Esther (Esther): Esther (Esther) Chapter 1
Tanach (Hebrew): Esther (Esther) Chapter 1
1 וַיְהִ֖י בִּימֵ֣י אֲחַשְׁוֵר֑וֹשׁ ה֣וּא אֲחַשְׁוֵר֗וֹשׁ הַמֹּלֵךְ֙ מֵהֹ֣דּוּ וְעַד־כּ֔וּשׁ שֶׁ֛בַע וְעֶשְׂרִ֥ים וּמֵאָ֖ה מְדִינָֽה׃ 2 בַּיָּמִ֖ים הָהֵ֑ם כְּשֶׁ֣בֶת׀ הַמֶּ֣לֶךְ אֲחַשְׁוֵר֗וֹשׁ עַ֚ל כִּסֵּ֣א מַלְכוּת֔וֹ אֲשֶׁ֖ר בְּשׁוּשַׁ֥ן הַבִּירָֽה׃ 3 בִּשְׁנַ֤ת שָׁלוֹשׁ֙ לְמָלְכ֔וֹ עָשָׂ֣ה מִשְׁתֶּ֔ה לְכָל־שָׂרָ֖יו וַעֲבָדָ֑יו חֵ֣יל׀ פָּרַ֣ס וּמָדַ֗י הַֽפַּרְתְּמִ֛ים וְשָׂרֵ֥י הַמְּדִינ֖וֹת לְפָנָֽיו׃ 4 בְּהַרְאֹת֗וֹ אֶת־עֹ֙שֶׁר֙ כְּב֣וֹד מַלְכוּת֔וֹ וְאֶ֨ת־יְקָ֔ר תִּפְאֶ֖רֶת גְּדוּלָּת֑וֹ יָמִ֣ים רַבִּ֔ים שְׁמוֹנִ֥ים וּמְאַ֖ת יֽוֹם׃ 5 וּבִמְל֣וֹאת׀ הַיָּמִ֣ים הָאֵ֗לֶּה עָשָׂ֣ה הַמֶּ֡לֶךְ לְכָל־הָעָ֣ם הַנִּמְצְאִים֩ בְּשׁוּשַׁ֨ן הַבִּירָ֜ה לְמִגָּ֧דוֹל וְעַד־קָטָ֛ן מִשְׁתֶּ֖ה שִׁבְעַ֣ת יָמִ֑ים בַּחֲצַ֕ר גִּנַּ֥ת בִּיתַ֖ן הַמֶּֽלֶךְ׃ 6 ח֣וּר׀ כַּרְפַּ֣ס וּתְכֵ֗לֶת אָחוּז֙ בְּחַבְלֵי־ב֣וּץ וְאַרְגָּמָ֔ן עַל־גְּלִ֥ילֵי כֶ֖סֶף וְעַמּ֣וּדֵי שֵׁ֑שׁ מִטּ֣וֹת׀ זָהָ֣ב וָכֶ֗סֶף עַ֛ל רִֽצְפַ֥ת בַּהַט־וָשֵׁ֖שׁ וְדַ֥ר וְסֹחָֽרֶת׃ 7 וְהַשְׁקוֹת֙ בִּכְלֵ֣י זָהָ֔ב וְכֵלִ֖ים מִכֵּלִ֣ים שׁוֹנִ֑ים וְיֵ֥ין מַלְכ֛וּת רָ֖ב כְּיַ֥ד הַמֶּֽלֶךְ׃ 8 וְהַשְּׁתִיָּ֥ה כַדָּ֖ת אֵ֣ין אֹנֵ֑ס כִּי־כֵ֣ן׀ יִסַּ֣ד הַמֶּ֗לֶךְ עַ֚ל כָּל־רַ֣ב בֵּית֔וֹ לַעֲשׂ֖וֹת כִּרְצ֥וֹן אִישׁ־וָאִֽישׁ׃ 9 גַּ֚ם וַשְׁתִּ֣י הַמַּלְכָּ֔ה עָשְׂתָ֖ה מִשְׁתֵּ֣ה נָשִׁ֑ים בֵּ֚ית הַמַּלְכ֔וּת אֲשֶׁ֖ר לַמֶּ֥לֶךְ אֲחַשְׁוֵרֽוֹשׁ׃ ס 10 בַּיּוֹם֙ הַשְּׁבִיעִ֔י כְּט֥וֹב לֵב־הַמֶּ֖לֶךְ בַּיָּ֑יִן אָמַ֡ר לִ֠מְהוּמָן בִּזְּתָ֨א חַרְבוֹנָ֜א בִּגְתָ֤א וַאֲבַגְתָא֙ זֵתַ֣ר וְכַרְכַּ֔ס שִׁבְעַת֙ הַסָּ֣רִיסִ֔ים הַמְשָׁ֣רְתִ֔ים אֶת־פְּנֵ֖י הַמֶּ֥לֶךְ אֲחַשְׁוֵרֽוֹשׁ׃ 11 לְ֠הָבִיא אֶת־וַשְׁתִּ֧י הַמַּלְכָּ֛ה לִפְנֵ֥י הַמֶּ֖לֶךְ בְּכֶ֣תֶר מַלְכ֑וּת לְהַרְא֨וֹת הָֽעַמִּ֤ים וְהַשָּׂרִים֙ אֶת־יָפְיָ֔הּ כִּֽי־טוֹבַ֥ת מַרְאֶ֖ה הִֽיא׃ 12 וַתְּמָאֵ֞ן הַמַּלְכָּ֣ה וַשְׁתִּ֗י לָבוֹא֙ בִּדְבַ֣ר הַמֶּ֔לֶךְ אֲשֶׁ֖ר בְּיַ֣ד הַסָּרִיסִ֑ים וַיִּקְצֹ֤ף הַמֶּ֙לֶךְ֙ מְאֹ֔ד וַחֲמָת֖וֹ בָּעֲרָ֥ה בֽוֹ׃ 13 וַיֹּ֣אמֶר הַמֶּ֔לֶךְ לַחֲכָמִ֖ים יֹדְעֵ֣י הָֽעִתִּ֑ים כִּי־כֵן֙ דְּבַ֣ר הַמֶּ֔לֶךְ לִפְנֵ֕י כָּל־יֹדְעֵ֖י דָּ֥ת וָדִֽין׃ 14 וְהַקָּרֹ֣ב אֵלָ֗יו3 כַּרְשְׁנָ֤א שֵׁתָר֙ אַדְמָ֣תָא תַרְשִׁ֔ישׁ מֶ֥רֶס מַרְסְנָ֖א מְמוּכָ֑ן שִׁבְעַ֞ת שָׂרֵ֣י׀ פָּרַ֣ס וּמָדַ֗י רֹאֵי֙ פְּנֵ֣י הַמֶּ֔לֶךְ הַיֹּשְׁבִ֥ים רִאשֹׁנָ֖ה בַּמַּלְכֽוּת׃ 15 כְּדָת֙ מַֽה־לַּעֲשׂ֔וֹת בַּמַּלְכָּ֖ה וַשְׁתִּ֑י עַ֣ל׀ אֲשֶׁ֣ר לֹֽא־עָשְׂתָ֗ה אֶֽת־מַאֲמַר֙ הַמֶּ֣לֶךְ אֲחַשְׁוֵר֔וֹשׁ בְּיַ֖ד הַסָּרִיסִֽים׃ ס 16 וַיֹּ֣אמֶר מומכן מְמוּכָ֗ן לִפְנֵ֤י הַמֶּ֙לֶךְ֙ וְהַשָּׂרִ֔ים לֹ֤א עַל־הַמֶּ֙לֶךְ֙ לְבַדּ֔וֹ עָוְתָ֖ה וַשְׁתִּ֣י הַמַּלְכָּ֑ה כִּ֤י עַל־כָּל־הַשָּׂרִים֙ וְעַל־כָּל־הָ֣עַמִּ֔ים אֲשֶׁ֕ר בְּכָל־מְדִינ֖וֹת הַמֶּ֥לֶךְ אֲחַשְׁוֵרֽוֹשׁ׃ 17 כִּֽי־יֵצֵ֤א דְבַר־הַמַּלְכָּה֙ עַל־כָּל־הַנָּשִׁ֔ים לְהַבְז֥וֹת בַּעְלֵיהֶ֖ן בְּעֵינֵיהֶ֑ן בְּאָמְרָ֗ם הַמֶּ֣לֶךְ אֲחַשְׁוֵר֡וֹשׁ אָמַ֞ר לְהָבִ֨יא אֶת־וַשְׁתִּ֧י הַמַּלְכָּ֛ה לְפָנָ֖יו וְלֹא־בָֽאָה׃ 18 וְֽהַיּ֨וֹם הַזֶּ֜ה תֹּאמַ֣רְנָה׀ שָׂר֣וֹת פָּֽרַס־וּמָדַ֗י אֲשֶׁ֤ר שָֽׁמְעוּ֙ אֶת־דְּבַ֣ר הַמַּלְכָּ֔ה לְכֹ֖ל שָׂרֵ֣י הַמֶּ֑לֶךְ וּכְדַ֖י בִּזָּי֥וֹן וָקָֽצֶף׃ 19 אִם־עַל־הַמֶּ֣לֶךְ ט֗וֹב יֵצֵ֤א דְבַר־מַלְכוּת֙ מִלְּפָנָ֔יו וְיִכָּתֵ֛ב בְּדָתֵ֥י פָֽרַס־וּמָדַ֖י וְלֹ֣א יַעֲב֑וֹר אֲשֶׁ֨ר לֹֽא־תָב֜וֹא וַשְׁתִּ֗י לִפְנֵי֙ הַמֶּ֣לֶךְ אֲחַשְׁוֵר֔וֹשׁ וּמַלְכוּתָהּ֙ יִתֵּ֣ן הַמֶּ֔לֶךְ לִרְעוּתָ֖הּ הַטּוֹבָ֥ה מִמֶּֽנָּה׃ 20 וְנִשְׁמַע֩ פִּתְגָ֨ם הַמֶּ֤לֶךְ אֲשֶֽׁר־יַעֲשֶׂה֙ בְּכָל־מַלְכוּת֔וֹ כִּ֥י רַבָּ֖ה הִ֑יא וְכָל־הַנָּשִׁ֗ים יִתְּנ֤וּ יְקָר֙ לְבַעְלֵיהֶ֔ן לְמִגָּד֖וֹל וְעַד־קָטָֽן׃ 21 וַיִּיטַב֙ הַדָּבָ֔ר בְּעֵינֵ֥י הַמֶּ֖לֶךְ וְהַשָּׂרִ֑ים וַיַּ֥עַשׂ הַמֶּ֖לֶךְ כִּדְבַ֥ר מְמוּכָֽן׃ 22 וַיִּשְׁלַ֤ח סְפָרִים֙ אֶל־כָּל־מְדִינ֣וֹת הַמֶּ֔לֶךְ אֶל־מְדִינָ֤ה וּמְדִינָה֙ כִּכְתָבָ֔הּ וְאֶל־עַ֥ם וָעָ֖ם כִּלְשׁוֹנ֑וֹ לִהְי֤וֹת כָּל־אִישׁ֙ שֹׂרֵ֣ר בְּבֵית֔וֹ וּמְדַבֵּ֖ר כִּלְשׁ֥וֹן עַמּֽוֹ׃ פ1 wayəhî bîmê ’ăḥašəwērwōš hû’ ’ăḥašəwērwōš hammōlēḵə mēhōdû wə‘aḏ-kûš šeḇa‘ wə‘eśərîm ûmē’â məḏînâ:
2 bayyāmîm hâēm kəšeḇeṯ| hammeleḵə ’ăḥašəwērwōš ‘al kissē’ maləḵûṯwō ’ăšer bəšûšan habîrâ:
3 bišənaṯ šālwōš ləmāləḵwō ‘āśâ mišəteh ləḵāl-śārāyw wa‘ăḇāḏāyw ḥêl| pāras ûmāḏay haparətəmîm wəśārê hamməḏînwōṯ ləfānāyw:
4 bəharə’ōṯwō ’eṯ-‘ōšer kəḇwōḏ maləḵûṯwō wə’eṯ-yəqār tifə’ereṯ gəḏûllāṯwō yāmîm rabîm šəmwōnîm ûmə’aṯ ywōm:
5 ûḇiməlwō’ṯ| hayyāmîm hā’ēlleh ‘āśâ hammeleḵə ləḵāl-hā‘ām hanniməṣə’îm bəšûšan habîrâ ləmigāḏwōl wə‘aḏ-qāṭān mišəteh šiḇə‘aṯ yāmîm baḥăṣar ginnaṯ bîṯan hammeleḵə:
6 ḥûr| karəpas ûṯəḵēleṯ ’āḥûz bəḥaḇəlê-ḇûṣ wə’arəgāmān ‘al-gəlîlê ḵesef wə‘ammûḏê šēš miṭṭwōṯ| zâāḇ wāḵesef ‘al riṣəfaṯ bahaṭ-wāšēš wəḏar wəsōḥāreṯ:
7 wəhašəqwōṯ biḵəlê zâāḇ wəḵēlîm mikēlîm šwōnîm wəyên maləḵûṯ rāḇ kəyaḏ hammeleḵə:
8 wəhaššəṯîyâ ḵadāṯ ’ên ’ōnēs kî-ḵēn| yissaḏ hammeleḵə ‘al kāl-raḇ bêṯwō la‘ăśwōṯ kirəṣwōn ’îš-wā’îš:
9 gam wašətî hammaləkâ ‘āśəṯâ mišətēh nāšîm bêṯ hammaləḵûṯ ’ăšer lammeleḵə ’ăḥašəwērwōš: s
10 bayywōm haššəḇî‘î kəṭwōḇ lēḇ-hammeleḵə bayyāyin ’āmar liməhûmān bizzəṯā’ ḥarəḇwōnā’ biḡəṯā’ wa’ăḇaḡəṯā’ zēṯar wəḵarəkas šiḇə‘aṯ hassārîsîm haməšārəṯîm ’eṯ-pənê hammeleḵə ’ăḥašəwērwōš:
