‎1 ‏בֶּן־עֶשְׂרִ֤ים שָׁנָה֙ אָחָ֣ז בְּמָלְכ֔וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְלֹא־עָשָׂ֧ה הַיָּשָׁ֛ר בְּעֵינֵ֥י יְהוָ֖ה כְּדָוִ֥יד אָבִֽיו׃

‎2 ‏וַיֵּ֕לֶךְ בְּדַרְכֵ֖י מַלְכֵ֣י יִשְׂרָאֵ֑ל וְגַ֧ם מַסֵּכ֛וֹת עָשָׂ֖ה לַבְּעָלִֽים׃

‎3 ‏וְה֥וּא הִקְטִ֖יר בְּגֵ֣יא בֶן־הִנֹּ֑ם וַיַּבְעֵ֤ר אֶת־בָּנָיו֙ בָּאֵ֔שׁ כְּתֹֽעֲבוֹת֙ הַגּוֹיִ֔ם אֲשֶׁר֙ הֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃

‎4 ‏וַיְזַבֵּ֧חַ וַיְקַטֵּ֛ר בַּבָּמ֖וֹת וְעַל־הַגְּבָע֑וֹת וְתַ֖חַת כָּל־עֵ֥ץ רַעֲנָֽן׃

‎5 ‏וַֽיִּתְּנֵ֜הוּ יְהוָ֣ה אֱלֹהָיו֮ בְּיַ֣ד מֶ֣לֶךְ אֲרָם֒ וַיַּ֨כּוּ־ב֔וֹ וַיִּשְׁבּ֤וּ מִמֶּ֙נּוּ֙ שִׁבְיָ֣ה גְדוֹלָ֔ה וַיָּבִ֖יאוּ דַּרְמָ֑שֶׂק וְ֠גַם בְּיַד־מֶ֤לֶךְ יִשְׂרָאֵל֙ נִתָּ֔ן וַיַּךְ־בּ֖וֹ מַכָּ֥ה גְדוֹלָֽה׃ ס

‎6 ‏וַיַּהֲרֹג֩ פֶּ֨קַח בֶּן־רְמַלְיָ֜הוּ בִּֽיהוּדָ֗ה מֵאָ֨ה וְעֶשְׂרִ֥ים אֶ֛לֶף בְּי֥וֹם אֶחָ֖ד הַכֹּ֣ל בְּנֵי־חָ֑יִל בְּעָזְבָ֕ם אֶת־יְהוָ֖ה אֱלֹהֵ֥י אֲבוֹתָֽם׃

‎7 ‏וַֽיַּהֲרֹ֞ג זִכְרִ֣י׀ גִּבּ֣וֹר אֶפְרַ֗יִם אֶת־מַעֲשֵׂיָ֙הוּ֙ בֶּן־הַמֶּ֔לֶךְ וְאֶת־עַזְרִיקָ֖ם נְגִ֣יד הַבָּ֑יִת וְאֶת־אֶלְקָנָ֖ה מִשְׁנֵ֥ה הַמֶּֽלֶךְ׃ ס

‎8 ‏וַיִּשְׁבּוּ֩ בְנֵֽי־יִשְׂרָאֵ֨ל מֵֽאֲחֵיהֶ֜ם מָאתַ֣יִם אֶ֗לֶף נָשִׁים֙ בָּנִ֣ים וּבָנ֔וֹת וְגַם־שָׁלָ֥ל רָ֖ב בָּזְז֣וּ מֵהֶ֑ם וַיָּבִ֥יאוּ אֶת־הַשָּׁלָ֖ל לְשֹׁמְרֽוֹן׃ ס

‎9 ‏וְ֠שָׁם הָיָ֨ה נָבִ֥יא לַֽיהוָה֮ עֹדֵ֣ד שְׁמוֹ֒ וַיֵּצֵ֗א לִפְנֵ֤י הַצָּבָא֙ הַבָּ֣א לְשֹׁמְר֔וֹן וַיֹּ֣אמֶר לָהֶ֗ם הִ֠נֵּה בַּחֲמַ֨ת יְהוָ֧ה אֱלֹהֵֽי־אֲבוֹתֵיכֶ֛ם עַל־יְהוּדָ֖ה נְתָנָ֣ם בְּיֶדְכֶ֑ם וַתַּֽהַרְגוּ־בָ֣ם בְזַ֔עַף עַ֥ד לַשָּׁמַ֖יִם הִגִּֽיעַ׃

‎10 ‏וְ֠עַתָּה בְּנֵֽי־יְהוּדָ֤ה וִֽירוּשָׁלִַ֙ם֙ אַתֶּ֣ם אֹמְרִ֔ים לִכְבֹּ֛שׁ לַעֲבָדִ֥ים וְלִשְׁפָח֖וֹת לָכֶ֑ם הֲלֹ֤א רַק־אַתֶּם֙ עִמָּכֶ֣ם אֲשָׁמ֔וֹת לַיהוָ֖ה אֱלֹהֵיכֶֽם׃

‎11 ‏וְעַתָּ֣ה שְׁמָע֔וּנִי וְהָשִׁ֙יבוּ֙ הַשִּׁבְיָ֔ה אֲשֶׁ֥ר שְׁבִיתֶ֖ם מֵאֲחֵיכֶ֑ם כִּ֛י חֲר֥וֹן אַף־יְהוָ֖ה עֲלֵיכֶֽם׃ ס

‎12 ‏וַיָּקֻ֨מוּ אֲנָשִׁ֜ים מֵרָאשֵׁ֣י בְנֵֽי־אֶפְרַ֗יִם עֲזַרְיָ֤הוּ בֶן־יְהֽוֹחָנָן֙ בֶּרֶכְיָ֣הוּ בֶן־מְשִׁלֵּמ֔וֹת וִֽיחִזְקִיָּ֙הוּ֙ בֶּן־שַׁלֻּ֔ם וַעֲמָשָׂ֖א בֶּן־חַדְלָ֑י עַל־הַבָּאִ֖ים מִן־הַצָּבָֽא׃

‎13 ‏וַיֹּאמְר֣וּ לָהֶ֗ם לֹא־תָבִ֤יאוּ אֶת־הַשִּׁבְיָה֙ הֵ֔נָּה כִּי֩ לְאַשְׁמַ֨ת יְהוָ֤ה עָלֵ֙ינוּ֙ אַתֶּ֣ם אֹמְרִ֔ים לְהֹסִ֥יף עַל־חַטֹּאתֵ֖ינוּ וְעַל־אַשְׁמָתֵ֑ינוּ כִּֽי־רַבָּ֤ה אַשְׁמָה֙ לָ֔נוּ וַחֲר֥וֹן אָ֖ף עַל־יִשְׂרָאֵֽל׃ ס

‎14 ‏וַיַּעֲזֹ֣ב הֶֽחָל֗וּץ אֶת־הַשִּׁבְיָה֙ וְאֶת־הַבִּזָּ֔ה לִפְנֵ֥י הַשָּׂרִ֖ים וְכָל־הַקָּהָֽל׃

‎15 ‏וַיָּקֻ֣מוּ הָאֲנָשִׁים֩ אֲשֶׁר־נִקְּב֨וּ בְשֵׁמ֜וֹת וַיַּחֲזִ֣יקוּ בַשִּׁבְיָ֗ה וְכָֽל־מַעֲרֻמֵּיהֶם֮ הִלְבִּ֣ישׁוּ מִן־הַשָּׁלָל֒ וַיַּלְבִּשׁ֣וּם וַ֠יַּנְעִלוּם וַיַּאֲכִל֨וּם וַיַּשְׁק֜וּם וַיְסֻכ֗וּם וַיְנַהֲל֤וּם בַּחֲמֹרִים֙ לְכָל־כּוֹשֵׁ֔ל וַיְבִיא֛וּם יְרֵח֥וֹ עִיר־הַתְּמָרִ֖ים אֵ֣צֶל אֲחֵיהֶ֑ם וַיָּשׁ֖וּבוּ שֹׁמְרֽוֹן׃ פ

‎16 ‏בָּעֵ֣ת הַהִ֗יא שָׁלַ֞ח הַמֶּ֧לֶךְ אָחָ֛ז עַל־מַלְכֵ֥י אַשּׁ֖וּר לַעְזֹ֥ר לֽוֹ׃

‎17 ‏וְע֥וֹד אֲדוֹמִ֖ים בָּ֑אוּ וַיַּכּ֥וּ בִיהוּדָ֖ה וַיִּשְׁבּוּ־שֶֽׁבִי׃

‎18 ‏וּפְלִשְׁתִּ֣ים פָּשְׁט֗וּ בְּעָרֵ֨י הַשְּׁפֵלָ֣ה וְהַנֶּגֶב֮ לִֽיהוּדָה֒ וַֽ֠יִּלְכְּדוּ אֶת־בֵּֽית־שֶׁ֨מֶשׁ וְאֶת־אַיָּל֜וֹן וְאֶת־הַגְּדֵר֗וֹת וְאֶת־שׂוֹכ֤וֹ וּבְנוֹתֶ֙יהָ֙ וְאֶת־תִּמְנָ֣ה וּבְנוֹתֶ֔יהָ וְאֶת־גִּמְז֖וֹ וְאֶת־בְּנֹתֶ֑יהָ וַיֵּשְׁב֖וּ שָֽׁם׃

‎19 ‏כִּֽי־הִכְנִ֤יעַ יְהוָה֙ אֶת־יְהוּדָ֔ה בַּעֲב֖וּר אָחָ֣ז מֶֽלֶךְ־יִשְׂרָאֵ֑ל כִּ֤י הִפְרִ֙יעַ֙ בִּֽיהוּדָ֔ה וּמָע֥וֹל מַ֖עַל בַּיהוָֽה׃

‎20 ‏וַיָּבֹ֣א עָלָ֔יו תִּלְּגַ֥ת פִּלְנְאֶ֖סֶר מֶ֣לֶךְ אַשּׁ֑וּר וַיָּ֥צַר ל֖וֹ וְלֹ֥א חֲזָקֽוֹ׃

‎21 ‏כִּֽי־חָלַ֤ק אָחָז֙ אֶת־בֵּ֣ית יְהוָ֔ה וְאֶת־בֵּ֥ית הַמֶּ֖לֶךְ וְהַשָּׂרִ֑ים וַיִּתֵּן֙ לְמֶ֣לֶךְ אַשּׁ֔וּר וְלֹ֥א לְעֶזְרָ֖ה לֽוֹ׃

‎22 ‏וּבְעֵת֙ הָצֵ֣ר ל֔וֹ וַיּ֖וֹסֶף לִמְע֣וֹל בַּיהוָ֑ה ה֖וּא הַמֶּ֥לֶךְ אָחָֽז׃

‎23 ‏וַיִּזְבַּ֗ח לֵֽאלֹהֵ֣י דַרְמֶשֶׂק֮ הַמַּכִּ֣ים בּוֹ֒ וַיֹּ֗אמֶר כִּ֠י אֱלֹהֵ֤י מַלְכֵֽי־אֲרָם֙ הֵ֚ם מַעְזְרִ֣ים אוֹתָ֔ם לָהֶ֥ם אֲזַבֵּ֖חַ וְיַעְזְר֑וּנִי וְהֵ֛ם הָֽיוּ־ל֥וֹ לְהַכְשִׁיל֖וֹ וּלְכָל־יִשְׂרָאֵֽל׃

‎24 ‏וַיֶּאֱסֹ֨ף אָחָ֜ז אֶת־כְּלֵ֣י בֵית־הָֽאֱלֹהִ֗ים וַיְקַצֵּץ֙ אֶת־כְּלֵ֣י בֵית־הָֽאֱלֹהִ֔ים וַיִּסְגֹּ֖ר אֶת־דַּלְת֣וֹת בֵּית־יְהוָ֑ה וַיַּ֨עַשׂ ל֧וֹ מִזְבְּח֛וֹת בְּכָל־פִּנָּ֖ה בִּירוּשָׁלִָֽם׃

‎25 ‏וּבְכָל־עִ֨יר וָעִ֤יר לִֽיהוּדָה֙ עָשָׂ֣ה בָמ֔וֹת לְקַטֵּ֖ר לֵֽאלֹהִ֣ים אֲחֵרִ֑ים וַיַּכְעֵ֕ס אֶת־יְהוָ֖ה אֱלֹהֵ֥י אֲבֹתָֽיו׃

‎26 ‏וְיֶ֤תֶר דְּבָרָיו֙ וְכָל־דְּרָכָ֔יו הָרִאשֹׁנִ֖ים וְהָאַחֲרוֹנִ֑ים הִנָּ֣ם כְּתוּבִ֔ים עַל־סֵ֥פֶר מַלְכֵֽי־יְהוּדָ֖ה וְיִשְׂרָאֵֽל׃

‎27 ‏וַיִּשְׁכַּ֨ב אָחָ֜ז עִם־אֲבֹתָ֗יו וַֽיִּקְבְּרֻ֤הוּ בָעִיר֙ בִּיר֣וּשָׁלִַ֔ם כִּ֚י לֹ֣א הֱבִיאֻ֔הוּ לְקִבְרֵ֖י מַלְכֵ֣י יִשְׂרָאֵ֑ל וַיִּמְלֹ֛ךְ יְחִזְקִיָּ֥הֽוּ בְנ֖וֹ תַּחְתָּֽיו׃ פ

1 ben-‘eśərîm šānâ ’āḥāz bəmāləḵwō wəšēš-‘eśərēh šānâ mālaḵə bîrûšālāim wəlō’-‘āśâ hayyāšār bə‘ênê yəhwâ kəḏāwîḏ ’āḇîw:

2 wayyēleḵə bəḏarəḵê maləḵê yiśərā’ēl wəḡam massēḵwōṯ ‘āśâ labə‘ālîm:

3 wəhû’ hiqəṭîr bəḡê’ ḇen-hinnōm wayyaḇə‘ēr ’eṯ-bānāyw bā’ēš kəṯō‘ăḇwōṯ hagwōyim ’ăšer hōrîš yəhwâ mipənê bənê yiśərā’ēl:

4 wayəzabēḥa wayəqaṭṭēr babāmwōṯ wə‘al-hagəḇā‘wōṯ wəṯ^aḥaṯ kāl-‘ēṣ r^a‘ănān:

5 wayyitənēhû yəhwâ ’ĕlōhāyw bəyaḏ meleḵə ’ărām wayyakû-ḇwō wayyišəbû mimmennû šiḇəyâ ḡəḏwōlâ wayyāḇî’û darəmāśeq wəḡam bəyaḏ-meleḵə yiśərā’ēl nitān wayyaḵə-bwō makâ ḡəḏwōlâ: s

6 wayyahărōḡ peq^aḥ ben-rəmaləyâû bîhûḏâ mē’â wə‘eśərîm ’elef bəywōm ’eḥāḏ hakōl bənê-ḥāyil bə‘āzəḇām ’eṯ-yəhwâ ’ĕlōhê ’ăḇwōṯām:

7 wayyahărōḡ ziḵərî| gibwōr ’efərayim ’eṯ-m^a‘ăśêâû ben-hammeleḵə wə’eṯ-‘azərîqām nəḡîḏ habāyiṯ wə’eṯ-’eləqānâ mišənēh hammeleḵə: s

8 wayyišəbû ḇənê-yiśərā’ēl mē’ăḥêhem mā’ṯayim ’elef nāšîm bānîm ûḇānwōṯ wəḡam-šālāl rāḇ bāzəzû mēhem wayyāḇî’û ’eṯ-haššālāl ləšōmərwōn: s

9 wəšām hāyâ nāḇî’ layhwâ ‘ōḏēḏ šəmwō wayyēṣē’ lifənê haṣṣāḇā’ habā’ ləšōmərwōn wayyō’mer lâem hinnēh b^aḥămaṯ yəhwâ ’ĕlōhê-’ăḇwōṯêḵem ‘al-yəhûḏâ nəṯānām bəyeḏəḵem wataharəḡû-ḇām ḇəz^a‘af ‘aḏ laššāmayim higî‘a:

10 wə‘atâ bənê-yəhûḏâ wîrûšālaim ’atem ’ōmərîm liḵəbōš l^a‘ăḇāḏîm wəlišəfāḥwōṯ lāḵem hălō’ raq-’atem ‘immāḵem ’ăšāmwōṯ layhwâ ’ĕlōhêḵem:

11 wə‘atâ šəmā‘ûnî wəhāšîḇû haššiḇəyâ ’ăšer šəḇîṯem mē’ăḥêḵem kî ḥărwōn ’af-yəhwâ ‘ălêḵem: s

12 wayyāqumû ’ănāšîm mērā’šê ḇənê-’efərayim ‘ăzarəyâû ḇen-yəhwōḥānān bereḵəyâû ḇen-məšillēmwōṯ wîḥizəqîyâû ben-šallum w^a‘ămāśā’ ben-ḥaḏəlāy ‘al-habā’îm min-haṣṣāḇā’:

13 wayyō’mərû lâem lō’-ṯāḇî’û ’eṯ-haššiḇəyâ hēnnâ kî lə’ašəmaṯ yəhwâ ‘ālênû ’atem ’ōmərîm ləhōsîf ‘al-ḥaṭṭō’ṯênû wə‘al-’ašəmāṯênû kî-rabâ ’ašəmâ lānû w^aḥărwōn ’āf ‘al-yiśərā’ēl: s

14 wayy^a‘ăzōḇ heḥālûṣ ’eṯ-haššiḇəyâ wə’eṯ-habizzâ lifənê haśśārîm wəḵāl-haqqâāl:

15 wayyāqumû hā’ănāšîm ’ăšer-niqqəḇû ḇəšēmwōṯ wayy^aḥăzîqû ḇaššiḇəyâ wəḵāl-m^a‘ărummêhem hiləbîšû min-haššālāl wayyaləbišûm wayyanə‘ilûm wayya’ăḵilûm wayyašəqûm wayəsuḵûm wayənahălûm b^aḥămōrîm ləḵāl-kwōšēl wayəḇî’ûm yərēḥwō ‘îr-hatəmārîm ’ēṣel ’ăḥêhem wayyāšûḇû šōmərwōn: f

16 bā‘ēṯ hahî’ šāl^aḥ hammeleḵə ’āḥāz ‘al-maləḵê ’aššûr l^a‘əzōr lwō:

17 wə‘wōḏ ’ăḏwōmîm bā’û wayyakû ḇîhûḏâ wayyišəbû-šeḇî:

18 ûfəlišətîm pāšəṭû bə‘ārê haššəfēlâ wəhanneḡeḇ lîhûḏâ wayyiləkəḏû ’eṯ-bêṯ-šemeš wə’eṯ-’ayyālwōn wə’eṯ-hagəḏērwōṯ wə’eṯ-śwōḵwō ûḇənwōṯeyhā wə’eṯ-timənâ ûḇənwōṯeyhā wə’eṯ-giməzwō wə’eṯ-bənōṯeyhā wayyēšəḇû šām:

19 kî-hiḵənî‘a yəhwâ ’eṯ-yəhûḏâ b^a‘ăḇûr ’āḥāz meleḵə-yiśərā’ēl kî hifərî‘a bîhûḏâ ûmā‘wōl m^a‘al bayhwâ:

20 wayyāḇō’ ‘ālāyw tilləḡaṯ pilənə’eser meleḵə ’aššûr wayyāṣar lwō wəlō’ ḥăzāqwō:

21 kî-ḥālaq ’āḥāz ’eṯ-bêṯ yəhwâ wə’eṯ-bêṯ hammeleḵə wəhaśśārîm wayyitēn ləmeleḵə ’aššûr wəlō’ lə‘ezərâ lwō:

22 ûḇə‘ēṯ hāṣēr lwō wayywōsef limə‘wōl bayhwâ hû’ hammeleḵə ’āḥāz:

23 wayyizəb^aḥ lē’lōhê ḏarəmeśeq hammakîm bwō wayyō’mer kî ’ĕlōhê maləḵê-’ărām hēm m^a‘əzərîm ’wōṯām lâem ’ăzabēḥa wəy^a‘əzərûnî wəhēm hāyû-lwō ləhaḵəšîlwō ûləḵāl-yiśərā’ēl:

24 wayye’ĕsōf ’āḥāz ’eṯ-kəlê ḇêṯ-hā’ĕlōhîm wayəqaṣṣēṣ ’eṯ-kəlê ḇêṯ-hā’ĕlōhîm wayyisəgōr ’eṯ-daləṯwōṯ bêṯ-yəhwâ wayy^a‘aś lwō mizəbəḥwōṯ bəḵāl-pinnâ bîrûšālāim:

25 ûḇəḵāl-‘îr wā‘îr lîhûḏâ ‘āśâ ḇāmwōṯ ləqaṭṭēr lē’lōhîm ’ăḥērîm wayyaḵə‘ēs ’eṯ-yəhwâ ’ĕlōhê ’ăḇōṯāyw:

26 wəyeṯer dəḇārāyw wəḵāl-dərāḵāyw hāri’šōnîm wəhā’^aḥărwōnîm hinnām kəṯûḇîm ‘al-sēfer maləḵê-yəhûḏâ wəyiśərā’ēl:

27 wayyišəkaḇ ’āḥāz ‘im-’ăḇōṯāyw wayyiqəbəruhû ḇā‘îr bîrûšālaim kî lō’ hĕḇî’uhû ləqiḇərê maləḵê yiśərā’ēl wayyiməlōḵə yəḥizəqîyâû ḇənwō t^aḥətāyw: f