‎1 ‏וַיַּ֨עַשׂ יֹאשִׁיָּ֧הוּ בִֽירוּשָׁלִַ֛ם פֶּ֖סַח לַיהוָ֑ה וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֥דֶשׁ הָרִאשֽׁוֹן׃

‎2 ‏וַיַּעֲמֵ֥ד הַכֹּהֲנִ֖ים עַל־מִשְׁמְרוֹתָ֑ם וַֽיְחַזְּקֵ֔ם לַעֲבוֹדַ֖ת בֵּ֥ית יְהוָֽה׃

‎3 ‏וַיֹּ֣אמֶר לַ֠לְוִיִּם המבונים הַמְּבִינִ֨ים לְכָל־יִשְׂרָאֵ֜ל הַקְּדוֹשִׁ֣ים לַיהוָ֗ה תְּנ֤וּ אֶת־אֲרוֹן־הַקֹּ֙דֶשׁ֙ בַּ֠בַּיִת אֲשֶׁ֨ר בָּנָ֜ה שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל אֵין־לָכֶ֥ם מַשָּׂ֖א בַּכָּתֵ֑ף עַתָּ֗ה עִבְדוּ֙ אֶת־יְהוָ֣ה אֱלֹֽהֵיכֶ֔ם וְאֵ֖ת עַמּ֥וֹ יִשְׂרָאֵֽל׃

‎4 ‏והכונו וְהָכִ֥ינוּ⁹ לְבֵית־אֲבוֹתֵיכֶ֖ם כְּמַחְלְקוֹתֵיכֶ֑ם בִּכְתָ֗ב דָּוִיד֙ מֶ֣לֶךְ יִשְׂרָאֵ֔ל וּבְמִכְתַּ֖ב שְׁלֹמֹ֥ה בְנֽוֹ׃

‎5 ‏וְעִמְד֣וּ בַקֹּ֗דֶשׁ לִפְלֻגּוֹת֙ בֵּ֣ית הָֽאָב֔וֹת לַאֲחֵיכֶ֖ם בְּנֵ֣י הָעָ֑ם וַחֲלֻקַּ֥ת בֵּֽית־אָ֖ב לַלְוִיִּֽם׃

‎6 ‏וְשַׁחֲט֖וּ הַפָּ֑סַח וְהִתְקַדְּשׁוּ֙ וְהָכִ֣ינוּ לַאֲחֵיכֶ֔ם לַעֲשׂ֥וֹת כִּדְבַר־יְהוָ֖ה בְּיַד־מֹשֶֽׁה׃ פ

‎7 ‏וַיָּ֣רֶם יֹאשִׁיָּ֣הוּ לִבְנֵ֪י הָעָ֟ם צֹ֞אן כְּבָשִׂ֣ים וּבְנֵֽי־עִזִּים֮ הַכֹּ֣ל לַפְּסָחִים֒ לְכָל־הַנִּמְצָ֗א לְמִסְפַּר֙ שְׁלֹשִׁ֣ים אֶ֔לֶף וּבָקָ֖ר שְׁלֹ֣שֶׁת אֲלָפִ֑ים אֵ֖לֶּה מֵרְכ֥וּשׁ הַמֶּֽלֶךְ׃ ס

‎8 ‏וְשָׂרָ֞יו לִנְדָבָ֥ה לָעָ֛ם לַכֹּהֲנִ֥ים וְלַלְוִיִּ֖ם הֵרִ֑ימוּ חִלְקִיָּ֨ה וּזְכַרְיָ֜הוּ וִֽיחִיאֵ֗ל נְגִידֵי֙ בֵּ֣ית הָאֱלֹהִ֔ים לַכֹּהֲנִ֞ים נָתְנ֣וּ לַפְּסָחִ֗ים אַלְפַּ֙יִם֙ וְשֵׁ֣שׁ מֵא֔וֹת וּבָקָ֖ר שְׁלֹ֥שׁ מֵאֽוֹת׃

‎9 ‏וכונניהו וְ֠כָֽנַנְיָהוּ וּשְׁמַֽעְיָ֨הוּ וּנְתַנְאֵ֜ל אֶחָ֗יו וַחֲשַׁבְיָ֧הוּ וִיעִיאֵ֛ל וְיוֹזָבָ֖ד שָׂרֵ֣י הַלְוִיִּ֑ם הֵרִ֨ימוּ לַלְוִיִּ֤ם לַפְּסָחִים֙ חֲמֵ֣שֶׁת אֲלָפִ֔ים וּבָקָ֖ר חֲמֵ֥שׁ מֵאֽוֹת׃

‎10 ‏וַתִּכּ֖וֹן הָעֲבוֹדָ֑ה וַיַּֽעַמְד֨וּ הַכֹּהֲנִ֧ים עַל־עָמְדָ֛ם וְהַלְוִיִּ֥ם עַל־מַחְלְקוֹתָ֖ם כְּמִצְוַ֥ת הַמֶּֽלֶךְ׃

‎11 ‏וַֽיִּשְׁחֲט֖וּ הַפָּ֑סַח וַיִּזְרְק֤וּ הַכֹּהֲנִים֙ מִיָּדָ֔ם וְהַלְוִיִּ֖ם מַפְשִׁיטִֽים׃

‎12 ‏וַיָּסִ֨ירוּ הָעֹלָ֜ה לְ֠תִתָּם לְמִפְלַגּ֤וֹת לְבֵית־אָבוֹת֙ לִבְנֵ֣י הָעָ֔ם לְהַקְרִיב֙ לַיהוָ֔ה כַּכָּת֖וּב בְּסֵ֣פֶר מֹשֶׁ֑ה וְכֵ֖ן לַבָּקָֽר׃

‎13 ‏וַֽיְבַשְּׁל֥וּ הַפֶּ֛סַח בָּאֵ֖שׁ כַּמִּשְׁפָּ֑ט וְהַקֳּדָשִׁ֣ים בִּשְּׁל֗וּ בַּסִּיר֤וֹת וּבַדְּוָדִים֙ וּבַצֵּ֣לָח֔וֹת וַיָּרִ֖יצוּ לְכָל־בְּנֵ֥י הָעָֽם׃

‎14 ‏וְאַחַ֗ר הֵכִ֤ינוּ לָהֶם֙ וְלַכֹּ֣הֲנִ֔ים כִּ֤י הַכֹּהֲנִים֙ בְּנֵ֣י אַהֲרֹ֔ן בְּהַֽעֲל֛וֹת הָעוֹלָ֥ה וְהַחֲלָבִ֖ים עַד־לָ֑יְלָה וְהַלְוִיִּם֙ הֵכִ֣ינוּ לָהֶ֔ם וְלַכֹּהֲנִ֖ים בְּנֵ֥י אַהֲרֹֽן׃

‎15 ‏וְהַמְשֹֽׁרֲרִ֨ים בְּנֵי־אָסָ֜ף עַל־מַעֲמָדָ֗ם כְּמִצְוַ֤ת דָּוִיד֙ וְאָסָ֞ף וְהֵימָ֤ן וִֽידֻתוּן֙ חוֹזֵ֣ה הַמֶּ֔לֶךְ וְהַשֹּׁעֲרִ֖ים לְשַׁ֣עַר וָשָׁ֑עַר¹ אֵ֣ין לָהֶ֗ם לָסוּר֙ מֵעַ֣ל עֲבֹֽדָתָ֔ם כִּֽי־אֲחֵיהֶ֥ם הַלְוִיִּ֖ם הֵכִ֥ינוּ לָהֶֽם׃

‎16 ‏וַ֠תִּכּוֹן כָּל־עֲבוֹדַ֨ת יְהוָ֜ה בַּיּ֤וֹם הַהוּא֙ לַעֲשׂ֣וֹת הַפֶּ֔סַח וְהַעֲל֣וֹת עֹל֔וֹת עַ֖ל מִזְבַּ֣ח יְהוָ֑ה כְּמִצְוַ֖ת הַמֶּ֥לֶךְ יֹאשִׁיָּֽהוּ׃

‎17 ‏וַיַּעֲשׂ֨וּ בְנֵֽי־יִשְׂרָאֵ֧ל הַֽנִּמְצְאִ֛ים אֶת־הַפֶּ֖סַח בָּעֵ֣ת הַהִ֑יא וְאֶת־חַ֥ג הַמַּצּ֖וֹת שִׁבְעַ֥ת יָמִֽים׃

‎18 ‏וְלֹֽא־נַעֲשָׂ֨ה פֶ֤סַח כָּמֹ֙הוּ֙ בְּיִשְׂרָאֵ֔ל מִימֵ֖י שְׁמוּאֵ֣ל הַנָּבִ֑יא וְכָל־מַלְכֵ֣י יִשְׂרָאֵ֣ל׀ לֹֽא־עָשׂ֡וּ כַּפֶּ֣סַח אֲשֶׁר־עָשָׂ֣ה יֹֽ֠אשִׁיָּהוּ וְהַכֹּהֲנִ֨ים וְהַלְוִיִּ֤ם וְכָל־יְהוּדָה֙ וְיִשְׂרָאֵ֣ל הַנִּמְצָ֔א וְיוֹשְׁבֵ֖י יְרוּשָׁלִָֽם׃ ס

‎19 ‏בִּשְׁמוֹנֶ֤ה עֶשְׂרֵה֙ שָׁנָ֔ה לְמַלְכ֖וּת יֹאשִׁיָּ֑הוּ נַעֲשָׂ֖ה הַפֶּ֥סַח הַזֶּֽה׃

‎20 ‏אַחֲרֵ֣י כָל־זֹ֗את אֲשֶׁ֨ר הֵכִ֤ין יֹֽאשִׁיָּ֙הוּ֙ אֶת־הַבַּ֔יִת עָלָ֞ה נְכ֧וֹ מֶֽלֶךְ־מִצְרַ֛יִם לְהִלָּחֵ֥ם בְּכַרְכְּמִ֖ישׁ עַל־פְּרָ֑ת וַיֵּצֵ֥א לִקְרָאת֖וֹ יֹאשִׁיָּֽהוּ׃

‎21 ‏וַיִּשְׁלַ֣ח אֵלָ֣יו מַלְאָכִ֣ים׀ לֵאמֹר֩׀ מַה־לִּ֨י וָלָ֜ךְ מֶ֣לֶךְ יְהוּדָ֗ה לֹא־עָלֶ֨יךָ אַתָּ֤ה הַיּוֹם֙ כִּ֚י אֶל־בֵּ֣ית מִלְחַמְתִּ֔י וֵאלֹהִ֖ים אָמַ֣ר לְבַֽהֲלֵ֑נִי חֲדַל־לְךָ֛ מֵאֱלֹהִ֥ים אֲשֶׁר־עִמִּ֖י וְאַל־יַשְׁחִיתֶֽךָ׃

‎22 ‏וְלֹֽא־הֵסֵב֩ יֹאשִׁיָּ֨הוּ פָנָ֜יו מִמֶּ֗נּוּ כִּ֤י לְהִלָּחֵֽם־בּוֹ֙ הִתְחַפֵּ֔שׂ וְלֹ֥א שָׁמַ֛ע אֶל־דִּבְרֵ֥י נְכ֖וֹ מִפִּ֣י אֱלֹהִ֑ים וַיָּבֹ֕א לְהִלָּחֵ֖ם בְּבִקְעַ֥ת מְגִדּֽוֹ׃

‎23 ‏וַיֹּרוּ֙ הַיֹּרִ֔ים לַמֶּ֖לֶךְ יֹאשִׁיָּ֑הוּ וַיֹּ֨אמֶר הַמֶּ֤לֶךְ לַעֲבָדָיו֙ הַעֲבִיר֔וּנִי כִּ֥י הָחֳלֵ֖יתִי מְאֹֽד׃

‎24 ‏וַיַּֽעֲבִירֻ֨הוּ עֲבָדָ֜יו מִן־הַמֶּרְכָּבָ֗ה וַֽיַּרְכִּיבֻהוּ֮ עַ֣ל רֶ֣כֶב הַמִּשְׁנֶה֮ אֲשֶׁר־לוֹ֒ וַיּוֹלִיכֻ֙הוּ֙ יְר֣וּשָׁלִַ֔ם וַיָּ֕מָת וַיִּקָּבֵ֖ר בְּקִבְר֣וֹת אֲבֹתָ֑יו וְכָל־יְהוּדָה֙ וִיר֣וּשָׁלִַ֔ם מִֽתְאַבְּלִ֖ים עַל־יֹאשִׁיָּֽהוּ׃ פ

‎25 ‏וַיְקוֹנֵ֣ן יִרְמְיָהוּ֮ עַל־יֹאשִׁיָּהוּ֒ וַיֹּאמְר֣וּ כָֽל־הַשָּׁרִ֣ים׀ וְ֠הַשָּׁרוֹת בְּקִינ֨וֹתֵיהֶ֤ם עַל־יֹאשִׁיָּ֙הוּ֙ עַד־הַיּ֔וֹם וַיִּתְּנ֥וּם לְחֹ֖ק עַל־יִשְׂרָאֵ֑ל וְהִנָּ֥ם כְּתוּבִ֖ים עַל־הַקִּינֽוֹת׃

‎26 ‏וְיֶ֛תֶר דִּבְרֵ֥י יֹאשִׁיָּ֖הוּ וַחֲסָדָ֑יו כַּכָּת֖וּב בְּתוֹרַ֥ת יְהוָֽה׃

‎27 ‏וּדְבָרָ֕יו הָרִאשֹׁנִ֖ים וְהָאַחֲרֹנִ֑ים הִנָּ֣ם כְּתוּבִ֔ים עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃

1 wayy^a‘aś yō’šîyâû ḇîrûšālaim pes^aḥ layhwâ wayyišəḥăṭû hapes^aḥ bə’arəbā‘â ‘āśār l^aḥōḏeš hāri’šwōn:

2 wayy^a‘ămēḏ hakōhănîm ‘al-mišəmərwōṯām wayəḥazzəqēm l^a‘ăḇwōḏaṯ bêṯ yəhwâ:

3 wayyō’mer laləwîyim hamməḇûnîm hamməḇînîm ləḵāl-yiśərā’ēl haqqəḏwōšîm layhwâ tənû ’eṯ-’ărwōn-haqqōḏeš babayiṯ ’ăšer bānâ šəlōmōh ḇen-dāwîḏ meleḵə yiśərā’ēl ’ên-lāḵem maśśā’ bakāṯēf ‘atâ ‘iḇəḏû ’eṯ-yəhwâ ’ĕlōhêḵem wə’ēṯ ‘ammwō yiśərā’ēl:

4 wəhikwōnû wəhāḵînû⁹ ləḇêṯ-’ăḇwōṯêḵem kəm^aḥələqwōṯêḵem biḵəṯāḇ dāwîḏ meleḵə yiśərā’ēl ûḇəmiḵətaḇ šəlōmōh ḇənwō:

5 wə‘iməḏû ḇaqqōḏeš lifəlugwōṯ bêṯ hā’āḇwōṯ la’ăḥêḵem bənê hā‘ām w^aḥăluqqaṯ bêṯ-’āḇ laləwîyim:

6 wəš^aḥăṭû hapās^aḥ wəhiṯəqadəšû wəhāḵînû la’ăḥêḵem l^a‘ăśwōṯ kiḏəḇar-yəhwâ bəyaḏ-mōšeh: f

7 wayyārem yō’šîyâû liḇənê hā‘ām ṣō’n kəḇāśîm ûḇənê-‘izzîm hakōl lapəsāḥîm ləḵāl-hanniməṣā’ ləmisəpar šəlōšîm ’elef ûḇāqār šəlōšeṯ ’ălāfîm ’ēlleh mērəḵûš hammeleḵə: s

8 wəśārāyw linəḏāḇâ lā‘ām lakōhănîm wəlaləwîyim hērîmû ḥiləqîyâ ûzəḵarəyâû wîḥî’ēl nəḡîḏê bêṯ hā’ĕlōhîm lakōhănîm nāṯənû lapəsāḥîm ’aləpayim wəšēš mē’wōṯ ûḇāqār šəlōš mē’wōṯ:

9 wəḵwōnanəyâû wəḵānanəyâû ûšəm^a‘əyâû ûnəṯanə’ēl ’eḥāyw w^aḥăšaḇəyâû wî‘î’ēl wəywōzāḇāḏ śārê haləwîyim hērîmû laləwîyim lapəsāḥîm ḥămēšeṯ ’ălāfîm ûḇāqār ḥămēš mē’wōṯ:

10 watikwōn hā‘ăḇwōḏâ wayy^a‘aməḏû hakōhănîm ‘al-‘āməḏām wəhaləwîyim ‘al-m^aḥələqwōṯām kəmiṣəwaṯ hammeleḵə:

11 wayyišəḥăṭû hapās^aḥ wayyizərəqû hakōhănîm mîyāḏām wəhaləwîyim mafəšîṭîm:

12 wayyāsîrû hā‘ōlâ ləṯitām ləmifəlagwōṯ ləḇêṯ-’āḇwōṯ liḇənê hā‘ām ləhaqərîḇ layhwâ kakāṯûḇ bəsēfer mōšeh wəḵēn labāqār:

13 wayəḇaššəlû hapes^aḥ bā’ēš kammišəpāṭ wəhaqqŏḏāšîm biššəlû bassîrwōṯ ûḇadəwāḏîm ûḇaṣṣēlāḥwōṯ wayyārîṣû ləḵāl-bənê hā‘ām:

14 wə’^aḥar hēḵînû lâem wəlakōhănîm kî hakōhănîm bənê ’ahărōn bəh^a‘ălwōṯ hā‘wōlâ wəh^aḥălāḇîm ‘aḏ-lāyəlâ wəhaləwîyim hēḵînû lâem wəlakōhănîm bənê ’ahărōn:

15 wəhaməšōrărîm bənê-’āsāf ‘al-m^a‘ămāḏām kəmiṣəwaṯ dāwîḏ wə’āsāf wəhêmān wîḏuṯûn ḥwōzēh hammeleḵə wəhaššō‘ărîm ləš^a‘ar wāšā‘ar¹ ’ên lâem lāsûr mē‘al ‘ăḇōḏāṯām kî-’ăḥêhem haləwîyim hēḵînû lâem:

16 watikwōn kāl-‘ăḇwōḏaṯ yəhwâ bayywōm hahû’ l^a‘ăśwōṯ hapes^aḥ wəh^a‘ălwōṯ ‘ōlwōṯ ‘al mizəb^aḥ yəhwâ kəmiṣəwaṯ hammeleḵə yō’šîyâû:

17 wayy^a‘ăśû ḇənê-yiśərā’ēl hanniməṣə’îm ’eṯ-hapes^aḥ bā‘ēṯ hahî’ wə’eṯ-ḥaḡ hammaṣṣwōṯ šiḇə‘aṯ yāmîm:

18 wəlō’-n^a‘ăśâ fes^aḥ kāmōhû bəyiśərā’ēl mîmê šəmû’ēl hannāḇî’ wəḵāl-maləḵê yiśərā’ēl| lō’-‘āśû kapes^aḥ ’ăšer-‘āśâ yō’šîyâû wəhakōhănîm wəhaləwîyim wəḵāl-yəhûḏâ wəyiśərā’ēl hanniməṣā’ wəywōšəḇê yərûšālāim: s

19 bišəmwōneh ‘eśərēh šānâ ləmaləḵûṯ yō’šîyâû n^a‘ăśâ hapes^aḥ hazzeh:

20 ’^aḥărê ḵāl-zō’ṯ ’ăšer hēḵîn yō’šîyâû ’eṯ-habayiṯ ‘ālâ nəḵwō meleḵə-miṣərayim ləhillāḥēm bəḵarəkəmîš ‘al-pərāṯ wayyēṣē’ liqərā’ṯwō yō’šîyâû:

21 wayyišəl^aḥ ’ēlāyw malə’āḵîm| lē’mōr| mah-llî wālāḵə meleḵə yəhûḏâ lō’-‘āleyḵā ’atâ hayywōm kî ’el-bêṯ miləḥamətî wē’lōhîm ’āmar ləḇahălēnî ḥăḏal-ləḵā mē’ĕlōhîm ’ăšer-‘immî wə’al-yašəḥîṯeḵā:

22 wəlō’-hēsēḇ yō’šîyâû fānāyw mimmennû kî ləhillāḥēm-bwō hiṯəḥapēś wəlō’ šām^a‘ ’el-diḇərê nəḵwō mipî ’ĕlōhîm wayyāḇō’ ləhillāḥēm bəḇiqə‘aṯ məḡidwō:

23 wayyōrû hayyōrîm lammeleḵə yō’šîyâû wayyō’mer hammeleḵə l^a‘ăḇāḏāyw h^a‘ăḇîrûnî kî hāḥŏlêṯî mə’ōḏ:

24 wayy^a‘ăḇîruhû ‘ăḇāḏāyw min-hammerəkāḇâ wayyarəkîḇuhû ‘al reḵeḇ hammišəneh ’ăšer-lwō wayywōlîḵuhû yərûšālaim wayyāmāṯ wayyiqqāḇēr bəqiḇərwōṯ ’ăḇōṯāyw wəḵāl-yəhûḏâ wîrûšālaim miṯə’abəlîm ‘al-yō’šîyâû: f

25 wayəqwōnēn yirəməyâû ‘al-yō’šîyâû wayyō’mərû ḵāl-haššārîm| wəhaššārwōṯ bəqînwōṯêhem ‘al-yō’šîyâû ‘aḏ-hayywōm wayyitənûm ləḥōq ‘al-yiśərā’ēl wəhinnām kəṯûḇîm ‘al-haqqînwōṯ:

26 wəyeṯer diḇərê yō’šîyâû w^aḥăsāḏāyw kakāṯûḇ bəṯwōraṯ yəhwâ:

27 ûḏəḇārāyw hāri’šōnîm wəhā’^aḥărōnîm hinnām kəṯûḇîm ‘al-sēfer maləḵê-yiśərā’ēl wîhûḏâ: