2 Chronicles (2 Divrey Yamim): 2 Chronicles (2 Divrey Yamim) Chapter 11

Tanach (Hebrew): 2 Chronicles (2 Divrey Yamim) Chapter 11

‎1 ‏וַיָּבֹ֣א רְחַבְעָם֮ יְרוּשָׁלִַם֒ וַיַּקְהֵל֩ אֶת־בֵּ֨ית יְהוּדָ֜ה וּבִנְיָמִ֗ן מֵאָ֨ה וּשְׁמוֹנִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־יִשְׂרָאֵ֔ל לְהָשִׁ֥יב אֶת־הַמַּמְלָכָ֖ה לִרְחַבְעָֽם׃ פ ‎2 ‏וַיְהִי֙ דְּבַר־יְהוָ֔ה אֶל־שְׁמַֽעְיָ֥הוּ אִישׁ־הָאֱלֹהִ֖ים לֵאמֹֽר׃ ‎3 ‏אֱמֹ֕ר אֶל־רְחַבְעָ֥ם בֶּן־שְׁלֹמֹ֖ה מֶ֣לֶךְ יְהוּדָ֑ה וְאֶל֙ כָּל־יִשְׂרָאֵ֔ל בִּיהוּדָ֥ה וּבִנְיָמִ֖ן לֵאמֹֽר׃ ‎4 ‏כֹּ֣ה אָמַ֣ר יְהוָ֡ה לֹא־תַעֲלוּ֩ וְלֹא־תִלָּ֨חֲמ֜וּ עִם־אֲחֵיכֶ֗ם שׁ֚וּבוּ אִ֣ישׁ לְבֵית֔וֹ כִּ֧י מֵֽאִתִּ֛י נִהְיָ֖ה הַדָּבָ֣ר הַזֶּ֑ה וַֽיִּשְׁמְעוּ֙ אֶת־דִּבְרֵ֣י יְהוָ֔ה וַיָּשֻׁ֖בוּ מִלֶּ֥כֶת אֶל־יָרָבְעָֽם׃ פ ‎5 ‏וַיֵּ֥שֶׁב רְחַבְעָ֖ם בִּירוּשָׁלִָ֑ם וַיִּ֧בֶן עָרִ֛ים לְמָצ֖וֹר בִּיהוּדָֽה׃ ‎6 ‏וַיִּ֧בֶן אֶת־בֵּֽית־לֶ֛חֶם וְאֶת־עֵיטָ֖ם וְאֶת־תְּקֽוֹעַ׃ ‎7 ‏וְאֶת־בֵּֽית־צ֥וּר וְאֶת־שׂוֹכ֖וֹ וְאֶת־עֲדֻלָּֽם׃ ‎8 ‏וְאֶת־גַּ֥ת וְאֶת־מָרֵשָׁ֖ה וְאֶת־זִֽיף׃ ‎9 ‏וְאֶת־אֲדוֹרַ֥יִם וְאֶת־לָכִ֖ישׁ וְאֶת־עֲזֵקָֽה׃ ‎10 ‏וְאֶת־צָרְעָה֙ וְאֶת־אַיָּל֔וֹן וְאֶת־חֶבְר֔וֹן אֲשֶׁ֥ר בִּיהוּדָ֖ה וּבְבִנְיָמִ֑ן עָרֵ֖י מְצֻרֽוֹת׃ ‎11 ‏וַיְחַזֵּ֖ק אֶת־הַמְּצֻר֑וֹת וַיִּתֵּ֤ן בָּהֶם֙ נְגִידִ֔ים וְאֹצְר֥וֹת מַאֲכָ֖ל וְשֶׁ֥מֶן וָיָֽיִן׃ ‎12 ‏וּבְכָל־עִ֤יר וָעִיר֙ צִנּ֣וֹת וּרְמָחִ֔ים וַֽיְחַזְּקֵ֖ם לְהַרְבֵּ֣ה מְאֹ֑ד וַיְהִי־ל֖וֹ יְהוּדָ֥ה וּבִנְיָמִֽן׃ ס ‎13 ‏וְהַכֹּהֲנִים֙ וְהַלְוִיִּ֔ם אֲשֶׁ֖ר בְּכָל־יִשְׂרָאֵ֑ל הִֽתְיַצְּב֥וּ עָלָ֖יו מִכָּל־גְּבוּלָֽם׃ ‎14 ‏כִּֽי־עָזְב֣וּ הַלְוִיִּ֗ם אֶת־מִגְרְשֵׁיהֶם֙ וַאֲחֻזָּתָ֔ם וַיֵּלְכ֥וּ לִיהוּדָ֖ה וְלִֽירוּשָׁלִָ֑ם כִּֽי־הִזְנִיחָ֤ם יָֽרָבְעָם֙ וּבָנָ֔יו מִכַּהֵ֖ן לַיהוָֽה׃ ‎15 ‏וַיַּֽעֲמֶד־לוֹ֙ כֹּֽהֲנִ֔ים לַבָּמ֖וֹת וְלַשְּׂעִירִ֑ים וְלָעֲגָלִ֖ים אֲשֶׁ֥ר עָשָֽׂה׃ ‎16 ‏וְאַחֲרֵיהֶ֗ם מִכֹּל֙ שִׁבְטֵ֣י יִשְׂרָאֵ֔ל הַנֹּֽתְנִים֙ אֶת־לְבָבָ֔ם לְבַקֵּ֕שׁ אֶת־יְהוָ֖ה אֱלֹהֵ֣י יִשְׂרָאֵ֑ל בָּ֚אוּ יְר֣וּשָׁלִַ֔ם לִזְבּ֕וֹחַ לַיהוָ֖ה אֱלֹהֵ֥י אֲבוֹתֵיהֶֽם׃ ‎17 ‏וַֽיְחַזְּקוּ֙ אֶת־מַלְכ֣וּת יְהוּדָ֔ה וַֽיְאַמְּצ֛וּ אֶת־רְחַבְעָ֥ם בֶּן־שְׁלֹמֹ֖ה לְשָׁנִ֣ים שָׁל֑וֹשׁ כִּ֣י הָֽלְכ֗וּ בְּדֶ֧רֶךְ דָּוִ֛יד וּשְׁלֹמֹ֖ה לְשָׁנִ֥ים שָׁלֽוֹשׁ׃ ‎18 ‏וַיִּֽקַּֽח־ל֤וֹ רְחַבְעָם֙ אִשָּׁ֔ה אֶת־מָ֣חֲלַ֔ת בן־ בַּת־ יְרִימ֖וֹת בֶּן־דָּוִ֑יד אֲבִיהַ֕יִל בַּת־אֱלִיאָ֖ב בֶּן־יִשָֽׁי׃ ‎19 ‏וַתֵּ֥לֶד ל֖וֹ בָּנִ֑ים אֶת־יְע֥וּשׁ וְאֶת־שְׁמַרְיָ֖ה וְאֶת־זָֽהַם׃ ‎20 ‏וְאַחֲרֶ֣יהָ לָקַ֔ח אֶֽת־מַעֲכָ֖ה בַּת־אַבְשָׁל֑וֹם וַתֵּ֣לֶד ל֗וֹ אֶת־אֲבִיָּה֙ וְאֶת־עַתַּ֔י וְאֶת־זִיזָ֖א וְאֶת־שְׁלֹמִֽית׃ ‎21 ‏וַיֶּאֱהַ֨ב רְחַבְעָ֜ם אֶת־מַעֲכָ֣ה בַת־אַבְשָׁל֗וֹם מִכָּל־נָשָׁיו֙ וּפִ֣ילַגְשָׁ֔יו כִּ֠י נָשִׁ֤ים שְׁמוֹנֶֽה־עֶשְׂרֵה֙ נָשָׂ֔א וּפִֽילַגְשִׁ֖ים שִׁשִּׁ֑ים וַיּ֗וֹלֶד עֶשְׂרִ֧ים וּשְׁמוֹנָ֛ה בָּנִ֖ים וְשִׁשִּׁ֥ים בָּנֽוֹת׃ ‎22 ‏וַיַּֽעֲמֵ֨ד לָרֹ֧אשׁ רְחַבְעָ֛ם אֶת־אֲבִיָּ֥ה בֶֽן־מַעֲכָ֖ה לְנָגִ֣יד בְּאֶחָ֑יו כִּ֖י לְהַמְלִיכֽוֹ׃ ‎23 ‏וַיָּבֶן֩ וַיִּפְרֹ֨ץ מִכָּל־בָּנָ֜יו לְֽכָל־אַרְצ֧וֹת יְהוּדָ֣ה וּבִנְיָמִ֗ן לְכֹל֙ עָרֵ֣י הַמְּצֻר֔וֹת וַיִּתֵּ֥ן לָהֶ֛ם הַמָּז֖וֹן לָרֹ֑ב וַיִּשְׁאַ֖ל הֲמ֥וֹן נָשִֽׁים׃

1 wayyāḇō’ rəḥaḇə‘ām yərûšālaim wayyaqəhēl ’eṯ-bêṯ yəhûḏâ ûḇinəyāmin mē’â ûšəmwōnîm ’elef bāḥûr ‘ōśēh miləḥāmâ ləhillāḥēm ‘im-yiśərā’ēl ləhāšîḇ ’eṯ-hammaməlāḵâ lirəḥaḇə‘ām: f 2 wayəhî dəḇar-yəhwâ ’el-šəma‘əyâû ’îš-hā’ĕlōhîm lē’mōr: 3 ’ĕmōr ’el-rəḥaḇə‘ām ben-šəlōmōh meleḵə yəhûḏâ wə’el kāl-yiśərā’ēl bîhûḏâ ûḇinəyāmin lē’mōr: 4 kōh ’āmar yəhwâ lō’-ṯa‘ălû wəlō’-ṯillāḥămû ‘im-’ăḥêḵem šûḇû ’îš ləḇêṯwō kî mē’itî nihəyâ hadāḇār hazzeh wayyišəmə‘û ’eṯ-diḇərê yəhwâ wayyāšuḇû milleḵeṯ ’el-yārāḇə‘ām: f 5 wayyēšeḇ rəḥaḇə‘ām bîrûšālāim wayyiḇen ‘ārîm ləmāṣwōr bîhûḏâ: 6 wayyiḇen ’eṯ-bêṯ-leḥem wə’eṯ-‘êṭām wə’eṯ-təqwō‘a: 7 wə’eṯ-bêṯ-ṣûr wə’eṯ-śwōḵwō wə’eṯ-‘ăḏullām: 8 wə’eṯ-gaṯ wə’eṯ-mārēšâ wə’eṯ-zîf: 9 wə’eṯ-’ăḏwōrayim wə’eṯ-lāḵîš wə’eṯ-‘ăzēqâ: 10 wə’eṯ-ṣārə‘â wə’eṯ-’ayyālwōn wə’eṯ-ḥeḇərwōn ’ăšer bîhûḏâ ûḇəḇinəyāmin ‘ārê məṣurwōṯ: 11 wayəḥazzēq ’eṯ-hamməṣurwōṯ wayyitēn bâem nəḡîḏîm wə’ōṣərwōṯ ma’ăḵāl wəšemen wāyāyin: 12 ûḇəḵāl-‘îr wā‘îr ṣinnwōṯ ûrəmāḥîm wayəḥazzəqēm ləharəbēh mə’ōḏ wayəhî-lwō yəhûḏâ ûḇinəyāmin: s 13 wəhakōhănîm wəhaləwîyim ’ăšer bəḵāl-yiśərā’ēl hiṯəyaṣṣəḇû ‘ālāyw mikāl-gəḇûlām: 14 kî-‘āzəḇû haləwîyim ’eṯ-miḡərəšêhem wa’ăḥuzzāṯām wayyēləḵû lîhûḏâ wəlîrûšālāim kî-hizənîḥām yārāḇə‘ām ûḇānāyw mikahēn layhwâ: 15 wayya‘ămeḏ-lwō kōhănîm labāmwōṯ wəlaśśə‘îrîm wəlā‘ăḡālîm ’ăšer ‘āśâ: 16 wə’aḥărêhem mikōl šiḇəṭê yiśərā’ēl hannōṯənîm ’eṯ-ləḇāḇām ləḇaqqēš ’eṯ-yəhwâ ’ĕlōhê yiśərā’ēl bā’û yərûšālaim lizəbwōḥa layhwâ ’ĕlōhê ’ăḇwōṯêhem: 17 wayəḥazzəqû ’eṯ-maləḵûṯ yəhûḏâ wayə’amməṣû ’eṯ-rəḥaḇə‘ām ben-šəlōmōh ləšānîm šālwōš kî hāləḵû bəḏereḵə dāwîḏ ûšəlōmōh ləšānîm šālwōš: 18 wayyiqqaḥ-lwō rəḥaḇə‘ām ’iššâ ’eṯ-māḥălaṯ ben- baṯ- yərîmwōṯ ben-dāwîḏ ’ăḇîhayil baṯ-’ĕlî’āḇ ben-yišāy: 19 watēleḏ lwō bānîm ’eṯ-yə‘ûš wə’eṯ-šəmarəyâ wə’eṯ-zâam: 20 wə’aḥăreyhā lāqaḥ ’eṯ-ma‘ăḵâ baṯ-’aḇəšālwōm watēleḏ lwō ’eṯ-’ăḇîyâ wə’eṯ-‘atay wə’eṯ-zîzā’ wə’eṯ-šəlōmîṯ: 21 wayye’ĕhaḇ rəḥaḇə‘ām ’eṯ-ma‘ăḵâ ḇaṯ-’aḇəšālwōm mikāl-nāšāyw ûfîlaḡəšāyw kî nāšîm šəmwōneh-‘eśərēh nāśā’ ûfîlaḡəšîm šiššîm wayywōleḏ ‘eśərîm ûšəmwōnâ bānîm wəšiššîm bānwōṯ: 22 wayya‘ămēḏ lārō’š rəḥaḇə‘ām ’eṯ-’ăḇîyâ ḇen-ma‘ăḵâ lənāḡîḏ bə’eḥāyw kî ləhaməlîḵwō: 23 wayyāḇen wayyifərōṣ mikāl-bānāyw ləḵāl-’arəṣwōṯ yəhûḏâ ûḇinəyāmin ləḵōl ‘ārê hamməṣurwōṯ wayyitēn lâem hammāzwōn lārōḇ wayyišə’al hămwōn nāšîm: