‎1 ‏וַֽיְהִי֙ אַֽחֲרֵי־כֵ֔ן וַיַּ֥ךְ דָּוִ֛ד אֶת־פְּלִשְׁתִּ֖ים וַיַּכְנִיעֵ֑ם וַיִּקַּ֥ח דָּוִ֛ד אֶת־מֶ֥תֶג הָאַמָּ֖ה מִיַּ֥ד פְּלִשְׁתִּֽים׃

‎2 ‏וַיַּ֣ךְ אֶת־מוֹאָ֗ב וַֽיְמַדְּדֵ֤ם בַּחֶ֙בֶל֙ הַשְׁכֵּ֣ב אוֹתָ֣ם אַ֔רְצָה וַיְמַדֵּ֤ד שְׁנֵֽי־חֲבָלִים֙ לְהָמִ֔ית וּמְלֹ֥א הַחֶ֖בֶל לְהַחֲי֑וֹת וַתְּהִ֤י מוֹאָב֙ לְדָוִ֔ד לַעֲבָדִ֖ים נֹשְׂאֵ֥י מִנְחָֽה׃

‎3 ‏וַיַּ֣ךְ דָּוִ֔ד אֶת־הֲדַדְעֶ֥זֶר בֶּן־רְחֹ֖ב מֶ֣לֶךְ צוֹבָ֑ה בְּלֶכְתּ֕וֹ לְהָשִׁ֥יב יָד֖וֹ בִּֽנְהַר־פְּרָֽת׃^a

‎4 ‏וַיִּלְכֹּ֨ד דָּוִ֜ד מִמֶּ֗נּוּ אֶ֤לֶף וּשְׁבַע־מֵאוֹת֙ פָּרָשִׁ֔ים וְעֶשְׂרִ֥ים אֶ֖לֶף אִ֣ישׁ רַגְלִ֑י וַיְעַקֵּ֤ר דָּוִד֙ אֶת־כָּל־הָרֶ֔כֶב וַיּוֹתֵ֥ר מִמֶּ֖נּוּ מֵ֥אָה רָֽכֶב׃

‎5 ‏וַתָּבֹא֙ אֲרַ֣ם דַּמֶּ֔שֶׂק לַעְזֹ֕ר לַהֲדַדְעֶ֖זֶר מֶ֣לֶךְ צוֹבָ֑ה וַיַּ֤ךְ דָּוִד֙ בַּֽאֲרָ֔ם עֶשְׂרִֽים־וּשְׁנַ֥יִם אֶ֖לֶף אִֽישׁ׃

‎6 ‏וַיָּ֨שֶׂם דָּוִ֤ד נְצִבִים֙ בַּאֲרַ֣ם דַּמֶּ֔שֶׂק וַתְּהִ֤י אֲרָם֙ לְדָוִ֔ד לַעֲבָדִ֖ים נוֹשְׂאֵ֣י מִנְחָ֑ה וַיֹּ֤שַׁע יְהוָה֙ אֶת־דָּוִ֔ד בְּכֹ֖ל אֲשֶׁ֥ר הָלָֽךְ׃

‎7 ‏וַיִּקַּ֣ח דָּוִ֗ד אֵ֚ת שִׁלְטֵ֣י הַזָּהָ֔ב אֲשֶׁ֣ר הָי֔וּ אֶ֖ל עַבְדֵ֣י הֲדַדְעָ֑זֶר וַיְבִיאֵ֖ם יְרוּשָׁלִָֽם׃

‎8 ‏וּמִבֶּ֥טַח וּמִבֵּֽרֹתַ֖י עָרֵ֣י הֲדַדְעָ֑זֶר לָקַ֞ח הַמֶּ֧לֶךְ דָּוִ֛ד נְחֹ֖שֶׁת הַרְבֵּ֥ה מְאֹֽד׃ ס

‎9 ‏וַיִּשְׁמַ֕ע תֹּ֖עִי מֶ֣לֶךְ חֲמָ֑ת כִּ֚י הִכָּ֣ה דָוִ֔ד אֵ֖ת כָּל־חֵ֥יל הֲדַדְעָֽזֶר׃

‎10 ‏וַיִּשְׁלַ֣ח תֹּ֣עִי אֶת־יֽוֹרָם־בְּנ֣וֹ אֶל־הַמֶּֽלֶךְ־דָּ֠וִד לִשְׁאָל־ל֨וֹ לְשָׁל֜וֹם וּֽלְבָרֲכ֗וֹ עַל֩ אֲשֶׁ֨ר נִלְחַ֤ם בַּהֲדַדְעֶ֙זֶר֙ וַיַּכֵּ֔הוּ כִּי־אִ֛ישׁ מִלְחֲמ֥וֹת תֹּ֖עִי הָיָ֣ה הֲדַדְעָ֑זֶר וּבְיָד֗וֹ הָי֛וּ כְּלֵֽי־כֶ֥סֶף וּכְלֵֽי־זָהָ֖ב וּכְלֵ֥י נְחֹֽשֶׁת׃

‎11 ‏גַּם־אֹתָ֕ם הִקְדִּ֛ישׁ הַמֶּ֥לֶךְ דָּוִ֖ד לַֽיהוָ֑ה עִם־הַכֶּ֤סֶף וְהַזָּהָב֙ אֲשֶׁ֣ר הִקְדִּ֔ישׁ מִכָּל־הַגּוֹיִ֖ם אֲשֶׁ֥ר כִּבֵּֽשׁ׃

‎12 ‏מֵאֲרָ֤ם וּמִמּוֹאָב֙ וּמִבְּנֵ֣י עַמּ֔וֹן וּמִפְּלִשְׁתִּ֖ים וּמֵֽעֲמָלֵ֑ק וּמִשְּׁלַ֛ל הֲדַדְעֶ֥זֶר בֶּן־רְחֹ֖ב מֶ֥לֶךְ צוֹבָֽה׃

‎13 ‏וַיַּ֤עַשׂ דָּוִד֙ שֵׁ֔ם בְּשֻׁב֕וֹ מֵהַכּוֹת֥וֹ אֶת־אֲרָ֖ם בְּגֵיא־מֶ֑לַח שְׁמוֹנָ֥ה עָשָׂ֖ר אָֽלֶף׃

‎14 ‏וַיָּ֨שֶׂם בֶּאֱד֜וֹם נְצִבִ֗ים בְּכָל־אֱדוֹם֙ שָׂ֣ם נְצִבִ֔ים וַיְהִ֥י כָל־אֱד֖וֹם עֲבָדִ֣ים לְדָוִ֑ד וַיּ֤וֹשַׁע יְהוָה֙ אֶת־דָּוִ֔ד בְּכֹ֖ל אֲשֶׁ֥ר הָלָֽךְ׃

‎15 ‏וַיִּמְלֹ֥ךְ דָּוִ֖ד עַל־כָּל־יִשְׂרָאֵ֑ל וַיְהִ֣י דָוִ֗ד עֹשֶׂ֛ה מִשְׁפָּ֥ט וּצְדָקָ֖ה לְכָל־עַמּֽוֹ׃

‎16 ‏וְיוֹאָ֥ב בֶּן־צְרוּיָ֖ה עַל־הַצָּבָ֑א וִיהוֹשָׁפָ֥ט בֶּן־אֲחִיל֖וּד מַזְכִּֽיר׃

‎17 ‏וְצָד֧וֹק בֶּן־אֲחִיט֛וּב וַאֲחִימֶ֥לֶךְ בֶּן־אֶבְיָתָ֖ר כֹּהֲנִ֑ים וּשְׂרָיָ֖ה סוֹפֵֽר׃

‎18 ‏וּבְנָיָ֙הוּ֙ בֶּן־יְה֣וֹיָדָ֔ע וְהַכְּרֵתִ֖י וְהַפְּלֵתִ֑י וּבְנֵ֥י דָוִ֖ד כֹּהֲנִ֥ים הָיֽוּ׃ פ

1 wayəhî ’^aḥărê-ḵēn wayyaḵə dāwiḏ ’eṯ-pəlišətîm wayyaḵənî‘ēm wayyiqq^aḥ dāwiḏ ’eṯ-meṯeḡ hā’ammâ mîyaḏ pəlišətîm:

2 wayyaḵə ’eṯ-mwō’āḇ wayəmadəḏēm b^aḥeḇel hašəkēḇ ’wōṯām ’arəṣâ wayəmadēḏ šənê-ḥăḇālîm ləhāmîṯ ûməlō’ h^aḥeḇel ləh^aḥăywōṯ watəhî mwō’āḇ ləḏāwiḏ l^a‘ăḇāḏîm nōśə’ê minəḥâ:

3 wayyaḵə dāwiḏ ’eṯ-hăḏaḏə‘ezer ben-rəḥōḇ meleḵə ṣwōḇâ bəleḵətwō ləhāšîḇ yāḏwō binəhar-pərāṯ:^a

4 wayyiləkōḏ dāwiḏ mimmennû ’elef ûšəḇ^a‘-mē’wōṯ pārāšîm wə‘eśərîm ’elef ’îš raḡəlî wayə‘aqqēr dāwiḏ ’eṯ-kāl-hāreḵeḇ wayywōṯēr mimmennû mē’â rāḵeḇ:

5 watāḇō’ ’ăram dammeśeq l^a‘əzōr lahăḏaḏə‘ezer meleḵə ṣwōḇâ wayyaḵə dāwiḏ ba’ărām ‘eśərîm-ûšənayim ’elef ’îš:

6 wayyāśem dāwiḏ nəṣiḇîm ba’ăram dammeśeq watəhî ’ărām ləḏāwiḏ l^a‘ăḇāḏîm nwōśə’ê minəḥâ wayyōš^a‘ yəhwâ ’eṯ-dāwiḏ bəḵōl ’ăšer hālāḵə:

7 wayyiqq^aḥ dāwiḏ ’ēṯ šiləṭê hazzâāḇ ’ăšer hāyû ’el ‘aḇəḏê hăḏaḏə‘āzer wayəḇî’ēm yərûšālāim:

8 ûmibeṭ^aḥ ûmibērōṯay ‘ārê hăḏaḏə‘āzer lāq^aḥ hammeleḵə dāwiḏ nəḥōšeṯ harəbēh mə’ōḏ: s

9 wayyišəm^a‘ tō‘î meleḵə ḥămāṯ kî hikâ ḏāwiḏ ’ēṯ kāl-ḥêl hăḏaḏə‘āzer:

10 wayyišəl^aḥ tō‘î ’eṯ-ywōrām-bənwō ’el-hammeleḵə-dāwiḏ lišə’āl-lwō ləšālwōm ûləḇārăḵwō ‘al ’ăšer niləḥam bahăḏaḏə‘ezer wayyakēhû kî-’îš miləḥămwōṯ tō‘î hāyâ hăḏaḏə‘āzer ûḇəyāḏwō hāyû kəlê-ḵesef ûḵəlê-zâāḇ ûḵəlê nəḥōšeṯ:

11 gam-’ōṯām hiqədîš hammeleḵə dāwiḏ layhwâ ‘im-hakesef wəhazzâāḇ ’ăšer hiqədîš mikāl-hagwōyim ’ăšer kibēš:

12 mē’ărām ûmimmwō’āḇ ûmibənê ‘ammwōn ûmipəlišətîm ûmē‘ămālēq ûmiššəlal hăḏaḏə‘ezer ben-rəḥōḇ meleḵə ṣwōḇâ:

13 wayy^a‘aś dāwiḏ šēm bəšuḇwō mēhakwōṯwō ’eṯ-’ărām bəḡê’-mel^aḥ šəmwōnâ ‘āśār ’ālef:

14 wayyāśem be’ĕḏwōm nəṣiḇîm bəḵāl-’ĕḏwōm śām nəṣiḇîm wayəhî ḵāl-’ĕḏwōm ‘ăḇāḏîm ləḏāwiḏ wayywōš^a‘ yəhwâ ’eṯ-dāwiḏ bəḵōl ’ăšer hālāḵə:

15 wayyiməlōḵə dāwiḏ ‘al-kāl-yiśərā’ēl wayəhî ḏāwiḏ ‘ōśeh mišəpāṭ ûṣəḏāqâ ləḵāl-‘ammwō:

16 wəywō’āḇ ben-ṣərûyâ ‘al-haṣṣāḇā’ wîhwōšāfāṭ ben-’ăḥîlûḏ mazəkîr:

17 wəṣāḏwōq ben-’ăḥîṭûḇ wa’ăḥîmeleḵə ben-’eḇəyāṯār kōhănîm ûśərāyâ swōfēr:

18 ûḇənāyâû ben-yəhwōyāḏā‘ wəhakərēṯî wəhapəlēṯî ûḇənê ḏāwiḏ kōhănîm hāyû: f