Sacred Texts  Bible  Index 
Polyglot  KJV  Sep  Vul 

Zechariah (Zekharyah) Index
  Previous  Next 

Tanach (Hebrew): Zechariah (Zekharyah) Chapter 11

1 ‏פְּתַ֥ח לְבָנ֖וֹן דְּלָתֶ֑יךָ וְתֹאכַ֥ל אֵ֖שׁ בַּאֲרָזֶֽיךָ׃

2 ‏הֵילֵ֤ל בְּרוֹשׁ֙ כִּֽי־נָ֣פַל אֶ֔רֶז אֲשֶׁ֥ר אַדִּרִ֖ים שֻׁדָּ֑דוּ הֵילִ֙ילוּ֙ אַלּוֹנֵ֣י בָשָׁ֔ן כִּ֥י יָרַ֖ד יַ֥עַר הבצור הַבָּצִֽיר׃

3 ‏ק֚וֹל יִֽלְלַ֣ת הָרֹעִ֔ים כִּ֥י שֻׁדְּדָ֖ה אַדַּרְתָּ֑ם ק֚וֹל שַׁאֲגַ֣ת כְּפִירִ֔ים כִּ֥י שֻׁדַּ֖ד גְּא֥וֹן הַיַּרְדֵּֽן׃ ס

4 ‏כֹּ֥ה אָמַ֖ר יְהוָ֣ה אֱלֹהָ֑י רְעֵ֖ה אֶת־צֹ֥אן הַהֲרֵגָֽה׃

5 ‏אֲשֶׁ֨ר קֹנֵיהֶ֤ן יַֽהֲרְגֻן֙ וְלֹ֣א יֶאְשָׁ֔מוּ וּמֹכְרֵיהֶ֣ן יֹאמַ֔ר בָּר֥וּךְ יְהוָ֖ה וַאעְשִׁ֑ר וְרֹ֣עֵיהֶ֔ם לֹ֥א יַחְמ֖וֹל עֲלֵיהֶֽן׃

6 ‏כִּ֠י לֹ֣א אֶחְמ֥וֹל ע֛וֹד עַל־יֹשְׁבֵ֥י הָאָ֖רֶץ נְאֻם־יְהוָ֑ה וְהִנֵּ֨ה אָנֹכִ֜י מַמְצִ֣יא אֶת־הָאָדָ֗ם אִ֤ישׁ בְּיַד־רֵעֵ֙הוּ֙ וּבְיַ֣ד מַלְכּ֔וֹ וְכִתְּתוּ֙ אֶת־הָאָ֔רֶץ וְלֹ֥א אַצִּ֖יל מִיָּדָֽם׃

7 ‏וָֽאֶרְעֶה֙ אֶת־צֹ֣אן הַֽהֲרֵגָ֔ה לָכֵ֖ן עֲנִיֵּ֣י הַצֹּ֑אן וָאֶקַּֽח־לִ֞י שְׁנֵ֣י מַקְל֗וֹת לְאַחַ֞ד קָרָ֤אתִי נֹ֙עַם֙ וּלְאַחַד֙ קָרָ֣אתִי חֹֽבְלִ֔ים וָאֶרְעֶ֖ה אֶת־הַצֹּֽאן׃

8 ‏וָאַכְחִ֛ד אֶת־שְׁלֹ֥שֶׁת הָרֹעִ֖ים בְּיֶ֣רַח אֶחָ֑ד וַתִּקְצַ֤ר נַפְשִׁי֙ בָּהֶ֔ם וְגַם־נַפְשָׁ֖ם בָּחֲלָ֥ה בִֽי׃

9 ‏וָאֹמַ֕ר לֹ֥א אֶרְעֶ֖ה אֶתְכֶ֑ם הַמֵּתָ֣ה תָמ֗וּת וְהַנִּכְחֶ֙דֶת֙ תִּכָּחֵ֔ד וְהַ֨נִּשְׁאָר֔וֹת תֹּאכַ֕לְנָה אִשָּׁ֖ה אֶת־בְּשַׂ֥ר רְעוּתָֽהּ׃

10 ‏וָאֶקַּ֤ח אֶת־מַקְלִי֙ אֶת־נֹ֔עַם וָאֶגְדַּ֖ע אֹת֑וֹ לְהָפֵיר֙ אֶת־בְּרִיתִ֔י אֲשֶׁ֥ר כָּרַ֖תִּי אֶת־כָּל־הָעַמִּֽים׃

11 ‏וַתֻּפַ֖ר בַּיּ֣וֹם הַה֑וּא וַיֵּדְע֨וּ כֵ֜ן עֲנִיֵּ֤י הַצֹּאן֙ הַשֹּׁמְרִ֣ים אֹתִ֔י כִּ֥י דְבַר־יְהוָ֖ה הֽוּא׃

12 ‏וָאֹמַ֣ר אֲלֵיהֶ֗ם אִם־ט֧וֹב בְּעֵינֵיכֶ֛ם הָב֥וּ שְׂכָרִ֖י וְאִם־לֹ֣א׀ חֲדָ֑לוּ וַיִּשְׁקְל֥וּ אֶת־שְׂכָרִ֖י שְׁלֹשִׁ֥ים כָּֽסֶף׃

13 ‏וַיֹּ֨אמֶר יְהוָ֜ה אֵלַ֗י הַשְׁלִיכֵ֙הוּ֙ אֶל־הַיּוֹצֵ֔ר אֶ֣דֶר הַיְקָ֔ר אֲשֶׁ֥ר יָקַ֖רְתִּי מֵֽעֲלֵיהֶ֑ם וָֽאֶקְחָה֙ שְׁלֹשִׁ֣ים הַכֶּ֔סֶף וָאַשְׁלִ֥יךְ אֹת֛וֹ בֵּ֥ית יְהוָ֖ה אֶל־הַיּוֹצֵֽר׃

14 ‏וָֽאֶגְדַּע֙ אֶת־מַקְלִ֣י הַשֵּׁנִ֔י אֵ֖ת הַחֹֽבְלִ֑ים לְהָפֵר֙ אֶת־הָֽאַחֲוָ֔ה בֵּ֥ין יְהוּדָ֖ה וּבֵ֥ין יִשְׂרָאֵֽל׃ ס

15 ‏וַיֹּ֥אמֶר יְהוָ֖ה אֵלָ֑י ע֣וֹד קַח־לְךָ֔ כְּלִ֖י רֹעֶ֥ה אֱוִלִֽי׃

16 ‏כִּ֣י הִנֵּֽה־אָנֹכִי֩ מֵקִ֨ים רֹעֶ֜ה בָּאָ֗רֶץ הַנִּכְחָד֤וֹת לֹֽא־יִפְקֹד֙ הַנַּ֣עַר לֹֽא־יְבַקֵּ֔שׁ וְהַנִּשְׁבֶּ֖רֶת לֹ֣א יְרַפֵּ֑א הַנִּצָּבָה֙ לֹ֣א יְכַלְכֵּ֔ל וּבְשַׂ֤ר הַבְּרִיאָה֙ יֹאכַ֔ל וּפַרְסֵיהֶ֖ן יְפָרֵֽק׃ ס

17 ‏ה֣וֹי רֹעִ֤י הָֽאֱלִיל֙ עֹזְבִ֣י הַצֹּ֔אן חֶ֥רֶב עַל־זְרוֹע֖וֹ וְעַל־עֵ֣ין יְמִינ֑וֹ זְרֹעוֹ֙ יָב֣וֹשׁ תִּיבָ֔שׁ וְעֵ֥ין יְמִינ֖וֹ כָּהֹ֥ה תִכְהֶֽה׃ ס

1 pəṯaḥ ləḇānwōn dəlāṯeyḵā wəṯō’ḵal ’ēš ba’ărāzeyḵā:

2 hêlēl bərwōš kî-nāfal ’erez ’ăšer ’adirîm šudāḏû hêlîlû ’allwōnê ḇāšān kî yāraḏ ya‘ar habāṣûr habāṣîr:

3 qwōl yiləlaṯ hārō‘îm kî šudəḏâ ’adarətām qwōl ša’ăḡaṯ kəfîrîm kî šudaḏ gə’wōn hayyarədēn: s

4 kōh ’āmar yəhwâ ’ĕlōhāy rə‘ēh ’eṯ-ṣō’n hahărēḡâ:

5 ’ăšer qōnêhen yahărəḡun wəlō’ ye’əšāmû ûmōḵərêhen yō’mar bārûḵə yəhwâ wa’‘əšir wərō‘êhem lō’ yaḥəmwōl ‘ălêhen:

6 kî lō’ ’eḥəmwōl ‘wōḏ ‘al-yōšəḇê hā’āreṣ nə’um-yəhwâ wəhinnēh ’ānōḵî maməṣî’ ’eṯ-hā’āḏām ’îš bəyaḏ-rē‘ēhû ûḇəyaḏ maləkwō wəḵitəṯû ’eṯ-hā’āreṣ wəlō’ ’aṣṣîl mîyāḏām:

7 wā’erə‘eh ’eṯ-ṣō’n hahărēḡâ lāḵēn ‘ănîyê haṣṣō’n wā’eqqaḥ-lî šənê maqəlwōṯ lə’aḥaḏ qārā’ṯî nō‘am ûlə’aḥaḏ qārā’ṯî ḥōḇəlîm wā’erə‘eh ’eṯ-haṣṣō’n:

8 wā’aḵəḥiḏ ’eṯ-šəlōšeṯ hārō‘îm bəyeraḥ ’eḥāḏ watiqəṣar nafəšî bâem wəḡam-nafəšām bāḥălâ ḇî:

9 wā’ōmar lō’ ’erə‘eh ’eṯəḵem hammēṯâ ṯāmûṯ wəhanniḵəḥeḏeṯ tikāḥēḏ wəhannišə’ārwōṯ tō’ḵalənâ ’iššâ ’eṯ-bəśar rə‘ûṯāh:

10 wā’eqqaḥ ’eṯ-maqəlî ’eṯ-nō‘am wā’eḡəda‘ ’ōṯwō ləhāfêr ’eṯ-bərîṯî ’ăšer kāratî ’eṯ-kāl-hā‘ammîm:

11 watufar bayywōm hahû’ wayyēḏə‘û ḵēn ‘ănîyê haṣṣō’n haššōmərîm ’ōṯî kî ḏəḇar-yəhwâ hû’:

12 wā’ōmar ’ălêhem ’im-ṭwōḇ bə‘ênêḵem hāḇû śəḵārî wə’im-lō’| ḥăḏālû wayyišəqəlû ’eṯ-śəḵārî šəlōšîm kāsef:

13 wayyō’mer yəhwâ ’ēlay hašəlîḵēhû ’el-hayywōṣēr ’eḏer hayəqār ’ăšer yāqarətî mē‘ălêhem wā’eqəḥâ šəlōšîm hakesef wā’ašəlîḵə ’ōṯwō bêṯ yəhwâ ’el-hayywōṣēr:

14 wā’eḡəda‘ ’eṯ-maqəlî haššēnî ’ēṯ haḥōḇəlîm ləhāfēr ’eṯ-hā’aḥăwâ bên yəhûḏâ ûḇên yiśərā’ēl: s

15 wayyō’mer yəhwâ ’ēlāy ‘wōḏ qaḥ-ləḵā kəlî rō‘eh ’ĕwilî:

16 kî hinnēh-’ānōḵî mēqîm rō‘eh bā’āreṣ hanniḵəḥāḏwōṯ lō’-yifəqōḏ hanna‘ar lō’-yəḇaqqēš wəhannišəbereṯ lō’ yərapē’ hanniṣṣāḇâ lō’ yəḵaləkēl ûḇəśar habərî’â yō’ḵal ûfarəsêhen yəfārēq: s

17 hwōy rō‘î hā’ĕlîl ‘ōzəḇî haṣṣō’n ḥereḇ ‘al-zərwō‘wō wə‘al-‘ên yəmînwō zərō‘wō yāḇwōš tîḇāš wə‘ên yəmînwō kâōh ṯiḵəheh: s


Next: Zechariah (Zekharyah) Chapter 12