣יךָ לָאֵ֑ל מֵ֝חֹ֗מֶר קֹרַ֥צְתִּי גַם־אָֽנִי׃ ‎7 ‏הִנֵּ֣ה אֵ֭מָתִי לֹ֣א תְבַעֲתֶ֑ךָּ וְ֝אַכְפִּ֗י עָלֶ֥יךָ לֹא־יִכְבָּֽד׃ ‎8 ‏אַ֭ךְ אָמַ֣רְתָּ בְאָזְנָ֑י וְק֖וֹל מִלִּ֣ין אֶשְׁמָֽע׃ ‎9 ‏זַ֥ךְ אֲנִ֗י בְּֽלִ֫י פָ֥שַׁע חַ֥ף אָנֹכִ֑י וְלֹ֖א עָוֹ֣ן לִֽי׃ ‎10 ‏הֵ֣ן תְּ֭נוּאוֹת עָלַ֣י יִמְצָ֑א יַחְשְׁבֵ֖נִי לְאוֹיֵ֣ב לֽוֹ׃ ‎11 ‏יָשֵׂ֣ם בַּסַּ֣ד רַגְלָ֑י יִ֝שְׁמֹ֗ר כָּל־אָרְחֹתָֽי׃ ‎12 ‏הֶן־זֹ֣את לֹא־צָדַ֣קְתָּ אֶעֱנֶ֑ךָּ כִּֽי־יִרְבֶּ֥ה אֱ֝ל֗וֹהַ מֵאֱנֽוֹשׁ׃ ‎13 ‏מַ֭דּוּעַ אֵלָ֣יו רִיב֑וֹתָ כִּ֥י כָל־דְּ֝בָרָ֗יו לֹ֣א־יַעֲנֶֽה׃ ‎14 ‏כִּֽי־בְאַחַ֥ת יְדַבֶּר־אֵ֑ל וּ֝בִשְׁתַּ֗יִם לֹ֣א יְשׁוּרֶֽנָּה׃ ‎15 ‏בַּחֲל֤וֹם׀ חֶזְי֬וֹן לַ֗יְלָה בִּנְפֹ֣ל תַּ֭רְדֵּמָה עַל־אֲנָשִׁ֑ים בִּ֝תְנוּמ֗וֹת עֲלֵ֣י מִשְׁכָּֽב׃ ‎16 ‏אָ֣ז יִ֭גְלֶה אֹ֣זֶן אֲנָשִׁ֑ים וּבְמֹ֖סָרָ֣ם יַחְתֹּֽם׃ ‎17 ‏לְ֭הָסִיר אָדָ֣ם מַעֲשֶׂ֑ה וְגֵוָ֖ה מִגֶּ֣בֶר יְכַסֶּֽה׃ ‎18 ‏יַחְשֹׂ֣ךְ נַ֭פְשׁוֹ מִנִּי־שָׁ֑חַת וְ֝חַיָּת֗וֹ מֵעֲבֹ֥ר בַּשָּֽׁלַח׃ ‎19 ‏וְהוּכַ֣ח בְּ֭מַכְאוֹב עַל־מִשְׁכָּב֑וֹ וריב וְר֖וֹב עֲצָמָ֣יו אֵתָֽן׃ ‎20 ‏וְזִֽהֲמַ֣תּוּ חַיָּת֣וֹ לָ֑חֶם וְ֝נַפְשׁ֗וֹ מַאֲכַ֥ל תַּאֲוָֽה׃ ‎21 ‏יִ֣כֶל בְּשָׂר֣וֹ מֵרֹ֑אִי ושפי וְשֻׁפּ֥וּ עַ֝צְמוֹתָ֗יו לֹ֣א רֻאּֽוּ׃ ‎22 ‏וַתִּקְרַ֣ב לַשַּׁ֣חַת נַפְשׁ֑וֹ וְ֝חַיָּת֗וֹ לַֽמְמִתִֽים׃ ‎23 ‏אִם־יֵ֤שׁ עָלָ֨יו׀ מַלְאָ֗ךְ מֵלִ֗יץ אֶחָ֥ד מִנִּי־אָ֑לֶף לְהַגִּ֖יד לְאָדָ֣ם יָשְׁרֽוֹ׃ ‎24 ‏וַיְחֻנֶּ֗נּוּ וַיֹּ֗אמֶר פְּ֭דָעֵהוּ מֵרֶ֥דֶת שָׁ֗חַת מָצָ֥אתִי כֹֽפֶר׃ ‎25 ‏רֻֽטֲפַ֣שׁ בְּשָׂר֣וֹ מִנֹּ֑עַר יָ֝שׁ֗וּב לִימֵ֥י עֲלוּמָֽיו׃ ‎26 ‏יֶעְתַּ֤ר אֶל־אֱל֨וֹהַּ׀ וַיִּרְצֵ֗הוּ וַיַּ֣רְא פָּ֭נָיו בִּתְרוּעָ֑ה וַיָּ֥שֶׁב לֶ֝אֱנ֗וֹשׁ צִדְקָתֽוֹ׃ ‎27 ‏יָשֹׁ֤ר׀ עַל־אֲנָשִׁ֗ים וַיֹּ֗אמֶר חָ֭טָאתִי וְיָשָׁ֥ר הֶעֱוֵ֗יתִי וְלֹא־שָׁ֥וָה לִֽי׃ ‎28 ‏פָּדָ֣ה נפשי נַ֭פְשׁוֹ מֵעֲבֹ֣ר בַּשָּׁ֑חַת וחיתי וְ֝חַיָּתוֹ בָּא֥וֹר תִּרְאֶֽה׃ ‎29 ‏הֶן־כָּל־אֵ֭לֶּה יִפְעַל־אֵ֑ל פַּעֲמַ֖יִם שָׁל֣וֹשׁ עִם־גָּֽבֶר׃ ‎30 ‏לְהָשִׁ֣יב נַ֭פְשׁוֹ מִנִּי־שָׁ֑חַת לֵ֝א֗וֹר בְּא֣וֹר הַֽחַיִּים׃ ‎31 ‏הַקְשֵׁ֖ב אִיּ֥וֹב שְֽׁמַֽע־לִ֑י הַ֝חֲרֵ֗שׁ וְאָנֹכִ֥י אֲדַבֵּֽר׃ ‎32 ‏אִם־יֵשׁ־מִלִּ֥ין הֲשִׁיבֵ֑נִי דַּ֝בֵּ֗ר כִּֽי־חָפַ֥צְתִּי צַדְּקֶֽךָּ׃ ‎33 ‏אִם־אַ֭יִן אַתָּ֥ה שְֽׁמַֽע־לִ֑י הַ֝חֲרֵ֗שׁ וַאֲאַלֶּפְךָ֥ חָכְמָֽה׃ ס

1 wə’ûlām šəma‘-nā’ ’îywōḇ millāy wəḵāl-dəḇāray ha’ăzînâ: 2 hinnēh-nā’ pāṯaḥətî fî dibərâ ləšwōnî ḇəḥikî: 3 yōšer-libî ’ămārāy wəḏa‘aṯ śəfāṯay bārûr millēlû: 4 rûḥa-’ēl ‘āśāṯənî wənišəmaṯ šaday təḥayyēnî: 5 ’im-tûḵal hăšîḇēnî ‘erəḵâ ləfānay hiṯəyaṣṣāḇâ: 6 hēn-’ănî ḵəfîḵā lā’ēl mēḥōmer qōraṣətî ḡam-’ānî: 7 hinnēh ’ēmāṯî lō’ ṯəḇa‘ăṯeḵḵā wə’aḵəpî ‘āleyḵā lō’-yiḵəbāḏ: 8 ’aḵə ’āmarətā ḇə’āzənāy wəqwōl millîn ’ešəmā‘: 9 zaḵə ’ănî bəlî fāša‘ ḥaf ’ānōḵî wəlō’ ‘āwōn lî: 10 hēn tənû’wōṯ ‘ālay yiməṣā’ yaḥəšəḇēnî lə’wōyēḇ lwō: 11 yāśēm bassaḏ raḡəlāy yišəmōr kāl-’ārəḥōṯāy: 12 hen-zō’ṯ lō’-ṣāḏaqətā ’e‘ĕneḵḵā kî-yirəbeh ’ĕlwōha mē’ĕnwōš: 13 madû‘a ’ēlāyw rîḇwōṯā kî ḵāl-dəḇārāyw lō’-ya‘ăneh: 14 kî-ḇə’aḥaṯ yəḏaber-’ēl ûḇišətayim lō’ yəšûrennâ: 15 baḥălwōm| ḥezəywōn layəlâ binəfōl tarədēmâ ‘al-’ănāšîm biṯənûmwōṯ ‘ălê mišəkāḇ: 16 ’āz yiḡəleh ’ōzen ’ănāšîm ûḇəmōsārām yaḥətōm: 17 ləhāsîr ’āḏām ma‘ăśeh wəḡēwâ migeḇer yəḵasseh: 18 yaḥəśōḵə nafəšwō minnî-šāḥaṯ wəḥayyāṯwō mē‘ăḇōr baššālaḥ: 19 wəhûḵaḥ bəmaḵə’wōḇ ‘al-mišəkāḇwō wərîḇ wərwōḇ ‘ăṣāmāyw ’ēṯān: 20 wəzihămatû ḥayyāṯwō lāḥem wənafəšwō ma’ăḵal ta’ăwâ: 21 yiḵel bəśārwō mērō’î ûšəfî wəšupû ‘aṣəmwōṯāyw lō’ ru’’û: 22 watiqəraḇ laššaḥaṯ nafəšwō wəḥayyāṯwō laməmiṯîm: 23 ’im-yēš ‘ālāyw| malə’āḵə mēlîṣ ’eḥāḏ minnî-’ālef ləhagîḏ lə’āḏām yāšərwō: 24 wayəḥunnennû wayyō’mer pəḏā‘ēhû mēreḏeṯ šāḥaṯ māṣā’ṯî ḵōfer: 25 ruṭăfaš bəśārwō minnō‘ar yāšûḇ lîmê ‘ălûmāyw: 26 ye‘ətar ’el-’ĕlwōhha| wayyirəṣēhû wayyarə’ pānāyw biṯərû‘â wayyāšeḇ le’ĕnwōš ṣiḏəqāṯwō: 27 yāšōr| ‘al-’ănāšîm wayyō’mer ḥāṭā’ṯî wəyāšār he‘ĕwêṯî wəlō’-šāwâ lî: 28 pāḏâ nafəšî nafəšwō mē‘ăḇōr baššāḥaṯ wəḥayyāṯî wəḥayyāṯwō bā’wōr tirə’eh: 29 hen-kāl-’ēlleh yifə‘al-’ēl pa‘ămayim šālwōš ‘im-gāḇer: 30 ləhāšîḇ nafəšwō minnî-šāḥaṯ lē’wōr bə’wōr haḥayyîm: 31 haqəšēḇ ’îywōḇ šəma‘-lî haḥărēš wə’ānōḵî ’ăḏabēr: 32 ’im-yēš-millîn hăšîḇēnî dabēr kî-ḥāfaṣətî ṣadəqeḵḵā: 33 ’im-’ayin ’atâ šəma‘-lî haḥărēš wa’ă’allefəḵā ḥāḵəmâ: s