‎1 ‏וַיַּגִּ֥דוּ לְדָוִ֖ד לֵאמֹ֑ר הִנֵּ֤ה פְלִשְׁתִּים֙ נִלְחָמִ֣ים בִּקְעִילָ֔ה וְהֵ֖מָּה שֹׁסִ֥ים אֶת־הַגֳּרָנֽוֹת׃

‎2 ‏וַיִּשְׁאַ֨ל דָּוִ֤ד בַּֽיהוָה֙ לֵאמֹ֔ר הַאֵלֵ֣ךְ וְהִכֵּ֔יתִי בַּפְּלִשְׁתִּ֖ים הָאֵ֑לֶּה סוַיֹּ֨אמֶר יְהוָ֜ה אֶל־דָּוִ֗ד לֵ֚ךְ וְהִכִּ֣יתָ בַפְּלִשְׁתִּ֔ים וְהוֹשַׁעְתָּ֖ אֶת־קְעִילָֽה׃

‎3 ‏וַיֹּ֨אמְר֜וּ אַנְשֵׁ֤י דָוִד֙ אֵלָ֔יו הִנֵּ֨ה אֲנַ֥חְנוּ פֹ֛ה בִּֽיהוּדָ֖ה יְרֵאִ֑ים וְאַף֙ כִּֽי־נֵלֵ֣ךְ קְעִלָ֔ה אֶל־מַֽעַרְכ֖וֹת פְּלִשְׁתִּֽים׃ ס

‎4 ‏וַיּ֨וֹסֶף ע֤וֹד דָּוִד֙ לִשְׁאֹ֣ל בַּֽיהוָ֔ה סוַֽיַּעֲנֵ֖הוּ יְהוָ֑ה וַיֹּ֗אמֶר ק֚וּם רֵ֣ד קְעִילָ֔ה כִּֽי־אֲנִ֥י נֹתֵ֛ן אֶת־פְּלִשְׁתִּ֖ים בְּיָדֶֽךָ׃

‎5 ‏וַיֵּ֣לֶךְ דָּוִד֩ ואנשו וַאֲנָשָׁ֨יו קְעִילָ֜ה וַיִּלָּ֣חֶם בַּפְּלִשְׁתִּ֗ים וַיִּנְהַג֙ אֶת־מִקְנֵיהֶ֔ם וַיַּ֥ךְ בָּהֶ֖ם מַכָּ֣ה גְדוֹלָ֑ה וַיֹּ֣שַׁע דָּוִ֔ד אֵ֖ת יֹשְׁבֵ֥י קְעִילָֽה׃ ס

‎6 ‏וַיְהִ֗י בִּ֠בְרֹחַ אֶבְיָתָ֧ר בֶּן־אֲחִימֶ֛לֶךְ אֶל־דָּוִ֖ד קְעִילָ֑ה אֵפ֖וֹד יָרַ֥ד בְּיָדֽוֹ׃

‎7 ‏וַיֻּגַּ֣ד לְשָׁא֔וּל כִּי־בָ֥א דָוִ֖ד קְעִילָ֑ה וַיֹּ֣אמֶר שָׁא֗וּל נִכַּ֨ר אֹת֤וֹ אֱלֹהִים֙ בְּיָדִ֔י כִּ֚י נִסְגַּ֣ר לָב֔וֹא בְּעִ֖יר דְּלָתַ֥יִם וּבְרִֽיחַ׃

‎8 ‏וַיְשַׁמַּ֥ע שָׁא֛וּל אֶת־כָּל־הָעָ֖ם לַמִּלְחָמָ֑ה לָרֶ֣דֶת קְעִילָ֔ה לָצ֥וּר אֶל־דָּוִ֖ד וְאֶל־אֲנָשָֽׁיו׃

‎9 ‏וַיֵּ֣דַע דָּוִ֔ד כִּ֣י עָלָ֔יו שָׁא֖וּל מַחֲרִ֣ישׁ הָרָעָ֑ה וַיֹּ֙אמֶר֙ אֶל־אֶבְיָתָ֣ר הַכֹּהֵ֔ן הַגִּ֖ישָׁה הָאֵפֽוֹד׃ ס

‎10 ‏וַיֹּאמֶר֮ דָּוִד֒ יְהוָה֙ אֱלֹהֵ֣י יִשְׂרָאֵ֔ל שָׁמֹ֤עַ שָׁמַע֙ עַבְדְּךָ֔ כִּֽי־מְבַקֵּ֥שׁ שָׁא֖וּל לָב֣וֹא אֶל־קְעִילָ֑ה לְשַׁחֵ֥ת לָעִ֖יר בַּעֲבוּרִֽי׃

‎11 ‏הֲיַסְגִּרֻ֣נִי בַעֲלֵי֩ קְעִילָ֨ה בְיָד֜וֹ הֲיֵרֵ֣ד שָׁא֗וּל כַּֽאֲשֶׁר֙ שָׁמַ֣ע עַבְדֶּ֔ךָ יְהוָה֙ אֱלֹהֵ֣י יִשְׂרָאֵ֔ל הַגֶּד־נָ֖א לְעַבְדֶּ֑ךָ סוַיֹּ֥אמֶר יְהוָ֖ה יֵרֵֽד׃

‎12 ‏וַיֹּ֣אמֶר דָּוִ֔ד הֲיַסְגִּ֜רוּ בַּעֲלֵ֧י קְעִילָ֛ה אֹתִ֥י וְאֶת־אֲנָשַׁ֖י בְּיַד־שָׁא֑וּל וַיֹּ֥אמֶר יְהוָ֖ה יַסְגִּֽירוּ׃ ס

‎13 ‏וַיָּקָם֩ דָּוִ֨ד וַאֲנָשָׁ֜יו כְּשֵׁשׁ־מֵא֣וֹת אִ֗ישׁ וַיֵּצְאוּ֙ מִקְּעִלָ֔ה וַיִּֽתְהַלְּכ֖וּ בַּאֲשֶׁ֣ר יִתְהַלָּ֑כוּ וּלְשָׁא֣וּל הֻגַּ֗ד כִּֽי־נִמְלַ֤ט דָּוִד֙ מִקְּעִילָ֔ה וַיֶּחְדַּ֖ל לָצֵֽאת׃

‎14 ‏וַיֵּ֨שֶׁב דָּוִ֤ד בַּמִּדְבָּר֙ בַּמְּצָד֔וֹת וַיֵּ֥שֶׁב בָּהָ֖ר בְּמִדְבַּר־זִ֑יף וַיְבַקְשֵׁ֤הוּ שָׁאוּל֙ כָּל־הַיָּמִ֔ים וְלֹֽא־נְתָנ֥וֹ אֱלֹהִ֖ים בְּיָדֽוֹ׃

‎15 ‏וַיַּ֣רְא דָוִ֔ד¹ כִּֽי־יָצָ֥א שָׁא֖וּל לְבַקֵּ֣שׁ אֶת־נַפְשׁ֑וֹ וְדָוִ֥ד בְּמִדְבַּר־זִ֖יף בַּחֹֽרְשָׁה׃ ס

‎16 ‏וַיָּ֙קָם֙ יְהוֹנָתָ֣ן בֶּן־שָׁא֔וּל וַיֵּ֥לֶךְ אֶל־דָּוִ֖ד חֹ֑רְשָׁה וַיְחַזֵּ֥ק אֶת־יָד֖וֹ בֵּאלֹהִֽים׃

‎17 ‏וַיֹּ֨אמֶר אֵלָ֜יו אַל־תִּירָ֗א כִּ֠י לֹ֤א תִֽמְצָאֲךָ֙ יַ֚ד שָׁא֣וּל אָבִ֔י וְאַתָּה֙ תִּמְלֹ֣ךְ עַל־יִשְׂרָאֵ֔ל וְאָנֹכִ֖י אֶֽהְיֶה־לְּךָ֣ לְמִשְׁנֶ֑ה וְגַם־שָׁא֥וּל אָבִ֖י יֹדֵ֥עַ כֵּֽן׃

‎18 ‏וַיִּכְרְת֧וּ שְׁנֵיהֶ֛ם בְּרִ֖ית לִפְנֵ֣י יְהוָ֑ה וַיֵּ֤שֶׁב דָּוִד֙ בַּחֹ֔רְשָׁה וִיהוֹנָתָ֖ן הָלַ֥ךְ לְבֵיתֽוֹ׃ ס

‎19 ‏וַיַּעֲל֤וּ זִפִים֙ אֶל־שָׁא֔וּל הַגִּבְעָ֖תָה לֵאמֹ֑ר הֲל֣וֹא דָ֠וִד מִסְתַּתֵּ֨ר עִמָּ֤נוּ בַמְּצָדוֹת֙ בַּחֹ֔רְשָׁה בְּגִבְעַת֙ הַֽחֲכִילָ֔ה אֲשֶׁ֖ר מִימִ֥ין הַיְשִׁימֽוֹן׃

‎20 ‏וְ֠עַתָּה לְכָל־אַוַּ֨ת נַפְשְׁךָ֥ הַמֶּ֛לֶךְ לָרֶ֖דֶת רֵ֑ד וְלָ֥נוּ הַסְגִּיר֖וֹ בְּיַ֥ד הַמֶּֽלֶךְ׃

‎21 ‏וַיֹּ֣אמֶר שָׁא֔וּל בְּרוּכִ֥ים אַתֶּ֖ם לַֽיהוָ֑ה כִּ֥י חֲמַלְתֶּ֖ם עָלָֽי׃

‎22 ‏לְכוּ־נָ֞א הָכִ֣ינוּ ע֗וֹד וּדְע֤וּ וּרְאוּ֙ אֶת־מְקוֹמוֹ֙ אֲשֶׁ֣ר תִּֽהְיֶ֣ה רַגְל֔וֹ מִ֥י רָאָ֖הוּ שָׁ֑ם כִּ֚י אָמַ֣ר אֵלַ֔י עָר֥וֹם יַעְרִ֖ם הֽוּא׃

‎23 ‏וּרְא֣וּ וּדְע֗וּ מִכֹּ֤ל הַמַּֽחֲבֹאִים֙ אֲשֶׁ֣ר יִתְחַבֵּ֣א שָׁ֔ם וְשַׁבְתֶּ֤ם אֵלַי֙ אֶל־נָכ֔וֹן וְהָלַכְתִּ֖י אִתְּכֶ֑ם וְהָיָה֙ אִם־יֶשְׁנ֣וֹ בָאָ֔רֶץ וְחִפַּשְׂתִּ֣י אֹת֔וֹ בְּכֹ֖ל אַלְפֵ֥י יְהוּדָֽה׃

‎24 ‏וַיָּק֛וּמוּ וַיֵּלְכ֥וּ זִ֖יפָה לִפְנֵ֣י שָׁא֑וּל וְדָוִ֨ד וַאֲנָשָׁ֜יו בְּמִדְבַּ֤ר מָעוֹן֙ בָּעֲרָבָ֔ה אֶ֖ל יְמִ֥ין הַיְשִׁימֽוֹן׃

‎25 ‏וַיֵּ֨לֶךְ שָׁא֣וּל וַאֲנָשָׁיו֮ לְבַקֵּשׁ֒ וַיַּגִּ֣דוּ³ לְדָוִ֔ד וַיֵּ֣רֶד הַסֶּ֔לַע וַיֵּ֖שֶׁב בְּמִדְבַּ֣ר מָע֑וֹן וַיִּשְׁמַ֣ע שָׁא֔וּל וַיִּרְדֹּ֥ף אַחֲרֵֽי־דָוִ֖ד מִדְבַּ֥ר מָעֽוֹן׃

‎26 ‏וַיֵּ֨לֶךְ שָׁא֜וּל מִצַּ֤ד הָהָר֙ מִזֶּ֔ה וְדָוִ֧ד וַאֲנָשָׁ֛יו מִצַּ֥ד הָהָ֖ר מִזֶּ֑ה וַיְהִ֨י דָוִ֜ד נֶחְפָּ֤ז לָלֶ֙כֶת֙ מִפְּנֵ֣י שָׁא֔וּל וְשָׁא֣וּל וַאֲנָשָׁ֗יו עֹֽטְרִ֛ים אֶל־דָּוִ֥ד וְאֶל־אֲנָשָׁ֖יו לְתָפְשָֽׂם׃

‎27 ‏וּמַלְאָ֣ךְ בָּ֔א אֶל־שָׁא֖וּל לֵאמֹ֑ר מַהֲרָ֣ה וְלֵ֔כָה כִּֽי־פָשְׁט֥וּ פְלִשְׁתִּ֖ים עַל־הָאָֽרֶץ׃

‎28 ‏וַיָּ֣שָׁב שָׁא֗וּל מִרְדֹף֙ אַחֲרֵ֣י דָוִ֔ד וַיֵּ֖לֶךְ לִקְרַ֣את פְּלִשְׁתִּ֑ים עַל־כֵּ֗ן קָֽרְאוּ֙ לַמָּק֣וֹם הַה֔וּא סֶ֖לַע הַֽמַּחְלְקֽוֹת׃

1 wayyagiḏû ləḏāwiḏ lē’mōr hinnēh fəlišətîm niləḥāmîm biqə‘îlâ wəhēmmâ šōsîm ’eṯ-hagŏrānwōṯ:

2 wayyišə’al dāwiḏ bayhwâ lē’mōr ha’ēlēḵə wəhikêṯî bapəlišətîm hā’ēlleh swayyō’mer yəhwâ ’el-dāwiḏ lēḵə wəhikîṯā ḇapəlišətîm wəhwōš^a‘ətā ’eṯ-qə‘îlâ:

3 wayyō’mərû ’anəšê ḏāwiḏ ’ēlāyw hinnēh ’ăn^aḥənû fōh bîhûḏâ yərē’îm wə’af kî-nēlēḵə qə‘ilâ ’el-m^a‘arəḵwōṯ pəlišətîm: s

4 wayywōsef ‘wōḏ dāwiḏ lišə’ōl bayhwâ swayy^a‘ănēhû yəhwâ wayyō’mer qûm rēḏ qə‘îlâ kî-’ănî nōṯēn ’eṯ-pəlišətîm bəyāḏeḵā:

5 wayyēleḵə dāwiḏ wa’ănāšāw wa’ănāšāyw qə‘îlâ wayyillāḥem bapəlišətîm wayyinəhaḡ ’eṯ-miqənêhem wayyaḵə bâem makâ ḡəḏwōlâ wayyōš^a‘ dāwiḏ ’ēṯ yōšəḇê qə‘îlâ: s

6 wayəhî biḇərōḥa ’eḇəyāṯār ben-’ăḥîmeleḵə ’el-dāwiḏ qə‘îlâ ’ēfwōḏ yāraḏ bəyāḏwō:

7 wayyugaḏ ləšā’ûl kî-ḇā’ ḏāwiḏ qə‘îlâ wayyō’mer šā’ûl nikar ’ōṯwō ’ĕlōhîm bəyāḏî kî nisəgar lāḇwō’ bə‘îr dəlāṯayim ûḇərîḥa:

8 wayəšamm^a‘ šā’ûl ’eṯ-kāl-hā‘ām lammiləḥāmâ lāreḏeṯ qə‘îlâ lāṣûr ’el-dāwiḏ wə’el-’ănāšāyw:

9 wayyēḏ^a‘ dāwiḏ kî ‘ālāyw šā’ûl m^aḥărîš hārā‘â wayyō’mer ’el-’eḇəyāṯār hakōhēn hagîšâ hā’ēfwōḏ: s

10 wayyō’mer dāwiḏ yəhwâ ’ĕlōhê yiśərā’ēl šāmō‘a šām^a‘ ‘aḇədəḵā kî-məḇaqqēš šā’ûl lāḇwō’ ’el-qə‘îlâ ləš^aḥēṯ lā‘îr b^a‘ăḇûrî:

11 hăyasəgirunî ḇ^a‘ălê qə‘îlâ ḇəyāḏwō hăyērēḏ šā’ûl ka’ăšer šām^a‘ ‘aḇədeḵā yəhwâ ’ĕlōhê yiśərā’ēl hageḏ-nā’ lə‘aḇədeḵā swayyō’mer yəhwâ yērēḏ:

12 wayyō’mer dāwiḏ hăyasəgirû b^a‘ălê qə‘îlâ ’ōṯî wə’eṯ-’ănāšay bəyaḏ-šā’ûl wayyō’mer yəhwâ yasəgîrû: s

13 wayyāqām dāwiḏ wa’ănāšāyw kəšēš-mē’wōṯ ’îš wayyēṣə’û miqqə‘ilâ wayyiṯəhalləḵû ba’ăšer yiṯəhallāḵû ûləšā’ûl hugaḏ kî-niməlaṭ dāwiḏ miqqə‘îlâ wayyeḥədal lāṣē’ṯ:

14 wayyēšeḇ dāwiḏ bammiḏəbār bamməṣāḏwōṯ wayyēšeḇ bâār bəmiḏəbar-zîf wayəḇaqəšēhû šā’ûl kāl-hayyāmîm wəlō’-nəṯānwō ’ĕlōhîm bəyāḏwō:

15 wayyarə’ ḏāwiḏ¹ kî-yāṣā’ šā’ûl ləḇaqqēš ’eṯ-nafəšwō wəḏāwiḏ bəmiḏəbar-zîf b^aḥōrəšâ: s

16 wayyāqām yəhwōnāṯān ben-šā’ûl wayyēleḵə ’el-dāwiḏ ḥōrəšâ wayəḥazzēq ’eṯ-yāḏwō bē’lōhîm:

17 wayyō’mer ’ēlāyw ’al-tîrā’ kî lō’ ṯiməṣā’ăḵā yaḏ šā’ûl ’āḇî wə’atâ timəlōḵə ‘al-yiśərā’ēl wə’ānōḵî ’ehəyeh-lləḵā ləmišəneh wəḡam-šā’ûl ’āḇî yōḏē‘a kēn:

18 wayyiḵərəṯû šənêhem bərîṯ lifənê yəhwâ wayyēšeḇ dāwiḏ b^aḥōrəšâ wîhwōnāṯān hālaḵə ləḇêṯwō: s

19 wayy^a‘ălû zifîm ’el-šā’ûl hagiḇə‘āṯâ lē’mōr hălwō’ ḏāwiḏ misətatēr ‘immānû ḇamməṣāḏwōṯ b^aḥōrəšâ bəḡiḇə‘aṯ h^aḥăḵîlâ ’ăšer mîmîn hayəšîmwōn:

20 wə‘atâ ləḵāl-’aûaṯ nafəšəḵā hammeleḵə lāreḏeṯ rēḏ wəlānû hasəgîrwō bəyaḏ hammeleḵə:

21 wayyō’mer šā’ûl bərûḵîm ’atem layhwâ kî ḥămalətem ‘ālāy:

22 ləḵû-nā’ hāḵînû ‘wōḏ ûḏə‘û ûrə’û ’eṯ-məqwōmwō ’ăšer tihəyeh raḡəlwō mî rā’âû šām kî ’āmar ’ēlay ‘ārwōm y^a‘ərim hû’:

23 ûrə’û ûḏə‘û mikōl hamm^aḥăḇō’îm ’ăšer yiṯəḥabē’ šām wəšaḇətem ’ēlay ’el-nāḵwōn wəhālaḵətî ’itəḵem wəhāyâ ’im-yešənwō ḇā’āreṣ wəḥipaśətî ’ōṯwō bəḵōl ’aləfê yəhûḏâ:

24 wayyāqûmû wayyēləḵû zîfâ lifənê šā’ûl wəḏāwiḏ wa’ănāšāyw bəmiḏəbar mā‘wōn bā‘ărāḇâ ’el yəmîn hayəšîmwōn:

25 wayyēleḵə šā’ûl wa’ănāšāyw ləḇaqqēš wayyagiḏû³ ləḏāwiḏ wayyēreḏ hassel^a‘ wayyēšeḇ bəmiḏəbar mā‘wōn wayyišəm^a‘ šā’ûl wayyirədōf ’^aḥărê-ḏāwiḏ miḏəbar mā‘wōn:

26 wayyēleḵə šā’ûl miṣṣaḏ hâār mizzeh wəḏāwiḏ wa’ănāšāyw miṣṣaḏ hâār mizzeh wayəhî ḏāwiḏ neḥəpāz lāleḵeṯ mipənê šā’ûl wəšā’ûl wa’ănāšāyw ‘ōṭərîm ’el-dāwiḏ wə’el-’ănāšāyw ləṯāfəśām:

27 ûmalə’āḵə bā’ ’el-šā’ûl lē’mōr mahărâ wəlēḵâ kî-fāšəṭû fəlišətîm ‘al-hā’āreṣ:

28 wayyāšāḇ šā’ûl mirəḏōf ’^aḥărê ḏāwiḏ wayyēleḵə liqəra’ṯ pəlišətîm ‘al-kēn qārə’û lammāqwōm hahû’ sel^a‘ hamm^aḥələqwōṯ: