2 Chronicles (2 Divrey Yamim): 2 Chronicles (2 Divrey Yamim) Chapter 16

Tanach (Hebrew): 2 Chronicles (2 Divrey Yamim) Chapter 16

‎1 ‏בִּשְׁנַ֨ת שְׁלֹשִׁ֤ים וָשֵׁשׁ֙ לְמַלְכ֣וּת אָסָ֔א עָלָ֞ה בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יוֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃ ‎2 ‏וַיֹּצֵ֨א אָסָ֜א כֶּ֣סֶף וְזָהָ֗ב מֵאֹֽצְר֛וֹת בֵּ֥ית יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח אֶל־בֶּן־הֲדַד֙ מֶ֣לֶךְ אֲרָ֔ם הַיּוֹשֵׁ֥ב בְּדַרְמֶ֖שֶׂק לֵאמֹֽר׃ ‎3 ‏בְּרִית֙ בֵּינִ֣י וּבֵינֶ֔ךָ וּבֵ֥ין אָבִ֖י וּבֵ֣ין אָבִ֑יךָ הִנֵּ֨ה שָׁלַ֤חְתִּֽי לְךָ֙ כֶּ֣סֶף וְזָהָ֔ב לֵ֞ךְ הָפֵ֣ר בְּרִֽיתְךָ֗ אֶת־בַּעְשָׁא֙ מֶ֣לֶךְ יִשְׂרָאֵ֔ל וְיַעֲלֶ֖ה מֵעָלָֽי׃ ‎4 ‏וַיִּשְׁמַ֨ע בֶּן¹ הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לוֹ֙ אֶל־עָרֵ֣י יִשְׂרָאֵ֔ל וַיַּכּוּ֙ אֶת־עִיּ֣וֹן וְאֶת־דָּ֔ן וְאֵ֖ת אָבֵ֣ל מָ֑יִם וְאֵ֥ת כָּֽל־מִסְכְּנ֖וֹת עָרֵ֥י נַפְתָּלִֽי׃ ‎5 ‏וַיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנ֖וֹת אֶת־הָרָמָ֑ה וַיַּשְׁבֵּ֖ת אֶת־מְלַאכְתּֽוֹ׃ ס ‎6 ‏וְאָסָ֣א הַמֶּ֗לֶךְ לָקַח֙ אֶת־כָּל־יְהוּדָ֔ה וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֣בֶן בָּהֶ֔ם אֶת־גֶּ֖בַע וְאֶת־הַמִּצְפָּֽה׃ ס ‎7 ‏וּבָעֵ֣ת הַהִ֗יא בָּ֚א חֲנָ֣נִי הָרֹאֶ֔ה אֶל־אָסָ֖א מֶ֣לֶךְ יְהוּדָ֑ה וַיֹּ֣אמֶר אֵלָ֗יו בְּהִשָּׁ֨עֶנְךָ֜ עַל־מֶ֤לֶךְ אֲרָם֙ וְלֹ֤א נִשְׁעַ֙נְתָּ֙ עַל־יְהוָ֣ה אֱלֹהֶ֔יךָ עַל־כֵּ֗ן נִמְלַ֛ט חֵ֥יל מֶֽלֶךְ־אֲרָ֖ם מִיָּדֶֽךָ׃ ‎8 ‏הֲלֹ֧א הַכּוּשִׁ֣ים וְהַלּוּבִ֗ים הָי֨וּ לְחַ֧יִל׀ לָרֹ֛ב לְרֶ֥כֶב וּלְפָרָשִׁ֖ים לְהַרְבֵּ֣ה מְאֹ֑ד וּבְהִשָּֽׁעֶנְךָ֥ עַל־יְהוָ֖ה נְתָנָ֥ם בְּיָדֶֽךָ׃ ‎9 ‏כִּ֣י יְהוָ֗ה עֵינָ֞יו מְשֹׁטְט֤וֹת בְּכָל־הָאָ֙רֶץ֙ לְ֠הִתְחַזֵּק עִם־לְבָבָ֥ם שָׁלֵ֛ם אֵלָ֖יו נִסְכַּ֣לְתָּ עַל־זֹ֑את כִּ֣י מֵעַ֔תָּה יֵ֥שׁ עִמְּךָ֖ מִלְחָמֽוֹת׃ ‎10 ‏וַיִּכְעַ֨ס אָסָ֜א אֶל־הָרֹאֶ֗ה וַֽיִּתְּנֵ֙הוּ֙ בֵּ֣ית הַמַּהְפֶּ֔כֶת כִּֽי־בְזַ֥עַף עִמּ֖וֹ עַל־זֹ֑את וַיְרַצֵּ֥ץ אָסָ֛א מִן־הָעָ֖ם בָּעֵ֥ת הַהִֽיא׃ ‎11 ‏וְהִנֵּה֙ דִּבְרֵ֣י אָסָ֔א הָרִאשׁוֹנִ֖ים וְהָאַחֲרוֹנִ֑ים הִנָּ֤ם כְּתוּבִים֙ עַל־סֵ֣פֶר הַמְּלָכִ֔ים לִיהוּדָ֖ה וְיִשְׂרָאֵֽל׃ ‎12 ‏וַיֶּחֱלֶ֣א אָסָ֡א בִּשְׁנַת֩ שְׁלוֹשִׁ֨ים וָתֵ֤שַׁע לְמַלְכוּתוֹ֙ בְּרַגְלָ֔יו עַד־לְמַ֖עְלָה חָלְי֑וֹ וְגַם־בְּחָלְיוֹ֙ לֹא־דָרַ֣שׁ אֶת־יְהוָ֔ה כִּ֖י בָּרֹפְאִֽים׃ ‎13 ‏וַיִּשְׁכַּ֥ב אָסָ֖א עִם־אֲבֹתָ֑יו וַיָּ֕מָת בִּשְׁנַ֛ת אַרְבָּעִ֥ים וְאַחַ֖ת לְמָלְכֽוֹ׃ ‎14 ‏וַיִּקְבְּרֻ֣הוּ בְקִבְרֹתָ֗יו אֲשֶׁ֣ר כָּֽרָה־לוֹ֮ בְּעִ֣יר דָּוִיד֒ וַיַּשְׁכִּיבֻ֗הוּ בַּמִּשְׁכָּב֙ אֲשֶׁ֤ר מִלֵּא֙ בְּשָׂמִ֣ים וּזְנִ֔ים מְרֻקָּחִ֖ים בְּמִרְקַ֣חַת מַעֲשֶׂ֑ה וַיִּשְׂרְפוּ־ל֥וֹ שְׂרֵפָ֖ה גְּדוֹלָ֥ה עַד־לִמְאֹֽד׃ פ

1 bišənaṯ šəlōšîm wāšēš ləmaləḵûṯ ’āsā’ ‘ālâ b^a‘əšā’ meleḵə-yiśərā’ēl ‘al-yəhûḏâ wayyiḇen ’eṯ-hārāmâ ləḇilətî tēṯ ywōṣē’ wāḇā’ lə’āsā’ meleḵə yəhûḏâ:

2 wayyōṣē’ ’āsā’ kesef wəzâāḇ mē’ōṣərwōṯ bêṯ yəhwâ ûḇêṯ hammeleḵə wayyišəl^aḥ ’el-ben-hăḏaḏ meleḵə ’ărām hayywōšēḇ bəḏarəmeśeq lē’mōr:

3 bərîṯ bênî ûḇêneḵā ûḇên ’āḇî ûḇên ’āḇîḵā hinnēh šāl^aḥətî ləḵā kesef wəzâāḇ lēḵə hāfēr bərîṯəḵā ’eṯ-b^a‘əšā’ meleḵə yiśərā’ēl wəy^a‘ăleh mē‘ālāy:

4 wayyišəm^a‘ ben¹ hăḏaḏ ’el-hammeleḵə ’āsā’ wayyišəl^aḥ ’eṯ-śārê h^aḥăyālîm ’ăšer-lwō ’el-‘ārê yiśərā’ēl wayyakû ’eṯ-‘îywōn wə’eṯ-dān wə’ēṯ ’āḇēl māyim wə’ēṯ kāl-misəkənwōṯ ‘ārê nafətālî:

5 wayəhî kišəmō‘a b^a‘əšā’ wayyeḥədal mibənwōṯ ’eṯ-hārāmâ wayyašəbēṯ ’eṯ-məla’ḵətwō: s

6 wə’āsā’ hammeleḵə lāq^aḥ ’eṯ-kāl-yəhûḏâ wayyiśə’û ’eṯ-’aḇənê hārāmâ wə’eṯ-‘ēṣeyhā ’ăšer bānâ b^a‘əšā’ wayyiḇen bâem ’eṯ-geḇ^a‘ wə’eṯ-hammiṣəpâ: s

7 ûḇā‘ēṯ hahî’ bā’ ḥănānî hārō’eh ’el-’āsā’ meleḵə yəhûḏâ wayyō’mer ’ēlāyw bəhiššā‘enəḵā ‘al-meleḵə ’ărām wəlō’ nišə‘anətā ‘al-yəhwâ ’ĕlōheyḵā ‘al-kēn niməlaṭ ḥêl meleḵə-’ărām mîyāḏeḵā:

8 hălō’ hakûšîm wəhallûḇîm hāyû ləḥayil| lārōḇ ləreḵeḇ ûləfārāšîm ləharəbēh mə’ōḏ ûḇəhiššā‘enəḵā ‘al-yəhwâ nəṯānām bəyāḏeḵā:

9 kî yəhwâ ‘ênāyw məšōṭəṭwōṯ bəḵāl-hā’āreṣ ləhiṯəḥazzēq ‘im-ləḇāḇām šālēm ’ēlāyw nisəkalətā ‘al-zō’ṯ kî mē‘atâ yēš ‘imməḵā miləḥāmwōṯ:

10 wayyiḵə‘as ’āsā’ ’el-hārō’eh wayyitənēhû bêṯ hammahəpeḵeṯ kî-ḇəz^a‘af ‘immwō ‘al-zō’ṯ wayəraṣṣēṣ ’āsā’ min-hā‘ām bā‘ēṯ hahî’:

11 wəhinnēh diḇərê ’āsā’ hāri’šwōnîm wəhā’^aḥărwōnîm hinnām kəṯûḇîm ‘al-sēfer hamməlāḵîm lîhûḏâ wəyiśərā’ēl:

12 wayyeḥĕle’ ’āsā’ bišənaṯ šəlwōšîm wāṯēš^a‘ ləmaləḵûṯwō bəraḡəlāyw ‘aḏ-ləm^a‘əlâ ḥāləywō wəḡam-bəḥāləywō lō’-ḏāraš ’eṯ-yəhwâ kî bārōfə’îm:

13 wayyišəkaḇ ’āsā’ ‘im-’ăḇōṯāyw wayyāmāṯ bišənaṯ ’arəbā‘îm wə’^aḥaṯ ləmāləḵwō:

14 wayyiqəbəruhû ḇəqiḇərōṯāyw ’ăšer kārâ-lwō bə‘îr dāwîḏ wayyašəkîḇuhû bammišəkāḇ ’ăšer millē’ bəśāmîm ûzənîm məruqqāḥîm bəmirəq^aḥaṯ m^a‘ăśeh wayyiśərəfû-lwō śərēfâ gəḏwōlâ ‘aḏ-limə’ōḏ: f