11 ləhāḇî’ ’eṯ-wašətî hammaləkâ lifənê hammeleḵə bəḵeṯer maləḵûṯ ləharə’wōṯ hā‘ammîm wəhaśśārîm ’eṯ-yāfəyāh kî-ṭwōḇaṯ marə’eh hî’:
12 watəmā’ēn hammaləkâ wašətî lāḇwō’ biḏəḇar hammeleḵə ’ăšer bəyaḏ hassārîsîm wayyiqəṣōf hammeleḵə mə’ōḏ waḥămāṯwō bā‘ărâ ḇwō:
13 wayyō’mer hammeleḵə laḥăḵāmîm yōḏə‘ê hā‘itîm kî-ḵēn dəḇar hammeleḵə lifənê kāl-yōḏə‘ê dāṯ wāḏîn:
14 wəhaqqārōḇ ’ēlāyw3 karəšənā’ šēṯār ’aḏəmāṯā’ ṯarəšîš meres marəsənā’ məmûḵān šiḇə‘aṯ śārê| pāras ûmāḏay rō’ê pənê hammeleḵə hayyōšəḇîm ri’šōnâ bammaləḵûṯ:15 kəḏāṯ mah-lla‘ăśwōṯ bammaləkâ wašətî ‘al| ’ăšer lō’-‘āśəṯâ ’eṯ-ma’ămar hammeleḵə ’ăḥašəwērwōš bəyaḏ hassārîsîm: s
16 wayyō’mer mûməḵān məmûḵān lifənê hammeleḵə wəhaśśārîm lō’ ‘al-hammeleḵə ləḇadwō ‘āwəṯâ wašətî hammaləkâ kî ‘al-kāl-haśśārîm wə‘al-kāl-hā‘ammîm ’ăšer bəḵāl-məḏînwōṯ hammeleḵə ’ăḥašəwērwōš:
17 kî-yēṣē’ ḏəḇar-hammaləkâ ‘al-kāl-hannāšîm ləhaḇəzwōṯ ba‘əlêhen bə‘ênêhen bə’āmərām hammeleḵə ’ăḥašəwērwōš ’āmar ləhāḇî’ ’eṯ-wašətî hammaləkâ ləfānāyw wəlō’-ḇā’â:
18 wəhayywōm hazzeh tō’marənâ| śārwōṯ pāras-ûmāḏay ’ăšer šāmə‘û ’eṯ-dəḇar hammaləkâ ləḵōl śārê hammeleḵə ûḵəḏay bizzāywōn wāqāṣef:
19 ’im-‘al-hammeleḵə ṭwōḇ yēṣē’ ḏəḇar-maləḵûṯ milləfānāyw wəyikāṯēḇ bəḏāṯê fāras-ûmāḏay wəlō’ ya‘ăḇwōr ’ăšer lō’-ṯāḇwō’ wašətî lifənê hammeleḵə ’ăḥašəwērwōš ûmaləḵûṯāh yitēn hammeleḵə lirə‘ûṯāh haṭṭwōḇâ mimmennâ:
20 wənišəma‘ piṯəḡām hammeleḵə ’ăšer-ya‘ăśeh bəḵāl-maləḵûṯwō kî rabâ hî’ wəḵāl-hannāšîm yitənû yəqār ləḇa‘əlêhen ləmigāḏwōl wə‘aḏ-qāṭān:
21 wayyîṭaḇ hadāḇār bə‘ênê hammeleḵə wəhaśśārîm wayya‘aś hammeleḵə kiḏəḇar məmûḵān:
22 wayyišəlaḥ səfārîm ’el-kāl-məḏînwōṯ hammeleḵə ’el-məḏînâ ûməḏînâ kiḵəṯāḇāh wə’el-‘am wā‘ām kiləšwōnwō lihəywōṯ kāl-’îš śōrēr bəḇêṯwō ûməḏabēr kiləšwōn ‘ammwō: f