‎1 ‏שִׁמְע֞וּ אֶת־הַדָּבָ֣ר הַזֶּ֗ה אֲשֶׁ֨ר דִּבֶּ֧ר יְהוָ֛ה עֲלֵיכֶ֖ם בְּנֵ֣י יִשְׂרָאֵ֑ל עַ֚ל כָּל־הַמִּשְׁפָּחָ֔ה אֲשֶׁ֧ר הֶעֱלֵ֛יתִי מֵאֶ֥רֶץ מִצְרַ֖יִם לֵאמֹֽר׃

‎2 ‏רַ֚ק אֶתְכֶ֣ם יָדַ֔עְתִּי מִכֹּ֖ל מִשְׁפְּח֣וֹת הָאֲדָמָ֑ה עַל־כֵּן֙ אֶפְקֹ֣ד עֲלֵיכֶ֔ם אֵ֖ת כָּל־עֲוֹנֹֽתֵיכֶֽם׃

‎3 ‏הֲיֵלְכ֥וּ שְׁנַ֖יִם יַחְדָּ֑ו בִּלְתִּ֖י אִם־נוֹעָֽדוּ׃

‎4 ‏הֲיִשְׁאַ֤ג אַרְיֵה֙ בַּיַּ֔עַר וְטֶ֖רֶף אֵ֣ין ל֑וֹ הֲיִתֵּ֨ן כְּפִ֤יר קוֹלוֹ֙ מִמְּעֹ֣נָת֔וֹ בִּלְתִּ֖י אִם־לָכָֽד׃

‎5 ‏הֲתִפֹּ֤ל צִפּוֹר֙ עַל־פַּ֣ח הָאָ֔רֶץ וּמוֹקֵ֖שׁ אֵ֣ין לָ֑הּ הֲיַֽעֲלֶה־פַּח֙ מִן־הָ֣אֲדָמָ֔ה וְלָכ֖וֹד לֹ֥א יִלְכּֽוֹד׃

‎6 ‏אִם־יִתָּקַ֤ע שׁוֹפָר֙ בְּעִ֔יר וְעָ֖ם לֹ֣א יֶחֱרָ֑דוּ אִם־תִּהְיֶ֤ה רָעָה֙ בְּעִ֔יר וַיהוָ֖ה לֹ֥א עָשָֽׂה׃

‎7 ‏כִּ֣י לֹ֧א יַעֲשֶׂ֛ה אֲדֹנָ֥י יְהוִ֖ה דָּבָ֑ר כִּ֚י אִם־גָּלָ֣ה סוֹד֔וֹ אֶל־עֲבָדָ֖יו הַנְּבִיאִֽים׃

‎8 ‏אַרְיֵ֥ה שָׁאָ֖ג מִ֣י לֹ֣א יִירָ֑א אֲדֹנָ֤י יְהוִה֙ דִּבֶּ֔ר מִ֖י לֹ֥א יִנָּבֵֽא׃

‎9 ‏הַשְׁמִ֙יעוּ֙ עַל־אַרְמְנ֣וֹת בְּאַשְׁדּ֔וֹד וְעַֽל־אַרְמְנ֖וֹת בְּאֶ֣רֶץ מִצְרָ֑יִם וְאִמְר֗וּ הֵאָֽסְפוּ֙ עַל־הָרֵ֣י שֹׁמְר֔וֹן וּרְא֞וּ מְהוּמֹ֤ת רַבּוֹת֙ בְּתוֹכָ֔הּ וַעֲשׁוּקִ֖ים בְּקִרְבָּֽהּ׃

‎10 ‏וְלֹֽא־יָדְע֥וּ עֲשׂוֹת־נְכֹחָ֖ה נְאֻם־יְהוָ֑ה הָאֽוֹצְרִ֛ים חָמָ֥ס וָשֹׁ֖ד בְּאַרְמְנֽוֹתֵיהֶֽם׃ פ

‎11 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה צַ֖ר וּסְבִ֣יב הָאָ֑רֶץ וְהוֹרִ֤ד מִמֵּךְ֙ עֻזֵּ֔ךְ וְנָבֹ֖זּוּ אַרְמְנוֹתָֽיִךְ׃

‎12 ‏כֹּה֮ אָמַ֣ר יְהוָה֒ כַּאֲשֶׁר֩ יַצִּ֨יל הָרֹעֶ֜ה מִפִּ֧י הָאֲרִ֛י שְׁתֵּ֥י כְרָעַ֖יִם א֣וֹ בְדַל־אֹ֑זֶן כֵּ֣ן יִנָּצְל֞וּ בְּנֵ֣י יִשְׂרָאֵ֗ל הַיֹּֽשְׁבִים֙ בְּשֹׁ֣מְר֔וֹן בִּפְאַ֥ת מִטָּ֖ה וּבִדְמֶ֥שֶׁק עָֽרֶשׂ׃

