2 Chronicles (2 Divrey Yamim): 2 Chronicles (2 Divrey Yamim) Chapter 27

Tanach (Hebrew): 2 Chronicles (2 Divrey Yamim) Chapter 27

‎1 ‏בֶּן־עֶשְׂרִ֨ים וְחָמֵ֤שׁ שָׁנָה֙ יוֹתָ֣ם בְּמָלְכ֔וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּֽירוּשָׁלִָ֑ם וְשֵׁ֣ם אִמּ֔וֹ יְרוּשָׁ֖ה בַּת־צָדֽוֹק׃ ‎2 ‏וַיַּ֨עַשׂ הַיָּשָׁ֜ר בְּעֵינֵ֣י יְהוָ֗ה כְּכֹ֤ל אֲשֶׁר־עָשָׂה֙ עֻזִּיָּ֣הוּ אָבִ֔יו רַ֕ק לֹא־בָ֖א אֶל־הֵיכַ֣ל יְהוָ֑ה וְע֥וֹד הָעָ֖ם מַשְׁחִיתִֽים׃ ‎3 ‏ה֗וּא בָּנָ֛ה אֶת־שַׁ֥עַר בֵּית־יְהוָ֖ה הָעֶלְי֑וֹן וּבְחוֹמַ֥ת הָעֹ֛פֶל בָּנָ֖ה לָרֹֽב׃ ‎4 ‏וְעָרִ֥ים בָּנָ֖ה בְּהַר־יְהוּדָ֑ה וּבֶחֳרָשִׁ֣ים בָּנָ֔ה בִּֽירָנִיּ֖וֹת וּמִגְדָּלִֽים׃ ‎5 ‏וְ֠הוּא נִלְחַ֞ם עִם־מֶ֣לֶךְ בְּנֵי־עַמּוֹן֮ וַיֶּחֱזַ֣ק עֲלֵיהֶם֒ וַיִּתְּנוּ־ל֨וֹ בְנֵֽי־עַמּ֜וֹן בַּשָּׁנָ֣ה הַהִ֗יא מֵאָה֙ כִּכַּר־כֶּ֔סֶף וַעֲשֶׂ֨רֶת אֲלָפִ֤ים כֹּרִים֙ חִטִּ֔ים וּשְׂעוֹרִ֖ים עֲשֶׂ֣רֶת אֲלָפִ֑ים זֹ֗את הֵשִׁ֤יבוּ לוֹ֙ בְּנֵ֣י עַמּ֔וֹן סוּבַשָּׁנָ֥ה הַשֵּׁנִ֖ית וְהַשְּׁלִשִֽׁית׃ ‎6 ‏וַיִּתְחַזֵּ֖ק יוֹתָ֑ם כִּ֚י הֵכִ֣ין דְּרָכָ֔יו לִפְנֵ֖י יְהוָ֥ה אֱלֹהָֽיו׃ ‎7 ‏וְיֶתֶר֙ דִּבְרֵ֣י יוֹתָ֔ם וְכָל־מִלְחֲמֹתָ֖יו וּדְרָכָ֑יו הִנָּ֣ם כְּתוּבִ֔ים עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃ ‎8 ‏בֶּן־עֶשְׂרִ֧ים וְחָמֵ֛שׁ שָׁנָ֖ה הָיָ֣ה בְמָלְכ֑וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָֽם׃ ‎9 ‏וַיִּשְׁכַּ֤ב יוֹתָם֙ עִם־אֲבֹתָ֔יו וַיִּקְבְּר֥וּ אֹת֖וֹ בְּעִ֣יר דָּוִ֑יד וַיִּמְלֹ֛ךְ אָחָ֥ז בְּנ֖וֹ תַּחְתָּֽיו׃ פ

1 ben-‘eśərîm wəḥāmēš šānâ ywōṯām bəmāləḵwō wəšēš-‘eśərēh šānâ mālaḵə bîrûšālāim wəšēm ’immwō yərûšâ baṯ-ṣāḏwōq: 2 wayya‘aś hayyāšār bə‘ênê yəhwâ kəḵōl ’ăšer-‘āśâ ‘uzzîyâû ’āḇîw raq lō’-ḇā’ ’el-hêḵal yəhwâ wə‘wōḏ hā‘ām mašəḥîṯîm: 3 hû’ bānâ ’eṯ-ša‘ar bêṯ-yəhwâ hā‘eləywōn ûḇəḥwōmaṯ hā‘ōfel bānâ lārōḇ: 4 wə‘ārîm bānâ bəhar-yəhûḏâ ûḇeḥŏrāšîm bānâ bîrānîywōṯ ûmiḡədālîm: 5 wəhû’ niləḥam ‘im-meleḵə bənê-‘ammwōn wayyeḥĕzaq ‘ălêhem wayyitənû-lwō ḇənê-‘ammwōn baššānâ hahî’ mē’â kikar-kesef wa‘ăśereṯ ’ălāfîm kōrîm ḥiṭṭîm ûśə‘wōrîm ‘ăśereṯ ’ălāfîm zō’ṯ hēšîḇû lwō bənê ‘ammwōn sûḇaššānâ haššēnîṯ wəhaššəlišîṯ: 6 wayyiṯəḥazzēq ywōṯām kî hēḵîn dərāḵāyw lifənê yəhwâ ’ĕlōhāyw: 7 wəyeṯer diḇərê ywōṯām wəḵāl-miləḥămōṯāyw ûḏərāḵāyw hinnām kəṯûḇîm ‘al-sēfer maləḵê-yiśərā’ēl wîhûḏâ: 8 ben-‘eśərîm wəḥāmēš šānâ hāyâ ḇəmāləḵwō wəšēš-‘eśərēh šānâ mālaḵə bîrûšālāim: 9 wayyišəkaḇ ywōṯām ‘im-’ăḇōṯāyw wayyiqəbərû ’ōṯwō bə‘îr dāwîḏ wayyiməlōḵə ’āḥāz bənwō taḥətāyw: f