Sacred Texts  Bible  Index 
Polyglot  KJV  Sep  Vul 

Ezekiel (Yechezqel) Index
  Previous  Next 

Tanach (Hebrew): Ezekiel (Yechezqel) Chapter 41

1 ‏וַיְבִיאֵ֖נִי אֶל־הַהֵיכָ֑ל וַיָּ֣מָד אֶת־הָאֵילִ֗ים שֵׁשׁ־אַמּ֨וֹת רֹ֧חַב־מִפּ֛וֹ וְשֵׁשׁ־אַמּֽוֹת־רֹ֥חַב מִפּ֖וֹ רֹ֥חַב הָאֹֽהֶל׃

2 ‏וְרֹ֣חַב הַפֶּתַח֮ עֶ֣שֶׂר אַמּוֹת֒ וְכִתְפ֣וֹת הַפֶּ֔תַח חָמֵ֤שׁ אַמּוֹת֙ מִפּ֔וֹ וְחָמֵ֥שׁ אַמּ֖וֹת מִפּ֑וֹ וַיָּ֤מָד אָרְכּוֹ֙ אַרְבָּעִ֣ים אַמָּ֔ה וְרֹ֖חַב עֶשְׂרִ֥ים אַמָּֽה׃

3 ‏וּבָ֣א לִפְנִ֔ימָה וַיָּ֥מָד אֵֽיל־הַפֶּ֖תַח שְׁתַּ֣יִם אַמּ֑וֹת וְהַפֶּ֙תַח֙ שֵׁ֣שׁ אַמּ֔וֹת וְרֹ֥חַב הַפֶּ֖תַח שֶׁ֥בַע אַמּֽוֹת׃

4 ‏וַיָּ֨מָד אֶת־אָרְכּ֜וֹ עֶשְׂרִ֣ים אַמָּ֗ה וְרֹ֛חַב עֶשְׂרִ֥ים אַמָּ֖ה אֶל־פְּנֵ֣י הַֽהֵיכָ֑ל וַיֹּ֣אמֶר אֵלַ֔י זֶ֖ה קֹ֥דֶשׁ הַקֳּדָשִֽׁים׃

5 ‏וַיָּ֥מָד קִֽיר־הַבַּ֖יִת שֵׁ֣שׁ אַמּ֑וֹת וְרֹ֣חַב הַצֵּלָע֩ אַרְבַּ֨ע אַמּ֜וֹת סָבִ֧יב׀ סָבִ֛יב לַבַּ֖יִת סָבִֽיב׃

6 ‏וְהַצְּלָעוֹת֩ צֵלָ֨ע אֶל־צֵלָ֜ע שָׁל֧וֹשׁ וּשְׁלֹשִׁ֣ים פְּעָמִ֗ים וּ֠בָאוֹת בַּקִּ֨יר אֲשֶׁר־לַבַּ֧יִת לַצְּלָע֛וֹת סָבִ֥יב׀ סָבִ֖יב לִהְי֣וֹת אֲחוּזִ֑ים וְלֹֽא־יִהְי֥וּ אֲחוּזִ֖ים בְּקִ֥יר הַבָּֽיִת׃

7 ‏וְֽרָחֲבָ֡ה וְֽנָסְבָה֩ לְמַ֨עְלָה לְמַ֜עְלָה לַצְּלָע֗וֹת כִּ֣י מֽוּסַב־הַ֠בַּיִת לְמַ֨עְלָה לְמַ֜עְלָה סָבִ֤יב׀ סָבִיב֙ לַבַּ֔יִת עַל־כֵּ֥ן רֹֽחַב־לַבַּ֖יִת לְמָ֑עְלָה וְכֵ֧ן הַתַּחְתּוֹנָ֛ה יַעֲלֶ֥ה עַל־הָעֶלְיוֹנָ֖ה לַתִּיכוֹנָֽה׃

8 ‏וְרָאִ֧יתִי לַבַּ֛יִת גֹּ֖בַהּ סָבִ֣יב׀ סָבִ֑יב מיסדות מוּסְד֤וֹת הַצְּלָעוֹת֙ מְל֣וֹ הַקָּנֶ֔ה שֵׁ֥שׁ אַמּ֖וֹת אַצִּֽילָה׃

9 ‏רֹ֣חַב הַקִּ֧יר אֲ‍ֽשֶׁר־לַצֵּלָ֛ע אֶל־הַח֖וּץ חָמֵ֣שׁ אַמּ֑וֹת וַאֲשֶׁ֣ר מֻנָּ֔ח בֵּ֥ית צְלָע֖וֹת אֲשֶׁ֥ר לַבָּֽיִת׃

10 ‏וּבֵ֨ין הַלְּשָׁכ֜וֹת רֹ֣חַב עֶשְׂרִ֥ים אַמָּ֛ה סָבִ֥יב לַבַּ֖יִת סָבִ֥יב׀ סָבִֽיב׃

11 ‏וּפֶ֤תַח הַצֵּלָע֙ לַמֻּנָּ֔ח פֶּ֤תַח אֶחָד֙ דֶּ֣רֶךְ הַצָּפ֔וֹן וּפֶ֥תַח אֶחָ֖ד לַדָּר֑וֹם וְרֹ֙חַב֙ מְק֣וֹם הַמֻּנָּ֔ח חָמֵ֥שׁ אַמּ֖וֹת סָבִ֥יב׀ סָבִֽיב׃

12 ‏וְהַבִּנְיָ֡ן אֲשֶׁר֩ אֶל־פְּנֵ֨י הַגִּזְרָ֜ה פְּאַ֣ת דֶּֽרֶךְ־הַיָּ֗ם רֹ֚חַב שִׁבְעִ֣ים אַמָּ֔ה וְקִ֧יר הַבִּנְיָ֛ן חָֽמֵשׁ־אַמּ֥וֹת רֹ֖חַב סָבִ֣יב׀ סָבִ֑יב וְאָרְכּ֖וֹ תִּשְׁעִ֥ים אַמָּֽה׃

13 ‏וּמָדַ֣ד אֶת־הַבַּ֔יִת אֹ֖רֶךְ מֵאָ֣ה אַמָּ֑ה וְהַגִּזְרָ֤ה וְהַבִּנְיָה֙ וְקִ֣ירוֹתֶ֔יהָ אֹ֖רֶךְ מֵאָ֥ה אַמָּֽה׃

14 ‏וְרֹחַב֩ פְּנֵ֨י הַבַּ֧יִת וְהַגִּזְרָ֛ה לַקָּדִ֖ים מֵאָ֥ה אַמָּֽה׃

15 ‏וּמָדַ֣ד אֹֽרֶךְ־הַ֠בִּנְיָן אֶל־פְּנֵ֨י הַגִּזְרָ֜ה אֲשֶׁ֨ר עַל־אַחֲרֶ֧יהָ ואתוקיהא וְאַתִּיקֶ֛יהָא מִפּ֥וֹ וּמִפּ֖וֹ מֵאָ֣ה אַמָּ֑ה וְהַֽהֵיכָל֙ הַפְּנִימִ֔י וְאֻֽלַמֵּ֖י הֶחָצֵֽר׃

16 ‏הַסִּפִּ֡ים וְהַחַלּוֹנִ֣ים הָ֠אֲטֻמוֹת וְהָאַתִּיקִ֤ים׀ סָבִיב֙ לִשְׁלָשְׁתָּ֔ם נֶ֧גֶד הַסַּ֛ף שְׂחִ֥יף עֵ֖ץ סָבִ֣יב׀ סָבִ֑יב וְהָאָ֙רֶץ֙ עַד־הַֽחַלֹּנ֔וֹת וְהַֽחַלֹּנ֖וֹת מְכֻסּֽוֹת׃

17 ‏עַל־מֵעַ֣ל הַפֶּ֡תַח וְעַד־הַבַּיִת֩ הַפְּנִימִ֨י וְלַח֜וּץ וְאֶל־כָּל־הַקִּ֨יר סָבִ֧יב׀ סָבִ֛יב בַּפְּנִימִ֥י וּבַחִיצ֖וֹן מִדּֽוֹת׃

18 ‏וְעָשׂ֥וּי כְּרוּבִ֖ים וְתִֽמֹרִ֑ים וְתִֽמֹרָה֙ בֵּין־כְּר֣וּב לִכְר֔וּב וּשְׁנַ֥יִם פָּנִ֖ים לַכְּרֽוּב׃

19 ‏וּפְנֵ֨י אָדָ֤ם אֶל־הַתִּֽמֹרָה֙ מִפּ֔וֹ וּפְנֵֽי־כְפִ֥יר אֶל־הַתִּֽמֹרָ֖ה מִפּ֑וֹ עָשׂ֥וּי אֶל־כָּל־הַבַּ֖יִת סָבִ֥יב׀ סָבִֽיב׃

20 ‏מֵהָאָ֙רֶץ֙ עַד־מֵעַ֣ל הַפֶּ֔תַח הַכְּרוּבִ֥ים וְהַתִּֽמֹרִ֖ים עֲשׂוּיִ֑ם וְקִ֖יר הַׅהֵׅיׅכָֽׅלׅ׃4

21 ‏הַֽהֵיכָ֖ל מְזוּזַ֣ת רְבֻעָ֑ה וּפְנֵ֣י הַקֹּ֔דֶשׁ הַמַּרְאֶ֖ה כַּמַּרְאֶֽה׃

22 ‏הַמִּזְבֵּ֡חַ עֵ֣ץ שָׁלוֹשׁ֩ אַמּ֨וֹת גָּבֹ֜הַּ וְאָרְכּ֣וֹ שְׁתַּֽיִם־אַמּ֗וֹת וּמִקְצֹֽעוֹתָיו֙ ל֔וֹ וְאָרְכּ֥וֹ וְקִֽירֹתָ֖יו עֵ֑ץ וַיְדַבֵּ֣ר אֵלַ֔י זֶ֚ה הַשֻּׁלְחָ֔ן אֲשֶׁ֖ר לִפְנֵ֥י יְהוָֽה׃

23 ‏וּשְׁתַּ֧יִם דְּלָת֛וֹת לַֽהֵיכָ֖ל וְלַקֹּֽדֶשׁ׃

24 ‏וּשְׁתַּ֥יִם דְּלָת֖וֹת לַדְּלָת֑וֹת שְׁ֚תַּיִם מוּסַבּ֣וֹת דְּלָת֔וֹת שְׁ֚תַּיִם לְדֶ֣לֶת אֶחָ֔ת וּשְׁתֵּ֥י דְלָת֖וֹת לָאַחֶֽרֶת׃

25 ‏וַעֲשׂוּיָ֨ה אֲלֵיהֶ֜ן אֶל־דַּלְת֤וֹת הַֽהֵיכָל֙ כְּרוּבִ֣ים וְתִֽמֹרִ֔ים כַּאֲשֶׁ֥ר עֲשׂוּיִ֖ם לַקִּיר֑וֹת וְעָ֥ב עֵ֛ץ אֶל־פְּנֵ֥י הָאוּלָ֖ם מֵהַחֽוּץ׃

26 ‏וְחַלּוֹנִ֨ים אֲטֻמ֤וֹת וְתִֽמֹרִים֙ מִפּ֣וֹ וּמִפּ֔וֹ אֶל־כִּתְפ֖וֹת הָֽאוּלָ֑ם וְצַלְע֥וֹת הַבַּ֖יִת וְהָעֻבִּֽים׃

1 wayəḇî’ēnî ’el-hahêḵāl wayyāmāḏ ’eṯ-hā’êlîm šēš-’ammwōṯ rōḥaḇ-mipwō wəšēš-’ammwōṯ-rōḥaḇ mipwō rōḥaḇ hā’ōhel:

2 wərōḥaḇ hapeṯaḥ ‘eśer ’ammwōṯ wəḵiṯəfwōṯ hapeṯaḥ ḥāmēš ’ammwōṯ mipwō wəḥāmēš ’ammwōṯ mipwō wayyāmāḏ ’ārəkwō ’arəbā‘îm ’ammâ wərōḥaḇ ‘eśərîm ’ammâ:

3 ûḇā’ lifənîmâ wayyāmāḏ ’êl-hapeṯaḥ šətayim ’ammwōṯ wəhapeṯaḥ šēš ’ammwōṯ wərōḥaḇ hapeṯaḥ šeḇa‘ ’ammwōṯ:

4 wayyāmāḏ ’eṯ-’ārəkwō ‘eśərîm ’ammâ wərōḥaḇ ‘eśərîm ’ammâ ’el-pənê hahêḵāl wayyō’mer ’ēlay zeh qōḏeš haqqŏḏāšîm:

5 wayyāmāḏ qîr-habayiṯ šēš ’ammwōṯ wərōḥaḇ haṣṣēlā‘ ’arəba‘ ’ammwōṯ sāḇîḇ| sāḇîḇ labayiṯ sāḇîḇ:

6 wəhaṣṣəlā‘wōṯ ṣēlā‘ ’el-ṣēlā‘ šālwōš ûšəlōšîm pə‘āmîm ûḇā’wōṯ baqqîr ’ăšer-labayiṯ laṣṣəlā‘wōṯ sāḇîḇ| sāḇîḇ lihəywōṯ ’ăḥûzîm wəlō’-yihəyû ’ăḥûzîm bəqîr habāyiṯ:

7 wərāḥăḇâ wənāsəḇâ ləma‘əlâ ləma‘əlâ laṣṣəlā‘wōṯ kî mûsaḇ-habayiṯ ləma‘əlâ ləma‘əlâ sāḇîḇ| sāḇîḇ labayiṯ ‘al-kēn rōḥaḇ-labayiṯ ləmā‘əlâ wəḵēn hataḥətwōnâ ya‘ăleh ‘al-hā‘eləywōnâ latîḵwōnâ:

8 wərā’îṯî labayiṯ gōḇah sāḇîḇ| sāḇîḇ məyussəḏwōṯ mûsəḏwōṯ haṣṣəlā‘wōṯ məlwō haqqāneh šēš ’ammwōṯ ’aṣṣîlâ:

9 rōḥaḇ haqqîr ’ă‍šer-laṣṣēlā‘ ’el-haḥûṣ ḥāmēš ’ammwōṯ wa’ăšer munnāḥ bêṯ ṣəlā‘wōṯ ’ăšer labāyiṯ:

10 ûḇên halləšāḵwōṯ rōḥaḇ ‘eśərîm ’ammâ sāḇîḇ labayiṯ sāḇîḇ| sāḇîḇ:

11 ûfeṯaḥ haṣṣēlā‘ lammunnāḥ peṯaḥ ’eḥāḏ dereḵə haṣṣāfwōn ûfeṯaḥ ’eḥāḏ ladārwōm wərōḥaḇ məqwōm hammunnāḥ ḥāmēš ’ammwōṯ sāḇîḇ| sāḇîḇ:

12 wəhabinəyān ’ăšer ’el-pənê hagizərâ pə’aṯ dereḵə-hayyām rōḥaḇ šiḇə‘îm ’ammâ wəqîr habinəyān ḥāmēš-’ammwōṯ rōḥaḇ sāḇîḇ| sāḇîḇ wə’ārəkwō tišə‘îm ’ammâ:

13 ûmāḏaḏ ’eṯ-habayiṯ ’ōreḵə mē’â ’ammâ wəhagizərâ wəhabinəyâ wəqîrwōṯeyhā ’ōreḵə mē’â ’ammâ:

14 wərōḥaḇ pənê habayiṯ wəhagizərâ laqqāḏîm mē’â ’ammâ:

15 ûmāḏaḏ ’ōreḵə-habinəyān ’el-pənê hagizərâ ’ăšer ‘al-’aḥăreyhā wə’atûqêhā’ wə’atîqeyhā’ mipwō ûmipwō mē’â ’ammâ wəhahêḵāl hapənîmî wə’ulammê heḥāṣēr:

16 hassipîm wəhaḥallwōnîm hā’ăṭumwōṯ wəhā’atîqîm| sāḇîḇ lišəlāšətām neḡeḏ hassaf śəḥîf ‘ēṣ sāḇîḇ| sāḇîḇ wəhā’āreṣ ‘aḏ-haḥallōnwōṯ wəhaḥallōnwōṯ məḵusswōṯ:

17 ‘al-mē‘al hapeṯaḥ wə‘aḏ-habayiṯ hapənîmî wəlaḥûṣ wə’el-kāl-haqqîr sāḇîḇ| sāḇîḇ bapənîmî ûḇaḥîṣwōn midwōṯ:

18 wə‘āśûy kərûḇîm wəṯimōrîm wəṯimōrâ bên-kərûḇ liḵərûḇ ûšənayim pānîm lakərûḇ:

19 ûfənê ’āḏām ’el-hatimōrâ mipwō ûfənê-ḵəfîr ’el-hatimōrâ mipwō ‘āśûy ’el-kāl-habayiṯ sāḇîḇ| sāḇîḇ:

20 mēhā’āreṣ ‘aḏ-mē‘al hapeṯaḥ hakərûḇîm wəhatimōrîm ‘ăśûyim wəqîr haׅhēׅyׅḵāׅlׅ:4

21 hahêḵāl məzûzaṯ rəḇu‘â ûfənê haqqōḏeš hammarə’eh kammarə’eh:

22 hammizəbēḥa ‘ēṣ šālwōš ’ammwōṯ gāḇōhha wə’ārəkwō šətayim-’ammwōṯ ûmiqəṣō‘wōṯāyw lwō wə’ārəkwō wəqîrōṯāyw ‘ēṣ wayəḏabēr ’ēlay zeh haššuləḥān ’ăšer lifənê yəhwâ:

23 ûšətayim dəlāṯwōṯ lahêḵāl wəlaqqōḏeš:

24 ûšətayim dəlāṯwōṯ ladəlāṯwōṯ šətayim mûsabwōṯ dəlāṯwōṯ šətayim ləḏeleṯ ’eḥāṯ ûšətê ḏəlāṯwōṯ lā’aḥereṯ:

25 wa‘ăśûyâ ’ălêhen ’el-daləṯwōṯ hahêḵāl kərûḇîm wəṯimōrîm ka’ăšer ‘ăśûyim laqqîrwōṯ wə‘āḇ ‘ēṣ ’el-pənê hā’ûlām mēhaḥûṣ:

26 wəḥallwōnîm ’ăṭumwōṯ wəṯimōrîm mipwō ûmipwō ’el-kiṯəfwōṯ hā’ûlām wəṣalə‘wōṯ habayiṯ wəhā‘ubîm:


Next: Ezekiel (Yechezqel) Chapter 42