Ezekiel (Yechezqel): Ezekiel (Yechezqel) Chapter 29

Tanach (Hebrew): Ezekiel (Yechezqel) Chapter 29

‎1 ‏בַּשָּׁנָה֙ הָעֲשִׂירִ֔ית בָּעֲשִׂרִ֕י בִּשְׁנֵ֥ים עָשָׂ֖ר לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ ‎2 ‏בֶּן־אָדָ֕ם שִׂ֣ים פָּנֶ֔יךָ עַל־פַּרְעֹ֖ה מֶ֣לֶךְ מִצְרָ֑יִם וְהִנָּבֵ֣א עָלָ֔יו וְעַל־מִצְרַ֖יִם כֻּלָּֽהּ׃ ‎3 ‏דַּבֵּ֨ר וְאָמַרְתָּ֜ כֹּֽה־אָמַ֣ר׀ אֲדֹנָ֣י יְהוִ֗ה הִנְנִ֤י עָלֶ֙יךָ֙ פַּרְעֹ֣ה מֶֽלֶךְ־מִצְרַ֔יִם הַתַּנִּים֙ הַגָּד֔וֹל הָרֹבֵ֖ץ בְּת֣וֹךְ יְאֹרָ֑יו אֲשֶׁ֥ר אָמַ֛ר לִ֥י יְאֹרִ֖י וַאֲנִ֥י עֲשִׂיתִֽנִי׃ ‎4 ‏וְנָתַתִּ֤י חחיים חַחִים֙ בִּלְחָיֶ֔יךָ וְהִדְבַּקְתִּ֥י דְגַת־יְאֹרֶ֖יךָ בְּקַשְׂקְשֹׂתֶ֑יךָ וְהַעֲלִיתִ֙יךָ֙ מִתּ֣וֹךְ יְאֹרֶ֔יךָ וְאֵת֙ כָּל־דְּגַ֣ת יְאֹרֶ֔יךָ בְּקַשְׂקְשֹׂתֶ֖יךָ תִּדְבָּֽק׃ ‎5 ‏וּנְטַשְׁתִּ֣יךָ הַמִּדְבָּ֗רָה אוֹתְךָ֙ וְאֵת֙ כָּל־דְּגַ֣ת יְאֹרֶ֔יךָ עַל־פְּנֵ֤י הַשָּׂדֶה֙ תִּפּ֔וֹל לֹ֥א תֵאָסֵ֖ף וְלֹ֣א תִקָּבֵ֑ץ לְחַיַּ֥ת הָאָ֛רֶץ וּלְע֥וֹף הַשָּׁמַ֖יִם נְתַתִּ֥יךָ לְאָכְלָֽה׃ ‎6 ‏וְיָֽדְעוּ֙ כָּל־יֹשְׁבֵ֣י מִצְרַ֔יִם כִּ֖י אֲנִ֣י יְהוָ֑ה יַ֧עַן הֱיוֹתָ֛ם מִשְׁעֶ֥נֶת קָנֶ֖ה לְבֵ֥ית יִשְׂרָאֵֽל׃ ‎7 ‏בְּתָפְשָׂ֨ם בְּךָ֤ בכפך בַכַּף֙ תֵּר֔וֹץ וּבָקַעְתָּ֥ לָהֶ֖ם כָּל־כָּתֵ֑ף וּבְהִֽשָּׁעֲנָ֤ם עָלֶ֙יךָ֙ תִּשָּׁבֵ֔ר וְהַעֲמַדְתָּ֥ לָהֶ֖ם כָּל־מָתְנָֽיִם׃ ס ‎8 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֛י מֵבִ֥יא עָלַ֖יִךְ חָ֑רֶב וְהִכְרַתִּ֥י מִמֵּ֖ךְ אָדָ֥ם וּבְהֵמָֽה׃ ‎9 ‏וְהָיְתָ֤ה אֶֽרֶץ־מִצְרַ֙יִם֙ לִשְׁמָמָ֣ה וְחָרְבָּ֔ה וְיָדְע֖וּ כִּֽי־אֲנִ֣י יְהוָ֑ה יַ֧עַן אָמַ֛ר יְאֹ֥ר לִ֖י וַאֲנִ֥י עָשִֽׂיתִי׃ ‎10 ‏לָכֵ֛ן