Ezekiel (Yechezqel): Ezekiel (Yechezqel) Chapter 42

Tanach (Hebrew): Ezekiel (Yechezqel) Chapter 42

‎1 ‏וַיּוֹצִאֵ֗נִי אֶל־הֶֽחָצֵר֙ הַחִ֣יצוֹנָ֔ה הַדֶּ֖רֶךְ דֶּ֣רֶךְ הַצָּפ֑וֹן וַיְבִאֵ֣נִי אֶל־הַלִּשְׁכָּ֗ה אֲשֶׁ֨ר נֶ֧גֶד הַגִּזְרָ֛ה וַאֲשֶֽׁר־נֶ֥גֶד הַבִּנְיָ֖ן אֶל־הַצָּפֽוֹן׃ ‎2 ‏אֶל־פְּנֵי־אֹ֙רֶךְ֙ אַמּ֣וֹת הַמֵּאָ֔ה פֶּ֖תַח הַצָּפ֑וֹן וְהָרֹ֖חַב חֲמִשִּׁ֥ים אַמּֽוֹת׃ ‎3 ‏נֶ֣גֶד הָֽעֶשְׂרִ֗ים אֲשֶׁר֙ לֶחָצֵ֣ר הַפְּנִימִ֔י וְנֶ֣גֶד רִֽצְפָ֔ה אֲשֶׁ֖ר לֶחָצֵ֣ר הַחִֽיצוֹנָ֑ה אַתִּ֥יק אֶל־פְּנֵֽי־אַתִּ֖יק בַּשְּׁלִשִֽׁים׃ ‎4 ‏וְלִפְנֵ֨י הַלְּשָׁכ֜וֹת מַהֲלַךְ֩ עֶ֨שֶׂר אַמּ֥וֹת רֹ֙חַב֙ אֶל־הַפְּנִימִ֔ית דֶּ֖רֶךְ אַמָּ֣ה אֶחָ֑ת וּפִתְחֵיהֶ֖ם לַצָּפֽוֹן׃ ‎5 ‏וְהַלְּשָׁכ֥וֹת הָעֶלְיוֹנֹ֖ת קְצֻר֑וֹת כִּֽי־יוֹכְל֨וּ אַתִּיקִ֜ים מֵהֵ֗נָה מֵֽהַתַּחְתֹּנ֛וֹת וּמֵהַתִּֽכֹנ֖וֹת בִּנְיָֽן׃ ‎6 ‏כִּ֤י מְשֻׁלָּשׁוֹת֙ הֵ֔נָּה וְאֵ֤ין לָהֶן֙ עַמּוּדִ֔ים כְּעַמּוּדֵ֖י הַחֲצֵר֑וֹת עַל־כֵּ֣ן נֶאֱצַ֗ל מֵהַתַּחְתּוֹנ֛וֹת וּמֵהַתִּֽיכֹנ֖וֹת מֵהָאָֽרֶץ׃ ‎7 ‏וְגָדֵ֤ר אֲשֶׁר־לַחוּץ֙ לְעֻמַּ֣ת הַלְּשָׁכ֔וֹת דֶּ֛רֶךְ הֶחָצֵ֥ר הַחִֽצוֹנָ֖ה אֶל־פְּנֵ֣י הַלְּשָׁכ֑וֹת אָרְכּ֖וֹ חֲמִשִּׁ֥ים אַמָּֽה׃ ‎8 ‏כִּֽי־אֹ֣רֶךְ הַלְּשָׁכ֗וֹת אֲשֶׁ֛ר לֶחָצֵ֥ר הַחִֽצוֹנָ֖ה חֲמִשִּׁ֣ים אַמָּ֑ה וְהִנֵּ֛ה עַל־פְּנֵ֥י הַהֵיכָ֖ל מֵאָ֥ה אַמָּֽה׃ ‎9 ‏ומתחתה לשכות וּמִתַּ֖חַת הַלְּשָׁכ֣וֹת הָאֵ֑לֶּה המבוא הַמֵּבִיא֙ מֵֽהַקָּדִ֔ים בְּבֹא֣וֹ לָהֵ֔נָּה מֵֽהֶחָצֵ֖ר הַחִצֹנָֽה׃ ‎10 ‏בְּרֹ֣חַב׀ גֶּ֣דֶר הֶחָצֵ֗ר דֶּ֧רֶךְ הַקָּדִ֛ים אֶל־פְּנֵ֧י הַגִּזְרָ֛ה וְאֶל־פְּנֵ֥י הַבִּנְיָ֖ן לְשָׁכֽוֹת׃ ‎11 ‏וְדֶ֙רֶךְ֙ לִפְנֵיהֶ֔ם כְּמַרְאֵ֣ה הַלְּשָׁכ֗וֹת אֲשֶׁר֙ דֶּ֣רֶךְ הַצָּפ֔וֹן כְּאָרְכָּ֖ן כֵּ֣ן רָחְבָּ֑ן וְכֹל֙ מוֹצָ֣אֵיהֶ֔ן וּכְמִשְׁפְּטֵיהֶ֖ן וּכְפִתְחֵיהֶֽן׃ ‎12 ‏וּכְפִתְחֵ֣י הַלְּשָׁכ֗וֹת אֲשֶׁר֙ דֶּ֣רֶךְ הַדָּר֔וֹם פֶּ֖תַח בְּרֹ֣אשׁ דָּ֑רֶךְ דֶּ֗רֶךְ בִּפְנֵי֙ הַגְּדֶ֣רֶת הֲגִינָ֔ה דֶּ֥רֶךְ הַקָּדִ֖ים בְּבוֹאָֽן׃ ‎13 ‏וַיֹּ֣אמֶר אֵלַ֗י לִֽשְׁכ֨וֹת הַצָּפ֜וֹן לִֽשְׁכ֣וֹת הַדָּרוֹם֮ אֲשֶׁ֣ר אֶל־פְּנֵ֣י הַגִּזְרָה֒ הֵ֣נָּה׀ לִֽשְׁכ֣וֹת הַקֹּ֗דֶשׁ אֲשֶׁ֨ר יֹאכְלוּ־שָׁ֧ם הַכֹּהֲנִ֛ים אֲשֶׁר־קְרוֹבִ֥ים לַֽיהוָ֖ה קָדְשֵׁ֣י הַקֳּדָשִׁ֑ים שָׁ֞ם יַנִּ֣יחוּ׀ קָדְשֵׁ֣י הַקֳּדָשִׁ֗ים וְהַמִּנְחָה֙ וְהַחַטָּ֣את וְהָאָשָׁ֔ם כִּ֥י הַמָּק֖וֹם קָדֹֽשׁ׃ ‎14 ‏בְּבֹאָ֣ם הַכֹּהֲנִ֗ים וְלֹֽא־יֵצְא֤וּ מֵהַקֹּ֙דֶשׁ֙ אֶל־הֶחָצֵ֣ר הַחִיצוֹנָ֔ה וְשָׁ֞ם יַנִּ֧יחוּ בִגְדֵיהֶ֛ם אֲשֶׁר־יְשָׁרְת֥וּ בָהֶ֖ן כִּֽי־קֹ֣דֶשׁ הֵ֑נָּה ילבשו וְלָבְשׁוּ֙ בְּגָדִ֣ים אֲחֵרִ֔ים וְקָרְב֖וּ אֶל־אֲשֶׁ֥ר לָעָֽם׃ ‎15 ‏וְכִלָּ֗ה אֶת־מִדּוֹת֙ הַבַּ֣יִת הַפְּנִימִ֔י וְהוֹצִיאַ֙נִי֙ דֶּ֣רֶךְ הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּמְדָד֖וֹ סָבִ֥יב׀ סָבִֽיב׃ ‎16 ‏מָדַ֛ד ר֥וּחַ הַקָּדִ֖ים בִּקְנֵ֣ה הַמִּדָּ֑ה חֲמֵשׁ־אמות מֵא֥וֹת קָנִ֛ים בִּקְנֵ֥ה הַמִּדָּ֖ה סָבִֽיב׃ ‎17 ‏מָדַ֖ד ר֣וּחַ הַצָּפ֑וֹן חֲמֵשׁ־מֵא֥וֹת קָנִ֛ים בִּקְנֵ֥ה הַמִּדָּ֖ה סָבִֽיב׃ ‎18 ‏אֵ֛ת ר֥וּחַ הַדָּר֖וֹם מָדָ֑ד חֲמֵשׁ־מֵא֥וֹת קָנִ֖ים בִּקְנֵ֥ה הַמִּדָּֽה׃ ‎19 ‏סָבַ֖ב אֶל־ר֣וּחַ הַיָּ֑ם מָדַ֛ד חֲמֵשׁ־מֵא֥וֹת קָנִ֖ים בִּקְנֵ֥ה הַמִּדָּֽה׃ ‎20 ‏לְאַרְבַּ֨ע רוּח֜וֹת מְדָד֗וֹ ח֤וֹמָה לוֹ֙ סָבִ֣יב׀ סָבִ֔יב אֹ֚רֶךְ חֲמֵ֣שׁ מֵא֔וֹת וְרֹ֖חַב חֲמֵ֣שׁ מֵא֑וֹת לְהַבְדִּ֕יל בֵּ֥ין הַקֹּ֖דֶשׁ לְחֹֽל׃

1 wayywōṣi’ēnî ’el-heḥāṣēr haḥîṣwōnâ hadereḵə dereḵə haṣṣāfwōn wayəḇi’ēnî ’el-hallišəkâ ’ăšer neḡeḏ hagizərâ wa’ăšer-neḡeḏ habinəyān ’el-haṣṣāfwōn: 2 ’el-pənê-’ōreḵə ’ammwōṯ hammē’â peṯaḥ haṣṣāfwōn wəhārōḥaḇ ḥămiššîm ’ammwōṯ: 3 neḡeḏ hā‘eśərîm ’ăšer leḥāṣēr hapənîmî wəneḡeḏ riṣəfâ ’ăšer leḥāṣēr haḥîṣwōnâ ’atîq ’el-pənê-’atîq baššəlišîm: 4 wəlifənê halləšāḵwōṯ mahălaḵə ‘eśer ’ammwōṯ rōḥaḇ ’el-hapənîmîṯ dereḵə ’ammâ ’eḥāṯ ûfiṯəḥêhem laṣṣāfwōn: 5 wəhalləšāḵwōṯ hā‘eləywōnōṯ qəṣurwōṯ kî-ywōḵəlû ’atîqîm mēhēnâ mēhataḥətōnwōṯ ûmēhatiḵōnwōṯ binəyān: 6 kî məšullāšwōṯ hēnnâ wə’ên lâen ‘ammûḏîm kə‘ammûḏê haḥăṣērwōṯ ‘al-kēn ne’ĕṣal mēhataḥətwōnwōṯ ûmēhatîḵōnwōṯ mēhā’āreṣ: 7 wəḡāḏēr ’ăšer-laḥûṣ lə‘ummaṯ halləšāḵwōṯ dereḵə heḥāṣēr haḥiṣwōnâ ’el-pənê halləšāḵwōṯ ’ārəkwō ḥămiššîm ’ammâ: 8 kî-’ōreḵə halləšāḵwōṯ ’ăšer leḥāṣēr haḥiṣwōnâ ḥămiššîm ’ammâ wəhinnēh ‘al-pənê hahêḵāl mē’â ’ammâ: 9 ûmitaḥətâ lləšāḵwōṯ ûmitaḥaṯ halləšāḵwōṯ hā’ēlleh hammāḇwō’ hammēḇî’ mēhaqqāḏîm bəḇō’wō lâēnnâ mēheḥāṣēr haḥiṣōnâ: 10 bərōḥaḇ| geḏer heḥāṣēr dereḵə haqqāḏîm ’el-pənê hagizərâ wə’el-pənê habinəyān ləšāḵwōṯ: 11 wəḏereḵə lifənêhem kəmarə’ēh halləšāḵwōṯ ’ăšer dereḵə haṣṣāfwōn kə’ārəkān kēn rāḥəbān wəḵōl mwōṣā’êhen ûḵəmišəpəṭêhen ûḵəfiṯəḥêhen: 12 ûḵəfiṯəḥê halləšāḵwōṯ ’ăšer dereḵə hadārwōm peṯaḥ bərō’š dāreḵə dereḵə bifənê hagəḏereṯ hăḡînâ dereḵə haqqāḏîm bəḇwō’ān: 13 wayyō’mer ’ēlay lišəḵwōṯ haṣṣāfwōn lišəḵwōṯ hadārwōm ’ăšer ’el-pənê hagizərâ hēnnâ| lišəḵwōṯ haqqōḏeš ’ăšer yō’ḵəlû-šām hakōhănîm ’ăšer-qərwōḇîm layhwâ qāḏəšê haqqŏḏāšîm šām yannîḥû| qāḏəšê haqqŏḏāšîm wəhamminəḥâ wəhaḥaṭṭā’ṯ wəhā’āšām kî hammāqwōm qāḏōš: 14 bəḇō’ām hakōhănîm wəlō’-yēṣə’û mēhaqqōḏeš ’el-heḥāṣēr haḥîṣwōnâ wəšām yannîḥû ḇiḡəḏêhem ’ăšer-yəšārəṯû ḇâen kî-qōḏeš hēnnâ yiləbəšû wəlāḇəšû bəḡāḏîm ’ăḥērîm wəqārəḇû ’el-’ăšer lā‘ām: 15 wəḵillâ ’eṯ-midwōṯ habayiṯ hapənîmî wəhwōṣî’anî dereḵə hašša‘ar ’ăšer pānāyw dereḵə haqqāḏîm ûməḏāḏwō sāḇîḇ| sāḇîḇ: 16 māḏaḏ rûḥa haqqāḏîm biqənēh hammidâ ḥămēš-’ēmwōṯ mē’wōṯ qānîm biqənēh hammidâ sāḇîḇ: 17 māḏaḏ rûḥa haṣṣāfwōn ḥămēš-mē’wōṯ qānîm biqənēh hammidâ sāḇîḇ: 18 ’ēṯ rûḥa hadārwōm māḏāḏ ḥămēš-mē’wōṯ qānîm biqənēh hammidâ: 19 sāḇaḇ ’el-rûḥa hayyām māḏaḏ ḥămēš-mē’wōṯ qānîm biqənēh hammidâ: 20 lə’arəba‘ rûḥwōṯ məḏāḏwō ḥwōmâ lwō sāḇîḇ| sāḇîḇ ’ōreḵə ḥămēš mē’wōṯ wərōḥaḇ ḥămēš mē’wōṯ ləhaḇədîl bên haqqōḏeš ləḥōl: