‎1 ‏דִּבְרֵ֣י עָמ֔וֹס אֲשֶׁר־הָיָ֥ה בַנֹּקְדִ֖ים מִתְּק֑וֹעַ אֲשֶׁר֩ חָזָ֨ה עַל־יִשְׂרָאֵ֜ל בִּימֵ֣י׀ עֻזִּיָּ֣ה מֶֽלֶךְ־יְהוּדָ֗ה וּבִימֵ֞י יָרָבְעָ֤ם בֶּן־יוֹאָשׁ֙ מֶ֣לֶךְ יִשְׂרָאֵ֔ל שְׁנָתַ֖יִם לִפְנֵ֥י הָרָֽעַשׁ׃

‎2 ‏וַיֹּאמַ֓ר׀ יְהוָה֙ מִצִּיּ֣וֹן יִשְׁאָ֔ג וּמִירוּשָׁלִַ֖ם יִתֵּ֣ן קוֹל֑וֹ וְאָֽבְלוּ֙ נְא֣וֹת הָרֹעִ֔ים וְיָבֵ֖שׁ רֹ֥אשׁ הַכַּרְמֶֽל׃ פ

‎3 ‏כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י דַמֶּ֔שֶׂק וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־דּוּשָׁ֛ם בַּחֲרֻצ֥וֹת הַבַּרְזֶ֖ל אֶת־הַגִּלְעָֽד׃

‎4 ‏וְשִׁלַּ֥חְתִּי אֵ֖שׁ בְּבֵ֣ית חֲזָאֵ֑ל וְאָכְלָ֖ה אַרְמְנ֥וֹת בֶּן־הֲדָֽד׃

‎5 ‏וְשָֽׁבַרְתִּי֙ בְּרִ֣יחַ דַּמֶּ֔שֶׂק וְהִכְרַתִּ֤י יוֹשֵׁב֙ מִבִּקְעַת־אָ֔וֶן וְתוֹמֵ֥ךְ שֵׁ֖בֶט מִבֵּ֣ית עֶ֑דֶן וְגָל֧וּ עַם־אֲרָ֛ם קִ֖ירָה אָמַ֥ר יְהוָֽה׃ פ

‎6 ‏כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י עַזָּ֔ה וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־הַגְלוֹתָ֛ם גָּל֥וּת שְׁלֵמָ֖ה לְהַסְגִּ֥יר לֶאֱדֽוֹם׃

‎7 ‏וְשִׁלַּ֥חְתִּי אֵ֖שׁ בְּחוֹמַ֣ת עַזָּ֑ה וְאָכְלָ֖ה אַרְמְנֹתֶֽיהָ׃

‎8 ‏וְהִכְרַתִּ֤י יוֹשֵׁב֙ מֵֽאַשְׁדּ֔וֹד וְתוֹמֵ֥ךְ שֵׁ֖בֶט מֵֽאַשְׁקְל֑וֹן וַהֲשִׁיב֨וֹתִי יָדִ֜י עַל־עֶקְר֗וֹן וְאָֽבְדוּ֙ שְׁאֵרִ֣ית פְּלִשְׁתִּ֔ים אָמַ֖ר אֲדֹנָ֥י יְהוִֽה׃ פ

‎9 ‏כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵי־צֹ֔ר וְעַל־אַרְבָּעָ֖ה לֹ֣א אֲשִׁיבֶ֑נּוּ עַֽל־הַסְגִּירָ֞ם גָּל֤וּת שְׁלֵמָה֙ לֶאֱד֔וֹם וְלֹ֥א זָכְר֖וּ בְּרִ֥ית אַחִֽים׃

‎10 ‏וְשִׁלַּ֥חְתִּי אֵ֖שׁ בְּח֣וֹמַת צֹ֑ר וְאָכְלָ֖ה אַרְמְנֹתֶֽיהָ׃ פ

‎11 ‏כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י אֱד֔וֹם וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־רָדְפ֨וֹ בַחֶ֤רֶב אָחִיו֙ וְשִׁחֵ֣ת רַחֲמָ֔יו וַיִּטְרֹ֤ף לָעַד֙ אַפּ֔וֹ וְעֶבְרָת֖וֹ שְׁמָ֥רָה נֶֽצַח׃

‎12 ‏וְשִׁלַּ֥חְתִּי אֵ֖שׁ בְּתֵימָ֑ן וְאָכְלָ֖ה אַרְמְנ֥וֹת בָּצְרָֽה׃ פ

‎13 ‏כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י בְנֵֽי־עַמּ֔וֹן וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־בִּקְעָם֙ הָר֣וֹת הַגִּלְעָ֔ד לְמַ֖עַן הַרְחִ֥יב אֶת־גְּבוּלָֽם׃

‎14 ‏וְהִצַּ֤תִּי אֵשׁ֙ בְּחוֹמַ֣ת רַבָּ֔ה וְאָכְלָ֖ה אַרְמְנוֹתֶ֑יהָ בִּתְרוּעָה֙ בְּי֣וֹם מִלְחָמָ֔ה בְּסַ֖עַר בְּי֥וֹם סוּפָֽה׃

‎15 ‏וְהָלַ֥ךְ מַלְכָּ֖ם בַּגּוֹלָ֑ה ה֧וּא וְשָׂרָ֛יו יַחְדָּ֖ו אָמַ֥ר יְהוָֽה׃ פ

1 diḇərê ‘āmwōs ’ăšer-hāyâ ḇannōqəḏîm mitəqwō‘a ’ăšer ḥāzâ ‘al-yiśərā’ēl bîmê| ‘uzzîyâ meleḵə-yəhûḏâ ûḇîmê yārāḇə‘ām ben-ywō’āš meleḵə yiśərā’ēl šənāṯayim lifənê hārā‘aš:

2 wayyō’mar| yəhwâ miṣṣîywōn yišə’āḡ ûmîrûšālaim yitēn qwōlwō wə’āḇəlû nə’wōṯ hārō‘îm wəyāḇēš rō’š hakarəmel: f

3 kōh ’āmar yəhwâ ‘al-šəlōšâ pišə‘ê ḏammeśeq wə‘al-’arəbā‘â lō’ ’ăšîḇennû ‘al-dûšām b^aḥăruṣwōṯ habarəzel ’eṯ-hagilə‘āḏ:

4 wəšill^aḥətî ’ēš bəḇêṯ ḥăzā’ēl wə’āḵəlâ ’arəmənwōṯ ben-hăḏāḏ:

5 wəšāḇarətî bərîḥa dammeśeq wəhiḵəratî ywōšēḇ mibiqə‘aṯ-’āwen wəṯwōmēḵə šēḇeṭ mibêṯ ‘eḏen wəḡālû ‘am-’ărām qîrâ ’āmar yəhwâ: f

6 kōh ’āmar yəhwâ ‘al-šəlōšâ pišə‘ê ‘azzâ wə‘al-’arəbā‘â lō’ ’ăšîḇennû ‘al-haḡəlwōṯām gālûṯ šəlēmâ ləhasəgîr le’ĕḏwōm:

7 wəšill^aḥətî ’ēš bəḥwōmaṯ ‘azzâ wə’āḵəlâ ’arəmənōṯeyhā:

8 wəhiḵəratî ywōšēḇ mē’ašədwōḏ wəṯwōmēḵə šēḇeṭ mē’ašəqəlwōn wahăšîḇwōṯî yāḏî ‘al-‘eqərwōn wə’āḇəḏû šə’ērîṯ pəlišətîm ’āmar ’ăḏōnāy yəhwih: f

9 kōh ’āmar yəhwâ ‘al-šəlōšâ pišə‘ê-ṣōr wə‘al-’arəbā‘â lō’ ’ăšîḇennû ‘al-hasəgîrām gālûṯ šəlēmâ le’ĕḏwōm wəlō’ zāḵərû bərîṯ ’^aḥîm:

10 wəšill^aḥətî ’ēš bəḥwōmaṯ ṣōr wə’āḵəlâ ’arəmənōṯeyhā: f

11 kōh ’āmar yəhwâ ‘al-šəlōšâ pišə‘ê ’ĕḏwōm wə‘al-’arəbā‘â lō’ ’ăšîḇennû ‘al-rāḏəfwō ḇ^aḥereḇ ’āḥîw wəšiḥēṯ r^aḥămāyw wayyiṭərōf lā‘aḏ ’apwō wə‘eḇərāṯwō šəmārâ neṣ^aḥ:

12 wəšill^aḥətî ’ēš bəṯêmān wə’āḵəlâ ’arəmənwōṯ bāṣərâ: f

13 kōh ’āmar yəhwâ ‘al-šəlōšâ pišə‘ê ḇənê-‘ammwōn wə‘al-’arəbā‘â lō’ ’ăšîḇennû ‘al-biqə‘ām hārwōṯ hagilə‘āḏ ləm^a‘an harəḥîḇ ’eṯ-gəḇûlām:

14 wəhiṣṣatî ’ēš bəḥwōmaṯ rabâ wə’āḵəlâ ’arəmənwōṯeyhā biṯərû‘â bəywōm miləḥāmâ bəs^a‘ar bəywōm sûfâ:

15 wəhālaḵə maləkām bagwōlâ hû’ wəśārāyw y^aḥədāw ’āmar yəhwâ: f