הִנְנִ֥י אֵלֶ֖יךָ וְאֶל־יְאֹרֶ֑יךָ וְנָתַתִּ֞י אֶת־אֶ֣רֶץ מִצְרַ֗יִם לְחָרְבוֹת֙ חֹ֣רֶב שְׁמָמָ֔ה מִמִּגְדֹּ֥ל סְוֵנֵ֖ה וְעַד־גְּב֥וּל כּֽוּשׁ׃ ‎11 ‏לֹ֤א תַעֲבָר־בָּהּ֙ רֶ֣גֶל אָדָ֔ם וְרֶ֥גֶל בְּהֵמָ֖ה לֹ֣א תַעֲבָר־בָּ֑הּ וְלֹ֥א תֵשֵׁ֖ב אַרְבָּעִ֥ים שָׁנָֽה׃ ‎12 ‏וְנָתַתִּ֣י אֶת־אֶרֶץ֩ מִצְרַ֨יִם שְׁמָמָ֜ה בְּת֣וֹךְ׀ אֲרָצ֣וֹת נְשַׁמּ֗וֹת וְעָרֶ֙יהָ֙ בְּת֨וֹךְ עָרִ֤ים מָֽחֳרָבוֹת֙ תִּֽהְיֶ֣יןָ שְׁמָמָ֔ה אַרְבָּעִ֖ים שָׁנָ֑ה וַהֲפִצֹתִ֤י אֶת־מִצְרַ֙יִם֙ בַּגּוֹיִ֔ם וְֽזֵרִיתִ֖ים בָּאֲרָצֽוֹת׃ פ ‎13 ‏כִּ֛י כֹּ֥ה אָמַ֖ר אֲדֹנָ֣י יְהוִ֑ה מִקֵּ֞ץ אַרְבָּעִ֤ים שָׁנָה֙ אֲקַבֵּ֣ץ אֶת־מִצְרַ֔יִם מִן־הָעַמִּ֖ים אֲשֶׁר־נָפֹ֥צוּ שָֽׁמָּה׃ ‎14 ‏וְשַׁבְתִּי֙ אֶת־שְׁב֣וּת מִצְרַ֔יִם וַהֲשִׁבֹתִ֤י אֹתָם֙ אֶ֣רֶץ פַּתְר֔וֹס עַל־אֶ֖רֶץ מְכֽוּרָתָ֑ם וְהָ֥יוּ שָׁ֖ם מַמְלָכָ֥ה שְׁפָלָֽה׃ ‎15 ‏מִן־הַמַּמְלָכוֹת֙ תִּהְיֶ֣ה שְׁפָלָ֔ה וְלֹֽא־תִתְנַשֵּׂ֥א ע֖וֹד עַל־הַגּוֹיִ֑ם וְהִ֨מְעַטְתִּ֔ים לְבִלְתִּ֖י רְד֥וֹת בַּגּוֹיִֽם׃ ‎16 ‏וְלֹ֣א יִֽהְיֶה־עוֹד֩ לְבֵ֨ית יִשְׂרָאֵ֤ל לְמִבְטָח֙ מַזְכִּ֣יר עָוֹ֔ן בִּפְנוֹתָ֖ם אַחֲרֵיהֶ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ פ ‎17 ‏וַיְהִ֗י בְּעֶשְׂרִ֤ים וָשֶׁ֙בַע֙ שָׁנָ֔ה בָּֽרִאשׁ֖וֹן בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ ‎18 ‏בֶּן־אָדָ֗ם נְבוּכַדְרֶאצַּ֣ר מֶֽלֶךְ־בָּ֠בֶל הֶעֱבִ֨יד אֶת־חֵיל֜וֹ עֲבֹדָ֤ה גְדֹלָה֙ אֶל־צֹ֔ר כָּל־רֹ֣אשׁ מֻקְרָ֔ח וְכָל־כָּתֵ֖ף מְרוּטָ֑ה וְ֠שָׂכָר לֹא־הָ֨יָה ל֤וֹ וּלְחֵילוֹ֙ מִצֹּ֔ר עַל־הָעֲבֹדָ֖ה אֲשֶׁר־עָבַ֥ד עָלֶֽיהָ׃ ס ‎19 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י נֹתֵ֛ן לִנְבוּכַדְרֶאצַּ֥ר