Job (Iyov): Job (Iyov) Chapter 2

Tanach (Hebrew): Job (Iyov) Chapter 2

‎1 ‏וַיְהִ֣י הַיּ֔וֹם וַיָּבֹ֙אוּ֙ בְּנֵ֣י הָֽאֱלֹהִ֔ים לְהִתְיַצֵּ֖ב עַל־יְהוָ֑ה וַיָּב֤וֹא גַֽם־הַשָּׂטָן֙ בְּתֹכָ֔ם לְהִתְיַצֵּ֖ב עַל־יְהוָֽה׃ ‎2 ‏וַיֹּ֤אמֶר יְהוָה֙ אֶל־הַשָּׂטָ֔ן אֵ֥י מִזֶּ֖ה תָּבֹ֑א וַיַּ֨עַן הַשָּׂטָ֤ן אֶת־יְהוָה֙ וַיֹּאמַ֔ר מִשֻּׁ֣ט בָּאָ֔רֶץ וּמֵהִתְהַלֵּ֖ךְ בָּֽהּ׃ ‎3 ‏וַיֹּ֨אמֶר יְהוָ֜ה אֶל־הַשָּׂטָ֗ן הֲשַׂ֣מְתָּ לִבְּךָ֮ אֶל־עַבְדִּ֣י אִיּוֹב֒ כִּי֩ אֵ֨ין כָּמֹ֜הוּ בָּאָ֗רֶץ אִ֣ישׁ תָּ֧ם וְיָשָׁ֛ר יְרֵ֥א אֱלֹהִ֖ים וְסָ֣ר מֵרָ֑ע וְעֹדֶ֙נּוּ֙ מַחֲזִ֣יק בְּתֻמָּת֔וֹ וַתְּסִיתֵ֥נִי ב֖וֹ לְבַלְּע֥וֹ חִנָּֽם׃ ‎4 ‏וַיַּ֧עַן הַשָּׂטָ֛ן אֶת־יְהוָ֖ה וַיֹּאמַ֑ר ע֣וֹר בְּעַד־ע֗וֹר וְכֹל֙ אֲשֶׁ֣ר לָאִ֔ישׁ יִתֵּ֖ן בְּעַ֥ד נַפְשֽׁוֹ׃ ‎5 ‏אוּלָם֙ שְֽׁלַֽח־נָ֣א יָֽדְךָ֔ וְגַ֥ע אֶל־עַצְמ֖וֹ וְאֶל־בְּשָׂר֑וֹ אִם־לֹ֥א אֶל־פָּנֶ֖יךָ יְבָרֲכֶֽךָּ׃ ‎6 ‏וַיֹּ֧אמֶר יְהוָ֛ה אֶל־הַשָּׂטָ֖ן הִנּ֣וֹ בְיָדֶ֑ךָ אַ֖ךְ אֶת־נַפְשׁ֥וֹ שְׁמֹֽר׃ ‎7 ‏וַיֵּצֵא֙ הַשָּׂטָ֔ן מֵאֵ֖ת פְּנֵ֣י יְהוָ֑ה וַיַּ֤ךְ אֶת־אִיּוֹב֙ בִּשְׁחִ֣ין רָ֔ע מִכַּ֥ף רַגְל֖וֹ עד וְעַ֥ד קָדְקֳדֽוֹ׃ ‎8 ‏וַיִּֽקַּֽח־ל֣וֹ חֶ֔רֶשׂ לְהִתְגָּרֵ֖ד בּ֑וֹ וְה֖וּא יֹשֵׁ֥ב בְּתוֹךְ־הָאֵֽפֶר׃ ‎9 ‏וַתֹּ֤אמֶר לוֹ֙ אִשְׁתּ֔וֹ עֹדְךָ֖ מַחֲזִ֣יק בְּתֻמָּתֶ֑ךָ בָּרֵ֥ךְ אֱלֹהִ֖ים וָמֻֽת׃ ‎10 ‏וַיֹּ֣אמֶר אֵלֶ֗יהָ כְּדַבֵּ֞ר אַחַ֤ת הַנְּבָלוֹת֙ תְּדַבֵּ֔רִי גַּ֣ם אֶת־הַטּ֗וֹב נְקַבֵּל֙ מֵאֵ֣ת הָאֱלֹהִ֔ים וְאֶת־הָרָ֖ע לֹ֣א נְקַבֵּ֑ל בְּכָל־זֹ֛את לֹא־חָטָ֥א אִיּ֖וֹב בִּשְׂפָתָֽיו׃ פ ‎11 ‏וַֽיִּשְׁמְע֞וּ שְׁלֹ֣שֶׁת׀ רֵעֵ֣י אִיּ֗וֹב אֵ֣ת כָּל־הָרָעָ֣ה הַזֹּאת֮ הַבָּ֣אָה עָלָיו֒ וַיָּבֹ֙אוּ֙ אִ֣ישׁ מִמְּקֹמ֔וֹ אֱלִיפַ֤ז הַתֵּימָנִי֙ וּבִלְדַּ֣ד הַשּׁוּחִ֔י וְצוֹפַ֖ר הַנַּֽעֲמָתִ֑י וַיִּוָּעֲד֣וּ יַחְדָּ֔ו לָב֥וֹא לָנֽוּד־ל֖וֹ וּֽלְנַחֲמֽוֹ׃ ‎12 ‏וַיִּשְׂא֨וּ אֶת־עֵינֵיהֶ֤ם מֵרָחוֹק֙ וְלֹ֣א הִכִּירֻ֔הוּ וַיִּשְׂא֥וּ קוֹלָ֖ם וַיִּבְכּ֑וּ וַֽיִּקְרְעוּ֙ אִ֣ישׁ מְעִל֔וֹ וַיִּזְרְק֥וּ עָפָ֛ר עַל־רָאשֵׁיהֶ֖ם הַשָּׁמָֽיְמָה׃ ‎13 ‏וַיֵּשְׁב֤וּ אִתּוֹ֙ לָאָ֔רֶץ שִׁבְעַ֥ת יָמִ֖ים וְשִׁבְעַ֣ת לֵיל֑וֹת וְאֵין־דֹּבֵ֤ר אֵלָיו֙ דָּבָ֔ר כִּ֣י רָא֔וּ כִּֽי־גָדַ֥ל הַכְּאֵ֖ב מְאֹֽד׃

1 wayəhî hayywōm wayyāḇō’û bənê hā’ĕlōhîm ləhiṯəyaṣṣēḇ ‘al-yəhwâ wayyāḇwō’ ḡam-haśśāṭān bəṯōḵām ləhiṯəyaṣṣēḇ ‘al-yəhwâ: 2 wayyō’mer yəhwâ ’el-haśśāṭān ’ê mizzeh tāḇō’ wayya‘an haśśāṭān ’eṯ-yəhwâ wayyō’mar miššuṭ bā’āreṣ ûmēhiṯəhallēḵə bāh: 3 wayyō’mer yəhwâ ’el-haśśāṭān hăśamətā libəḵā ’el-‘aḇədî ’îywōḇ kî ’ên kāmōhû bā’āreṣ ’îš tām wəyāšār yərē’ ’ĕlōhîm wəsār mērā‘ wə‘ōḏennû maḥăzîq bəṯummāṯwō watəsîṯēnî ḇwō ləḇallə‘wō ḥinnām: 4 wayya‘an haśśāṭān ’eṯ-yəhwâ wayyō’mar ‘wōr bə‘aḏ-‘wōr wəḵōl ’ăšer lā’îš yitēn bə‘aḏ nafəšwō: 5 ’ûlām šəlaḥ-nā’ yāḏəḵā wəḡa‘ ’el-‘aṣəmwō wə’el-bəśārwō ’im-lō’ ’el-pāneyḵā yəḇārăḵeḵḵā: 6 wayyō’mer yəhwâ ’el-haśśāṭān hinnwō ḇəyāḏeḵā ’aḵə ’eṯ-nafəšwō šəmōr: 7 wayyēṣē’ haśśāṭān mē’ēṯ pənê yəhwâ wayyaḵə ’eṯ-’îywōḇ bišəḥîn rā‘ mikaf raḡəlwō ‘aḏ wə‘aḏ qāḏəqŏḏwō: 8 wayyiqqaḥ-lwō ḥereś ləhiṯəgārēḏ bwō wəhû’ yōšēḇ bəṯwōḵə-hā’ēfer: 9 watō’mer lwō ’išətwō ‘ōḏəḵā maḥăzîq bəṯummāṯeḵā bārēḵə ’ĕlōhîm wāmuṯ: 10 wayyō’mer ’ēleyhā kəḏabēr ’aḥaṯ hannəḇālwōṯ təḏabērî gam ’eṯ-haṭṭwōḇ nəqabēl mē’ēṯ hā’ĕlōhîm wə’eṯ-hārā‘ lō’ nəqabēl bəḵāl-zō’ṯ lō’-ḥāṭā’ ’îywōḇ biśəfāṯāyw: f 11 wayyišəmə‘û šəlōšeṯ| rē‘ê ’îywōḇ ’ēṯ kāl-hārā‘â hazzō’ṯ habā’â ‘ālāyw wayyāḇō’û ’îš mimməqōmwō ’ĕlîfaz hatêmānî ûḇilədaḏ haššûḥî wəṣwōfar hanna‘ămāṯî wayyiûā‘ăḏû yaḥədāw lāḇwō’ lānûḏ-lwō ûlənaḥămwō: 12 wayyiśə’û ’eṯ-‘ênêhem mērāḥwōq wəlō’ hikîruhû wayyiśə’û qwōlām wayyiḇəkû wayyiqərə‘û ’îš mə‘ilwō wayyizərəqû ‘āfār ‘al-rā’šêhem haššāmāyəmâ: 13 wayyēšəḇû ’itwō lā’āreṣ šiḇə‘aṯ yāmîm wəšiḇə‘aṯ lêlwōṯ wə’ên-dōḇēr ’ēlāyw dāḇār kî rā’û kî-ḡāḏal hakə’ēḇ mə’ōḏ: