Sacred Texts  Bible  Index 
Polyglot  KJV  Sep  Vul 

2 Samuel (2 Shmuel) Index
  Previous  Next 

Tanach (Hebrew): 2 Samuel (2 Shmuel) Chapter 3

1 ‏וַתְּהִ֤י הַמִּלְחָמָה֙ אֲרֻכָּ֔ה בֵּ֚ין בֵּ֣ית שָׁא֔וּל וּבֵ֖ין בֵּ֣ית דָּוִ֑ד וְדָוִד֙ הֹלֵ֣ךְ וְחָזֵ֔ק וּבֵ֥ית שָׁא֖וּל הֹלְכִ֥ים וְדַלִּֽים׃ ס

2 ‏וילדו וַיִּוָּלְד֧וּa לְדָוִ֛ד בָּנִ֖ים בְּחֶבְר֑וֹן וַיְהִ֤י בְכוֹרוֹ֙ אַמְנ֔וֹן לַאֲחִינֹ֖עַם הַיִּזְרְעֵאלִֽת׃

3 ‏וּמִשְׁנֵ֣הוּ כִלְאָ֔ב לאביגל לַאֲֽבִיגַ֕יִל3 אֵ֖שֶׁת נָבָ֣ל הַֽכַּרְמְלִ֑י וְהַשְּׁלִשִׁי֙ אַבְשָׁל֣וֹם בֶּֽן־מַעֲכָ֔ה בַּת־תַּלְמַ֖י מֶ֥לֶךְ גְּשֽׁוּר׃

4 ‏וְהָרְבִיעִ֖י אֲדֹנִיָּ֣ה בֶן־חַגִּ֑ית וְהַחֲמִישִׁ֖י שְׁפַטְיָ֥ה בֶן־אֲבִיטָֽל׃

5 ‏וְהַשִּׁשִּׁ֣י יִתְרְעָ֔ם לְעֶגְלָ֖ה אֵ֣שֶׁת דָּוִ֑ד אֵ֛לֶּה יֻלְּד֥וּ לְדָוִ֖ד בְּחֶבְרֽוֹן׃ פ

6 ‏וַיְהִ֗י בִּֽהְיוֹת֙ הַמִּלְחָמָ֔ה בֵּ֚ין בֵּ֣ית שָׁא֔וּל וּבֵ֖ין בֵּ֣ית דָּוִ֑ד וְאַבְנֵ֛ר הָיָ֥ה מִתְחַזֵּ֖ק בְּבֵ֥ית שָׁאֽוּל׃

7 ‏וּלְשָׁא֣וּל פִּלֶ֔גֶשׁ וּשְׁמָ֖הּ רִצְפָּ֣ה בַת־אַיָּ֑ה וַיֹּ֙אמֶר֙ אֶל־אַבְנֵ֔ר מַדּ֥וּעַ בָּ֖אתָה אֶל־פִּילֶ֥גֶשׁ אָבִֽי׃

8 ‏וַיִּחַר֩ לְאַבְנֵ֨ר מְאֹ֜ד עַל־דִּבְרֵ֣י אִֽישׁ־בֹּ֗שֶׁת וַיֹּ֙אמֶר֙ הֲרֹ֨אשׁ כֶּ֥לֶב אָנֹ֘כִי֮ אֲשֶׁ֣ר לִֽיהוּדָה֒ הַיּ֨וֹם אֶֽעֱשֶׂה־חֶ֜סֶד עִם־בֵּ֣ית׀ שָׁא֣וּל אָבִ֗יךָ אֶל־אֶחָיו֙ וְאֶל־מֵ֣רֵעֵ֔הוּ וְלֹ֥א הִמְצִיתִ֖ךָ בְּיַד־דָּוִ֑ד וַתִּפְקֹ֥ד עָלַ֛י עֲוֹ֥ן הָאִשָּׁ֖ה הַיּֽוֹם׃

9 ‏כֹּֽה־יַעֲשֶׂ֤ה אֱלֹהִים֙ לְאַבְנֵ֔ר וְכֹ֖ה יֹסִ֣יף ל֑וֹ כִּ֗י כַּאֲשֶׁ֨ר נִשְׁבַּ֤ע יְהוָה֙ לְדָוִ֔ד כִּֽי־כֵ֖ן אֶֽעֱשֶׂה־לּֽוֹ׃

10 ‏לְהַֽעֲבִ֥יר הַמַּמְלָכָ֖ה מִבֵּ֣ית שָׁא֑וּל וּלְהָקִ֞ים אֶת־כִּסֵּ֣א דָוִ֗ד עַל־יִשְׂרָאֵל֙ וְעַל־יְהוּדָ֔ה מִדָּ֖ן וְעַד־בְּאֵ֥ר שָֽׁבַע׃

11 ‏וְלֹֽא־יָכֹ֣ל ע֔וֹד לְהָשִׁ֥יב אֶת־אַבְנֵ֖ר דָּבָ֑ר מִיִּרְאָת֖וֹ אֹתֽוֹ׃ ס

12 ‏וַיִּשְׁלַח֩ אַבְנֵ֨ר מַלְאָכִ֧ים׀ אֶל־דָּוִ֛ד תחתו תַּחְתָּ֥יו לֵאמֹ֖ר לְמִי־אָ֑רֶץ לֵאמֹ֗ר כָּרְתָ֤ה בְרִֽיתְךָ֙ אִתִּ֔י וְהִנֵּה֙ יָדִ֣י עִמָּ֔ךְ לְהָסֵ֥ב אֵלֶ֖יךָ אֶת־כָּל־יִשְׂרָאֵֽל׃

13 ‏וַיֹּ֣אמֶר ט֔וֹב אֲנִ֕י אֶכְרֹ֥ת אִתְּךָ֖ בְּרִ֑ית אַ֣ךְ דָּבָ֣ר אֶחָ֡ד אָנֹכִי֩ שֹׁאֵ֨ל מֵאִתְּךָ֤ לֵאמֹר֙ לֹא־תִרְאֶ֣ה אֶת־פָּנַ֔י כִּ֣י׀ אִם־לִפְנֵ֣י הֱבִיאֲךָ֗ אֵ֚ת מִיכַ֣ל בַּת־שָׁא֔וּל בְּבֹאֲךָ֖ לִרְא֥וֹת אֶת־פָּנָֽי׃ ס

14 ‏וַיִּשְׁלַ֤ח דָּוִד֙ מַלְאָכִ֔ים אֶל־אִֽישׁ־בֹּ֥שֶׁת בֶּן־שָׁא֖וּל לֵאמֹ֑ר תְּנָ֤ה אֶת־אִשְׁתִּי֙ אֶת־מִיכַ֔ל אֲשֶׁר֙ אֵרַ֣שְׂתִּי לִ֔י בְּמֵאָ֖ה עָרְל֥וֹת פְּלִשְׁתִּֽים׃

15 ‏וַיִּשְׁלַח֙ אִ֣ישׁ בֹּ֔שֶׁת וַיִּקָּחֶ֖הָ מֵ֣עִֽם אִ֑ישׁ מֵעִ֖ם פַּלְטִיאֵ֥ל בֶּן־לוש לָֽיִשׁ׃

16 ‏וַיֵּ֨לֶךְ אִתָּ֜הּ אִישָׁ֗הּ הָל֧וֹךְ וּבָכֹ֛ה אַחֲרֶ֖יהָ עַד־בַּֽחֻרִ֑ים וַיֹּ֨אמֶר אֵלָ֥יו אַבְנֵ֛ר לֵ֥ךְ שׁ֖וּב וַיָּשֹֽׁב׃

17 ‏וּדְבַר־אַבְנֵ֣ר הָיָ֔ה עִם־זִקְנֵ֥י יִשְׂרָאֵ֖ל לֵאמֹ֑ר גַּם־תְּמוֹל֙ גַּם־שִׁלְשֹׁ֔ם הֱיִיתֶ֞ם מְבַקְשִׁ֧ים אֶת־דָּוִ֛ד לְמֶ֖לֶךְ עֲלֵיכֶֽם׃

18 ‏וְעַתָּ֖ה עֲשׂ֑וּ כִּ֣י יְהוָ֗ה אָמַ֤ר אֶל־דָּוִד֙ לֵאמֹ֔ר בְּיַ֣ד׀ דָּוִ֣ד עַבְדִּ֗י הוֹשִׁ֜יעַ אֶת־עַמִּ֤י יִשְׂרָאֵל֙ מִיַּ֣ד פְּלִשְׁתִּ֔ים וּמִיַּ֖ד כָּל־אֹיְבֵיהֶֽם׃

19 ‏וַיְדַבֵּ֥ר גַּם־אַבְנֵ֖ר בְּאָזְנֵ֣י בִנְיָמִ֑ין וַיֵּ֣לֶךְ גַּם־אַבְנֵ֗ר לְדַבֵּ֞ר בְּאָזְנֵ֤י דָוִד֙ בְּחֶבְר֔וֹן אֵ֤ת כָּל־אֲשֶׁר־טוֹב֙ בְּעֵינֵ֣י יִשְׂרָאֵ֔ל וּבְעֵינֵ֖י כָּל־בֵּ֥ית בִּנְיָמִֽן׃

20 ‏וַיָּבֹ֨א אַבְנֵ֤ר אֶל־דָּוִד֙ חֶבְר֔וֹן וְאִתּ֖וֹ עֶשְׂרִ֣ים אֲנָשִׁ֑ים וַיַּ֨עַשׂ דָּוִ֧ד לְאַבְנֵ֛ר וְלַאֲנָשִׁ֥ים אֲשֶׁר־אִתּ֖וֹ מִשְׁתֶּֽה׃

21 ‏וַיֹּ֣אמֶר אַבְנֵ֣ר אֶל־דָּוִ֡ד אָק֣וּמָה׀ וְֽאֵלֵ֡כָה וְאֶקְבְּצָה֩ אֶל־אֲדֹנִ֨י הַמֶּ֜לֶךְ אֶת־כָּל־יִשְׂרָאֵ֗ל וְיִכְרְת֤וּ אִתְּךָ֙ בְּרִ֔ית וּמָ֣לַכְתָּ֔ בְּכֹ֥ל אֲשֶׁר־תְּאַוֶּ֖ה נַפְשֶׁ֑ךָ וַיְּשַׁלַּ֥ח דָּוִ֛ד אֶת־אַבְנֵ֖ר וַיֵּ֥לֶךְ בְּשָׁלֽוֹם׃

22 ‏וְהִנֵּה֩ עַבְדֵ֨י דָוִ֤ד וְיוֹאָב֙ בָּ֣א מֵֽהַגְּד֔וּד וְשָׁלָ֥ל רָ֖ב עִמָּ֣ם הֵבִ֑יאוּ וְאַבְנֵ֗ר אֵינֶ֤נּוּ עִם־דָּוִד֙ בְּחֶבְר֔וֹן כִּ֥י שִׁלְּח֖וֹ וַיֵּ֥לֶךְ בְּשָׁלֽוֹם׃

23 ‏וְיוֹאָ֛ב וְכָל־הַצָּבָ֥א אֲשֶׁר־אִתּ֖וֹ בָּ֑אוּ וַיַּגִּ֤דוּ לְיוֹאָב֙ לֵאמֹ֔ר בָּֽא־אַבְנֵ֤ר בֶּן־נֵר֙ אֶל־הַמֶּ֔לֶךְ וַֽיְשַׁלְּחֵ֖הוּ וַיֵּ֥לֶךְ בְּשָׁלֽוֹם׃

24 ‏וַיָּבֹ֤א יוֹאָב֙ אֶל־הַמֶּ֔לֶךְ וַיֹּ֖אמֶר מֶ֣ה עָשִׂ֑יתָה הִנֵּה־בָ֤א אַבְנֵר֙ אֵלֶ֔יךָ לָמָּה־זֶּ֥ה שִׁלַּחְתּ֖וֹ וַיֵּ֥לֶךְ הָלֽוֹךְ׃

25 ‏יָדַ֙עְתָּ֙ אֶת־אַבְנֵ֣ר בֶּן־נֵ֔ר כִּ֥י לְפַתֹּתְךָ֖ בָּ֑א וְלָדַ֜עַת אֶת־מוֹצָֽאֲךָ֙ וְאֶת־מבואך מ֣וֹבָאֶ֔ךָ וְלָדַ֕עַת אֵ֛ת כָּל־אֲשֶׁ֥ר אַתָּ֖ה עֹשֶֽׂה׃

26 ‏וַיֵּצֵ֤א יוֹאָב֙ מֵעִ֣ם דָּוִ֔ד וַיִּשְׁלַ֤ח מַלְאָכִים֙ אַחֲרֵ֣י אַבְנֵ֔ר וַיָּשִׁ֥בוּ אֹת֖וֹ מִבּ֣וֹר הַסִּרָ֑ה וְדָוִ֖ד לֹ֥א יָדָֽע׃

27 ‏וַיָּ֤שָׁב אַבְנֵר֙ חֶבְר֔וֹן וַיַּטֵּ֤הוּ יוֹאָב֙ אֶל־תּ֣וֹךְ הַשַּׁ֔עַר לְדַבֵּ֥ר אִתּ֖וֹ בַּשֶּׁ֑לִי וַיַּכֵּ֤הוּ שָׁם֙ הַחֹ֔מֶשׁ וַיָּ֕מָת בְּדַ֖ם עֲשָׂה־אֵ֥ל אָחִֽיו׃

28 ‏וַיִּשְׁמַ֤ע דָּוִד֙ מֵאַ֣חֲרֵי כֵ֔ן וַיֹּ֗אמֶר נָקִ֨י אָנֹכִ֧י וּמַמְלַכְתִּ֛י מֵעִ֥ם יְהוָ֖ה עַד־עוֹלָ֑ם מִדְּמֵ֖י אַבְנֵ֥ר בֶּן־נֵֽר׃

29 ‏יָחֻ֙לוּ֙ עַל־רֹ֣אשׁ יוֹאָ֔ב וְאֶ֖ל כָּל־בֵּ֣ית אָבִ֑יו וְֽאַל־יִכָּרֵ֣ת מִבֵּ֣ית יוֹאָ֡ב זָ֠ב וּמְצֹרָ֞ע וּמַחֲזִ֥יק בַּפֶּ֛לֶךְ וְנֹפֵ֥ל בַּחֶ֖רֶב וַחֲסַר־לָֽחֶם׃

30 ‏וְיוֹאָב֙ וַאֲבִישַׁ֣י אָחִ֔יו הָרְג֖וּ לְאַבְנֵ֑ר עַל֩ אֲשֶׁ֨ר הֵמִ֜ית אֶת־עֲשָׂהאֵ֧ל אֲחִיהֶ֛ם בְּגִבְע֖וֹן בַּמִּלְחָמָֽה׃ פ

31 ‏וַיֹּאמֶר֩ דָּוִ֨ד אֶל־יוֹאָ֜ב וְאֶל־כָּל־הָעָ֣ם אֲשֶׁר־אִתּ֗וֹ קִרְע֤וּ בִגְדֵיכֶם֙ וְחִגְר֣וּ שַׂקִּ֔ים וְסִפְד֖וּ לִפְנֵ֣י אַבְנֵ֑ר וְהַמֶּ֣לֶךְ דָּוִ֔ד הֹלֵ֖ךְ אַחֲרֵ֥י הַמִּטָּֽה׃

32 ‏וַיִּקְבְּר֥וּ אֶת־אַבְנֵ֖ר בְּחֶבְר֑וֹן וַיִשָּׂ֧א1 הַמֶּ֣לֶךְ אֶת־קוֹל֗וֹ וַיֵּבְךְּ֙ אֶל־קֶ֣בֶר אַבְנֵ֔ר וַיִּבְכּ֖וּ כָּל־הָעָֽם׃ פ

33 ‏וַיְקֹנֵ֥ן הַמֶּ֛לֶךְ אֶל־אַבְנֵ֖ר וַיֹּאמַ֑ר הַכְּמ֥וֹת נָבָ֖ל יָמ֥וּת אַבְנֵֽר׃

34 ‏יָדֶ֣ךָ לֹֽא־אֲסֻר֗וֹת וְרַגְלֶ֙יךָ֙ לֹא־לִנְחֻשְׁתַּ֣יִם הֻגָּ֔שׁוּ כִּנְפ֛וֹל לִפְנֵ֥י בְנֵֽי־עַוְלָ֖ה נָפָ֑לְתָּ וַיֹּסִ֥פוּ כָל־הָעָ֖ם לִבְכּ֥וֹת עָלָֽיו׃

35 ‏וַיָּבֹ֣א כָל־הָעָ֗ם לְהַבְר֧וֹת אֶת־דָּוִ֛ד לֶ֖חֶם בְּע֣וֹד הַיּ֑וֹם וַיִּשָּׁבַ֨ע דָּוִ֜ד לֵאמֹ֗ר כֹּ֣ה יַעֲשֶׂה־לִּ֤י אֱלֹהִים֙ וְכֹ֣ה יֹסִ֔יף כִּ֣י אִם־לִפְנֵ֧י בֽוֹא־הַשֶּׁ֛מֶשׁ אֶטְעַם־לֶ֖חֶם א֥וֹ כָל־מְאֽוּמָה׃

36 ‏וְכָל־הָעָ֣ם הִכִּ֔ירוּ וַיִּיטַ֖ב בְּעֵֽינֵיהֶ֑ם כְּכֹל֙ אֲשֶׁ֣ר עָשָׂ֣ה הַמֶּ֔לֶךְ בְּעֵינֵ֥י כָל־הָעָ֖ם טֽוֹב׃

37 ‏וַיֵּדְע֧וּ כָל־הָעָ֛ם וְכָל־יִשְׂרָאֵ֖ל בַּיּ֣וֹם הַה֑וּא כִּ֣י לֹ֤א הָיְתָה֙ מֵֽהַמֶּ֔לֶךְ לְהָמִ֖ית אֶת־אַבְנֵ֥ר בֶּן־נֵֽר׃ פ

38 ‏וַיֹּ֥אמֶר הַמֶּ֖לֶךְ אֶל־עֲבָדָ֑יו הֲל֣וֹא תֵדְע֔וּ כִּי־שַׂ֣ר וְגָד֗וֹל נָפַ֛ל הַיּ֥וֹם הַזֶּ֖ה בְּיִשְׂרָאֵֽל׃

39 ‏וְאָנֹכִ֨י הַיּ֥וֹם רַךְ֙ וּמָשׁ֣וּחַ מֶ֔לֶךְ וְהָאֲנָשִׁ֥ים הָאֵ֛לֶּה בְּנֵ֥י צְרוּיָ֖ה קָשִׁ֣ים מִמֶּ֑נִּי יְשַׁלֵּ֧ם יְהוָ֛ה לְעֹשֵׂ֥ה הָרָעָ֖ה כְּרָעָתֽוֹ׃ פ

1 watəhî hammiləḥāmâ ’ărukâ bên bêṯ šā’ûl ûḇên bêṯ dāwiḏ wəḏāwiḏ hōlēḵə wəḥāzēq ûḇêṯ šā’ûl hōləḵîm wəḏallîm: s

wayyēləḏû wayyiûāləḏûa ləḏāwiḏ bānîm bəḥeḇərwōn wayəhî ḇəḵwōrwō ’amənwōn la’ăḥînō‘am hayyizərə‘ē’liṯ:

3 ûmišənēhû ḵilə’āḇ la’ăḇîḡēl la’ăḇîḡayil3 ’ēšeṯ nāḇāl hakarəməlî wəhaššəlišî ’aḇəšālwōm ben-ma‘ăḵâ baṯ-taləmay meleḵə gəšûr:

4 wəhārəḇî‘î ’ăḏōnîyâ ḇen-ḥagîṯ wəhaḥămîšî šəfaṭəyâ ḇen-’ăḇîṭāl:

5 wəhaššiššî yiṯərə‘ām lə‘eḡəlâ ’ēšeṯ dāwiḏ ’ēlleh yulləḏû ləḏāwiḏ bəḥeḇərwōn: f

6 wayəhî bihəywōṯ hammiləḥāmâ bên bêṯ šā’ûl ûḇên bêṯ dāwiḏ wə’aḇənēr hāyâ miṯəḥazzēq bəḇêṯ šā’ûl:

7 ûləšā’ûl pileḡeš ûšəmāh riṣəpâ ḇaṯ-’ayyâ wayyō’mer ’el-’aḇənēr madû‘a bā’ṯâ ’el-pîleḡeš ’āḇî:

8 wayyiḥar lə’aḇənēr mə’ōḏ ‘al-diḇərê ’îš-bōšeṯ wayyō’mer hărō’š keleḇ ’ānōḵî ’ăšer lîhûḏâ hayywōm ’e‘ĕśeh-ḥeseḏ ‘im-bêṯ| šā’ûl ’āḇîḵā ’el-’eḥāyw wə’el-mērē‘ēhû wəlō’ himəṣîṯiḵā bəyaḏ-dāwiḏ watifəqōḏ ‘ālay ‘ăwōn hā’iššâ hayywōm:

9 kōh-ya‘ăśeh ’ĕlōhîm lə’aḇənēr wəḵōh yōsîf lwō kî ka’ăšer nišəba‘ yəhwâ ləḏāwiḏ kî-ḵēn ’e‘ĕśeh-llwō:

10 ləha‘ăḇîr hammaməlāḵâ mibêṯ šā’ûl ûləhāqîm ’eṯ-kissē’ ḏāwiḏ ‘al-yiśərā’ēl wə‘al-yəhûḏâ midān wə‘aḏ-bə’ēr šāḇa‘:

11 wəlō’-yāḵōl ‘wōḏ ləhāšîḇ ’eṯ-’aḇənēr dāḇār mîyirə’āṯwō ’ōṯwō: s

12 wayyišəlaḥ ’aḇənēr malə’āḵîm| ’el-dāwiḏ taḥətwō taḥətāyw lē’mōr ləmî-’āreṣ lē’mōr kārəṯâ ḇərîṯəḵā ’itî wəhinnēh yāḏî ‘immāḵə ləhāsēḇ ’ēleyḵā ’eṯ-kāl-yiśərā’ēl:

13 wayyō’mer ṭwōḇ ’ănî ’eḵərōṯ ’itəḵā bərîṯ ’aḵə dāḇār ’eḥāḏ ’ānōḵî šō’ēl mē’itəḵā lē’mōr lō’-ṯirə’eh ’eṯ-pānay kî| ’im-lifənê hĕḇî’ăḵā ’ēṯ mîḵal baṯ-šā’ûl bəḇō’ăḵā lirə’wōṯ ’eṯ-pānāy: s

14 wayyišəlaḥ dāwiḏ malə’āḵîm ’el-’îš-bōšeṯ ben-šā’ûl lē’mōr tənâ ’eṯ-’išətî ’eṯ-mîḵal ’ăšer ’ēraśətî lî bəmē’â ‘ārəlwōṯ pəlišətîm:

15 wayyišəlaḥ ’îš bōšeṯ wayyiqqāḥehā mē‘im ’îš mē‘im paləṭî’ēl ben-lûš lāyiš:

16 wayyēleḵə ’itāh ’îšāh hālwōḵə ûḇāḵōh ’aḥăreyhā ‘aḏ-baḥurîm wayyō’mer ’ēlāyw ’aḇənēr lēḵə šûḇ wayyāšōḇ:

17 ûḏəḇar-’aḇənēr hāyâ ‘im-ziqənê yiśərā’ēl lē’mōr gam-təmwōl gam-šiləšōm hĕyîṯem məḇaqəšîm ’eṯ-dāwiḏ ləmeleḵə ‘ălêḵem:

18 wə‘atâ ‘ăśû kî yəhwâ ’āmar ’el-dāwiḏ lē’mōr bəyaḏ| dāwiḏ ‘aḇədî hwōšî‘a ’eṯ-‘ammî yiśərā’ēl mîyaḏ pəlišətîm ûmîyaḏ kāl-’ōyəḇêhem:

19 wayəḏabēr gam-’aḇənēr bə’āzənê ḇinəyāmîn wayyēleḵə gam-’aḇənēr ləḏabēr bə’āzənê ḏāwiḏ bəḥeḇərwōn ’ēṯ kāl-’ăšer-ṭwōḇ bə‘ênê yiśərā’ēl ûḇə‘ênê kāl-bêṯ binəyāmin:

20 wayyāḇō’ ’aḇənēr ’el-dāwiḏ ḥeḇərwōn wə’itwō ‘eśərîm ’ănāšîm wayya‘aś dāwiḏ lə’aḇənēr wəla’ănāšîm ’ăšer-’itwō mišəteh:

21 wayyō’mer ’aḇənēr ’el-dāwiḏ ’āqûmâ| wə’ēlēḵâ wə’eqəbəṣâ ’el-’ăḏōnî hammeleḵə ’eṯ-kāl-yiśərā’ēl wəyiḵərəṯû ’itəḵā bərîṯ ûmālaḵətā bəḵōl ’ăšer-tə’aûeh nafəšeḵā wayyəšallaḥ dāwiḏ ’eṯ-’aḇənēr wayyēleḵə bəšālwōm:

22 wəhinnēh ‘aḇəḏê ḏāwiḏ wəywō’āḇ bā’ mēhagəḏûḏ wəšālāl rāḇ ‘immām hēḇî’û wə’aḇənēr ’ênennû ‘im-dāwiḏ bəḥeḇərwōn kî šilləḥwō wayyēleḵə bəšālwōm:

23 wəywō’āḇ wəḵāl-haṣṣāḇā’ ’ăšer-’itwō bā’û wayyagiḏû ləywō’āḇ lē’mōr bā’-’aḇənēr ben-nēr ’el-hammeleḵə wayəšalləḥēhû wayyēleḵə bəšālwōm:

24 wayyāḇō’ ywō’āḇ ’el-hammeleḵə wayyō’mer meh ‘āśîṯâ hinnēh-ḇā’ ’aḇənēr ’ēleyḵā lāmmâ-zzeh šillaḥətwō wayyēleḵə hālwōḵə:

25 yāḏa‘ətā ’eṯ-’aḇənēr ben-nēr kî ləfatōṯəḵā bā’ wəlāḏa‘aṯ ’eṯ-mwōṣā’ăḵā wə’eṯ-məḇwō’eḵā mwōḇā’eḵā wəlāḏa‘aṯ ’ēṯ kāl-’ăšer ’atâ ‘ōśeh:

26 wayyēṣē’ ywō’āḇ mē‘im dāwiḏ wayyišəlaḥ malə’āḵîm ’aḥărê ’aḇənēr wayyāšiḇû ’ōṯwō mibwōr hassirâ wəḏāwiḏ lō’ yāḏā‘:

27 wayyāšāḇ ’aḇənēr ḥeḇərwōn wayyaṭṭēhû ywō’āḇ ’el-twōḵə hašša‘ar ləḏabēr ’itwō baššelî wayyakēhû šām haḥōmeš wayyāmāṯ bəḏam ‘ăśâ-’ēl ’āḥîw:

28 wayyišəma‘ dāwiḏ mē’aḥărê ḵēn wayyō’mer nāqî ’ānōḵî ûmaməlaḵətî mē‘im yəhwâ ‘aḏ-‘wōlām midəmê ’aḇənēr ben-nēr:

29 yāḥulû ‘al-rō’š ywō’āḇ wə’el kāl-bêṯ ’āḇîw wə’al-yikārēṯ mibêṯ ywō’āḇ zāḇ ûməṣōrā‘ ûmaḥăzîq bapeleḵə wənōfēl baḥereḇ waḥăsar-lāḥem:

30 wəywō’āḇ wa’ăḇîšay ’āḥîw hārəḡû lə’aḇənēr ‘al ’ăšer hēmîṯ ’eṯ-‘ăśâ’ēl ’ăḥîhem bəḡiḇə‘wōn bammiləḥāmâ: f

31 wayyō’mer dāwiḏ ’el-ywō’āḇ wə’el-kāl-hā‘ām ’ăšer-’itwō qirə‘û ḇiḡəḏêḵem wəḥiḡərû śaqqîm wəsifəḏû lifənê ’aḇənēr wəhammeleḵə dāwiḏ hōlēḵə ’aḥărê hammiṭṭâ:

32 wayyiqəbərû ’eṯ-’aḇənēr bəḥeḇərwōn wayiśśā’1 hammeleḵə ’eṯ-qwōlwō wayyēḇəḵḵə ’el-qeḇer ’aḇənēr wayyiḇəkû kāl-hā‘ām: f

33 wayəqōnēn hammeleḵə ’el-’aḇənēr wayyō’mar hakəmwōṯ nāḇāl yāmûṯ ’aḇənēr:

34 yāḏeḵā lō’-’ăsurwōṯ wəraḡəleyḵā lō’-linəḥušətayim hugāšû kinəfwōl lifənê ḇənê-‘awəlâ nāfālətā wayyōsifû ḵāl-hā‘ām liḇəkwōṯ ‘ālāyw:

35 wayyāḇō’ ḵāl-hā‘ām ləhaḇərwōṯ ’eṯ-dāwiḏ leḥem bə‘wōḏ hayywōm wayyiššāḇa‘ dāwiḏ lē’mōr kōh ya‘ăśeh-llî ’ĕlōhîm wəḵōh yōsîf kî ’im-lifənê ḇwō’-haššemeš ’eṭə‘am-leḥem ’wō ḵāl-mə’ûmâ:

36 wəḵāl-hā‘ām hikîrû wayyîṭaḇ bə‘ênêhem kəḵōl ’ăšer ‘āśâ hammeleḵə bə‘ênê ḵāl-hā‘ām ṭwōḇ:

37 wayyēḏə‘û ḵāl-hā‘ām wəḵāl-yiśərā’ēl bayywōm hahû’ kî lō’ hāyəṯâ mēhammeleḵə ləhāmîṯ ’eṯ-’aḇənēr ben-nēr: f

38 wayyō’mer hammeleḵə ’el-‘ăḇāḏāyw hălwō’ ṯēḏə‘û kî-śar wəḡāḏwōl nāfal hayywōm hazzeh bəyiśərā’ēl:

39 wə’ānōḵî hayywōm raḵə ûmāšûḥa meleḵə wəhā’ănāšîm hā’ēlleh bənê ṣərûyâ qāšîm mimmennî yəšallēm yəhwâ lə‘ōśēh hārā‘â kərā‘āṯwō: f


Next: 2 Samuel (2 Shmuel) Chapter 4