מֶֽלֶךְ־בָּבֶ֖ל אֶת־אֶ֣רֶץ מִצְרָ֑יִם וְנָשָׂ֨א הֲמֹנָ֜הּ וְשָׁלַ֤ל שְׁלָלָהּ֙ וּבָזַ֣ז בִּזָּ֔הּ וְהָיְתָ֥ה שָׂכָ֖ר לְחֵילֽוֹ׃ ‎20 ‏פְּעֻלָּתוֹ֙ אֲשֶׁר־עָ֣בַד בָּ֔הּ נָתַ֥תִּי ל֖וֹ אֶת־אֶ֣רֶץ מִצְרָ֑יִם אֲשֶׁר֙ עָ֣שׂוּ לִ֔י נְאֻ֖ם אֲדֹנָ֥י יְהוִֽה׃ ס ‎21 ‏בַּיּ֣וֹם הַה֗וּא אַצְמִ֤יחַ קֶ֙רֶן֙ לְבֵ֣ית יִשְׂרָאֵ֔ל וּלְךָ֛ אֶתֵּ֥ן פִּתְחֽוֹן־פֶּ֖ה בְּתוֹכָ֑ם וְיָדְע֖וּ כִּי־אֲנִ֥י יְהוָֽה׃ פ

1 baššānâ hā‘ăśîrîṯ bā‘ăśirî bišənêm ‘āśār laḥōḏeš hāyâ ḏəḇar-yəhwâ ’ēlay lē’mōr: 2 ben-’āḏām śîm pāneyḵā ‘al-parə‘ōh meleḵə miṣərāyim wəhinnāḇē’ ‘ālāyw wə‘al-miṣərayim kullāh: 3 dabēr wə’āmarətā kōh-’āmar| ’ăḏōnāy yəhwih hinənî ‘āleyḵā parə‘ōh meleḵə-miṣərayim hatannîm hagāḏwōl hārōḇēṣ bəṯwōḵə yə’ōrāyw ’ăšer ’āmar lî yə’ōrî wa’ănî ‘ăśîṯinî: 4 wənāṯatî ḥaḥîyîm ḥaḥîm biləḥāyeyḵā wəhiḏəbaqətî ḏəḡaṯ-yə’ōreyḵā bəqaśəqəśōṯeyḵā wəha‘ălîṯîḵā mitwōḵə yə’ōreyḵā wə’ēṯ kāl-dəḡaṯ yə’ōreyḵā bəqaśəqəśōṯeyḵā tiḏəbāq: 5 ûnəṭašətîḵā hammiḏəbārâ ’wōṯəḵā wə’ēṯ kāl-dəḡaṯ yə’ōreyḵā ‘al-pənê haśśāḏeh tipwōl lō’ ṯē’āsēf wəlō’ ṯiqqāḇēṣ ləḥayyaṯ hā’āreṣ ûlə‘wōf haššāmayim nəṯatîḵā lə’āḵəlâ: 6 wəyāḏə‘û kāl-yōšəḇê miṣərayim kî ’ănî yəhwâ ya‘an hĕywōṯām mišə‘eneṯ qāneh ləḇêṯ yiśərā’ēl: 7 bəṯāfəśām bəḵā ḇakafəḵā ḇakaf tērwōṣ ûḇāqa‘ətā lâem kāl-kāṯēf ûḇəhiššā‘ănām ‘āleyḵā tiššāḇēr wəha‘ămaḏətā lâem kāl-māṯənāyim: s 8 lāḵēn kōh ’āmar ’ăḏōnāy yəhwih hinənî mēḇî’ ‘ālayiḵə ḥāreḇ wəhiḵəratî mimmēḵə ’āḏām ûḇəhēmâ: 9 wəhāyəṯâ ’ereṣ-miṣərayim lišəmāmâ wəḥārəbâ wəyāḏə‘û kî-’ănî yəhwâ ya‘an ’āmar yə’ōr lî wa’ănî ‘āśîṯî: 10 lāḵēn