‎13 ‏שִׁמְע֥וּ וְהָעִ֖ידוּ בְּבֵ֣ית יַֽעֲקֹ֑ב נְאֻם־אֲדֹנָ֥י יְהוִ֖ה אֱלֹהֵ֥י הַצְּבָאֽוֹת׃

‎14 ‏כִּ֗י בְּי֛וֹם פָּקְדִ֥י פִשְׁעֵֽי־יִשְׂרָאֵ֖ל עָלָ֑יו וּפָֽקַדְתִּי֙ עַל־מִזְבְּח֣וֹת בֵּֽית־אֵ֔ל וְנִגְדְּעוּ֙ קַרְנ֣וֹת הַמִּזְבֵּ֔חַ וְנָפְל֖וּ לָאָֽרֶץ׃

‎15 ‏וְהִכֵּיתִ֥י בֵית־הַחֹ֖רֶף עַל־בֵּ֣ית הַקָּ֑יִץ וְאָבְד֞וּ בָּתֵּ֣י הַשֵּׁ֗ן וְסָפ֛וּ בָּתִּ֥ים רַבִּ֖ים נְאֻם־יְהוָֽה׃ ס

1 šimə‘û ’eṯ-hadāḇār hazzeh ’ăšer diber yəhwâ ‘ălêḵem bənê yiśərā’ēl ‘al kāl-hammišəpāḥâ ’ăšer he‘ĕlêṯî mē’ereṣ miṣərayim lē’mōr:

2 raq ’eṯəḵem yāḏ^a‘ətî mikōl mišəpəḥwōṯ hā’ăḏāmâ ‘al-kēn ’efəqōḏ ‘ălêḵem ’ēṯ kāl-‘ăwōnōṯêḵem:

3 hăyēləḵû šənayim y^aḥədāw bilətî ’im-nwō‘āḏû:

4 hăyišə’aḡ ’arəyēh bayy^a‘ar wəṭeref ’ên lwō hăyitēn kəfîr qwōlwō mimmə‘ōnāṯwō bilətî ’im-lāḵāḏ:

5 hăṯipōl ṣipwōr ‘al-p^aḥ hā’āreṣ ûmwōqēš ’ên lāh hăy^a‘ăleh-p^aḥ min-hā’ăḏāmâ wəlāḵwōḏ lō’ yiləkwōḏ:

6 ’im-yitāq^a‘ šwōfār bə‘îr wə‘ām lō’ yeḥĕrāḏû ’im-tihəyeh rā‘â bə‘îr wayhwâ lō’ ‘āśâ:

7 kî lō’ y^a‘ăśeh ’ăḏōnāy yəhwih dāḇār kî ’im-gālâ swōḏwō ’el-‘ăḇāḏāyw hannəḇî’îm:

8 ’arəyēh šā’āḡ mî lō’ yîrā’ ’ăḏōnāy yəhwih diber mî lō’ yinnāḇē’:

9 hašəmî‘û ‘al-’arəmənwōṯ bə’ašədwōḏ wə‘al-’arəmənwōṯ bə’ereṣ miṣərāyim wə’imərû hē’āsəfû ‘al-hārê šōmərwōn ûrə’û məhûmōṯ rabwōṯ bəṯwōḵāh w^a‘ăšûqîm bəqirəbāh:

10 wəlō’-yāḏə‘û ‘ăśwōṯ-nəḵōḥâ nə’um-yəhwâ hā’wōṣərîm ḥāmās wāšōḏ bə’arəmənwōṯêhem: f

11 lāḵēn kōh ’āmar ’ăḏōnāy yəhwih ṣar ûsəḇîḇ hā’āreṣ wəhwōriḏ mimmēḵə ‘uzzēḵə wənāḇōzzû ’arəmənwōṯāyiḵə:

12 kōh ’āmar yəhwâ ka’ăšer yaṣṣîl hārō‘eh mipî hā’ărî šətê ḵərā‘ayim ’wō ḇəḏal-’ōzen kēn yinnāṣəlû bənê yiśərā’ēl hayyōšəḇîm bəšōmərwōn bifə’aṯ miṭṭâ ûḇiḏəmešeq ‘āreś:

13 šimə‘û wəhā‘îḏû bəḇêṯ y^a‘ăqōḇ nə’um-’ăḏōnāy yəhwih ’ĕlōhê haṣṣəḇā’wōṯ:

14 kî bəywōm pāqəḏî fišə‘ê-yiśərā’ēl ‘ālāyw ûfāqaḏətî ‘al-mizəbəḥwōṯ bêṯ-’ēl wəniḡədə‘û qarənwōṯ hammizəbēḥa wənāfəlû lā’āreṣ:

15 wəhikêṯî ḇêṯ-h^aḥōref ‘al-bêṯ haqqāyiṣ wə’āḇəḏû bātê haššēn wəsāfû bātîm rabîm nə’um-yəhwâ: s