Sacred Texts  Bible  Index 
Polyglot  KJV  Sep  Vul 

2 Samuel (2 Shmuel) Index
  Previous  Next 

Tanach (Hebrew): 2 Samuel (2 Shmuel) Chapter 9

1 ‏וַיֹּ֣אמֶר דָּוִ֔ד הֲכִ֣י יֶשׁ־ע֔וֹד אֲשֶׁ֥ר נוֹתַ֖ר לְבֵ֣ית שָׁא֑וּל וְאֶעֱשֶׂ֤ה עִמּוֹ֙ חֶ֔סֶד בַּעֲב֖וּר יְהוֹנָתָֽן׃

2 ‏וּלְבֵ֨ית שָׁא֥וּל עֶ֙בֶד֙ וּשְׁמ֣וֹ צִיבָ֔א וַיִּקְרְאוּ־ל֖וֹ אֶל־דָּוִ֑ד וַיֹּ֨אמֶר הַמֶּ֧לֶךְ אֵלָ֛יו הַאַתָּ֥ה צִיבָ֖א וַיֹּ֥אמֶר עַבְדֶּֽךָ׃

3 ‏וַיֹּ֣אמֶר הַמֶּ֗לֶךְ הַאֶ֨פֶס ע֥וֹד אִישׁ֙ לְבֵ֣ית שָׁא֔וּל וְאֶעֱשֶׂ֥ה עִמּ֖וֹ חֶ֣סֶד אֱלֹהִ֑ים וַיֹּ֤אמֶר צִיבָא֙ אֶל־הַמֶּ֔לֶךְ ע֛וֹד בֵּ֥ן לִיהוֹנָתָ֖ן נְכֵ֥ה רַגְלָֽיִם׃

4 ‏וַיֹּֽאמֶר־ל֥וֹ הַמֶּ֖לֶךְ אֵיפֹ֣ה ה֑וּא וַיֹּ֤אמֶר צִיבָא֙ אֶל־הַמֶּ֔לֶךְ הִנֵּה־ה֗וּא בֵּ֛ית מָכִ֥יר בֶּן־עַמִּיאֵ֖ל בְּל֥וֹ דְבָֽר׃

5 ‏וַיִּשְׁלַ֖ח הַמֶּ֣לֶךְ דָּוִ֑ד וַיִּקָּחֵ֗הוּ מִבֵּ֛ית מָכִ֥יר בֶּן־עַמִּיאֵ֖ל מִלּ֥וֹ דְבָֽר׃

6 ‏וַ֠יָּבֹא מְפִיבֹ֨שֶׁת בֶּן־יְהוֹנָתָ֤ן בֶּן־שָׁאוּל֙ אֶל־דָּוִ֔ד וַיִּפֹּ֥ל עַל־פָּנָ֖יו וַיִּשְׁתָּ֑חוּ וַיֹּ֤אמֶר דָּוִד֙ מְפִיבֹ֔שֶׁת וַיֹּ֖אמֶר הִנֵּ֥ה עַבְדֶּֽךָ׃

7 ‏וַיֹּאמֶר֩ ל֨וֹ דָוִ֜ד אַל־תִּירָ֗א כִּ֣י עָשֹׂה֩ אֶעֱשֶׂ֨ה עִמְּךָ֥ חֶ֙סֶד֙ בַּֽעֲבוּר֙ יְהוֹנָתָ֣ן אָבִ֔יךָ וַהֲשִׁבֹתִ֣י לְךָ֔ אֶֽת־כָּל־שְׂדֵ֖ה שָׁא֣וּל אָבִ֑יךָ וְאַתָּ֗ה תֹּ֥אכַל לֶ֛חֶם עַל־שֻׁלְחָנִ֖י תָּמִֽיד׃

8 ‏וַיִּשְׁתַּ֕חוּ וַיֹּ֖אמֶר מֶ֣ה עַבְדֶּ֑ךָ כִּ֣י פָנִ֔יתָ אֶל־הַכֶּ֥לֶב הַמֵּ֖ת אֲשֶׁ֥ר כָּמֽוֹנִי׃

9 ‏וַיִּקְרָ֣א הַמֶּ֗לֶךְ אֶל־צִיבָ֛א נַ֥עַר שָׁא֖וּל וַיֹּ֣אמֶר אֵלָ֑יו כֹּל֩ אֲשֶׁ֨ר הָיָ֤ה לְשָׁאוּל֙ וּלְכָל־בֵּית֔וֹ נָתַ֖תִּי לְבֶן־אֲדֹנֶֽיךָ׃

10 ‏וְעָבַ֣דְתָּ לּ֣וֹ אֶֽת־הָאֲדָמָ֡ה אַתָּה֩ וּבָנֶ֨יךָ וַעֲבָדֶ֜יךָ וְהֵבֵ֗אתָ וְהָיָ֨ה לְבֶן־אֲדֹנֶ֤יךָ לֶּ֙חֶם֙ וַאֲכָל֔וֹ וּמְפִיבֹ֙שֶׁת֙ בֶּן־אֲדֹנֶ֔יךָ יֹאכַ֥ל תָּמִ֛יד לֶ֖חֶם עַל־שֻׁלְחָנִ֑י וּלְצִיבָ֗א חֲמִשָּׁ֥ה עָשָׂ֛ר בָּנִ֖ים וְעֶשְׂרִ֥ים עֲבָדִֽים׃

11 ‏וַיֹּ֤אמֶר צִיבָא֙ אֶל־הַמֶּ֔לֶךְ כְּכֹל֩ אֲשֶׁ֨ר יְצַוֶּ֜ה אֲדֹנִ֤י הַמֶּ֙לֶךְ֙ אֶת־עַבְדּ֔וֹ כֵּ֖ן יַעֲשֶׂ֣ה עַבְדֶּ֑ךָ וּמְפִיבֹ֗שֶׁת אֹכֵל֙ עַל־שֻׁלְחָנִ֔י כְּאַחַ֖ד מִבְּנֵ֥י הַמֶּֽלֶךְ׃

12 ‏וְלִמְפִיבֹ֥שֶׁת בֵּן־קָטָ֖ן וּשְׁמ֣וֹ מִיכָ֑א וְכֹל֙ מוֹשַׁ֣ב בֵּית־צִיבָ֔א עֲבָדִ֖ים לִמְפִיבֹֽשֶׁת׃

13 ‏וּמְפִיבֹ֗שֶׁת יֹשֵׁב֙ בִּיר֣וּשָׁלִַ֔ם כִּ֣י עַל־שֻׁלְחַ֥ן הַמֶּ֛לֶךְ תָּמִ֖יד ה֣וּא אֹכֵ֑ל וְה֥וּא פִּסֵּ֖חַ שְׁתֵּ֥י רַגְלָֽיו׃ פ

1 wayyō’mer dāwiḏ hăḵî yeš-‘wōḏ ’ăšer nwōṯar ləḇêṯ šā’ûl wə’e‘ĕśeh ‘immwō ḥeseḏ ba‘ăḇûr yəhwōnāṯān:

2 ûləḇêṯ šā’ûl ‘eḇeḏ ûšəmwō ṣîḇā’ wayyiqərə’û-lwō ’el-dāwiḏ wayyō’mer hammeleḵə ’ēlāyw ha’atâ ṣîḇā’ wayyō’mer ‘aḇədeḵā:

3 wayyō’mer hammeleḵə ha’efes ‘wōḏ ’îš ləḇêṯ šā’ûl wə’e‘ĕśeh ‘immwō ḥeseḏ ’ĕlōhîm wayyō’mer ṣîḇā’ ’el-hammeleḵə ‘wōḏ bēn lîhwōnāṯān nəḵēh raḡəlāyim:

4 wayyō’mer-lwō hammeleḵə ’êfōh hû’ wayyō’mer ṣîḇā’ ’el-hammeleḵə hinnēh-hû’ bêṯ māḵîr ben-‘ammî’ēl bəlwō ḏəḇār:

5 wayyišəlaḥ hammeleḵə dāwiḏ wayyiqqāḥēhû mibêṯ māḵîr ben-‘ammî’ēl millwō ḏəḇār:

6 wayyāḇō’ məfîḇōšeṯ ben-yəhwōnāṯān ben-šā’ûl ’el-dāwiḏ wayyipōl ‘al-pānāyw wayyišətāḥû wayyō’mer dāwiḏ məfîḇōšeṯ wayyō’mer hinnēh ‘aḇədeḵā:

7 wayyō’mer lwō ḏāwiḏ ’al-tîrā’ kî ‘āśōh ’e‘ĕśeh ‘imməḵā ḥeseḏ ba‘ăḇûr yəhwōnāṯān ’āḇîḵā wahăšiḇōṯî ləḵā ’eṯ-kāl-śəḏēh šā’ûl ’āḇîḵā wə’atâ tō’ḵal leḥem ‘al-šuləḥānî tāmîḏ:

8 wayyišətaḥû wayyō’mer meh ‘aḇədeḵā kî fānîṯā ’el-hakeleḇ hammēṯ ’ăšer kāmwōnî:

9 wayyiqərā’ hammeleḵə ’el-ṣîḇā’ na‘ar šā’ûl wayyō’mer ’ēlāyw kōl ’ăšer hāyâ ləšā’ûl ûləḵāl-bêṯwō nāṯatî ləḇen-’ăḏōneyḵā:

10 wə‘āḇaḏətā llwō ’eṯ-hā’ăḏāmâ ’atâ ûḇāneyḵā wa‘ăḇāḏeyḵā wəhēḇē’ṯā wəhāyâ ləḇen-’ăḏōneyḵā lleḥem wa’ăḵālwō ûməfîḇōšeṯ ben-’ăḏōneyḵā yō’ḵal tāmîḏ leḥem ‘al-šuləḥānî ûləṣîḇā’ ḥămiššâ ‘āśār bānîm wə‘eśərîm ‘ăḇāḏîm:

11 wayyō’mer ṣîḇā’ ’el-hammeleḵə kəḵōl ’ăšer yəṣaûeh ’ăḏōnî hammeleḵə ’eṯ-‘aḇədwō kēn ya‘ăśeh ‘aḇədeḵā ûməfîḇōšeṯ ’ōḵēl ‘al-šuləḥānî kə’aḥaḏ mibənê hammeleḵə:

12 wəliməfîḇōšeṯ bēn-qāṭān ûšəmwō mîḵā’ wəḵōl mwōšaḇ bêṯ-ṣîḇā’ ‘ăḇāḏîm liməfîḇōšeṯ:

13 ûməfîḇōšeṯ yōšēḇ bîrûšālaim kî ‘al-šuləḥan hammeleḵə tāmîḏ hû’ ’ōḵēl wəhû’ pissēḥa šətê raḡəlāyw: f


Next: 2 Samuel (2 Shmuel) Chapter 10