hinənî ’ēleyḵā wə’el-yə’ōreyḵā wənāṯatî ’eṯ-’ereṣ miṣərayim ləḥārəḇwōṯ ḥōreḇ šəmāmâ mimmiḡədōl səwēnēh wə‘aḏ-gəḇûl kûš: 11 lō’ ṯa‘ăḇār-bāh reḡel ’āḏām wəreḡel bəhēmâ lō’ ṯa‘ăḇār-bāh wəlō’ ṯēšēḇ ’arəbā‘îm šānâ: 12 wənāṯatî ’eṯ-’ereṣ miṣərayim šəmāmâ bəṯwōḵə| ’ărāṣwōṯ nəšammwōṯ wə‘āreyhā bəṯwōḵə ‘ārîm māḥŏrāḇwōṯ tihəyeynā šəmāmâ ’arəbā‘îm šānâ wahăfiṣōṯî ’eṯ-miṣərayim bagwōyim wəzērîṯîm bā’ărāṣwōṯ: f 13 kî kōh ’āmar ’ăḏōnāy yəhwih miqqēṣ ’arəbā‘îm šānâ ’ăqabēṣ ’eṯ-miṣərayim min-hā‘ammîm ’ăšer-nāfōṣû šāmmâ: 14 wəšaḇətî ’eṯ-šəḇûṯ miṣərayim wahăšiḇōṯî ’ōṯām ’ereṣ paṯərwōs ‘al-’ereṣ məḵûrāṯām wəhāyû šām maməlāḵâ šəfālâ: 15 min-hammaməlāḵwōṯ tihəyeh šəfālâ wəlō’-ṯiṯənaśśē’ ‘wōḏ ‘al-hagwōyim wəhimə‘aṭətîm ləḇilətî rəḏwōṯ bagwōyim: 16 wəlō’ yihəyeh-‘wōḏ ləḇêṯ yiśərā’ēl ləmiḇəṭāḥ mazəkîr ‘āwōn bifənwōṯām ’aḥărêhem wəyāḏə‘û kî ’ănî ’ăḏōnāy yəhwih: f 17 wayəhî bə‘eśərîm wāšeḇa‘ šānâ bāri’šwōn bə’eḥāḏ laḥōḏeš hāyâ ḏəḇar-yəhwâ ’ēlay lē’mōr: 18 ben-’āḏām nəḇûḵaḏəre’ṣṣar meleḵə-bāḇel he‘ĕḇîḏ ’eṯ-ḥêlwō ‘ăḇōḏâ ḡəḏōlâ ’el-ṣōr kāl-rō’š muqərāḥ wəḵāl-kāṯēf mərûṭâ wəśāḵār lō’-hāyâ lwō ûləḥêlwō miṣṣōr ‘al-hā‘ăḇōḏâ ’ăšer-‘āḇaḏ ‘āleyhā: s 19 lāḵēn kōh ’āmar ’ăḏōnāy yəhwih hinənî nōṯēn linəḇûḵaḏəre’ṣṣar meleḵə-bāḇel ’eṯ-’ereṣ miṣərāyim wənāśā’ hămōnāh wəšālal šəlālāh ûḇāzaz bizzāh wəhāyəṯâ śāḵār ləḥêlwō: 20 pə‘ullāṯwō ’ăšer-‘āḇaḏ bāh nāṯatî lwō ’eṯ-’ereṣ miṣərāyim ’ăšer ‘āśû lî nə’um ’ăḏōnāy yəhwih: s 21 bayywōm hahû’ ’aṣəmîḥa qeren ləḇêṯ yiśərā’ēl ûləḵā ’etēn piṯəḥwōn-peh bəṯwōḵām wəyāḏə‘û kî-’ănî yəhwâ: f