1 Chronicles (1 Divrey Yamim): 1 Chronicles (1 Divrey Yamim) Chapter 8

Tanach (Hebrew): 1 Chronicles (1 Divrey Yamim) Chapter 8

‎1 ‏וּבִ֨נְיָמִ֔ן הוֹלִ֖יד אֶת־בֶּ֣לַע בְּכֹר֑וֹ אַשְׁבֵּל֙ הַשֵּׁנִ֔י וְאַחְרַ֖ח הַשְּׁלִישִֽׁי׃ ‎2 ‏נוֹחָה֙ הָֽרְבִיעִ֔י וְרָפָ֖א הַחֲמִישִֽׁי׃ ס ‎3 ‏וַיִּהְי֥וּ בָנִ֖ים לְבָ֑לַע אַדָּ֥ר וְגֵרָ֖א וַאֲבִיהֽוּד׃ ‎4 ‏וַאֲבִישׁ֥וּעַ וְנַעֲמָ֖ן וַאֲחֽוֹחַ׃ ‎5 ‏וְגֵרָ֥א וּשְׁפוּפָ֖ן וְחוּרָֽם׃ ‎6 ‏וְאֵ֖לֶּה בְּנֵ֣י אֵח֑וּד אֵ֣לֶּה הֵ֞ם רָאשֵׁ֤י אָבוֹת֙ לְי֣וֹשְׁבֵי גֶ֔בַע וַיַּגְל֖וּם אֶל־מָנָֽחַת׃ ‎7 ‏וְנַעֲמָ֧ן וַאֲחִיָּ֛ה וְגֵרָ֖א ה֣וּא הֶגְלָ֑ם וְהוֹלִ֥יד אֶת־עֻזָּ֖א וְאֶת־אֲחִיחֻֽד׃ ‎8 ‏וְשַׁחֲרַ֗יִם הוֹלִיד֙ בִּשְׂדֵ֣ה מוֹאָ֔ב מִן־שִׁלְח֖וֹ אֹתָ֑ם חוּשִׁ֥ים וְאֶֽת־בַּעֲרָ֖א נָשָֽׁיו׃ ‎9 ‏וַיּ֖וֹלֶד מִן־חֹ֣דֶשׁ אִשְׁתּ֑וֹ אֶת־יוֹבָב֙ וְאֶת־צִבְיָ֔א וְאֶת־מֵישָׁ֖א וְאֶת־מַלְכָּֽם׃ ‎10 ‏וְאֶת־יְע֥וּץ וְאֶת־שָֽׂכְיָ֖ה וְאֶת־מִרְמָ֑ה אֵ֥לֶּה בָנָ֖יו רָאשֵׁ֥י אָבֽוֹת׃ ‎11 ‏וּמֵחֻשִׁ֛ים הוֹלִ֥יד אֶת־אֲבִיט֖וּב וְאֶת־אֶלְפָּֽעַל׃ ‎12 ‏וּבְנֵ֣י אֶלְפַּ֔עַל עֵ֥בֶר וּמִשְׁעָ֖ם וָשָׁ֑מֶד ה֚וּא בָּנָ֣ה אֶת־אוֹנ֔וֹ וְאֶת־לֹ֖ד וּבְנֹתֶֽיהָ׃ ‎13 ‏וּבְרִעָ֣ה וָשֶׁ֔מַע הֵ֚מָּה רָאשֵׁ֣י הָאָב֔וֹת לְיוֹשְׁבֵ֖י אַיָּל֑וֹן הֵ֥מָּה הִבְרִ֖יחוּ אֶת־י֥וֹשְׁבֵי גַֽת׃ ‎14 ‏וְאַחְי֥וֹ שָׁשָׁ֖ק וִירֵמֽוֹת׃ ‎15 ‏וּזְבַדְיָ֥ה וַעֲרָ֖ד וָעָֽדֶר׃ ‎16 ‏וּמִיכָאֵ֧ל וְיִשְׁפָּ֛ה וְיוֹחָ֖א בְּנֵ֥י בְרִיעָֽה׃ ‎17 ‏וּזְבַדְיָ֥ה וּמְשֻׁלָּ֖ם וְחִזְקִ֥י וָחָֽבֶר׃ ‎18 ‏וְיִשְׁמְרַ֧י וְיִזְלִיאָ֛ה וְיוֹבָ֖ב בְּנֵ֥י אֶלְפָּֽעַל׃ ‎19 ‏וְיָקִ֥ים וְזִכְרִ֖י וְזַבְדִּֽי׃ ‎20 ‏וֶאֱלִיעֵנַ֥י וְצִלְּתַ֖י וֶאֱלִיאֵֽל׃ ‎21 ‏וַעֲדָיָ֧ה וּבְרָאיָ֛ה וְשִׁמְרָ֖ת בְּנֵ֥י שִׁמְעִֽי׃ ‎22 ‏וְיִשְׁפָּ֥ן וָעֵ֖בֶר וֶאֱלִיאֵֽל׃ ‎23 ‏וְעַבְדּ֥וֹן וְזִכְרִ֖י וְחָנָֽן׃ ‎24 ‏וַחֲנַנְיָ֥ה וְעֵילָ֖ם וְעַנְתֹתִיָּֽה׃ ‎25 ‏וְיִפְדְיָ֥ה ופניאל וּפְנוּאֵ֖ל בְּנֵ֥י שָׁשָֽׁק׃ ‎26 ‏וְשַׁמְשְׁרַ֥י וּשְׁחַרְיָ֖ה וַעֲתַלְיָֽה׃ ‎27 ‏וְיַעֲרֶשְׁיָ֧ה וְאֵלִיָּ֛ה וְזִכְרִ֖י בְּנֵ֥י יְרֹחָֽם׃ ‎28 ‏אֵ֣לֶּה רָאשֵׁ֥י אָב֛וֹת לְתֹלְדוֹתָ֖ם רָאשִׁ֑ים אֵ֖לֶּה יָשְׁב֥וּ בִירוּשָׁלִָֽם׃ ס ‎29 ‏וּבְגִבְע֥וֹן יָשְׁב֖וּ אֲבִ֣י גִבְע֑וֹן וְשֵׁ֥ם אִשְׁתּ֖וֹ מַעֲכָֽה׃ ‎30 ‏וּבְנ֥וֹ הַבְּכ֖וֹר עַבְדּ֑וֹן וְצ֥וּר וְקִ֖ישׁ וּבַ֥עַל וְנָדָֽב׃ ‎31 ‏וּגְד֥וֹר וְאַחְי֖וֹ וָזָֽכֶר׃ ‎32 ‏וּמִקְל֖וֹת הוֹלִ֣יד אֶת־שִׁמְאָ֑ה וְאַף־הֵ֗מָּה נֶ֧גֶד אֲחֵיהֶ֛ם יָשְׁב֥וּ בִירוּשָׁלִַ֖ם עִם־אֲחֵיהֶֽם׃ ס ‎33 ‏וְנֵר֙ הוֹלִ֣יד אֶת־קִ֔ישׁ וְקִ֖ישׁ הוֹלִ֣יד אֶת־שָׁא֑וּל וְשָׁא֗וּל הוֹלִ֤יד אֶת־יְהֽוֹנָתָן֙ וְאֶת־מַלְכִּי־שׁ֔וּעַ וְאֶת־אֲבִֽינָדָ֖ב וְאֶת־אֶשְׁבָּֽעַל׃ ‎34 ‏וּבֶן־יְהוֹנָתָ֖ן מְרִ֣יב בָּ֑עַל וּמְרִ֥יב בַּ֖עַל הוֹלִ֥יד אֶת־מִיכָֽה׃ ס ‎35 ‏וּבְנֵ֖י מִיכָ֑ה פִּית֥וֹן וָמֶ֖לֶךְ וְתַאְרֵ֥עַ וְאָחָֽז׃ ‎36 ‏וְאָחָז֙ הוֹלִ֣יד אֶת־יְהוֹעַדָּ֔ה וִיהֽוֹעַדָּ֗ה הוֹלִ֛יד אֶת־עָלֶ֥מֶת וְאֶת־עַזְמָ֖וֶת וְאֶת־זִמְרִ֑י וְזִמְרִ֖י הוֹלִ֥יד אֶת־מוֹצָֽא׃ ‎37 ‏וּמוֹצָ֖א הוֹלִ֣יד אֶת־בִּנְעָ֑א רָפָ֥ה בְנ֛וֹ אֶלְעָשָׂ֥ה בְנ֖וֹ אָצֵ֥ל בְּנֽוֹ׃ ‎38 ‏וּלְאָצֵל֮ שִׁשָּׁ֣ה בָנִים֒ וְאֵ֣לֶּה שְׁמוֹתָ֗ם עַזְרִיקָ֥ם׀ בֹּ֙כְרוּ֙ וְיִשְׁמָעֵ֣אל וּשְׁעַרְיָ֔ה וְעֹבַדְיָ֖ה וְחָנָ֑ן כָּל־אֵ֖לֶּה בְּנֵ֥י אָצַֽל׃ ‎39 ‏וּבְנֵ֖י עֵ֣שֶׁק אָחִ֑יו אוּלָ֣ם בְּכֹר֔וֹ יְעוּשׁ֙ הַשֵּׁנִ֔י וֶֽאֱלִיפֶ֖לֶט הַשְּׁלִשִֽׁי׃ ‎40 ‏וַֽיִּהְי֣וּ בְנֵי־א֠וּלָם אֲנָשִׁ֨ים גִּבֹּרֵי־חַ֜יִל דֹּ֣רְכֵי קֶ֗שֶׁת וּמַרְבִּ֤ים בָּנִים֙ וּבְנֵ֣י בָנִ֔ים מֵאָ֖ה וַחֲמִשִּׁ֑ים כָּל־אֵ֖לֶּה מִבְּנֵ֥י בִנְיָמִֽן׃ פ

1 ûḇinəyāmin hwōlîḏ ’eṯ-bela‘ bəḵōrwō ’ašəbēl haššēnî wə’aḥəraḥ haššəlîšî: 2 nwōḥâ hārəḇî‘î wərāfā’ haḥămîšî: s 3 wayyihəyû ḇānîm ləḇāla‘ ’adār wəḡērā’ wa’ăḇîhûḏ: 4 wa’ăḇîšû‘a wəna‘ămān wa’ăḥwōḥa: 5 wəḡērā’ ûšəfûfān wəḥûrām: 6 wə’ēlleh bənê ’ēḥûḏ ’ēlleh hēm rā’šê ’āḇwōṯ ləywōšəḇê ḡeḇa‘ wayyaḡəlûm ’el-mānāḥaṯ: 7 wəna‘ămān wa’ăḥîyâ wəḡērā’ hû’ heḡəlām wəhwōlîḏ ’eṯ-‘uzzā’ wə’eṯ-’ăḥîḥuḏ: 8 wəšaḥărayim hwōlîḏ biśəḏēh mwō’āḇ min-šiləḥwō ’ōṯām ḥûšîm wə’eṯ-ba‘ărā’ nāšāyw: 9 wayywōleḏ min-ḥōḏeš ’išətwō ’eṯ-ywōḇāḇ wə’eṯ-ṣiḇəyā’ wə’eṯ-mêšā’ wə’eṯ-maləkām: 10 wə’eṯ-yə‘ûṣ wə’eṯ-śāḵəyâ wə’eṯ-mirəmâ ’ēlleh ḇānāyw rā’šê ’āḇwōṯ: 11 ûmēḥušîm hwōlîḏ ’eṯ-’ăḇîṭûḇ wə’eṯ-’eləpā‘al: 12 ûḇənê ’eləpa‘al ‘ēḇer ûmišə‘ām wāšāmeḏ hû’ bānâ ’eṯ-’wōnwō wə’eṯ-lōḏ ûḇənōṯeyhā: 13 ûḇəri‘â wāšema‘ hēmmâ rā’šê hā’āḇwōṯ ləywōšəḇê ’ayyālwōn hēmmâ hiḇərîḥû ’eṯ-ywōšəḇê ḡaṯ: 14 wə’aḥəywō šāšāq wîrēmwōṯ: 15 ûzəḇaḏəyâ wa‘ărāḏ wā‘āḏer: 16 ûmîḵā’ēl wəyišəpâ wəywōḥā’ bənê ḇərî‘â: 17 ûzəḇaḏəyâ ûməšullām wəḥizəqî wāḥāḇer: 18 wəyišəməray wəyizəlî’â wəywōḇāḇ bənê ’eləpā‘al: 19 wəyāqîm wəziḵərî wəzaḇədî: 20 we’ĕlî‘ēnay wəṣilləṯay we’ĕlî’ēl: 21 wa‘ăḏāyâ ûḇərā’yâ wəšimərāṯ bənê šimə‘î: 22 wəyišəpān wā‘ēḇer we’ĕlî’ēl: 23 wə‘aḇədwōn wəziḵərî wəḥānān: 24 waḥănanəyâ wə‘êlām wə‘anəṯōṯîyâ: 25 wəyifəḏəyâ ûfənî’ēl ûfənû’ēl bənê šāšāq: 26 wəšaməšəray ûšəḥarəyâ wa‘ăṯaləyâ: 27 wəya‘ărešəyâ wə’ēlîyâ wəziḵərî bənê yərōḥām: 28 ’ēlleh rā’šê ’āḇwōṯ ləṯōləḏwōṯām rā’šîm ’ēlleh yāšəḇû ḇîrûšālāim: s 29 ûḇəḡiḇə‘wōn yāšəḇû ’ăḇî ḡiḇə‘wōn wəšēm ’išətwō ma‘ăḵâ: 30 ûḇənwō habəḵwōr ‘aḇədwōn wəṣûr wəqîš ûḇa‘al wənāḏāḇ: 31 ûḡəḏwōr wə’aḥəywō wāzāḵer: 32 ûmiqəlwōṯ hwōlîḏ ’eṯ-šimə’â wə’af-hēmmâ neḡeḏ ’ăḥêhem yāšəḇû ḇîrûšālaim ‘im-’ăḥêhem: s 33 wənēr hwōlîḏ ’eṯ-qîš wəqîš hwōlîḏ ’eṯ-šā’ûl wəšā’ûl hwōlîḏ ’eṯ-yəhwōnāṯān wə’eṯ-maləkî-šû‘a wə’eṯ-’ăḇînāḏāḇ wə’eṯ-’ešəbā‘al: 34 ûḇen-yəhwōnāṯān mərîḇ bā‘al ûmərîḇ ba‘al hwōlîḏ ’eṯ-mîḵâ: s 35 ûḇənê mîḵâ pîṯwōn wāmeleḵə wəṯa’ərē‘a wə’āḥāz: 36 wə’āḥāz hwōlîḏ ’eṯ-yəhwō‘adâ wîhwō‘adâ hwōlîḏ ’eṯ-‘ālemeṯ wə’eṯ-‘azəmāweṯ wə’eṯ-zimərî wəzimərî hwōlîḏ ’eṯ-mwōṣā’: 37 ûmwōṣā’ hwōlîḏ ’eṯ-binə‘ā’ rāfâ ḇənwō ’elə‘āśâ ḇənwō ’āṣēl bənwō: 38 ûlə’āṣēl šiššâ ḇānîm wə’ēlleh šəmwōṯām ‘azərîqām| bōḵərû wəyišəmā‘ē’l ûšə‘arəyâ wə‘ōḇaḏəyâ wəḥānān kāl-’ēlleh bənê ’āṣal: 39 ûḇənê ‘ēšeq ’āḥîw ’ûlām bəḵōrwō yə‘ûš haššēnî we’ĕlîfeleṭ haššəlišî: 40 wayyihəyû ḇənê-’ûlām ’ănāšîm gibōrê-ḥayil dōrəḵê qešeṯ ûmarəbîm bānîm ûḇənê ḇānîm mē’â waḥămiššîm kāl-’ēlleh mibənê ḇinəyāmin: f