Sacred Texts  Bible  Index 
Polyglot  KJV  Sep  Tan 

Psalms Index
  Previous  Next 

Vulgate (Latin): Psalms Chapter 119

1 Canticum graduum. [Ad Dominum cum tribularer clamavi,
et exaudivit me.

2 Domine, libera animam meam a labiis iniquis
et a lingua dolosa.

3 Quid detur tibi, aut quid apponatur tibi
ad linguam dolosam?

4 Sagittæ potentis acutæ,
cum carbonibus desolatoriis.

5 Heu mihi, quia incolatus meus prolongatus est!
habitavi cum habitantibus Cedar;

6 multum incola fuit anima mea.

7 Cum his qui oderunt pacem eram pacificus;
cum loquebar illis, impugnabant me gratis.]


Next: Psalms Chapter 120